نصائح للعكننة على الزوجة

[SCORPION]

| نصائح للعكننة على الزوجة

| الصبح وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان اشمعنى انت ؟ ولو حاولت ترجع تنام تانى قالها مادام صحيتى حضري الفطار بقى

| اذا كنت بتتفرج على التلفزيون وهى عايزة تغير القناة 00 قالها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كلة 00 ولو كنت بتتفرج على ماتش كورة هيبقى الموضوع اسهل كل ما حد من اللاعبين من اى فريق يمسك الكورة قالها معلش ثوانى بقى انا حاسس ان الكورة دى جون حتى لو كان حارس المرمى ماسك الكورة والماتش واقف لان فى واحد مصاب

| ( ملاحظة : اغلب النساء ذو ثقافة كروية ضعيفة )

| اصح يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات لاعداد طبق بيض وسندوتش جبنة

| طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض

| فى عيد ميلادها زينلها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟ اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة

| لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات 00 يرعى التجول وانت مستمتع بأكل الجاتوة امامها

| متنساش رأيك فى طبيخها لو عاملة لحمة قالها حلو اوووى الفراخ دى 00ولو طبخة بامية 00 جميلة اوى الملوخية دى حطة عليها اية ؟؟ ولو عملة كيكة قالها انا بحب اشرب شاى مع البسكويت الحلو دة !!

| لو طلبت منك تنشر الهدوم قالها حاضر مع ابتسامة حانية وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !

| لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية

| >لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى دى فين ؟؟

| وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقالها حبيبتى معلش ممكن كوبية مية علشان ضهرى بيوجعنى !!


|:::222::: :::a:::: :::222::: :::222:::

[maysam]

سكوربيون

شكلك مش عارف لسة
انه الست لما تنوي تنكد على جوزها بتكون النية شديدة
يعني ما تحاولش
نصايحك فاشلة::shot::

نفسي اقول بس مش قادرة(kick)

[Yawer]

كلامك دا اعطانى احساس ان الستات دايما متسلطين ورخمين لدرجة
شوف الزوجة بالذات يمكن السيطره عليها بمنتهى البساطة بس المهم ان الزوج يكون فاهم وعارف يتعامل معاها ازاى
هعلق على كلمك ممكن

| الصبح وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان اشمعنى انت ؟ ولو حاولت ترجع تنام تانى قالها مادام صحيتى حضري الفطار بقى

المفروض انها هى اللى تصحيك من النوم عشان تروح الشغل وتبوس ايدك كمان

| اذا كنت بتتفرج على التلفزيون وهى عايزة تغير القناة 00 قالها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كلة 00 ولو كنت بتتفرج على ماتش كورة هيبقى الموضوع اسهل كل ما حد من اللاعبين من اى فريق يمسك الكورة قالها معلش ثوانى بقى انا حاسس ان الكورة دى جون حتى لو كان حارس المرمى ماسك الكورة والماتش واقف لان فى واحد مصاب

الاحتفاظ بالريموت بجانبك انت يمكنك من مشاهدة ما تريد
ثم هى المفروض متكنش فاضية وتجلس معاك الا فى الاوقات اللى انت تحددها
زى انها تذاكر للاطفال وتجهز معاهم الواجب اشغلها متعرفش تشغلها ولا ايه


| اصح يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات لاعداد طبق بيض وسندوتش جبنة
| طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض

تفتكر ان الراجل ممكن يدخل المطبخ؟

| لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات 00 يرعى التجول وانت مستمتع بأكل الجاتوة امامها

بصراحة دى مقدرش اعملها لانى الحب السيدة الرشيقة

| متنساش رأيك فى طبيخها لو عاملة لحمة قالها حلو اوووى الفراخ دى 00ولو طبخة بامية 00 جميلة اوى الملوخية دى حطة عليها اية ؟؟ ولو عملة كيكة قالها انا بحب اشرب شاى مع البسكويت الحلو دة !!

