س : سؤال ....ج : جواب ((مين هيسأل و مين هيجاوب؟ ))

[نيهال]

مشروعاتى الحاليه ان شاء الله تعدى على خير


سؤالى:
فى الاجازه.بتعمل ايه؟

[The Myth]

منورة و انتي أون لاين يا نيهال

في الأجازة دي هاحاول أروح تدريب للكلية الصبح
بالاضافة لكورس الثري دي ماكس اللي هاخده ان شاء الله
و أكيد هاقضيها خروجات بالليل

موكركر

[نيهال]

ههههههههه

ربنا يخليك يا حازم



ان شاء الله لما اخد اجازه......حسافر البلد يوم
وحسافر لاصحابى يوم اسكندريه
وبقيه الايام ان شاء الله بسافر مكان مش حقوله دلوقتى
هههههههههه

مكركر

[amr_miza1]

هروح ارمى نفسى فى أقرب حوض سباحة


لو زهقت من الحر .. ومفيش مكيّف .. والمروحة مالهاش تأثير والجو كمان خارج الغرفة حر ..

هتعمل ايه ؟ ..

[لاجئة]

ايه السؤال ده يا عمرو؟؟

هاخد لي رف في التلاجة... جناح يعني!! هههههه

لان السؤال عجيب... لازم....... يتكرر..
مكرر!!

[The Myth]

طيب ارد أقول ايه يعني
يعني ممكن اخد دش سريع سريع

ولأن السؤال عجيب علي راي علا يبقي لازم نكرره

[برديس]

ههههههههههههه
سوال عجيب فعلا
هرب من الواقع بالخيال واتناسى الواقع
لحد ما ربنا يحلها من عنده

مكرر

[نيهال]

كن حموت امبارح......ايه الحر ده
زودت درجه المروحه على اتنين ومش فيه فايده
واول ما صحيت قعدت فى التكييف طول اليوم
مش اقولكم تعبانه اد ايه دلوقتى؟؟

قوم تقولى مش فيه لا مروحه ولا تكييف
سهله خالص خالص
حسافر البلد واقعد هناك على طووووووووووووووووووووول

مكركر

[زهره مصر]

سؤال ملحوش حل
هعمل ايه بجد مش عرفه
ممكن اخرج وكده او كده مفيش ولا تكيف او مراوح في الشارع

مككرر

[بنت اسكندرانية]

امممممممممممم ايه السؤال ده يا جماعة ..................... مش عارفة انا ممكن اعمل ايه بس ممكن اخد شاور سائع اووووووووووي ................... انا مش حكرر السؤال ههههههههههه........

ايه الانت ندمان عليه بجد؟

يلا جاوبوا................. مع تحياتي

[نيهال]

اللى انا ندمانه عليه......

انى اجلت مشروع معين فتره طويله
لو كنت عملته وقتها كان فرق معايا بمبلغ كبير

سؤالى:

عمل فخور انك قمت به اخيرا

[زهره مصر]

عمل فخوره بيه
اني انضميت لمكان بساعد بيه ناس محتاجه مساعده
فخوره جدا بيه

مكرر

[نسيم الورد]

انى وقفت قدام الجرح

مكرر

[semsema2008]

انى اتحملت مسؤليه كبيره اوى والحمد لله كنت قدها

مكرر

[عتاب]

سامحت ناس كان صعب حد يسامحهم (والحمد لله)

ممكن تخالف المجتمع والعادات والتقاليد والا دايما بتحافظ عليهم ؟؟
وايه المواقف اللي ممكن تخالفهم فيها؟؟