لو عاوز تضحك!

[عابر سبيل]

لو عاوز تضحك!

[عابر سبيل]

1- واحدة عجوزة راحت المقابر ، ليه؟؟ بتدور على قطع غيار !
2- واحدة سودانية لبست فستان أحمر قالت لجوزها دلعني . قال لها يا فحمة يا مولعة .
3- واحد صعيدي عايز يفجّر نفسه بين اتنين إسرائيليين عمل بروفا قبلها بيوم !
4- فيه اتنين بنوا مسجدين جنب بعض ، والناس كانت بتصلي عند واحد والتاني لأ ، قام التاني جاب لوحة وكتب عليها : هنا صلاة العشاء ثلاث ركعات وبدون وضوء !
5- في سيجارة تابت .. أصبحت سواك !
6- حرامي ندل دخل بيت .. مالقاش حاجة يسرقها ..قام اتصل بأمريكا وساب السماعة مرفوعة !
7- واحد مسطول نايم .. أمه قالتله إصحى يله النهار جه ، قال لها دخليه واقفلي الباب .
8- خروف راح لأمه يسألها عن أبوه قال ماااااااء .. قالت له مباااااااااع . (يعني انباع بالسوق) .
9- واحد صعيدي شاور لتاكسي وقال له فاضي؟ التاكسي قال له ايوه فاضي ، قال له طب تعالى اتغدى معانا .
10- مرة واحد راح لمحل وقال له عندك كيكة بالقهوة؟ قال له لأ ، جاله مرة تانية وقال له عندك كيكة بالقهوة؟ قال له لأ يابني ، جاله مرة تالتة وقال له عندك كيكة بالقهوة ، الراجل اتعصب وقال هاقوله ايوه وخلاص .. فقام قاله ايوع عندي .. قال له يععععععععع .
11- فيه اتنين راحو مع بعض .. جاء بعض وخلاهم لوحدهم .
12- فيه واحد راح للشيخ يفسر له حلم وقال : حلمت إني لابس بدلة لونها بني فاتح وجالس في مكان لونه أخضر ، الشيخ قال له : تفسير الحلم إنك طور الله في برسيمه .
13- واحد غبي راح للدكتور فالدكتور وصفله دواء وقال له الدواء ده تشربه كل 8 ساعات .. فقام الغبي يشربه كل 6 ساعات عشان يفاجيء الجراثيم !
14- واحد أحول راح يستقبل أبوه في المطار .. باس الشنطة وشال أبوه .
16- اتنين بعد ما طلعوا من الامتحان .. واحد قال للتاني عملت إيه؟ قال له سيبت الورقة بيضا ، التاني قال له وأنا كمان .. الله يخرب بيتك .. هايفكرونا غاشين من بعض .
17- واحد غبي لقى اللبن منتهي تاريخه زوّر التاريخ وشربه .
18- واحد سعودي اتخانقت مراته مع الشغالة ، حط كل واحدة في بيت .
19- واحدة لابسه شورت ومتحجبة علشان ترضي الله وترضي عباده .
20- جحش بيسأل أبوه ، إمتى أكبر وابقى حمار زيك .
21- واحد صعيدي بيغازل مضيفة ومش عارف يقول إيه ، شافها داخلة دورة الميه قال لها يا مزنوقة .
22- واحد مسطول شاف سوتيانات في الشارع .. مسكها وبعد شويه قال دي فاضية .
23- فرخة إنتحرت وكتبت رسالة تقول فيها خلوا ماجي تنفعكم .
24- واحدة بدوية لبسوها جزمة بكعب .. صرخت وقالت نزلووووووني .
25- صعيدي قال له ابنه رخصتي إنتهت .. قال له أبوه من لفك في الشوارع كل يوم .
26- سوداني اشترى كوكا كولا .. فاكرها زيت الحبة السوداء (حبة البركة) .
27- واحد مسطول متضايق لأنه مش عارف هو مواعد بنت الساعة اتنين والا بنتين الساعة واحدة .
