>>>شغلانة ببلاش >>>

[hamed mohamed]

طبعاً بحيي على جميع الناس اللي شغالة هنا بذمة ..
من أول الحلاق .. لحد المكوجي ..
وحبيت إني أني أشارك هنا مخصوص لأني شفت مهنة جميلة جداً كلها هدوء .. وفن .. مهنة كلها بساطة وسهولة .. هي المهنة الشاعرية جداً سمكري ..
وبما إني مش عارف أي مصطلح من مصطلحاتها فأنا مضطر وأمري إلى الله .. إني أجيب ليها كذا مصطلح من عندي ..

يا رب حارس كتر من الحوادث .. وإحنا عفاريت الصاج .. والشمعة والإدة هاتفرد الصاجة المعووجة حتة فرده ..

عموماً المفروض إني أختار مهنة .. وأنا بصراحة أختار مهنة بسيطة وسهلة .. رائد الفضاء يا ترى إيه أشهر مصطلحاته ؟؟ وكفاية كده انهارده ..

[loli]

هههههههههههههههههه
رائد فضاء مره واحده يا حامد؟؟ ^o


ماشي استعنا ع الشقا بالله

الست لولي رائدة الفضاء ومعاها قططها ( اول قطط تروح المريخ ) (h) وبتركب المركبه الفضائيه ومكتوب عليها من بره :

ماتبصليش بعين رضيه شوف الي اتدفع فيا

..... يا ناس سيبوني اسدد ديوني

الحلوة دي مش ورث .. دي جاية بخلع الضرس ..

وتخش المركبه وتقفل الباب عليها .....وبتكلم قططها بقى وبتقول

لا بنقبل ذم ولا توبيخ .. إحنا اللي زرنا المريخ ..


لا احنا بتوع صياعة ولا سهر .. إحنا اللي اتمشينا على القمر ..

وقططها بتقول عجبي


الشغلانه الي بعدي بصارة او قارئة الودع

[النسر الذهبى]

مش هعرف اشتغلها بصراحة :@

[انسان]

اشوف الودع وابين الزين انا
حد قال عايز يشوف المستخبى
تعالى يا ختى اشوفكلك بختك
شوفى بقى يا ستى انتى فيه اتنين واقفين على باباك بس بس انتى محتاره
الاولانى بسم الله مشاء الله زبال قد الدنيا والتانى بواب بس حاجه تفرح
انتى تشوفى نفسك وانا من رايى لا تاخدى ده ولا ده انا عندى ليكى عريسش انما ايه جنان عربجى وعنده حمار كمان ملكه يعنى ما بيشتغلش عند حد بيشتغل حر نفسه وكمان ايه راجل حليوه وزى القمر انا شايفاه قدامى اهو حتى بصى
البنيه تبص طبعا ما تلاقيش حاجه تقولها مش شايفه حاجه تقوم هى تقولها بصى كويس مش شايفه قدامك واحد بعين واحده وعينه التانيه قزاز حتى العين القزازو منوره قدامى اهى
انتى باين عليكى نظرك ضعيف
قومى بقى من قدامى وعايزه تتجوزى جتك خيبه


اللى بعدى موظف حكومه غلبان

[دمعة ألم]

(krkr)
انا ضايعة بصراحة في الحلقة دي

[شكولاته]

ههههههههههههههههههههههههههه
انسان هو انت كنت شغالي بتاعة ودع قبل كده ولا اية بجد تحفة
لولي حبيبتي انتي مش رائدة فضاء انتي سواقة ميكروباص ههههههههههههههههههههههههههه

موظف الحكومة الغلبان

قاعد في المكتب مسكين ماسك الجرنال وسندوتش الفول وكوباية الشاي بصراحة غلبان خالص تاعب نفسة في الشغل

دخل علية احد المواطنين اصحاب المصالح الغلابة
قاله يافندي ياتري الورق خلص ولا لسة
قام الموظف واتنرفز علية وقاله انت مش شايفني مشغول


