خسارة مذلة فى نيجيرياالأهلى يخسر برباعية أمام رينجرز ويقترب من الخروج من كأس الاتحاد

النسر الذهبى · 07-09-2003, 02:32 AM

تعرض الأهلى لأثقل خسارة فى تاريخ مشاركاته الإفريقية يوم السبت خارج ملعبه أمام رينجيرز النيجيرى بأربعة أهداف دون رد فى ذهاب دور الثمانية لكأس الاتحاد الإفريقى.

انتهى الشوط الأول بتقدم أصحاب الأرض بثلاثة أهداف نظيفة ، وفى الشوط الثانى أصيب مرمى الأهلى بهدف رابع فى الدقيقة الأخيرة عبر ركلة جزاء.

بذلك يتأزم موقف الأهلى فى البطولة التى يشارك فيها للمرة الأولى ، إذ أصبح لزاما عليه الفوز بخمسة أهداف فى لقاء الإياب بعد أسبوعين بالقاهرة إن هو أراد التأهل للدور قبل النهائى.

وتعد الخسارة هى الأثقل على الإطلاق فى تاريخ مشاركات الأهلى فى البطولات الإفريقية والذى يعود إلى عام 1976 ، وكانت الخسارة الأكبر قبل ذلك أمام مولودية الجزائر فى الدور الأول من بطولة الأندية أبطال الدورى فى نفس العام بنتيجة ثلاثة أهداف نظيفة.

تقدم رينجرز بهدف فى الدقيقة 22 عبر أوكوشيكو من ركلة جزاء صحيحة احتسبها الحكم ضد خالد بيبو ، وأضاف أوستن الهدف الثانى فى الدقيقة 33 ، قبل أن يختتم أوليمبى مهرجان أهداف الشوط الأول بهدف ثالث فى الدقيقة 46.

ضغط الأهلى بقوة فى الشوط الثانى فى محاولة لتقليص الفارق ، غير أن هجماته افتقدت للفعالية على مرمى الرينجرز. وعلى عكس مجريات اللعب ، أضاف أوكوشيكو الهدف الرابع فى الدقيقة الأخيرة من الوقت الأصلى من ركلة جزاء احتسبها الحكم ضد وائل جمعة.

Era · 09-09-2003, 06:57 AM

اولا الهزيمة حت نتيجة غرور لاعبي الأهلي بجماهيرة بجهازه الفني.. انته بس فالحين قوي في التريقة على الزمالك لما يخسر.. ادي الفرق بينا و بينكم ظهر.. خليكم اتريقه على الناس كلها بس احنا بنتقدم و انتم بترجعه للوراء احنا خدنا 6 بطولات و انتم 2.. اي بطولة طلعنا منها او خسرنها خسرنها بضربات الجزاء.. فكروا في الكلمات دي هتعرفه ليه الأهلي بقى كده... و ربنا يهديكم

النسر الذهبى · 09-09-2003, 07:24 AM

يا عم الريس انا زملكاوى وربنا بتوصمنى وصمه العار دى ليه بس
اهلاوى ايه وبتاع ايه بس حرام عليك يا راجل يا طيب

sendrella · 10-09-2003, 02:28 AM

ياجماعه شيء متوقع من الاهلي ولاعيبته

ههههههههههههههه

سعد زغلول قالها كلمه:

"مافيش فايدة"

هههههههههههه

Thrill_Seeker · 10-09-2003, 04:21 AM

ماشاء الله الردود الزملكاوية نازلة ترف انتوا ما بتصدقوا ولا إيه؟!

ياجماعة إحنا قبل مانكون أهلاوية أو زماكاوية فإحنا مصريين واللي حصل ده مش عيب في حق الأهلى بس لأ ده عيب في حق الكرة المصرية كلها ولازم تتعرف أسبابه والمسئول عنه ياخد جزاؤه.

أظن اللي كان بيلعب ده الأهلى مش ماكابى حيفا يعني فريق بيلعب باسم مصر أرض الكنانة وأم الدنيا واللي في خاطر النسر الماسى وفي خاطرنا كلنا يعني اللي يشمت فيه يبقى بيشمت في بلده وكورة بلده كلها!

بعد ماتش الاسماعيلى وقلنا ماشي زملكاوية وإسماعلاوية وشمتانين في الأهلى إنما دلوقتي ماظنش إن حد هنا نيجيرى أو مشجع متعصب لرينجرز!

يا جماعة أرجو إن إحنا ناخد الموضوع بتعقل شوية وبلاش التعصب الأعمى ده ومابقولش احزنوا على الأهلى بس على الأقل ماحدش يفرح فيه بالشكل ده!