28- مدرس سأل طالب : أبوك عنده كام سنة؟ قال له : والله مش عارف ، بس هو عندنا من زمان .
30- واحدة عجوزة راحت تعزي ناس .. ماتت عندهم .
31- واحد صعيدي مسكته الشرطة لأن لوحة عربيته الأمامية تختلف أرقامها عن الخلفية .. قال له العسكري ليه كدا؟ قال له هو يعني وشك كان زي قفاك .
32- واحد بيحب دايماً يفاصل في الأسعار ، مرة راح للمختبر وسألهم بكام تحليل البول؟ قالوا له 100 جنيه . قال إنتوا غاليين كده ليه؟ المختبر اللي جنبكم بـ 50 جنيه والبول من عندهم كمان .
33- بدوي سافر إيطاليا وأرسل لمراته نجف عشان بيتهم الجديد ، وأتصل بيهم عشان يتأكد إنها وصلت . سألها الحاجة وصلت؟ قالت له اه بس تقال على ودني .
34- واحد عسكري دخل في مطبخ وفجأة ضرب التحية العسكرية ، لأنه شاف الثلاجة مكتوب عليها جنرال .
35- شوية بدويين شافوا واحد يقرأ قرآن في الصحراء ، قعدوا قدامه منتظرين فلم كرتون بعده .
36- شوية صعايدة بنوا جامع ، شافوا الناس بتيجي كتير .. قلبوه مطعم .
37- واحد صعيدي مر من عند محل غاز ، شاف الناس بيعطوا المحل الفاضي وياخذوا المليان ، وهو مش عارف إيه اللي معاهم . فقام رايح لبتاع الغاز وقال له إديني واحدة من دي .. بتاع الغاز قال له هات الفاضي . قال له لأ أنا هاشربها هنا .
38- صعيدي رجع من الحج ولابس بمبرز ، ليه؟ رجع كيوم ولدته أمه .
39- وجه الشبه بين الصعيدي والملح : كلهم بيرفعوا الضغط .
40- صعيدي عايز يعلم ابنه المشي .. ربطه في قطر .
41- شوية بدو سمعوا عن الزلزال .. راحوا المستشفى يطّعموا .
42- شحنة أدوية أرسلتها الحكومة للصومال ، الصومال رجعتها لأنها كلها إستعمال بعد الأكل .
43- واحد صعيدي اتجوز فقال لمراته عايزه تقضي شهر العسل فين؟ قالت له بيقولوا جراند مول المعادي كويس .
45- إيه الفرق بين البطة والوزة؟ الوزة أصلاً كانت بطة ، بس الشيطان وزّها .
46- صعيدي .. مراته في غرفة الولادة بتولد ، وهو قاعد يعيط ويقول أنا السبب .
47- الشاي قال للسكر يا حلو .. السكر قال له يا مدوبني .
48- واحدة عجوزة جالها دمل في وشها فرحت .. فاكراه حب الشباب .
49- واحد صعيدي سأل واحد من القاهرة عندك قصيدة؟ قال له والله معنديش ، الصعيدي قال له قولها .
50- واحد من الشام مراته بتخونه ، جه مرة وسمع صوت في البلكونة فتح الباب ، لقى اتنين قال لهم بتعملوا إيه هنا؟ قالوا طيارتنا وقعت ووقعنا معاها ، قال سبحان الله .. الأسبوع اللي فات لقيت اتنين في الحمام غرقانة سفينتهم .
51- واحد أحول وعنده ديك أحول ، كان عايز يحط الديك في القفص حطه بره . الديك كان بيطلع بره ، دخل في القفص .
52- بدوية أول ما ركّبوا تليفون عندهم قامت ترقص لما التليفون رن .
53- واحد بيقول لمراته امبارح طب علينا حرامي من السطح ، قالت له ياااااه يا خسارة ماكنتش كانسه السطح .