(( فوت علينا بكرة ياسيد ))

وقعد يكمل الكلمات المتقاطعة دخل علية بيه وجيهه وصبح علي درج المكتب بعشرة جنية قام الموظف
اهلا اهلا سعادتة الباشا طلبات سعادتك ثواني احنا تحت امر البية


اللي بعدي يشتغل

صبي في قهوة بلدي

[النسر الذهبى]

حرام عليكى يا شوشو بجد صبى فى قهوة وبلدى كمان

طيب ماشى

تك تك تك تك ايووووووووووووة جاااااااااااااااااااااااااى
تك تك دة صوت خبط المعلقه فى الكوبيات
وعندك واحد شاى على مياة بيضه للمعلم حنفى

وهنا واحد قهوة على الريحة للريس حمودة
ايوووووووة جاى
الحساب اة واحد شاى واتنين قهوة وواحد ليمون يبقى 3ونص يا افندى خد وخلى الباقى على شانك ايه دة بس خمسه وسبعين قرش بقشيش بس ؟؟
لا اقل من جنيه مخدش :Pطماع قوى
وبس كدة يعنى
الى بعدى يشتغل كناس :P

[loli]

كناس يا ميدو؟!!!!

تيب :@


نازل الصبح بدري قبل الفجر مايشقشق.... وهو بيبرطم...:@ صبحنا وصبح الملك لله .... يا فتاح يا عليم يا رزاق ياكريم...

يتكعبل بفردة جزمة مقطوعه... يمسكها ويبص عليها.... يوووووووووووو بقى امال فين الفردة التانيه؟؟؟ يعني الي بيرمي حاجه يرميها صح ولا ميرميهاش :@ يروح راميها تاني .....

يمسك المقشه ويكنس وهو بيغني... محلاها عيشة الفلاح ....

يلاقي قطط بتاكل في شنطه بلاستيك ( هش يا قطه منك ليها... هش بقى ... قرفتونا ع الصبح.....) القطط تبص له بقرف وتروح سايباه وماشيه بكرامتها ) يمسك الشنطه ويقعد يشم... ويروح حاطها في جيبه ... (ضمنا الفطار )

خلاص كفايه كناسه بقى :@ :@ :@


اللي بعدي يشتغل خاطبة

[nassooom]

حلوه اوي خاطبه دي يا لولي

مش عارفه ابدا منين ممكن من اول ما تروح للعروسه

عندي ليكي بقى عريس متريش وزي القمر تقوليش الممثل ده بتاع السيما اسمه ايه عباس كيج ده ولا مش عارفه ايه ؟
البنت تقولها: اسمه نيكولاس كيج يا طنط
الخاطبه تقول : انا عارفه بقى المهم مفيهوش اي عيب يعني بالبلدي كده كامل من مجاميعوا
وتروح مواريه البنت صورته وتقولها شوفي بقى الحلاوه الرباني
البنت تبص فى الصوره ويجيلها تشنجات وتفرفر فى الارض
تقوم امها ماسكه الصوره تلاقي الراجل اللى بتقول عليه عنده كده يجي تسعين سنه ومبتسم ابتسامه تنم عن البلاهه ده غير انها تكشف عن السنه الوحيده اللى باقيه له

[loli]

نسووووووووووووم الي بعد الخاطبه يشتغل ايييييييييييييييه

[النسر الذهبى]

يشتغل هواااااااااااااااااااء بس يكون هوااااااء نقى :P

[loli]

خلاص وانا موافقة .... يبقى تشتغل .......مممممممممم 8-) 8-) حبل غسيل

[nassooom]

معلش يا جماعه بس اصل القعده فى السجن خليتني اخرف
وخصوصا التزنيبه اللى مزنبينهالي دي مؤلمه اوي
:X

على العمو اللى بعدي يشتغل مخرج سينما شوفتوا بقى شغلانه الافرانكا خالص