<<< رحلة على حساب المنتدى >>>

[loli]

طيب بص انا حاعاملك معامله خاصه جدا .... عشان انت شكلك صعبت عليا... وحخليلك سجن انفرادي ... احم... :$ قصدي مقصوره خاصه ليك لوحدك.... وفيها تلفزيون كبير... 200 بوصه... وفيها مطعم ... وفيها بركه سباحه... وفيها مراجيح وملاهي... ايه رايك؟ تيجي؟

[7asony]

مادام طلبي اللي طلبته ما تحقق
مشششششششش رايح
وعلى فكرة
ده انا اول واحد طلبته

[loli]

يوووووه بقى يا حسوني... ماتنشفش دماغك ... وخليك كووووول....

بس عموما عشان انت فعلا اول واحد طلبته يبقى خلاص... حاتبقى سواق...وانت حر بقى انا كنت بدور على راحتك ..... بس انت غاوي تعب ......

انسان معلش خليك انت الكبير... وحابقى احطك في المقصوره بتاعه حسوني الي قلتله عليها فوق اوكي؟

[7asony]

وكمان المقطورة اللي فوق تتقفل
علشان لما اتعب من السواقة اطلع اريح فيها .........

[loli]

تصدق بقى يا حسوووني... انت طالع عليا في الرحله دي بخسارة ^o

وبعدين ايه تريح دي؟ امال مين يسوق انت فاهم ان السواقه دي ساعه ولا ساعتين؟ لا يابابا اصحى... دي طول الرحله..يعني يدوبك تطش وشك بشويه ميه ع الصبح وتنزل تجري تسوق...

بقى عشان انت صعبت عليا ومش عايزه احرمك من حاجه... تقوم تتأمر عليا وتطلب كل حاجه ليك؟...

بص انت ممكن تشارك بالمقصوره بتاعة انسان... لو هو رضي ... يعني الموضوع مرهون بموافقة انسان... وانت هو احرار بقى..

فينك يا ورررررررررررررررد كنت خدت لي بتاري من حسوني والي بيعملوا حسوني..

[7asony]

انتي بابا وانتي ماما
وانتي كل حاجة حلوووووووووووة

خلااااااااااااااااص موووووووووووووافق

[loli]

.... هو انور وجدي كان بالفيلم ده ولا لا؟ احسن سمعت انك بتشوف الفيلم ده كتير الايام دي...

الامر لله.... انا كمان موافقه... يلا مش خسارة... عموما ربنا يستر...

^o

[أحمد سليمان]

المفروض الرحله تطلع بأتوبيسين
أتوبيس لحسونه و أتوبيس للباقى كلهم

انت أيه
ما تعرفيش حسونه ولا أيه


يابنتى ده حاجه كبيره قوى عندنا
والمقام محفوظ


و بعدين يعنى هتعملى أيه فى الفلوس اللى انتى لمتيها دى كلها
هتضحك علينا يا جماعه انا عارفها من أيام ال 3 جنيه بتوع التاكسىبتاع حامد

طلعى أتوبيس تانى خاص سياحى مكيف وفى مطعم و بركه سباحه لحسونى
فاهمه ولا لا



















ناس ما تجيش غير بالعين الحمرا

[أحمد سليمان]

يا نهار زى بعضه


انا
انـــــــــــا


مسجون
دى أول مره تحصل من 3 شهور



يادى المهزله الأنويه :(

[انسان]

ايه اللى بيحصل فى غيابى ده
انتوا بتتفقوا عليا والا ايه ؟
جرررررررررررررررى ايه يا حسونه انت طمعاااااااااااان فى كل حاجه كده
السواقه والمقصوره كمااااااااااااااان
دا انت طالع الرحله ديا بقى على طمع بصحيح
بس احمد سليمان لاقى الحل
لولى تطالع ليك اتوبيس لوحدك تاخد فيه راحتك على الاخر وما حد يضيقك فيه
انا شايف انه راى سليم ويحل الماشاكل اللى انت عاملها كلها ديا

[loli]

على كده بقى العيد حيخلص ومش حنروح لا رحلة ولا غيره....

وبعدين ايه يا احمد سليمان باشا؟ ايه حكايه ال 3 جنيه بتوع حامد؟

ومن امتى انا مش بسدد الي عليا اول بأول؟... انا بس خدتهم سلفه وبسدد كل شهر عشره ساغ ... وربنا يسترها واكمل التسديد احسن الرحلة دي... طالعة عليا بخسارة....

وبعدين تعال هنا ... انت اساسا مسجون.. يعني ملكش الحق انك تطالب بكل الامتيازات دي... الا لو........................... سديت القرض الي عليا ل حامد...

ساعتها ممكن اخليك تشارك بالمقصوره بتاعه انسان ...وتلعب بالملاهي وتبلبط بالمية براحتك بقى... هه .. ايه رأيك؟^o

[loli]

لا يا انسان انا مقدرش اتفق من وراك ابدا..... بس كل الحكايه ان حسووووووني فعلا طالب بالسواقه اول شخص.... وعشان كده محبتش ازعله.... ولو اني كنت افضل ان ميدو يسوق عشان اساسا ملوش سجل بالمرور... يعني لو عمل ايتها حاجه مش حانتأفش تحري^o ... بس ان شاءالله سليمه ..8-) ..

وهو اقتراح احمد ممكن افكر فيه واعمل ل حسوني مقصوره خاصه بيه لوحده... اصله فعلا مقامه كبير اووووووووووووووووووووي... ولازم يبقى له مقصوره لوحده عشان ماحدش يضيق عليه المكان.... احم... (h)

[انسان]

بس حسونه سوابق زيك برضه
يعنى انتى ناويه ان انتى تودينى فى التراوه يا انتى يا حسونه يا ميدو يا انا ما فيش حد يا جماعه ما بيعرفش يسوق هنا يجى يسوق الاتوبيس ده ويريحنا

[sendrella]

ايه ده ايه ده؟؟
ايه اللخبطه دي بقي
ماتحددوا مين هيسوق
علشان اقدم بلاغ باحتمال وقوع حوادث
عشان يبقوا عاملين حسابهم يعني

وبعدين ايه ياست لولي احنا فينا من رشاوي
يعني لو سليمان سدد اللي عليكي لحامد هـ...................
لا لا لا
مافيناش من كده
انا مش مسافره بلاها السفريه دي
هيبقي موت وخراب ديار

[نوراااان]

اامممممم يعني رسيت على حسونى الهيسوق هو مش قبل كده قلنا له سلامتك علشان عمل حاد........^o
و ميدو و ملوش دعوة بالسواقه
ممممم و لولى عملت كذه حادثه و الحمد لله انا معقده من انى اركب اي عربيه مع اي زهرة ^o ^o


انسان بتعرف تسوق؟؟؟8-)