54- أستاذ وأستاذة اتجوزوا .. كتبوا الكتاب على السبورة .
55- واحد صعيدي عمل فيزا كارد قام مغلفها .
56- فيه تلاتة هبل طلع لهم مارد وقال لهم طلباتكم مجابة .. الأول طلب مصنع دهب والتاني طلب مصنع فلوس والتالت طلب من المارد إنه مايحققش لهم طلاباتهم .
57- صعيدي اشترى لبانة لأول مرة وهو مش عارف إيه دي ، قعد يمضغ فيها طول الليل ويقول والله ماني نايم إلا لما أخلصك .
58- واحد غبي شاف نافورة جاب لها سباك .
59- واحد صيني عايزين يعذبوه فتحوا له عيونه .
60- واحد حب واحدة اتجوز أختها عشان يشوفها كل يوم .
61- واحد صعيدي وقع من فوق عمارة عالية .. الناس اتلمّت كلها وسألوه فيه إيه؟ إيه اللي حصل؟ قال لهم معرفش أنا لسه واصل .
62- واحد ندل أنقذ واحد بيغرق .. ليه؟ عشان مايبقاش شهيد .
63- فيه مرة نملة اتجوزت فيل فمات ، لنملة عملت إيه في حياتها بعده؟ فضلت النملة عمرها كله تحفر له في قبر .
64- واحد ياباني عطس قال : هيتاشي .
65- واحد صعيدي مابينامش طول الليل .. عشان يشوف مين اللي بيحط له العماص .
66- واحد خش مطعم فول .. طلب له طبق فول وهو بياكل شاف جناح صرصار في الطبق .. نادى اللي بيشتغل في المطعم وقال له ايه ده؟ قال له لو جمّعت بقية الصرصار هتاخد عربية .
67- واحد صعيدي بعد ما سمع شريط عن المرأة المتدينة قام متحجب .
68- فيه جنيه متحجب .. ليه؟ لأنه طالع من البنك الاسلامي .
69- فيل اتجوز نملة جابوا ايه؟ فيل بيمشي على الحيطة .
70- واحد غبي حلق شنب راح لأصدقاءه وقال لهم تصدقوا ماعرفتكوش .
71- مرة أستاذ تاريخ بيسأل الأولاد مين اللي قتل نابليون؟ (وكان المدير موجود معاهم) فقام طالب قال والله مش أنا اللي قتلته .. والتاني قال والله ماعرفوش ولا شفته ، قام المدير قال للأستاذ إنت متأكد إن اللي قتل نابليون موجود في الفصل ده !
72- تلاتة مجانين دكتور كشف عليهن وعايز يختبر درجة ذكائهم ففرش سجادة وطلب منهم السباحة .. كلهم قفزوا إلا واحد .. الدكتور افتكر إنه أعقلهم وسأله إنت مانطتش ليه معاهم؟ قال له خايف أغرق .
73- واحد صعيدي راح يحج ولما رجع افتكر إنه مسيحي .
74- فيه شوية مساطيل مسلحين .. مسكوا واحد وقالوا له إنت معانا والا مع التانيين؟ قال معاكم معاكم .. قالوا لكن إحنا التانيين .
75- تلات صعايدة مجنانين قال لهم الدكتور كل واحد ياكل كرتونة مسامير .. اتنين أكلوها إلا واحدقال للدكتور مفيش عيش مع المسامير .
76- واحد سوداني ماسكينه بيطلعوه ويدخلوه في البحر .. ليه؟ بيعملوا إعلان على شاي ليبتون .
77- فيه ديك فاتح الثتاجة .. ليه؟ بيشوف الفراخ وهي عريانة .
78- نملة بتجري ورا عربية إسعاف .. ليه؟ عايزة تتبرع بالدم .
79- قطتين قاعدين بيتكلموا .. واحدة قالت : مياو .. التانية قالت : مياو .. الاولى ردت عليها : مياو مياو .. قالت لها القطة التانية : لأ .. ماتغيريش الموضوع .
