{~~اسكنــــــــدريــــــه مملكه العشق الابديه ~~}

[النسر الذهبى]

بسم الله الرحمن الرحيم

اليوم كان اسعد يوم فى حياتى رغم بدايته الغير طبيعيه

بس بجد كان يوم عدد ساعته مر كلحظات من الجمال والعشق والحب والروعه
احكيلكم عن اليوم دة

يوم ولا اروع بقيادة مراقب المنتدى العام ملك الغرام

اليوم من بدايته
خرجت من بيتنا حوالى الساعه 5ونص صباحا
ور حت موقف البيجو للسفر من الزقازيق الى الاسكندريه عاصمة العشق الابديه

واتخانقت مع السوق عشان انا مستعجل وهو عاوز يشرب الشاى
وبعد ما اتحركنا من الموقف
مشى على اقل من مهله زى ما يكون بيعاندنى

المهم وصلت للاسكندريه بسلامة الله ومن هناء بدائت المعانه الحقيقيه
فى ايجاد اى واحد من الى انا قلتلهم انى جاى
ملك الغرام نايم
هالف ماجيك موبيله مقفول
وصديق تانى
موبيله عطلان ولحد دلوقتى لسه عطلان
المهم قلت اعتمد على نفسى لحد ما اشوف اى حد
وبدائت اسأل واعتمد
وطلعتمن الموقف على منطقة دلنى عليها واحد ابن حلال حسبى الله ونعم الوكيل
منطقة يمكن دى اسؤا منطقة فى اسكندريه كلها
المهم مشيت فيها وتهت اكتر
وربنا اسعفنى ولقيت تليفون
بتصل بجلاله الملك والحمد لله صحى من النوم وشرحتله جغرافيا انا فين وقالى اتصرف ازاى
وبعد كدة
ركبت عربيه للمكان الى هو قالى عليه وبجد مكان جميل قوووووووووى
غير الصورة الى انا اخدتها فى الاول
وقبلت ملك او عبد الرحمن
واتمشينا الاول على البحر
مشينا تقريبا 6كيلو على البحر ولا حسيت باى تعب ولا كلل وكان عندى استعداد امشى اكتر واكتر
وبعد كدة روحنا دخلنا سينما شفنا فيلم امريكى بعنوان
مخربه فى المنزل ضحك لا نهائى فلم جميل قوى
بعد الفلم ما خلص خرجنا واتمشينا شويه واخدنا تاكسى لبيت واحد صاحب ملك وجبناه ونزلنا اتغدينا فى محل هو قالى انه من اشهر محلات الاكلات الخليجيه
اكلنا كبسه سعوديه كان طعمها جميل جدا غير الى والدتى بتعملها خالص
وبعديها طلعنا اتمشينا تانى
وملك عزم عليا افضل وقت اكبر لكن انا زعلت انى مش هشوف هالف ماجيك وقلت اروح افضل
وصلنى ملك للموقف وركبت وادينى دلوقتى بكلمك من عاصمه الجمال السابقة بالنسبالى الزقازيق اصلى كنت مغفل بعيد عنكم
بجد بحر اسكندريه اسنرى بجد مش قادر ابعد عنه بفكرى وخيالى
من هنا يوجة شكرى وامتنأنى وعرفانى بالجميل للرائع

جلاله ملك الغرام على ما بذله من اجل ان استمتع بوقتى فى عروس البحر الابيض المتوسط وكل البحار
شكرا ملك
وتحياتى للجميع
النسر الذهبى

[يوسف المصرى]

جميل يا محمد .... فكرتنى بمشروع كل ما نفق عليه مش يتم للأسف ومن الصيف اللى فات وكتير بيحاولوا ينفذوه ... ألا وهو الإجتماع بين أعضاء المنتدى

يا ريت فعلاً الاجتماع ده يتم ..... ما ترتب ليه يا محمد بما انك اكتر واحد قابل اعضاء المنتدى .

ودمتم (smoke)

[النسر الذهبى]

بتدبسنى يا جووو

حرام عليك انظم ايه بس
طيب اقترح على المجلس واحاول انظمهولكم
ان شاء الله

[7asony]

بيقولوا اييييييييييييييييه
انا اقولك

بيقولوا انت اكلت كبسسسسسسسسسة
قال : طبعاً حلووووووووة

بيقولوا : اكلتها بصوابعك ولا بالملعقة
قال : لااااا بالملعقة

بيقولوا : فعلا ما اكلتش ولا عرفت طعم الكبسة

الكبسة حلااااوتها لما تقعد على الارض وتربع
وتحط صوابعك الخمسة وتخمس فيهااااااااا

دي الكبسة يا نسسسسسسسسر
مش تقولي : اكلنا كبسة بالملاعق يا كيموووووووو :mad:

[Tasneem]

الله موضوعك حلو اوى والسعاده بتتنطط من كل كلمه فيه
ربنا يسعدك وتنورنا فى اسكندريه دايما
عاوزه اعرف المطعم الخليجى ده فين فى اسكندريه نفسى اوى ادوق الكبسه اللى دايما بتقولو عليها دى :(
ابقى قوللى فين محمد تسلملى

[ملك الغرام]

اي اللي انت عملته ده يابني
فضحتنا ليه بسسسسسس
اولا انت شرفت ونورت اسكندرية وانا معملتش غير الواجب معاك
واتمنى اني اشوف الجميع هنا في اسكندرية
والحمد لله انك استمتعت بيومك
وان شاء الله تنور اسكندرية على طول

وعلى فكرة يامها المطعم اسمه مطعم الخليج
في شارع خالد بن الوليد في ميامي
تقدري تروحيله من البحر واول ماتشوف كافتيريا واياكيكي ادخلي في اللفه اللي بعديه
وحتلاقيه على شمالك على طول

وتبقي تدعيلي واوعي تاكلي صوابعك وراه
المعلم هناك يماني اسمه عم علي

تحياتي لكم جميعا

[Tasneem]

ميرسى اوى مللك
بس على الله يكون فيه تيك اواى لانى مبعرفش اكل بالنقاب فى مكان عام
حاخللى حد ياخدلى وجبه كبسه يجيبهالى البيت
ححادوق واقوللكم اكلت كام صوباع وراها

[النسر الذهبى]

لا بقى يا حسونى دى بالمعلقه احسن الف مرة

اسمع كلامى وجربها

[النسر الذهبى]

اسكندريه يا مها منورة باهلها
بلد روعه روووووووووووووووووووووعه بجد

يا بختكم
بيها

واهو ملك قالك على مكان المطعم

[النسر الذهبى]

عبد الرحمن باشا انته عملت الواجب واكتر الف مرة

ربنا يخليك يا رب فعلا بجد والله ادخلت السعادة الى قلبى
ربنا يخليك ليا يارب وما يحرمنى منك ابدا
شكرا يا عبد الرحمن ويارب اشوفك تانى برضو فى الاسكندريه بس انا عارف انك هتمشى تروح وترجع بالف سلامة

[النسر الذهبى]

عودة الى مدينه العشق الابديه فى لقاء الدكتورة الغاليه دكتورة شو فى حمله الخير فهل من ملبى لدعوتها فى موضوع دعوة للتعاون
تحياتى وان شاء الله يارب هكون موجود فى الاسكندريه فى اليوم المحدد

[دقه قلب]

وانا كمان ان شاء الله
مير سى على الفكرة الجميله

[النسر الذهبى]

ان شاء الله يا دقه قلب