يابنى هو فى زوجة بتعرف تطبخ
انت بس قلها والدتى كانت بتعمل الاكل بالطريقة الفلانية وهى .............


| >لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى دى فين ؟؟

ياسلام اكسر كوباية طيب ما الزوج هو اللى هيشترى غيرها يعنى على دماغة
ممكن نقول انك اولا متدخلش المطبخ من اساسه واعتبره من المناطق المحرمة
ولو دخلت وفرض عليك الموقف دا (طبعا دى ست مفترية جدا ) فانت تخرج فى الصاله حامل الكوباية وهى ملاينة ماء بالمنظف واقف اتكلم معاها عن اى موضوع وسيب الماء على الارض وهى هتقوم بالواجب


| وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقالها حبيبتى معلش ممكن كوبية مية علشان ضهرى بيوجعنى !!

من الممكن ايضا تقولها هو الجميل مش هيحن علينا بكوباية شاى ولا ايه


اهلا بيك فى ما كان يسمى الحزب الرجالى

[maysam]

ياور

المفروض انها هى اللى تصحيك من النوم عشان تروح الشغل وتبوس ايدك كمان

تصحيه ايوة
بس تبوس ايده ليه
هو امير المؤمنين؟ ولا وجوده هو سبب بقائها على وجه الأرض

الاحتفاظ بالريموت بجانبك انت يمكنك من مشاهدة ما تريد
ثم هى المفروض متكنش فاضية وتجلس معاك الا فى الاوقات اللى انت تحددها
زى انها تذاكر للاطفال وتجهز معاهم الواجب اشغلها متعرفش تشغلها ولا ايه

طيب ولما تكون الشغالة موجودة

طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض

تفتكر ان الراجل ممكن يدخل المطبخ؟

وما يدخلش ليه
هو على راسه ريشة
بعدين انا بشوف بأيامنا ان الرجل هو اللي قاعد بيدخل المطبخ
بس ليه وعلى شان ايه مش عارفة

يابنى هو فى زوجة بتعرف تطبخ
انت بس قلها والدتى كانت بتعمل الاكل بالطريقة الفلانية وهى

الافتراء بعينه

ياور ما فيش فايدة(KRKR)

[MoHaMeD NaSSaR]

كاتب الرسالة الأصلية : maysam
سكوربيون

شكلك مش عارف لسة
انه الست لما تنوي تنكد على جوزها بتكون النية شديدة
يعني ما تحاولش
نصايحك فاشلة::shot::

نفسي اقول بس مش قادرة(kick)

:mad: :mad: :mad:

لا نصائحه مش فاشله

وحتى لو الزوجه نكدت علىى زوجها خلال فتره بسيطه بيطلع من الموود ده

[Yawer]

تصحيه ايوة
بس تبوس ايده ليه
هو امير المؤمنين؟ ولا وجوده هو سبب بقائها على وجه الأرض
--------------------------------
لا هوا السبب فى النعيم اللى هى عايشة فيه
والسبب فى انها بقت ام
وبعدين دى تحمد ربنا ان فى حد اتجوزها ولاقية حد تتحكم فيه
دى كانت فى بيت ابوها يا عينى مسكينة
متشوفهاش الا وهى بتاكل فى اظافرها
------------



طيب ولما تكون الشغالة موجودة

----------------
ممكن يتعلل بتدنى الدخل ويمشى الشغالة
بسيطة جدا
-----


وما يدخلش ليه
هو على راسه ريشة
بعدين انا بشوف بأيامنا ان الرجل هو اللي قاعد بيدخل المطبخ
بس ليه وعلى شان ايه مش عارفة
-----------
انا عن نفسى عمرى فى حياتى حتى الان لم ادخل المطبخ سوى زائر او متطفل خاطف (فى حالة الجوع الشديد)
اما كونى اعمل اى شئ به فدا من رابع المستحيلات
-----

الافتراء بعينه
----
هو اللى يقول على اللى مفروض يتعمل يكون مفترى


ميسم ما فيش فايدة(KRKR) [/b][/quote]

[maysam]

