انا ما فهمتش كل الكلام يعني لكن توقعت الباقي
اما بقى حكاية الفراش دي
الصبح قاعد جنب باب المدرسه وشه مقلوب ما تفهمش ليه
والتلامذه تيجي تدخل يبصلها باحتقار كده
واول ما تيجي المديره يقوم يقف على طول ويشيل منها الشنطه ويقولها: صباح الخير يا سيادة الناظره اي خدمه اي حاجه
ويعدين ساعة ما تيجي الفسحه يفرش ترابيزه مليانه حاجات حلوه بسكوتات وحاجات من دي يعني
ويجي اي تلميذ يشتري : عايز بسكوت من ده
الفراش : طيب هات نص جنيه
التلميذ : بس ده بربع جنيه بس
الفراش : مش عاجبك ما تشتريش
التلميذ : ماشي خلاص
ولما بقى حد من المدرسين يناديله يقوله عايز واحد شاي ولا حاجه
يقوم بقرف ويعمله شاي انما حاجه فظيعه ويقوله : على فكره يا استاذ الحساب اللى على النوته زاد اوي والشهر الجديد بدأ ولسه ما شفناش حاجه ده اخر واحد شاي لحد ما تدفع اللى عليك
وساعة بقى المناسبات السعيده (ترقيه ولا عيد ولا حاجه كده من الحاجات دي) تلاقيه فوق دماغه : مبروك يا استاذ عقبال ما تبقى مدير ان شاء الله
الاستاذ : الله يبارك فيك
الفراش : امال فين الحلاوه ده اللى جبتلك الخبر السعيد
ويضطر الاستاذ المسكين يدفعله
الفراش : جنيه ؟ بس ؟
الاستاذ : كمان بتتأمر ؟ طيب هات الجنيه بقى:@
وقبل العيد يلف على مدرسين المدرسه : العيديه يا استاذ العيديه يا ابله عايز اجيب هدوم العيد للعيال وكحك العيد كل سنه وانتم طيبين
المدرسين : ياعم احنا لاقيين ناكل وبعدين هدوم عيد ايه واحنا مالنا هو احنا كنا خليفناك ونسيناك وكحك كمان ؟ انت ايه ما بترحمش طالع واكل نازل واكل
ولا بقى لما تيجي واحده من اولياء اللمور توصيه على ابنها
الام : خد بالك منه والنبي يا خويا اصل ده الحيله وانا حديك للى انت عايزه
الفراش : تحت امرك يا ست هانم ده احنا نشيله فى عنينا بس انا مش حقبل اقل من 50 جنيه
ولما تشوف بقى بيعامل الواد ازاي شويه وياخده على حجره
واخر الشهر يقوله قول لامك ان العيد قرب واحنا عايزين العيديه
وهكذا ...........
انا اسفه طولت عليكوا بس على الله اكون اديت الدور صح
اللي بعدي يشتغل مكوجي
: 
النمط الخطي
