نصائح للعريس فقط ( يوم الفرح)

[loli]

أكيد لاحظتوا إن مواضيع الاعراس دايما تركز على العروس .. على هدومها ..على مكياجها.. على صحتها
على اعصابها و.و.و...
) (no) (no) (no) (no) (no) (no)

والعريس المسكين .. محدش قاله حتى ولا كلمه ... غير كع فلوسك وانت ساكت ..

لذلك جرى التنويه لما يلي:

تضامناً مع إخواننا العرسان , المقبلين على الزواج واللي محدش واقف جنبكم , اهدي إليكم هذه النصائح

قبل الفرح تأكد انك عملت الأشياء التاليه:

قبل الفرح بأسبوعين

حسابك في البنك مغطى(مش بكره تفلس وتقول مقلتوليش ليه؟ )

حجز تذاكر السفر لشهر العسل..

حجز الاوتيل في بلد شهر العسل..

(خللي اختيارك رومنسي شوية يعني روح لمكان بعيد انت وياها)(جزيره نائيه)فرصه تضيعها وترجع وحدك كانك متعرفش

او مكان في الجبل والهواء منعش

هديه بسيطة تهديها لعروستك في أول يوم عسل ..

تجهيز كل الحاجيات لبيت الزوجيه ..

قبل الفرح بأسبوع

ما تحلقش ابدا قبل أسبوع كامل عشان يوم الفرح دقنك تبرق

استلام التذاكر السفر..

استلام تأكيد حجز الاوتيل..

علق هدومك في بيتك الجديد مش تروح طرزان..

البلده والكرافات والقميص والجزمه جاهزين..

أدواتك الشخصية كاملة وجاهزة..

فرشاه اسنان..

ماكينه الحلاقه..

عطوراتك..

ملابسك الخاصه..

نظف وجهك بالبخار قبل أسبوع من العرس( علشان مايطلعش وجهك منفخ في العرس)

حجز موعد عند الحلاق علشان حلاقه ومساج و الخ الخ الخ.

يوم الفرح !!!

خذ كفايتك من النوم

بعد ماتقوم خذلك دوش دافي وافرك نفسك كويس بالليفه الخشنه تلاقيك من العيد للعيد بتستحم .. روق بالك وعقلك

وفكر في افكار حلوه ورايقه عشان ينعكس الروقان على وشك

(يعني متروحش الفرح وانت مكشر او مرتبك او او او.)

تغدى كويس عشان ماتوقعش مغمن عليك في الفرح من الجوع

عشا مافيش !!

ما تحلمش انك تاكل في الليل علشان تكون خفيف ياخفيف

(في واحد طفس تعشى قبل العرس وجاله تسمم من الطفاسة ليلتها وقضى الليله مابين الحمام والحمام وكانت ليله مايعلم بيها الا ربنا .

روح موعدك للمزين وخليه يعملك حلاقه معتبره ومساج عشان يروح أي ضغط عصبي وريلاكس

البس هدومك وحط برفان حلو

دي لسته على البيعه بانواع العطور الرجاليه الحلوه:

هافن

هريريرا

كارتييه

شانيل

بوشيرون

س ت ديبون

ديون

فلس الراجل مسكين وهو لسه مدخلش دنيا !!!!

روح دلوقتي لفرحك وماتعملش نفسك كأنك معزوم وتروح متاخر(يعنني عامل فيها واد تقيل )

ارسم الابتسامه الحلوه

لحظة الدخول سمي بالله

ارسم ابتسامه حلوه

وجه عيونك لعروستك اللي قاعده في الكوشه (ده لومعملتش فيك حركه نذاله وسبقتك للكوشه وقعدت على الكرسي قبلك)

اما لو كنتوا ماشيين سوا:

امسك ايدها بشويش مش تضغط عليها كانك عيل خايف وماسك ايد امه

لان العروس في للحظه دي محتاجه اوي للحنان والاطمئنان يعني حسسها بالامان بمسكه ايدك

لما توصل عند الكوشه وقبل ماتقعدوا على الكراسي

ارفع الطرحه عن وشها وبوس جبينها

دلوقتي اقعد على الكرسي

انتبه ماتقعدش على كرسيها (واحد من اللخبطه بعد ماقعدت عروسته وهو كان يسلم على اخواته وعماته لما جيه يقعد قعد في حجر العروسه وبقى منظره صعب لما كل المعازيم فطسوا على روحهم من الضحك عليه .)

بعد التصوير بيقدمولكم عصير عشان تشربوا

انتبه ماتكسفش العروسه ا وتشرب العصير لازم تشربها من كاسك وتشربك من كاسها وياريت تنتبه انك متوقعش العصير على فستانها ..

واذا لاسمح الله دلقت العصير على الفستان ااضحك ضحكه هبلة ء وقولها ادلقي كبايتك على بدلتي علشان نبقى خالصين هههههه.

وانت قاعد في الكوشه مع العروسة ما تستظرفش دمك وتسالها مين دي ومين دي

في واحد سال عروسته وهما في الكوشه قال لها مين دي اللي لابسه عدسات زرقة وبتضحك كده
(من يومها ومراته فاقده الثقه فيه)

لو عيونك ضربت شوط وشافت العدسات تعمل ايه؟؟

عندي لك حل البس نظارات سوود في الفرح عشان متشوفش حد

بعض الافراح بيقوموا العريس مع مع عروسته للرقص (ماتنساش نفسك وتقعد تتنطط وتكسف العروسة )

عند تقطيع التورته :

اامسك ايدها وروحوا للتورته ( يمكن هي مش عارفه مكانها )

اامسك السكينه وايدك فوق ايدها على السكينه (ده الاتيكيت)

وقطعوا التورتة ..خذ بالشوكه قطعه صغيره تنتوفه يعني عشان تأكلها مش تشيل نص التورته في الشوكه
وتقولها كلي

ترزز مره ثانيه للتصوير

بس خلاص مستنيين ايه خلصت النصائح....