80- نملة ميتة على الشاطيء .. ليه؟ من ضحايا تايتانك .
81- واحد مجنون قاعد يكتب رسالة .. سأله الدكتور بتكتب الرسالة لمين؟ قال له باكتبها لنفسي .. الدكتور قال له بتقول له فيها إيه؟ قال المجنون : بالذمة هاعرف إزاي وهي لسه ماوصتلنيش !
82- فيه وحده شييييينه شافت مرايه قالت حتى هذي غشوا فيها .
83- واحد راح الملعب ومعاه علم أسود .. ليه؟ بيشجع الحكم .
84- واحد قل أبوه .. ليه؟ عشان يروح مع رحلة مع الأيتام .. طيب نفس الولد قتل عمه .. ليه؟ عشان ابن عمه يروح معاه .. طيب برضه نفس الولد قتل خاله .. ليه؟ لأنه اتعود على القتل .. طيب الولد دبح نفسه في الآخر .. ليه؟ عشان المدرسة لغيت الرحلة !
85- بدوي شارك في برنامج من سيربح المليون قال له جورج قرداحي السؤال ده عليه 16000 ريال قام البدوي قال له يا عم كتير اوي .. إكرمنا شويه .
86- ليه القلب بيدق؟ عشان المعدة ترقص .
87- عشر صعايدة بيهزروا مع بعض .. مات أربعة منهم .. قالوا خلاص بأه أصل تقلب جد .
89- واحد ورث عن جده مليون جنيه .. أصحابه فكروا إزاي يقولوا له بحيث مايحصلوش حاجة من الفرحة ، قالوا إحنا نوديه عند دكتور نفساني هو اللي يقول له الخبر ، الدكتور قال له تخيل عندك مية ألف جنيه هتعمل إيه بيهم؟ هاشتري بيهم عربية ، الدكتور قال له طيب لو نصف مليون .. قال له ببني قصر ، الدكتور قال له طيب لو كانوا مليون جنيه؟؟ قال له هاديك نصها .. الدكتور وقع من الفرحة ومات .
90- شوية أغبياء قاعدين ورافعين راسهم للسماء وكل مالمع البرق ابتسموا .. ليه؟ فكرين حد بيصورهم . 91- غبي شاف لوحة على مقهى إنترنت : الساعة بعشرة جنيه .. دخل عليهم وقال : هيّ ضد الميه والا لأ؟
92- واحد سكران ركب عربيته بالليل لقي الدركسيون والطبلوه والفرامل مسروقة ، راح بلغ الشرطة .. بعد شوية كلمهم قال لهم : معلش امسحوا البلاغ كنت راكب ورا .
93- صعيدي بيدرس في أمريكا .. أرسل لأهله يقول لهم : اتجوزت أمريكية وجابت لي إيدز .. أهله ردوا باركوا له وقالوا له ليه ماسميتوش إسم عربي أو على إسم أبوك !!
94- واحد من الريف قدّم على وظيفة .. سألوه عن المؤهل قال : إبتدائي .. وعارف واحد بيدرس في أمريكا .
95- غبي اتجوز ولما قام الصبح .. قال لأمه : أرجوكي قولي لمراتي تنام عندي بكرة وبعده .
96- واحدة ركبت تاكسي فقال لها السواق رايحة فين؟ قالت له يا سلام .. إذا كنت ماقلتش لجوزي .. هاقولك إنت .
97- واحد نايم الحصة الأولى .. ليه؟ عشان يسهر الحصة السابعة .
98- واحد بدوي اشترى عربية موديل 2002 و كل ما يروح مشوار يشتري جزمة جديدة .. ليه؟ لأنه كل ما يركب العربية يقلع جزمته بره .
99- واحد جايب حبل في الإمتحان عشان يشد حيله .
100- طالب قال لأبوه جيبلي مدرس خصوصي .. قال له أيوه هاجيبلك إذا نجحت .

