تذكرنى بحرب رمضان

[راجل عجوز وشقى]

من جب المدافع بكتب لك ياحبيبتى جوابات
وبكره ياحبيبتى أرجع ونعيد الذكريات
ونروح برج الجزيرة ونزور الأهرامات
....................................
أنا حالف إنى ما أرجع
وألا عن حلفانى أرجع
غير لما أرضى ترجع
وأحقق معجزات
................................
أمانة ياحبيبتى
تقولى لأمى وأختى
يعرفوا كل عيلتى
ويقيدوا تلات شمعات
.................................
شمعة لفرحة قلبى
وشمعة لنصرة بلدى
وشمعة لكل جندى
حقق أنتصارات



بتاريخ 1/11/1973
لم نحقق نصر منذ ثلاثون عاما

[شكولاته]

شمعة لفرحة قلبى
وشمعة لنصرة بلدى
وشمعة لكل جندى
حقق أنتصارات

الله ياعمو كلام جميل واكيد الاحساس اللي وراه اجمل وفي وقته كمان
الحمد لله ان ربنا نصرنا وربنا ما يعودها ايام
وينصر المسلمين في كل مكان

تحياتي

[راجل عجوز وشقى]

شيمو فينك يابابا
ازيك شيماء وأزى حالك عاملة أيه .. قولى لى ياشيماء . أنت بتدرسى وألا خلصتى دراسة؟؟
المهم أنت نورتينى بردك الغالى
على فكرة أنا أول ما لقيتك قلت بس لازم ترد على عمها العجوز
أشكرك شيماء

[شكولاته]

الحمد لله ياعمو
انا تمام وحضرتك عامل اية ياعجوز؟؟؟

انا لسة بدرس في كلية تجارة ادعي لي ياعمو

العفو ياعمو كتباتك كلها جميله بس علي فكرة احنا مستنين كان زمان في المجتمع والناس

[Half-Magic]

كلامك جميل قوى و معبر عن هذه الفترة من تاريخنا ... الف شكر على هذه الكلمات الجميلة (g) (g)

[Yawer]

جميلة جدا (g)

وشكرا لاستعادة الزمن الجميل

[النسر الذهبى]

(g) (g) (g) (g) ابدعت يا عمو بجد
نورت القسم هنا وعاوزينك معانا على طول

تحياتى للجميع
النسر الذهبى