كيف تكون رومانسيا ؟؟؟(للرجال فقط)

[Half-Magic]

كيف تكون رومانسياً ؟؟
السيد جريجوري جوديك مؤلف كتاب "ألف طريقة و طريقة سهلة للرومانسية" و جمعية الزهور
يقدمان النصائح التالية للرجال ليصبحوا أكثر رومانسية. "الحياة أقصر من أن لا تكون رومانسية"
يقول جريجوري و يضيف " لتكون رومانسيا لا يعني أن تكون خارقا أو بالغ التعقيد
بل القليل من التشجيع و المساعدة ستصنع منك كازانوفا " كيف تكون رومانسيا

قيما يلي يقدم جريجوري العشر نصائح الأكثر انتشارا و الأسهل أيضا:

1- أرسل لزوجتك الزهور بدون مناسبة
واختر النوع المفضل لديها وكذلك اللون المفضل
. إذا لم تعرف ماذا تختار اسأل بائع الزهور عن أنواع الزهور المميزة .

2- أكتب لزوجتك شيكا بمليون "قبلة" واطلب منها أن تصرفه.

3- من باب التغيير تناول الإفطار على ضوء الشموع أو العشاء في غرفة النوم

4- املأ دولاب ملابسها بالبالونات الحمراء و فاجئها

5- اكتب لها رسالة حب منك و لا داعي لأن تكون الرسالة بليغة لغويا
أو أن تكون شاعرا المهم أنها تعبر عنك و عن مشاعرك

6- حدد يوما في الشهر تقضيانه معا و يفضل أن تذهبا معا في نزهة أو لرحلة قصيرة.

7- اتصل بها خلال النهار و أخبرها أنك اشتقت إليها و كم تحبها.

8- فاجئها مرة و بدون مناسبة بدعوتها إلى مطعمها المفضل.

9- اشتر لها هدية بسيطة و لا داعي أن تكون مكلفة
فيمكنك شراء سلة صغيرة و بعض الجوري لنثر أوراقه على الهدية
و يمكن أن تكون الهدية عبارة عن مواد تجميل.

و مش حنخسر حاجة لو نجرب ؟؟؟

ايه رأيكم ؟ منقووول للأفادة (g) (g)

[شكولاته]

هي صحيح للرجال فقط بس انا دخلت علشان اشكرك واحفظها اصلي بجمع نصايح
اقدمها لزوج المستقبل علشان يعرف ازاي يتعامل
وكمان في شويه حاجات ممكن حوا تستفيد منها

- املأ دولاب ملابسها بالبالونات الحمراء و فاجئها

بس عاوزة اعرف اية ميزة البلونات دي ما يملا الدولاب فساتين واكسسوار وحاجات ذي دي مش حوا بتحب الحاجات دي بردو احسن من البلالين

ياسلام لو الرجال يجربوا مع زوجتهم مكنش حد غلب

نورت المجتمع والناس ونقله مقبوله
تحياتي

[Half-Magic]

الف شكر شيماء على التواجد و على المشاركة الجميلة ... أنت تأمرى (ok) (ok)

بالنسبه للبلونات الحمراء .. أعتقد انه على اساس ان اللون الأحمر له مفعول جميل جدا فى مواضيع الحب و خير مثال على ذلك انه فى يوم الفلنتين داى بتلاقى كل الناس ماسكة ورد احمر ...

و ممكن علشان البلونات رخيصة و اى حد ممكن يشتريه و كمان أكيد الزوجة سوف تفاجأ فى حالة وجود بالونات أما فى حالة وجود فساتين فالوضع مختلف خاصة بالنسبه للزوج لأنه هو الذى سوف يفاجأ بالثمن ::: :::

[شكولاته]

بصراحة انا مبحبش اللون الاحمر غير في الورد
وبعدين يامحمد هو الزوج دة عاوز حب ورومانسية ببلاش مش لازم يدفع برضوا

[Na7ola]

معلش هي للرجال فقط بس تعمل اية في فضول النساء

هاي هاف ماجيك
ممكن اسئلك ليه هف مش سحر كامل؟

اسمحلي انصح الرجال بلاش التجارب الي ممكن تجيب نتيجة عكسية
فالنتيجة اضمنلك حاجة من اتنين يانا مراتك يجيلها الضغط
او تثور ومش عارفة الثورة دي يكون شكلها ايه (kick)

ونناقش مع بعض نقطة نقطة ونتخيل ممكن يحصل اية

1- أرسل لزوجتك الزهور بدون مناسبة واختر النوع المفضل لديها وكذلك اللون المفضل
اوكي حلوة دي
تقول بتهكم (مرسي يا حبيبي بس مش كنت توفر فلوسك للسجاير بتاعتك احسن)
:eng:

2- أكتب لزوجتك شيكا بمليون "قبلة" واطلب منها أن تصرفه
( اصرفة من عند الجزار ولا بتاع العيش) ( يا ستي ومين قالك اني عندي دفتر شيكات مانتي مخلصة علي الرصيد كلة) (kick)


3- من باب التغيير تناول الإفطار على ضوء الشموع أو العشاء في غرفة النوم

(لأ معلش النهاردا تعبانة و لسة حنحط عشا نقضيها سندويتشات سريع )
( تعبانة ها ها وانت بتعملي اية امال انا اقول ايه انا عندي شغل الصبح بدري
بلاش عشا اصلا نوفر ها تصبحي علي خير) (slp)



4- املأ دولاب ملابسها بالبالونات الحمراء و فاجئها
( يعني لما اجي انزل البس بالونة يعن ولا ايه) :a1:

5- أكتب لها رسالة حب منك و لا داعي لأن تكون الرسالة بليغة لغويا
أو أن تكون شاعرا المهم أنها تعبر عنك و عن مشاعرك
اوكي دي حلوة مع ان مش ممكن راجل يعملها ( انا فاضي ستات بالها رايق) قال الرجل


6- حدد يوما في الشهر تقضيانه معا و يفضل أن تذهبا معا في نزهة أو لرحلة قصيرة.
(طب قول بس يوم في الشهر من غير خناق )
قالها الأثنين معا
7 - اتصل بها خلال النهار و أخبرها أنك اشتقت إليها و كم تحبها
هاي حبيبي باي احسن الأكل حيتحرق) دا لو لقيت التليفون مش مشغول ( طبعا حتكون بتكلم حماتي) .)

8 - فاجئها مرة و بدون مناسبة بدعوتها إلى مطعمها المفضل
ابو ربيع ؟ جاد ؟ محمد أحمد؟ اختاري يا حببتي

9- أشتر لها هدية بسيطة و لا داعي أن تكون مكلفة فيمكنك شراء سلة صغيرة و بعض الجوري لنثر أوراقه على الهدية و يمكن أن تكون الهدية عبارة عن مواد تجميل
اهي دي حلوة بس مش لازم تلتزم بالبساطة goood/


معلش انا مش بقدر امنع نفسي عن الهزار

(KRKR) (KRKR) (KRKR) (KRKR) (KRKR)
اكيد مش الأزوج والزوجات كدة بس دا مايمنعش انكو بتقابلو نمازج من النوع دا حتي ولو كانو اقلية

والي عايزة اقوله ان السيد جريجوري جوديك مؤلف الكتاب اجنبي والأجانب رايقين اكتر مننا من ناحية روقان البال والألتزام ايضا فهم لا يثقلو كاهلهم بأي التزام
ولذلك اهلا بالرجل الشرقب الملتزم و يغور الرجل الأوروبي الرومانسي الرايق
مش كدة ولا اية رأيكو



(g)

نحولة::hl:

[Half-Magic]

الف شكر شيماء على المشاركة مره اخرى...
بس هو لازم كل حاجة فى الدنيا بيكون لها تمن ؟؟

مفيش حاجة كده ببلاش ... ده ايه ده ... هاهاهاهاها

[Half-Magic]

فى البداية اهلا بك نحوله و بجد انا فرحان جدا بمشاركتم الجميلة قوى
و الصراحة انا كنت ميت على نفسى من الضحك و انا بقرأ ردك على الموضوع ... هاهاهاها..

(KRKR) (KRKR)

عندك حق اكيد فى ناس كده و بتفكر بالطريقة دى ... بس انا قولت نجرب
مش حنخسر حاجة.. ماشى انا معاك هو كاتب اوروبى و احنا شرقيين
بس أكيد ان المشاعر واحده عند كل البشر بأختلاف طرق التعبير عنها
احنا نأخذ الأشياء اللى تمشى عندنا .. و تكون بسيطة كمان يعنى ممكن أى حد يعملها... كفاية ان الزوج يفتكر عيد ميلاد زوجته و لو حتى يشترى لها ورده أو يفتكر عيد جوازهم .. الحاجات دى رغم انها بسيطة الا انها سوف يكون لها معنى كبير جدا عند الزوجة.. مش صح ؟؟

احنا بأيدينا أن نعيش فى سعادة ليه مش عايزين ؟؟
المرأة مخلوق لطيف و ذات مشاعر فياضة.
الرجل مخلوق قوى و ذات مشاعر قوية و لكنها محب بطبعه.