كاتب الرسالة الأصلية : Yawer
تصحيه ايوة
بس تبوس ايده ليه
هو امير المؤمنين؟ ولا وجوده هو سبب بقائها على وجه الأرض
--------------------------------
لا هوا السبب فى النعيم اللى هى عايشة فيه
والسبب فى انها بقت ام
وبعدين دى تحمد ربنا ان فى حد اتجوزها ولاقية حد تتحكم فيه
دى كانت فى بيت ابوها يا عينى مسكينة
متشوفهاش الا وهى بتاكل فى اظافرها
-------------------------------------------------------------------------------------وانت منين تعرف اذا كان نعيم ولا جحيم؟؟؟؟؟؟؟؟؟؟
بعدين هي السبب برضو انه بقى اب
ويحمد ربنا انه لقى واحدة تلمه وتستر عليه
يا عيني عليها والله المسكينة يعني هي اكتشفت الأكل والشرب على وقته
كانت عند اهلها مكبوسة بالمرتبان
حجج واهية يا ياور اعترف
اعترف



طيب ولما تكون الشغالة موجودة

----------------
ممكن يتعلل بتدنى الدخل ويمشى الشغالة
بسيطة جدا
------------------------------------------------------------------------------------
ما يقدرش يتحجج
ما فيش شي اسمه يتحجج
هي لما خدته عارفة ايه المقومات اللي عنده
ويمكن على شان المقومات اخدته من الاصل
لما تروح المقومات
حيبقى ايه بس


وما يدخلش ليه
هو على راسه ريشة
بعدين انا بشوف بأيامنا ان الرجل هو اللي قاعد بيدخل المطبخ
بس ليه وعلى شان ايه مش عارفة
-----------
انا عن نفسى عمرى فى حياتى حتى الان لم ادخل المطبخ سوى زائر او متطفل خاطف (فى حالة الجوع الشديد)
اما كونى اعمل اى شئ به فدا من رابع المستحيلات
------------------------------------------------------------------------------------ياور
اللي بيخليه زمانه بيشوف وبيسمع
وكان غيرك اشطر


الافتراء بعينه
----
هو اللى يقول على اللى مفروض يتعمل يكون مفترى
------------------------------------------------------------------------------------

لا بس اللي يقول كلمة الحق ما حدش ينتقده


ميسم ما فيش فايدة(KRKR)

[/b][/quote]

------------------------------------------------------------------------------------
ايوة هو الظاهر ما فيش فايدة
زي اللي بينفخ بقربة مخزوقة(KRKR) (KRKR) (KRKR)

[دقه قلب]

شكلكم ناويين على نكد هنا كمان
بس انا بقى مش ناويه على نكد مع اللى هيكون ماسوف على شبابه
على فكرة انا مش ابوس ايد حد وكمان بحب الكورة وبفهم فيها كويس وحكايه الريموت دى فا انا بقى من دلوقتى وانا فى بيت بابا مش بسيبه من ايدى وكمان اعلم ولادى يزاكرو لنفسهم واقعد انا اقرا كل الكتب اللى بحبها وابقى اقعد معاه لما اكون فاضيه له
ويبقى يقول الستات رغايين يبقى يشوف مين هيكلمه اصلا وهو اللى هيبوس ايدى كمان عشان اتكلم معاه5دقايق بس
وحكايه المطبخ دى بقى بصراحه يعنى انا كنت ناويه على تعاون يعنى ولا هو مامته معلمتوش حاجة خالص (ده مش عشان انا مش بعرف اطبخ بس عشان يعرف ياكل نفسه لما ازعل واسيب البيت شوفتو هحبه ازاى )
واذا كان على دخول المطبخ من الاساس فانا عندى خطه
اولا بيدخل جعان جدا ويفضل يخطف الاكل اوك كويس
تانى مرة جاى جعان جدا لدرجة انه هيجهز معايا السفرة عشان ياكل ما هو جعان
التالته بقى هيشيل معايا الاكل اصله مستعجل جدا وعنده مشوار مهم بس للا سف لازم اكوى له القميص مين يشيل الاكل بقى (ما هوانا اكويه وهو بيشيل كده اضمن انه ينفذ)
وعلى كده كل حاجة انا اعملها له بره المطبخ هو يعمل زيها جوه بس طبعا مش بالزعيق بالسياسسسسسه
هاهااه شوفتو هيكون مبسوط مش كده

[SCORPION]

انتو بيتتخنقوا ولا ايه مياسم انا مجرب النصايح دى ويس
وكلها شغاله تمام(g) (g) (g)

[maysam]

كاتب الرسالة الأصلية : SCORPION
انتو بيتتخنقوا ولا ايه مياسم انا مجرب النصايح دى ويس
وكلها شغاله تمام(g) (g) (g)