تحياتى وتقديرى للجميع

|_Metal_| · 10-09-2003, 04:39 AM

يا عم الريس انا زملكاوى وربنا بتوصمنى وصمه العار دى ليه بس
اهلاوى ايه وبتاع ايه بس حرام عليك يا راجل يا طيب
-----
بل يجب هنا ان تقول عار علينا انك مصري..

كوكى الاصلى · 10-09-2003, 03:18 PM

اخص على الزمالكاوية وعلى أى حد يشمت فى نادى من بلده زى ما انتوا عملتوا كده...وعلى العموم دى حاجة مش بعيدة على الزمالك والزمالكاوية اللى طول عمرهم بيصطادوا فى المياه العكرة..وبعدين يا عم era انا شخصيا لما بفرح فى الزمالك فأنا بفرح لما يتغلب من الأهلى أو من فريق مصرى لكن واضح أوى ان انت والنسر فرحانين أوى زى ما يكون الزمالك هو اللى غلب الأهلى 4-0 والهزيمة دى مش من غرور ولا حاجة دى من سوء التشكيل وكمان عدم التفاهم بين المدرب والجهاز الفنى واللاعبين ..وعلى فكرة الزمالك قبل كده كان اتغلب 4-1من كانون ياوندى فى نهائى بطولة افريقيا من سنتين ومحدش شمت فيكم ولا حاجة وأقوى اندية العالم اتغلبت قبل كده بالأربعة والخمسة زى مثلا ريال مدريد لما اتغلب من مايوركا 5-0 فى الدورى السنة قبل اللى فاتت وبعدين الأهلى ان شاء الله ممكن يعوض فى مباراة العودة بالرغم ان الأمل ضعيف لكن لسه موجود
وعلى رأى Thrill_Seeker ان اللى كان بيلعب ده كان نادى مصرى مش يهودى
وان شاء الله ربنا ميشمتش فى الأهلى حد ويشد حيله من تانى
وبالمناسبة يا نسر انك تكون اهلاوى ده شىء جميل وتفتخر به مش وصمة عار ولا حاجة لكن العار هى الشماتة اللى انت عملتها انت وera

sendrella · 11-09-2003, 02:38 AM

ياجماعه دي مش شماته ولا حاجه

بس بجد احنا زملكاويه ولا اهلاويه او اي نادي زعلان من اللي حصل ده

كلنا في الاخر بنلعب مع بعض في منتخبنا

ايه في ايه...........

ده كله هزار وربنا مايجيب شماته

maysam · 11-09-2003, 08:46 AM

خلص يا جماعة هو سوء تفاهم مش اكتر

يعني صراع زملكاوي اهلاوي جوة مصر مقبول

بس لما فريق مصري ايا كان اسمه بيلعب مع فريق من خارج بلده ، الطبيعي انه كل المصريين يشجعوه لأنه بيمثل بلدهم في المقام الأول

مع تحياتي للجميع

MoHaMeD NaSSaR · 11-09-2003, 03:42 PM

فعلا كلام ميسم صحيح

شوفوا انتو لازم تنمشوا تحت مبدأ

انا واخويا على ابن عمي وانا وابن عمي على الغريب هههههههههههههههههه

Thrill_Seeker · 11-09-2003, 07:56 PM

إقتباس:

كاتب الرسالة الأصلية : MoHaMeD NaSSaR

شوفوا انتو لازم تمشوا تحت مبدأ

انا واخويا على ابن عمي وانا وابن عمي على الغريب هههههههههههههههههه

(KRKR) (g)

النسر الذهبى · 13-09-2003, 01:47 AM

والله ما حد فاهم حاجة

للاخوة الى افتكو انى شمتان
انا جايب الموضوع من موقع عالمى
كاتب النتيجة لانى اساسا مشفتش الماتش لانه مش اتزاع عشان القمر الصناعى عطل
المهم الراجل دخل قرى الموضوع افتركنى اهلاوى من صياغه الموضوع فبوضحله انه زملكاوى مش فى حد هنا بيحب مصر اكتر منى
ولا يتمنى الخير لمصر اكتر منى برضو
اوك يا شباب مش كل واحد يخد الكلام على مزاجة
سلام

7asony · 13-09-2003, 02:06 PM

اهلي حديد
ولكل جواد كبوة ........

دقه قلب · 13-09-2003, 02:17 PM

زمالك سيحه

maysam · 13-09-2003, 02:24 PM

حصل خير

خيارات الموضوع
عرض نسخة للطّباعة ارسل هذه الصفحة لصديق
طريقة العرض	قيّم هذا الموضوع
النمط الخطي التحويل إلى النمط الشجري التحويل إلى النمط المتطوّر	قيّم هذا الموضوع: