فاضي . بالك طويل . ماعندكش الضغط .. يبقي تعالي

[انسان]

تحذير هام .....
هذه النكته طويله .... لو ماعندكشي طوله بال يبقي ماتقرهاش
أما لو عندك طولة بال ... أقراها وقول لي رأيك




محمدين كان مسافر القاهره بالحماره بتاعته .... وكان ماشي جنب جامعة القاهره ساعة أذان العصر ....
وطبعا الجامعه هناك ليها قبه زي قبة الجامع , وصاحبنا فعلا أفتكرها جامع وعاوز يركن الحمار جوه ويخش يصلي ...
حارس الامن طبعا منعه ودار بينهم حديث طويل , وده مجمله :

الحارس : رايح فين ياعم أنت بالخمار بتاعك ده .
بلدينا : داخل أصلي .
الحارس : يا استاذ ممنوع .
بلدينا : أيه الصلاه بقت ممنوعه ؟؟؟؟
الحارس : ياسيدي لأ . دخولك انت والحمار هو اللي ممنوع ...
بلدينا : ليه بقي ؟؟
الحارس : يا استاذ دي جامعه مش جامع ...
بلدينا : طيب أديك قلتها بعضمة لسانك أنها جامع وسيبني أدخل بقي ...
الحارس : دي جامعه يعني الحمار اللي زي حضرتك يدخلها وبعد 4 ولا 5 سنين يتخرج ويشتغل الشغلانه اللي بيحبها .... فهمت بقي .؟؟؟
بلدينا : ياحلاوه ... طب ماتكسب ثواب وتاخد تدخلنا الحمار ده الجامعة بتاعتك دي ...
الحارس : بس كده ... هات وأيدك بقي علي 1000 جنيه عشان أعلمهولك...
بلدينا : أتفضل ياخويا .... وقول لي بقي اجي أخده أمتي ؟؟؟
الحارس : كمان 5 سنين وعليك خير ... بس ماقلتليش عايزه يدخل كلية أيه ؟؟؟؟
بلدينا : ياسلام هو انا اللي هاختار برده...... خلاص خليهولنا يطلع دكتور .... وسلا عليكم


وفي الميعاد المحدد بع 5 سنين ... من الفجريه كان محمدين واقف علي باب الجامعه لغاية ماشاف الحارس ..


بلدينا : سلام عليكم
الحارس : وعليكم السلام
بلدينا : فين الحمار ؟؟؟؟
الحارس : حمار أيه ؟؟؟
بلدينا : انت مش فاكرني ؟ أنا محمدين اللي جبت لك الحمار من 5 سنين عشان تطلعه دكتور ...
الحارس أيوا أيوا أفتكرت ...
بلدينا : فين بقي الحمار
الحارس : أيوا بس ده هو أتخرج دلوقتي وسابنا وفتح عياده بره لوحده ... خد عنوانه أهوه ....
بلدينا : ماشاء الله ماشاء الله ...


وقام الحارس مدي له أي عنوان لأي دكتور ...... وصاحبنا راح للعنوان ...
وفي عيادة الطبيب المشهور دخل علي التمرجي :

بلدينا : الدكتور موجود
التمرجي : ايوا ... عايز كشف ولا استشاره ؟؟؟
بلدينا : لا انا عايز أقابله بس ..
التمرجي : طيب نقول له مين حضرتك ؟؟؟
بلدينا : قولي له صاحبك بره بس وهو هايفهم ...


ودخل بلدينا علي الحمار بتاعه قصدي الدكتور وهو مبسوط انه قابله بعد غياب .,,, وخده بالاحضان ... واتبسط ان شكله فعلا بقي دكتور ... وقاعد في عياده أبهه ... ودار بينهم الحوار التالي :

الطبيب : ياأهلا وسهلا .
بلدينا : يا اهلا بيك ... بعوده الايام .. بقي كده هوه ماتسألشي عليا خالص ..
الطبيب : بس حضرتك مين أنا مش واخد بالي ؟؟؟؟؟
بلدينا : معقول نسيتني .... أنا صاحبك
الطبيب : طيب صاحبي من أمتي أنا مش فاكرك خالص
بلدينا : من زمان ياواد من أيام ماجينا سوا ... من أيام ماكنت حمار

طبعا الدكتور أتغاظ من صاحبنا وقام قال له أطلع بره .... وقام ضربه بالشلوت برجله

قام محمدين قال له يااااااااااااااااااااااااااااااااااااااااااااااااا اااااااااااااااه أنت لسه بترفس ؟؟؟؟؟؟


بس خلاص خلصت ... تقدروا تخرجوا أفراج بقي دلوقتي

[حدوتة]

والله حلوه
هههههههههه
تسلم ياانسان

[loli]

يابني دي مش نكته... دي حكايه او قصه او حاجه تقدر تقول عليها ملحمة تاريخيه... بتحكي قصة حياة حمار وصاحبه .......بس تصدق؟



ههههههههههههههههههههههههههههههههه


فعلا جديده يا باشا (y) (y) (y) (y) (y) (y) (y) (y)


حلووووووووووووووووووووووووووووووووووووووووووووة


تسلم ايدك :o

[loli]

ياخبر؟ :o مش ممكن .... منى عندي بلعب وجد؟؟ لالالالالا حد يطسني بشويه مية ساقعين ^o ....

نورتي يا منى اخيرا شرفتيني بالباب هنا.....

انا اول حاجه شدتني هي اسمك جنب الموضوع قلت اشوف يمكن منى بقت تكتب شعر بالباب عندي واهو كله مكسب::



بجد زيارتك دي غاليه عليا اوي :: وياريت اشوفك دايما منوراني ومنوره باب لعب وجد :: ::

[حدوتة]

ايه ده كله والله ده كتير عليا
انتى يالولى الى منوره وان شاء الله هتكرر الزياره
شكرا ياحبيبتى ويارب دايما منوره
وكان نفسى اشارك لكن العتب بقى على القلم الى مبيعرفشى يقول نكته ولا يعرف لعبه
اشكرك ياقلبى.

[loli]

كفايه تكريمك ليا بزيارتي.....ولو القلم ما اسعفكيش.... ارسمي ابتسامة... وان شاءالله حياتك تبقى كلها ابتسامات وسعادة.... واشوفك وانتي بتغيري اسمك كمان وتبقى اميرة الفرح ::

[انسان]

شوفتى جبتلك منى عندك فى الباب اهومش فى موضوع واحد فى موضوعين كمان
علشان بس تعرفى
اهلا منى منوره لعب وجد
كمان ابله ظاظا قامت بالواجب معاكى
مع انها لا قدمتلك كوبايه شاى ولا حتى عصير لمون
معلش اصلها ما بتعرفش تعمل غير عصير السبانخ اعذريها
بكره تتعلم تعرف تعمل الشاى
علميها تكسبى فيها ثواب

[شكولاته]

رغم اني عندي الضغط والدكتور قالي ابعدي يابنتي عن الموالح والحاجات اللي تنرفز وخصوصا نكت انسان لكن قلت يالا مش مهم اما كانش انسان يرفع ضغطي اومال مين يعني
هي صحيح النكتة ممله وتزهق وفي الاخر تبقي عايز تكسر الشاشة بس هضحك مجامله هاهاهاه ه ه ه ه ه ه ه
اطلبوا لي الدكتور بس مش الحمار

[حنين]

هههههههههههههههههههههههه

8-)

[انسان]

ما فيش حد هنا تانى عايز الدكتور قبل ما يرجع حمار من تانى

[samor]

هههههههههههههههههههههههههههههه