سكوربيون

انا ميسم واحدة بس مش مياسم بالجملة

شغالة عندك يمكن بس عندي ما تمشيش ابدا::shot::

[Yawer]

مياسم
يا عيني عليها والله المسكينة يعني هي اكتشفت الأكل والشرب على وقته
كانت عند اهلها مكبوسة بالمرتبان
حجج واهية يا ياور اعترف
اعترف
-------
مش دا قصدى انا اقصد انها فى بيت والدها زى النسمة محدش بيسمع لها صوت
اما لما تزوجت الجيران بيضبطم مواعيدهم على مواعيد الخناقة اللى مع جوزها
او لما تكون بتعلم الخادمة اكلة جديدة
حجج واهية دا انتم مفترين جدا ::shot::
------------------------------------

ما يقدرش يتحجج
ما فيش شي اسمه يتحجج
هي لما خدته عارفة ايه المقومات اللي عنده
ويمكن على شان المقومات اخدته من الاصل
لما تروح المقومات
حيبقى ايه بس
--------------
اهههههههههههههه
يعنى هى داخلة على طمع
طيب لما تكون هناك خادمة فى البيت يبقى الزوجة عليها ايه اكــــــيد النكد :::222:::


----------------------------------
اللي بيخليه زمانه بيشوف وبيسمع
وكان غيرك اشطر
----
وعد الحر دين عليه
----------------------

لا بس اللي يقول كلمة الحق ما حدش ينتقده

----
وانا مقلتش غير الحق مش كدا ولا ايه
--------------------------

هو واضح انه مفيش فايدة
حسبى الله ونعم الوكيل فيك ياللى ببالى

[abu_eldahab]

لا أدري لماذا تكثر مثل هذه النوعيه من الموضوعات في المنتدي ..!!!

حتي ولو اختلف القسم الذي توجد فيه وكذلك الاقبال عليها ...!!!!


وكأن الحياة أصبحت حرب بين أدم وحواء ...!!!


اعتقد انه من يفعل هذا يأثم علي فعله لان للزوجه عليه حقوق
ولن أقول اكثر من ....


كن لزوجتك كما تحب أن تكون لك....



وهنا السؤال لماذا نتزوج اذن ....


ملاحظة لم يقول ان هذا قي قسم النكت او الالغاز او غيره



وهل أصبحت الحياة الزوجية وتلك الاقتراحات المكتوبه هي ما يهمنا في اسلوب الحياة بين الزوج وزوجته ..!!

نريد أن نعيش حياة أسريه تغمرها الجوانب الايمانيه

وللاسف ندر ان نجد زوجه توقظ زوجها لقيام الليل وندر ان نجد زوج يعين زوجته علي طاعة الله

وهذا ما اراده الغرب لنا ان يهدموا كيان هذه الاسره

واعداد المطلقات في العالم العربي توحي بكارثه وشيكه ...

تحياتي .....

[Yawer]

دقة قلب

بس انا بقى مش ناويه على نكد مع اللى هيكون ماسوف على شبابه

من اولها العين الحمرة (المأسوف على شبابه)
ان لله وان اليه راجعون

-----------

على فكرة انا مش ابوس ايد حد وكمان بحب الكورة وبفهم فيها كويس وحكايه الريموت دى فا انا بقى من دلوقتى وانا فى بيت بابا مش بسيبه من ايدى وكمان اعلم ولادى يزاكرو لنفسهم واقعد انا اقرا كل الكتب اللى بحبها وابقى اقعد معاه لما اكون فاضيه له
---
يعنى الراجل هيكون فى منتهى الحرية وهوا المطلوب اثباته
دى طريقة جديدة
ابقى قبلينى لو شوفتيه تانى يوم
-----------------

ويبقى يقول الستات رغايين يبقى يشوف مين هيكلمه اصلا وهو اللى هيبوس ايدى كمان عشان اتكلم معاه5دقايق بس
---
اعتقد انه لازم يقدم طلب على عرض حال دمغة
او اقولك يبقى يقدم طلب للامم المتحدة
------------------

واذا كان على دخول المطبخ من الاساس فانا عندى خطه
اولا بيدخل جعان جدا ويفضل يخطف الاكل اوك كويس
تانى مرة جاى جعان جدا لدرجة انه هيجهز معايا السفرة عشان ياكل ما هو جعان

