من بره ورده ومن جوه قردة

[نكش]

على راى المثل

- ياما اكثر الفلايات على التسريحة الزلبطة

- يا عجوزة قلع بطلى دلع

- يطلع م الشقوق يخلص الحقوق

- يا معزى بعد سنة يا مجدد الاحزان

- يضربنى على القفا ويصالحنى فى الخفا

- ياكل ويشرب ووقت الحاجه يهرب

- من عتر فى حجر ورجع إليه يستاهل ما يجرى عليه

- من بره ورده ومن جوه قردة

- لما اتفرقت العقول كل واحد عجبه عقله ولما اتفرقت الارزاق ما حدش عجبه رزقه

- كل ما نقول انسدت نلاقى غيرها جدت

- قولله فى وشه ولا تغشه

- قالوا الترمس احلى من اللوز .قال ده جبر خاطر للفقرا

- قالوا يا قرد راح يسخطوك قال راح يعملونى غزال

- فى فرحكم ابص وارجع وفى حزنكم التلات والاربع

- عيوبى لا اراها وعيوب الناس اجرى وراها

- على ما تتكحل العمشة يكون السوق خرب

- شعرة من هنا وشعرة من هناك يعملوا دقن

- ساعة السلف له ايدين وساعة الرد له رجلين

- زى المراكبيه ما يفتكروش ربنا الا ساعة السلف

- زى كرابيج الحكام .. اللى يفوتك احسن من اللى يحصلك

- زى القبر.. ما يرجعش ميت

- زى الجميز.. كلامه يغم على القلب

- زى النمل.. يشيل اكبر منه

- زى النجوم قريبين وبعاد

- راشش فليت وبيعارك دبان وشه

- ربك رب عطا يدى البرد أد الغطا

- خدلك من كل بلد صاحب ولا تاخد من كل إقليم عدو

- جبت الاقرع يونسنى ام عرى راسه وخوفنى

- جت الدودة تقلد التعبان اتمطعت قامت انقطعت

- اذا لم تكن لى والزمان شرم برم فلا خير فيك والزمان ترللى

- اضحك والضحك رخيص قبل ما يتعبى فى قراطيس

- الدنيا بدل يوم عسل ويوم بصل

- إن صبرتم نلتم وأمر الله نافذ....وإن ما صبرتم كفرتم وأمر الله نافذ

- البرد والقله .. اساس كل عله

- العيان ما حدش يعرف طريق بابه والسليم ياما اكثر اصحابه

- اللى ما تكفيه الاشارة تكفيه العبارة

- اللى ما يسمع ياكل لما يشبع

- اللى ما يسمع كلام كبيره يا تعسيره

- اتكلم بإحسان أحسن الحيطان لها ودان

- اللى معاه مال يشترى اللحم بالصفيحة واللى بلا مال ياكل على الريحة

- اللى خلص من دينه نامت عينه

- الدكان جنب الدكان والرزق على الرحمن

- العمل بتمن الزيت ولا القعاد فى البيت
goood/

(KRKR) (KRKR) (KRKR) (KRKR)

[maysam]

اهلا يا نكش

امثال ظريفة جدا وبنفس الوقت الحلو انه في تقارب كبير بطريقة الامثال بين بلد وبلد
شكرا يا نكش

مع تحياتي

[MoHaMeD NaSSaR]

اهلا يا نكش

انا عن نفسي اول مره اسمع الامثال ده
ومنكم نستفيد

تحياتي

[loli]

هههههههههه

حلوه يانكش

انا بحب اوي الامثال المتدلعه دي

فيها فايده وفيها خفه ظل

ميغسي (g) (g) (g) (g)

[نكش]

شكرا ميسم ومحمد ولولى
واعتبروها جزء من إحياء التراث الشعبى اللى كتير منا نسيه