|
خش وشوف ضحكتك هنا ولا لا؟
اعرف شخصيتك من ضحكتك؟؟؟؟؟؟؟؟
نظرا لاهمية الضحك في حياتنا
وانا مع نظرية اضحك للدنيا تضحك لك
انا قررت اعمل دراسة عن الضحك والشخصيات؟؟؟
يعني رح اقدملكم خلاصة تجاربي و اقول الضحكة وتفسير شخصية صاحبها
بسم الله نبدأ...
هههههههههههه :
صاحب الضحكه دي .. افقه واسع .. حبوب .. طيوب .. بس مجامل بشكل كبير .. مسالم وعلى نياته .. دايما مبسوط وبارد .. اكتر حاجه توديه بداهيه انه يضحك احيانا في مواقف غلط !! .. يعني مواقف حزينه يقعد يضحك ...تبقى عايز تخبطه باللي في ايدك ...بس طيب ... ماعلينا
ههههههههههههاي اهم حاجة الياء:
انسان قليط ومتكبر .. ضحكه قليل بيسميه تقل.. متسلط ويحس بالنقص .. تقيل الدم .. احسن طريقه للتعامل مع الناس دي .. هو القمع والشكم والتطنيش وعدم رفعه من ارضه .. عشان يعرف ان من تواضع لله رفعه
هاهاهاهاهاهاها بنفس الترتيب:
انسان مرتب .. يعني لو دخلت اوضته مش حتلاقي غير روايح حلوه.. كل حاجة منظمة حتى الضحكه .. مثقف ويلبس نظارات 12 بوصه (كعب كبايه ) يعني نظارته اكبر من وشه ..
مش بيضحك كثير بس يبتسم .. شكله ده يخليك ترتاح له وتشكي له .. عاده بتلاقي عنده الحل .. لو مالقيتش الحل اهم حاجه انك بترتاح .. كتوم هو على فكرة ...
نياهاهاها :
انسان شرررير .. يمووووت في النداله والشر .. قمه الانشكاح عنده انه يخض قزازة بيبسي ويديها لحد تاني يفتحها .. عيونه بتطق شرار .. ملبس اسنانه القدامانيه قشرة ذهب عشان لما يضحك تلمع وتغيظ ...
احسن طريقه للتعامل مع النوعية دي هو العمل بالمثل "ابعد عن الشر وغني له" .. لكن مهما حاولت تبتعد عنه هو حيجيلك حيجلك لانه مش حيرتاح الا لو عمل فيك مقلب .. بس حاسب انك تديله فرصه.. لانه لو ما غاظش حد يجيله صداع مزمن.. ربنا يكون بعون اللي حواليه عليه
هههاااهاهااهاهههااههه بالطريقه دي بالظبط:
انسان عايش في كوكب تاني بمعنى الكلمه .. يعني لو تساله عن اسمه يقولك ممكن الاتصال بصديق عشان الموضه يعني ..
ولو اضطريت تدخل اوضته .. افتح الباب من بعيد عشان ممكن تلاقي حاجه جت في وشك او وقعت على ان نافوخك ...
اللبانه ما بيشيلهاش من بقه .... ويقعد يندغ فيها ويمسك طرف اللبانه باسنانه والطرف الثاني بايده وهاتك يا شد... ويعمل حركات بهلوانيه .. الحاجة الوحيدو اللي تستفزه انك تقوله يا غتت .
هه هه هه هه :
انسان متردد .. يفكر 60 مره قبل مايعمل اي حاجه.. رومانسي .. يراعي مشاعر الاخرين .. خدوم يحب يساعد حتى لو ماكانش قادر .. ان صادفك حد من النوع ده اتمسك ييه بايديك ورجليك لان النوعيه دي نادره
كعكعكعكعكعكعكع :
انسان "تحتوخ" "فيل صغنن " يتراوح وزنه ما بين 100 -150 كيلو متر مربع ....لا عفوا تكعيب .. استمد ضحكته من كتر الاكل .. كريم جدا لحد الاسراف خصوصا اذا كانت الحكاية فيها اكل .. ما بييطلعش من البيت الا وجيوبه مليانه .. علب ببسي شيبسي ((اه يا قلبي)) اللي بيقعد معاه بيزيد 5 كيلو/ ساعه
اماكنه المفضله : السوبرماركت - المطاعم - اينما تواجد الاكل .. لكن في نفس الوقت نفسه عزيزه ..
كيفيه التعامل مع الاشخاص .. اهم شيء اقعد بعيد عنه خوفا على عظامك احسن يحصل حادثه لانه عادة يصاحب هذه الضحكه حركه سريعة باليد .. مع ذلك خفيف دم وواسع الافق .. واصدقائه يحبونه حتى لو كان بياكل اكلهم دايما بالقعدات...... بس اهم شيء يخرج معاهم ...
اه بالحق ...بييقولوا ان فيه ضحكه جديده نازله السوق وهي
؟
هعهعهعهعهعهعهعهعهع
الضحكه دي بلصراحه ماشملتهاش دراستي ولكن ( برأيي المتواضع ) اعتقد انها ضحكه واحد قرفان .. بس اكيد رح اعمل تحليلات على الضحكه دي ونحط بعض العينات تحت المجهر وان شاء الله حتكون النتيجه عندكم قريب اوي ((عشان ابقى صادقه ))
هاااااااااا دلوقتي اكييييييييد عرفتو شخصياتكم وكل واحد عرف شخصيته اقصد(ضحكته)
(KRKR) (KRKR) (KRKR) (KRKR) (KRKR) (KRKR) (KRKR) (KRKR) (KRKR)
__________________
((قابل للكسر ))
عباره مكتوبه على جبين المرأه ..
لكن مشكله بعض الرجال انهم ..
لايجيدون القراءة ..!!
******************
سبحان الله وبحمده...سبحان الله العظيم
|
النمط الخطي