نحوله انت من الأسكندرية و لا القاهرة ؟؟

بالنسبه لموضوع هالف ماجك ... هاهاها
هى اسطورة فرعونية بس انا بحب أعيش نص واقع و نص حلم او واقع مسحور .. هاهاها .. لأن الواقع مش حلو على طول... تعملى ليه بأه معقد بس بحب الضحك و الف شكر مره أخرى نحوله.

(ok) (ok) (ok)

[شكولاته]

والله يامحمد كل شيء في الدنيا دي بقي بالتمن فعلا
ومبقاش في مكان لمشاعر او احاسيس ولا حاجة ببلاش بص حوليك وانت تتأكد من كلامي

[Bodda]

هاف ماجيك
حلوه النصايح اللى ببلاش دى مع علمى بأن التريقه هاتكون المقابل لها
شيكولاته
كل حاجه بكام ؟؟؟؟ حتى المشاعر منكم ؟؟؟
طبعا عندك حق ... وانتوا ادرى مننا طبعا
نحوله
ردك واقعى جدا مع ان ظاهره الهزار بس ده اللى هايحصل فعلا

ده انا لو جبت بالونات هاتفرقعهم فى وشى واحده واحده
ولو كتبت شيك ب 100 قبله هاتقولى ياما جاب الغراب لامه
ولو جبت ورد وفل وياسمين هاتقولى .. اللى معاه قرش ومحيره....
ولو كتبت لها جواب هاتقولى .... انت اكيد اليومين دول شايفلك شوفه وبتغطى عليها
ولو ولو ولو ....
ياعم الطيب احسن
طبعا ده تخيلى لما يمكن ان يحدث لاى زوج يحاول يكون رومانسى فى مصر المحروسه
ومساء الفل

(slp)

[zabadoo]

موضوع جميل و الله تسلم اخي الكريم علي ها الموضوع الرائع

[Half-Magic]

الف شكر شيماء على التواجد المستمر معى ...

الف شكر بودا على المشاركة و على رأيك.... عندك حق الطيب أحسن لأنه بالفعل كلامك صح..

الف شكر zabadoo على المشاركة ..

(y) (y) (y) (y) (y) (y)

ده انا لو جبت بالونات هاتفرقعهم فى وشى واحده واحده.
ولو كتبت شيك ب 100 قبله هاتقولى ياما جاب الغراب لامه.
ولو جبت ورد وفل وياسمين هاتقولى .. اللى معاه قرش ومحيره....
ولو كتبت لها جواب هاتقولى .... انت اكيد اليومين دول شايفلك شوفه وبتغطى عليها .


(y) (y) (y) (y) (y) (y)

[بنت فلسطين]

هههههههههههههههههههههههههههههههههههههههههههه

موضوع جنااااااااااااااااان ... متشكرين يا أخي العزيز ..هههههههههههههههه

بجد ياحرام انتوا صعبانين عليا ياحب الرجالة ... عاوزين تجربوا الرومنسية والحب ههههههههههه

سيبكوا من النفخة الي انتوا نافخينها نفسكوا بيها وساعتها حتلاقوا الحب الحقيقي وحتجربوا الرومنسية

(g) (g) (g) تحياتي ودمتم سالمين هههههههههههههههههه(g) (g) (g)

[Half-Magic]

الف شكر بنت فلسطين على المشاركة و على التواجد ...(ok) (ok)

أنا ملاحظ ان البنات اخده فكره سيئة جدا جدا عن الرجالة .. احنا مظلومين (y) (y) (y)

[بنت فلسطين]

فكرة غلط ؟؟؟؟؟؟؟؟؟؟؟؟ انتوا مظلومين؟؟؟؟؟؟؟؟(no)

لا لا ... انت أكيد خانك التعبير ... انت تقصد تقول ..

ظالمين وجبارين


ههههههههههههههههههههههه

تحياتي

[Na7ola]

انا مش معاكي يا بنت فلسطين الرجالة مش ظالمين ولا مظلومين
هم ابسط من كدة بكتير
الرجل كالطفل
ادرسية جيدا قبل ان تتعاملي معه
وهذه نصيحة من زوجة لرجل سوى لأن ليس كل الرجال اسوياء
وهذه هي المشكلة الحقيقية
فبعد ما نراه من احداث مؤلمة وغير طبيعية
قلة من استطاع ان يظل سويا
وربنا ما يوقعك مع انسان سوي سواء صديقة او زوج
لأن للأسف كلهم في ظاهرهم اسوياء ولكن بعد العشرة عينك ماتشوف الا النور ::shot::

وشكرا لردك يا نصف ساحر
تحياتي الى بودا وحشنا شاي بالنعناع انا ملاحظا ان البوفيه هنا مقفول ولا شطب؟
واليكي يا شوكولاتة الفين سلام وتحية

اسعد الله ايامكم(lh) (lh) (lh)

نحولة