(kiss) (kiss) (kiss) (kiss) (kiss) (kiss) (kiss) (kiss) (kiss

[نبض القلب]

كل هاي نصائح تودي في داهية

مسكين العريس والعروسه مسكينة اكثر منه

[maysam]

هههههههههههه

والله يا لولي عقدتيهم

بس النصيحة التالية

واذا لاسمح الله دلقت العصير على الفستان ااضحك ضحكه هبلة ء وقولها ادلقي كبايتك على بدلتي علشان نبقى خالصين هههههه.

وانت قاعد في الكوشه مع العروسة ما تستظرفش دمك وتسالها مين دي ومين دي

في واحد سال عروسته وهما في الكوشه قال لها مين دي اللي لابسه عدسات زرقة وبتضحك كده
(من يومها ومراته فاقده الثقه فيه)

لو عيونك ضربت شوط وشافت العدسات تعمل ايه؟؟

عندي لك حل البس نظارات سوود في الفرح عشان متشوفش حد(KRKR) (KRKR) (KRKR)

(g)

[loli]

امال بس فالحين يعقدونا بعيشتنا؟؟؟


ما انا لازم اعقدهم هم واللي يتشدد لهم (kick) (kick) (kick)

صعبوا عليا البنات من كتر النصايح الي بيسمعوها .... ولازم ومش لازم ......والرجاله محدش بيقولهم تلت التلاته كام....

لازم نعقدهم ونوريهم اننا قاعدين وصاحيين لهم....

(kick) (kick) (kick) (kick) (kick)

[انسان]

خللي اختيارك رومنسي شوية يعني روح لمكان بعيد انت وياها)(جزيره نائيه)فرصه تضيعها وترجع وحدك كانك متعرفش

احسن حاجه هما الكلمتين دول
اهوا الاحد كل ما يتزنق يتجوز واحده ويضيعها يعنى يتنعم فى اول يومين ويضيعها
قبل ما النكد يشتغل بقيه العمر(KRKR)

[أحمد سليمان]

وقطعوا التورتة ..خذ بالشوكه قطعه صغيره تنتوفه يعني عشان تأكلها مش تشيل نص التورته في الشوكه
وتقولها كلي

حلوه دى يا لولى فكرتينى بأبن خالتى
كان فرحه قريب و هو لخمه شويه
هو عمل كل شئ مضبوط أخذ قطعه تنتوفه على طرف الشوكه و قالها كلى بس المشكله انه ما حطش الشوكه فى فمها
حطها فى مناخيرها





























لالالالا
انا مش زيه
الولد لابوه مش أبن خالته :r:

[loli]

ههههههههههههههههههههههههههههه تخيلت الموقف وفطست على روحي من الضحك .......

قلتش انا حاجه؟؟؟

وشهد شاهد من اهلهم

وتقولوا لي عقدتيهم؟؟؟

:::222::: :::222::: :::222::: :::222::: :::222::: :::222::: :::222:::

[أحمد سليمان]

ههههههههههه
انتى فطستى على نفسك من الضحك
ده انتى ما شفتيش احنا عملنا فيه أيه
بهدلنا و مسكناه تريقه طول الفرح و يمكن لكان شهر بعدها
و كمان أيه اللقطه دى طلعت فى الفيديو لانه كان بيصوروا تقطيع التورته كالعاده و الشريط لسه عندى


فى المره التانيه لما أدينا له تنتوفه تانيه على طرف نفس الشوكه العروسه مسكت أيده ووجهتها



عارفه كل ده ليه
لانها أبتسمت قبل ما يأكلها فخربت كيانه

[loli]

برضه فسرها غلط

ياربي من اول يوم بالجواز ابتدا يفهم غلط؟؟؟؟؟؟؟


امال بعد عشر سنين حيعمل ايه؟

[انسان]

ما انا قلتلكم ابتسامه المراه دايما تودى فى داهيه
شوفتوا الاجل لسه فى اولها واول ما ابتسمت حاله اتشقلب وشافمناخيرها مكان بقها

[Yawer]

اهم نصيحة اقدمها للمأسوف على شبابه مقدما اقصد العريس
انه لا يقدم على هذه الخطوة ابدا
ليه تجيب لنفسك وجع الماغ طالما ممكن متجبهوش لنفسك

نسيتى شئ لولى لبيسة الجزمة

[loli]

لبيسه الجزمه مش مهمه

ممكن يستعمل الشوكه بدالها


ولا اقولك السكينه احسن واسرع ::shot:: ::shot:: ::shot:: ::shot::

[Yawer]

خلاص وضحت الرؤية
سكينة

يعنى سكينة وكياس وشوية شوية تلاقى نفسك يابنى ملفوف فى كام كيس

اهم نصيحة ليك يا عريس ارجع فالموت امامك

[loli]

اين المفر؟؟؟؟؟


ماهو حيتجوز حيتجوز

صدقني انا بس حبيت انور كل المقدمين على الزواج عشان ميتخضوش


اه افتكرت............... تعرف انا نسيت اهم حاجه عارف هي ايه؟


طاسة الخضة (ok) (ok) (ok) (ok) (ok) (ok)

[Yawer]

تفتكرى انه هيلحق يتخض