**شـــارك فى كتــابة أطول قصة .. ممكن ؟؟ **

[Half-Magic]

ثم حدث ان.............

ثم حدث ان قال له والده ... حرام عليك يا محمود يا بنى ... دى اخرتها تدخلنى قسم بوليس برده ؟؟؟
و فى قضية تسول كمان ؟؟؟ طب اختار قضية جامده شويه تستاهل انك تتحبس بسببها .. قضية قتل مثلا .. سرقه بالأكراه .. أودى وشى من الناس فين دلوقتى لما يقولوا ان ابنه اتمسك تسول .. فضحتنى يا محمود ..

محمود : أنا اسف يا بابا انا مش عارف ازاى عاملت كده ... بس اوعدك دى اخر مره ... انا خلاص اتعلمت من أخطائى .. سمحنى يا بابا ...

الأب : ماشى يا محمود ... انا سمحتك و انا خلاص اتكلمت مع الظابط و هو وافق انه يفرج عنك و تروح معايا..

محمود : بجد يا بابا .. يا أجمل اب فى الدنيا ...

الأب : أى خدمة بس المره الجاية انا مليش دعوه خالص .. اتفقنا ..

محمود: اتفقنا ..

و بعد خروجهم من القسم حاول ابو محمود ان يوقف تاكسى و لكن محمود قال له ..................

[مايـــاااااا]

تاكسى ليه يابابى
فين عربيتك ؟؟
بابى بتاعه قاله عربيتى عند الميكانيكى وانت فين عربيتك مودى ؟؟
قاله بعيد شويه عموما تعالى نقعد شويه فى الكافترياا اللى هناك دى ونغير جو قبل مانروح كده لمامى
وفعلا شربوا قهوه ولقى بابى موودى راجل من اللى بيلمع الاحذيه نادى عليه علشان يلمع حذاءه فبص الرجل لمودى كده كتير وقاله .....

[7asony]

قاله : مافيش سندوتش فول او فلافل اكله واستمز فيه على الصباح الحلووووووووو ده

قال له : ..............

[مايـــاااااا]

قاله انت جاى تلمع الاحذيه ولا تطلب فوول ؟؟
مودى صعب عليه الراجل جدا لان قلبه حنين وطلب له فطار على حسابه
وهو بيحاسب مش لاقى المحفظه
ياترى راحت فين دى كانت معاه لما دخل الكافيترياا ؟؟....

[Half-Magic]

ياترى راحت فين دى كانت معاه لما دخل الكافيترياا ؟؟....


و هنا افتكر محمود ان فيه راجل خبط فيه و هو داخل الكافتيريا ... فقال يبقى هو ده اللى سرقنى !!
المهم محمود قام زى المجنون يدور على الراجل ده .. و كانت مفاجـأه انه يلاقيه قاعد الترابيزه اللى فى أول المطعم
و لكن المفاجأة الأكبر لما شاف مين اللى قاعد مع الراجل ده ....

[مايـــاااااا]

و لكن المفاجأة الأكبر لما شاف مين اللى قاعد مع الراجل ده ....

ياخبر ابيض دى مريم حبيبتى الاولى واللى لسه موصلها البيت من ساعه
للدرجه دى الخيانه ؟؟ للدرجه دى الغدر ؟؟
وراح علشان يكلمهاا
مين ده مريم ؟؟
ده خطيبى
امتى اتخطبتى انا لسه سايبك من ساعه ؟؟
لااء مهو ده مش غريب ده مازن ابن خالى
وفجأ بص مازن اوى كده لموودى غاضباا وقال له .....

[MoHaMeD NaSSaR]

كل ده بيحصل من ورايا

لن اقبل ابدا


(KRKR)

قالت له مريم

[مايـــاااااا]

قالت له مريم
لااء مازن مهو ده مودى خطيبى السابق اللى كلمتك عنه وقلتلك انه وحش ومايستهلنيش ولازم اسيبه
وسبته كمان علشان ارتبط بالافضل منه هو انت طبعاا
اترسمت ابتسامه رضاا على وجه مازن وقالهاا ....

[MoHaMeD NaSSaR]

اترسمت ابتسامه رضاا على وجه مازن وقالهاا ....


انا كده اطمنت عليكى يا مريم


طيب يا جماعه انا ماشي


حد عاوز حاجه

[مايـــاااااا]

طبعا مريم استغربت اوى ازاى مازن يمشى ويسيبها وحدها مع موودى الوحش ده واللى كرهته خلاص من عمايله معاها واهماله ليهاا
فرح موودى خالص انه قاعد مع مريم
لكن شويه افتكر ان كان سايب بابى بتاعه هنااك على الترابيزه
راح عند بابى وقاله اخيرا مريم رجعتلى يابابى ...مريم ومودى لا يمكن يقدروا يستغنوا عن بعض ابداا

بابى بصله شزراا وقال ......

[MoHaMeD NaSSaR]

بابى بصله شزراا وقال

كويس اوووى يا ابنى (KRKR)


قله مودى

[انسان]

قاله مودى
يعنى انت موافق
رد والده .........

[وافي بلال]

رد والده .........

رد مودي : تيجي يا بابا , منعملش ولا حاجه , علشان اعضاء ابن مصر , ميكملوش القصه ؟؟

مش تزعلوا

دي مداخله , لتطرية الجو

[Half-Magic]

رد والده .........

المهم انك تكون مبسوط يا مودى يا ابنى ... مودى مش مصدق نفسه و علشان كده كان محتاج حاجة تأكد له انه عايش فى الواقع .... راح قفز فى النيل علشان يصدق .. لكن الكارثه ان مودى مش بيعرف يعوم !! و هنا صرخ و قال .. الحقونى الحقونى .. و هنا سمعه راجل كان قاعد فى نفس الكافتيريا و قال ......

[مايـــاااااا]

وقاله
ليه كده يابنى الانتحار مش كويس علشان صحتك
والاولا د اللى فى البيت هاتسيبهم لمين ؟؟
رد مودى قاله لااء انا لسه متجوزتش ثم انا معنديش اولاد وماانتحرتش انا كنت حران شويه نزلت اغطس بس افتكرت انى مش باعرف اعوم
المهم رماله الراجل عوامه وشده لغايه البر وهو سعيد ان والده وافق اخيرا
وفجأ حبل العوامه اتقطع وحدثت مفاجأه غير ساره بالمره...