[عابر سبيل]

101- واحد أمريكي إنفجرت عنده الزايدة إتهم بن لادن .
102- واحد ماشي في جنازة مراته وبيضحك .. سأله صديقه بتضحك ليه؟ قال له لإني أول مرة أعرف وهي خارجة من البيت رايحة على فين .
103- صرصار في غرفة الإنعاش .. سألوه أصحابه سلامات بيروسول والا ريد؟ قال لا شبشب .
104- واحد غبي لقى فاتورة تليفون في الشارع راح دفعها .
105- طماطمتين بيجروا في الشارع .. جت عربية وداست على الكبيرة جريت الصغيرة لأمها وتصرخ : ماما الحقي أختي الكبيرة بقت كاتشب .
106- واحد قاعد جنب ملكة جمال العالم وقالتله بوسني قال لأ عربي .
107- واحد بيقول لمراته إنتي كل مرة تقول لي : هات هات هات . ولا يوم قـلتي لي خذ . قالت له : خـذ الزبالة ونزلها معاك .
108- واحد صعيدي وقّف عربيته عند بيت مهجور .. ليه؟ عشان تبقى شبح .
109- فيل متجوز نملة .. طلقها .. قالت له النملة : طب أعمل إيه في الفيل اللي في بطني .
110- مدرسة قالت لطالب لو عديت لغاية خمسة هاديلك بوسة .. قال لها أعد لعشرة وتيجي معايا البيت .
111- صرصار رايح السينما وأول ما دخل شاف إعلان بيروسول .. قال من بدايتها رعب .
112- فار سكران دخل على شوية قطط وقالهم : كلكم مسخرة .. ردت عليه قطة سوده بتقول إيه؟ قال : ما عدا أبو سمرة .
113- صرصار ندل عزم شوية صراصير على العشا ولما اجتمعوا سحب السيفون عليهم .
114- واحدة قالت لجوزها جارنا كل ما يخرج بيبوس مراته .. ماتعمل زيه .. قال لها وهي هتوافق .
115- واحد بخيل لما نجحوا ولاده اشترى لهم كورة وقال لهم إذا نجحتوا السنة اللي جايه هانفخها لكم!
116- واحد حط فياجرا في التلاجة .. جه اليوم التاني لقى بابا غنوج مع أم علي .
117- ليه الخباز يقلع ساعته وهو بيخبز؟ عشان الدقيق مايغازلش الدقيقة .
118- صعيدي سافر لندن وهو هناك الدنيا مطرت قام اتصل بأهله في الصعيد وقال لهم غطوا الأسمنت اللي فوق السطح .
119- فيه مدرس سوداني وقعت منه الطباشيرة وهو بيشرح .. قال سيبوا الشرح للحصة اللي جايه .
120- حرامي سرق بنك قامت الشرطة لحقته فدخل الحمام ورمى الفلوس في البلاعة .. خرج له صرصار وقال له : إيه إنت عايز تلبسني التهمة .
121- واحـد بـخـيـل أبوه مـات عيّط عليه بعـين واحـدة .
122- مرة رجل راح البحر ولقى بنت بتغرق .. قال لها : هاتي إيدك فقالت له اطلبها من أبويا .
123- واحد دخل مطعم وطلب واحد مشوي وواحد عصير وواحد رز وواحد يدفع الحساب .
124- أسـتاذ بيراقـب عـلى الطلاب في الامتحان وقال لهم : من غـشنا فـليس منا .. قام واحـد من التلاميذ قال له : من راقـب الناس مات هماً .
125- واحدة متجوزة وكانت بتخون جوزها .. جوزها شك فيها قال باخذ أجازة أسبوع وأسافر .. يادوب جوزها سافر من هنا قامت اتصلت بتلاتة أصحابها وقالت لهم قدامكوا أسبوع كامل .. قعدوا التلاتة مع الست وهم قاعدين قام الباب مخبّط .. قامت مخبياهم كل واحد في شنطة كبيرة .. دخل جوزها وشاف الشنط ، قال إيه اللي في الشنط ده؟ قالت له دا أهلي بعتولي أكل ، قام شايط الشنطة الأولى لقى صوت بيقول مااااااء ، قال لها خروف؟ دا أهلك ناس كرماء أوي ، وشاط التاني قال بكبكبك بكييييك قال لها وفراخ كمان؟ يخرب بيت الكرم .. شاط التالت ماطلعش صوت .. قعد يشوط يشوط ولما اللي جوه الشنطة تعب قال بطااااطس .
126- اتنين حشاشين وقفوا عند سوبر ماركت .. نزل واحد وقال لصاحبه : أجيبلك إيه؟ قال له : أي حاجة . قام الأولاني جاب لنفسه بيبسي وجاب لصاحبه قلم .
127- واحد بيقول لصاحبه إنت أبوك ماله بيتقل علينا كده ليه؟ قال له إزاي؟ قال له يعني من أول ما مات ومحدش بيشوفه .
128- مرة بخيل وقع في حفرة فتجمع عليه الناس عشان يساعدوه بس مكنش راضي يطلع .. جه واحد وسألهم بتعملوا إيه؟ قالوا له الراجل ده مش راضي يطلع! قال لهم ليه؟ قالوا له بنقول له هات إيدك ومش راضي قال لهم بسيطة .. وقال للبخيل : خد إيدي .. قام طلع البخيل .
129- واحد بخيل كل ما يروح مطعم ياخذ معاه شوية صراصير يحطها في الأكل عشان مايدفعش الفلوس .. مرة شافه واحد وحب يقلده قام راح للبخيل وقاله عايز صرصار ..قال له : آسف .. ماعنديش غير دبانة هاشرب بيها الشاي !
130- كان بخيل وابنه ماشيين في جنازة .. فسمع الولد زوجة الميت تقول آه يا جوزي .. سيذهبون بك إلى بيت ليس فيه ماء ولا طعام ولا فراش ولا كساء .. فقال الولد لأبوه إلحق يا بابا هايخدوه عندنا .
131- اجتمع ثلاثة من البخلاء وقرروا التبرع بجزء من مالهم بعدما كثر كلام الناس عليهم فقال البخيل الأول : سأرسم دائرة على الأرض وأرمي المال في السماء فالمال الذي يسقط بداخلها لي والمال الذي يسقط خارجها للفقراء! قال الثاني : أما أنا فسأرسم خطاً على الأرض وأرمي المال في السماء فالمال الذي على يمين الخط لي والمال الذي على شمال الخط للفقراء! فقال الثالث (وكان أشدهم بخلاً) : أما أنا فسأرمي المال في السماء فالمال الذي يسقط على الأرض لي والمال الذي يبقى في السماء فللفقراء!
132- واحد بدوي حاطين صورته في الجرنال وكاتبيت تحتها متى تنتهي هذه الظاهرة .
133- واحد عبيط راح يعزّي في ناس مات أبوهم ، فقال لهم حرااام .. يعني مفيش أمل يرجع خالص .
134- واحد كسول جداً راح للحلاق ، فقال له الحلاق دقن والا شعر؟ قال له دقن فقال له طب إرفع راسك .. قال له لأ خلاص خليها شعر .

