|
الأهلى فى أزمة
النادى الأهلى يمر بأزمة شديدة جدا وهى انه جمع 3 نقط من 3 مباريات فى الدورى وترتيبه اصبح متاخر وكمان هو مقبل على مباراة مهمة وصعبة فى بطولة الاتحاد الأفريقى يوم الأحد القادم امام رينجرز بطل نيجيريا وهو مطالب بالفوز بفارق 5 اهداف حتى يضمن استكمال البطولة...وبصراحة فى حاجات كتير غلط بتحصل فى النادى بقالها 3 سنين تقريبا والأهلى الان يمر بفترة سيئة جدا وتقريبا هى الأسوأ فى تاريخه
والحل لهذه الأزمة هو تكاتف جميع المسئولين فى مجلس الادارة وتسريح بعض اللعيبة التى لا تصلح للعب فى النادى الأهلى لمستواها المنخفض مثل رامى سعيد وشادى محمد وكمان الحضرى ووائل جمعة لازم يقعدوا احتياطى شوية عشان يتربوا وخالد بيبو ده كمان شكله خلاص انتهى مش حيضيف جديد ولازم لعيبة جديدة تاخد الفرصة محمود شيكو واحمد السيد وامير عبد الحميد وكمان يبجب تصعيد بعض اللاعبين من منتخب 20 سنة من ابناء النادى زى عماد متعب والزيات وطبعا لازم المدرب ده يتغير لأنه بيقبض كتير ولا يعطى شىء ولحد دلوقتى مش فاهم الفريق والأفضل ان الأهلى يستعين بمدرب وطنى بدل الجهاز الفنى التعبان ده..ومن أسباب الأزمة ايضا هو ترضية بعض اللاعبين على حساب لاعبين اخرين وكمان الاستغناء عن بعض اللعيبة الجيدة مثل وليد صلاح الدين وعلاء ابراهيم والابقاء على ناس مش عارفة تلعب زى رامى سعيد وشادى محمد اللى مازال لا يستطيع القفز لأعلى مع المهاجمين مش عارف ليه؟؟
انا بطرح الموضوع ده للجميع واللى شايف ان فى حلول تانية وله راى تانى يقول بس بشرط بدون اهانة وتريقة(الكلام ده للزمالكاوية ) عشان الحكاية مش ناقصة وكفاية ان الواحد محروق دمه من اللى بيحصل ده
مستنى رأيكم.. مع تحياتى
__________________
يقينى بالله يقينى
|
النمط الخطي