ههههههههههه مين دا هو هيدخل ياخد دش لغاية ما تحضرى الاكل وتضعيه على السفرة
-----------

التالته بقى هيشيل معايا الاكل اصله مستعجل جدا وعنده مشوار مهم بس للا سف لازم اكوى له القميص مين يشيل الاكل بقى (ما هوانا اكويه وهو بيشيل كده اضمن انه ينفذ)
---
لا دا هيتغدى مع صديقة بره طالما فيها تاخير
---------

وعلى كده هوا هيرجع من الشغل تعبان جدا ومرهق وهينام سعتين لحد ما تجهزى لوحدك كل شئ
-

[Yawer]

كاتب الرسالة الأصلية : abu_eldahab
لا أدري لماذا تكثر مثل هذه النوعيه من الموضوعات في المنتدي ..!!!
حتي ولو اختلف القسم الذي توجد فيه وكذلك الاقبال عليها ...!!!!
وكأن الحياة أصبحت حرب بين أدم وحواء ...!!!
اعتقد انه من يفعل هذا يأثم علي فعله لان للزوجه عليه حقوق
ولن أقول اكثر من ....
كن لزوجتك كما تحب أن تكون لك....
وهنا السؤال لماذا نتزوج اذن ....
ملاحظة لم يقول ان هذا قي قسم النكت او الالغاز او غيره
وهل أصبحت الحياة الزوجية وتلك الاقتراحات المكتوبه هيا ما يهمنا في اسلوب الحياة بين الزوج وزوجته ..!!
نريد أن نعيش حياة أسريه تغمرها الجوانب الايمانيه
وللاسف ندر ان نجد زوجه توقظ زوجها لقيام الليل وندر ان نجد زوج يعين زوجته علي طاعة الله
وهذا ما اراده الغرب لنا ان يهدموا كيان هذه الاسره
واعداد المطلقات في العالم العربي توحي بكارثه وشيكه ...
تحياتي .....

اعتقد انه حين يكتب موضوع بطريقة السخرية اى الدعابة فاننى اقوم بالرد بالمثل
فانا لا اعتقد ان هناك من يصغر عقله الى هذه الدرجة ويصدق ان هذا الكلام يمكن تنفيذه او هو الواجب تنفيذه مع الزوجة

اما بالنسبة لتعليقك فاعتقد انه يمكنك وضعه فى بوست او موضوع جديد للمناقشة
اما عن كونية نقله الى قسم الاغاز والنكت
فهناك مشرفين لهذا القسم يستطيعون فعل هذا اذا رئم هذا

مش عارف بس حاسس انى قراءت منشيط فى الجرنال دلوقتى
على العموم حصل خير

[abu_eldahab]

اعتقد انه حين يكتب موضوع بطريقة السخرية اى الدعابة فاننى اقوم بالرد بالمثل

دون أن تمرر هذا الموضوع علي عقلك .!!!

انا لا اتحدث عن القسم الذي فيه لان مثل هذا الموضوع ملئ المنتدي مع تغيير العنوان


اما بخصوص

فانا لا اعتقد ان هناك من يصغر عقله الى هذه الدرجة ويصدق ان هذا الكلام يمكن تنفيذه او هو الواجب تنفيذه مع الزوجة

عليك بمراجعه بعض حالات الطلاق التي حدثت والتي ربما تضحك لاسبابها والتي تعتبر من اصاغر الامور

ولكن النار من مستصغر الشرر


ولان الدعابه لها أصول وقواعد ويجب الا تمس اي جانب من الجوانب التي أمرنا بها ديننا الحنيف ولقد حث الاسلام علي حسن معامله الزوجه

واعتقد ان مثل هذه المواضيع ليس لها فائده علي الاطلاق

مش عارف بس حاسس انى قراءت منشيط فى الجرنال دلوقتى
على العموم حصل خير

لا أدري ماذا اقول لك أخي الحبيب ولكن

اسأل نفسك هل هذا ما حثه علينا ديننا الحنيف .؟؟

اذن ما الداعي من مناقشه مثل هذه النوعيه ولو حتي علي سبيل الدعابه ........

اسجل اعتراضي علي مثل هذه النوعيه من المواضيع ......