[عابر سبيل]

كله مش من عندي! لو فيه حاجة مش لايقة شيلوها انا تعبت من القراءة!(slp) :::222::: o: BAAd*

[AnaKiN-SkyWalkeR]

لو حاسوبي هيك كنت طخيتو وتريحت منو ... (s4)

[R@nyyyy]

(y) (y) (y) حرام عليك عابر كل دة نقرأة انا قرأت سطرين بس
(KRKR) :r: :r:
انا كمان بضم صوتى لللأخ AnaKiN-SkyWalkeR
o: o: o: o: :::I::: :::I::: :::I::: :::I::: انام احسن (s4) (slp) (ok) ::cop:

[7asony]

ههههههههههههههههههه
انا لما خلصت النكت
كل حاجة حوالية متزغللة ...........

ههههههههههههههاااااااااااااااااي

يسلموووووووووووووووووووووا

[اللمبي 2]

جدااااااااا

[nescafio]

علية النعمه إنت واد زى الشربات

[sandrella2008]

بسم الله ماشاء الله

134 نكتة

تسلملنا عالمجهود ده يا (( عابر ))

النكت حلوة قوي

بس ياريت لو كبرت الخط شوية حيكون أفضل لنا

تقبل تحياااااااااتي

[دلوووعة مصر]

ههههههههههههههههههههههههههههههه نكتك حلوة اوي بس النكتة دي :
فيه اتنين بنوا مسجدين جنب بعض ، والناس كانت بتصلي عند واحد والتاني لأ ، قام التاني جاب لوحة وكتب عليها : هنا صلاة العشاء ثلاث ركعات وبدون وضوء
يعني متهيقلي ان احنا مينفعش ننكت على الدين لأن دة حرام
لكن بقيت نكتك كلها حلوة واللهي وتموت من الدحك