|
يا سلام .... ده الموضوع كبر واحلو جداً ..جداً...
عمو ورد بحاله عايز يشفني .. والله وبجد .. ده شرف كبير ليا جداً ولكن للأسف أنا موجود خارج مصر وصدقني أول حاجة إنشاء الله هاعملها أول لما أنزل مصر هي السؤال عن كذا أخ أظنهم أصبحوا غاليين عليا جداً وانت أكيد من ضمنهم .. وربنا يخليك لينا ....
والأخت تسنيم ... أنا شايف إنها مش روعة في المنتدى الإسلامي وبس .. دي كمان روعة في خفة الدم ..
ويا ستي ما تبقيش تقفي ليا على الواحدة إيه يعني قولت (جود انخت ) فيها يعني .. كلمة وسمعتها عادي جداً.. وبعدين زي ما قال عمو ورد بالضبط (تعليمي كله كان ألماني في ألماني حتى كانت مدرستي الابتدائي اسمها هامبورج ومدرستي الإعدادي كان اسمها هتلر ومدرستي الثانوي كان اسمها سور برلين بس اتهدت دلوقتي وانا دلوقتي في جامعة ألمانيا الموحدة) ألماني جداً .. ألماني خالص ... ههههه...
ونيجي بقى للست نوران ..
بدأت الموضوع بمنتهى الطيبة وقالت أنا نفسي اتعلم اللهجة واللغة الشبابية الموجودة اليومين دول .. وطبعاً أنا أول ما قرأت مداخلتها صعبت عليه وقلت لازم اساعدها (قال يعني أنا أبو العريف)... وفي الآخر اتضح إن هي عارفة كلمة اسمها (مستكنيص) ... واتضح كمان إن أنا إللي غلبان ومحتاج المساعدة ولولا عمي ورد ألله يجبر بخاطره كان زماني دلوقتي ماشي في الشارع عمال أسأل اللي اعرفه واللي ماعرفوش يعني إيه مستكنيص .. أصلها كبرت في دماغي .. زي ما كلمتي كبرت في دماغ تسنيم بالضبط ...
عموماً ...
أستأذن ... (حتة مصري ميه في المية واظن مفهومة)...
__________________
[GLW]وســــام افضـــل محـــــاور [/GLW]
hamed
بأعـــصــاب أعــصابـــي رســمت حروفها
وأطـــعــمتــهـا من صحتي، من مدامعي
وأنــفـــقت أيامي .. أصـــوغ سطـــــورها
بـــدقـــة مـــثـــال، وأشـــواق راكـــــــعِ
أجيــبـــي أجيــبي .. مــا مصير رسائلي
فـــإنـــي مـــنــذ ضــيعــتهــا ألـف ضائع
ألــم تــتــرك الــنــيــران مـــنــهـا بقيــة ؟
ألـــم ينـــج حـــتـــى مقطع من مقاطعي
أمــطــعمــة النيــران.. أحــلــى رسائلــي
جـــمــالك مـــاذا كـــان ؟ لـــــولا روائعـي
فثـــغــــرك بــــعـض مـــن أنــاقة أحرفـي
وصـــدرك بــــعـــض مـــن عـويل زوابعـي
أنـــا بـــعض هذا الحـبــر.. ما عدت ذاكراً
حــدود حــــروفـــي من حدود أصابعي ..
|
النمط الخطي
