شباب و افكار بمليون جنيه

[قلب بلا عنوان]

في ظل انهيار المجتمع و انهيار المبادئ و القيم
جلس بعض خريجي الجامعات يفكرون فيما يفعلون في مستقبلهم
قال احدهم
نسافر اي دوله عربيه
و واحد قال نشتغل اي حاجه و ربنا يسهل
المهم انهم موصلوش غير للياس
و انقلب الكلام الي هزار و ضحك وصل حتي دمعت عيون الشباب
و فجاه سكت احدهم

و قال لهم انا عندي فكره

فسالوه ايه هي
اجاب قائلا
احنا نجمع من بعض مبلغ و نديه لواحد يجبلنا بيه
طبعا محدش هيصدق لكن هو ده اللي حصل
يجيبلوهم (مخدرات ) و يبيعوها لاصحابهم اللي بيشربوها باسعار اعلي

و العجب و الشيء الذي يحزن ان الهزار بدا ينقلب الي حقيقه

شباب نسيو السنين اللي تعبوها عشان يتخرجو و نسيو تعب اهاليهم معاهم
و لكن طبعا نسبه البطاله اللي زادت هي اللي دفعتهم لكده

و لا عجب في ان عدد المدمنين يتزايد و ان 23% من خريجي الجامعات العاطلين وصلو لمرحله الادمان

[maysam]

موضوع المخدرات موضوع كبير ومنتشر للاسف بكثرة في مجتمعاتنا
ومش غريب ان في شباب ممكن تفكر هالتفكير
البطالة ممكن تخلي الشباب يفكروا ابعد من هيك
لأنه فراغ كبير عندهم وممكن البيئة بتساعدهم للتوجه للربح السهل بغض النظر عن القيم والاخلاق

[MoHaMeD NaSSaR]

بكل مكطان هناك الامور السلبيه والايجابيه متل المخدرات بس تكون بشكل اقل

[حنين]

مشكلة المخدرات مشكلة كبيرة

لكن المشكلة الاكبر هي استهتار الدول العربية ووزارات التربية والتعليم .. يعنيما بيتركوا للشباب اي خيار في دولهم الا االشر ..

بقى لازم يتعالج الخلل الاساسي بالاول..


والمخدرات باالذات مع الوقت عم تكبر ويزيد تاثيرها ..

يعني صرنا نشوف بمدارس المتوسط والثانوية المخدرات بشكل علني (في بعض الدول)


الخلل والعطل في الاهل والمجتمع والدولة والمسؤولين وكله ! لكن من يكترث


شكرا عالموضوع الحلو اخي قلب بلا عنوان

[النسر الذهبى]

فعل موضوع اصبح منتشر بصورة مرعبه

وربنا يستر

تم نقل الموضوع من البوابه

[شكولاته]

السلام عليكم ورحمة الله

قلب بلا عنوان ( ليه)؟

موضوعك يااخي في غاية الخطورة
وذي ما قلت ان الحكاية بتبدء بهزار وبتبدء بجد
الاف من الطلاب يتخرجون كل سنة من الجامعات 1% يتعين بالكوسة و2% يتعينوا في اي مكان واي وظايف متجيبش تمن العيش والباقي علي القهاوي والارصفة واوقار المخدرات ومنهم من ينجرف للتجارة

دي مشكله خطيرة جدا

لكن تفتكر ياقلب بلا عنوان اية الحل ؟؟؟؟
وازاي الشباب دي ميبقوش عندهم يأس بالشكل ده ويكون عندهم قوة ارادة ومينحرفوش؟؟؟؟
لو انت مكان الشاب هذا كنت فكرت في نفس تفكيره؟؟؟
طب لو اتعينت في منصب مسئول كبير ياتري تقدر تعمل اية؟؟؟

اهلا بيك في شباب علي طول

[أحمد سليمان]

انا ممكن أرد عليكى شكولاته


وازاي الشباب دي ميبقوش عندهم يأس بالشكل ده ويكون عندهم قوة ارادة ومينحرفوش؟؟؟؟

اهم شئ على الأطلاق وجود الهدف فى الحياه
لو الشاب او البنت عندها هدف و تسعى و تتعب من أجل تحقيقه أكيد أكيـــــــــــد ان شاء الله بتوصل له او بيوصل له على حسبب النوع سواء ذكر أو أنثى يعنى
لان الله لا يضيع اجر من أحسن عملا


يبقى لازم فى هدف و غايه علشان الواحد يجتهد من أجلهم و بكده مش هينحرف





أما بقى

قلب بلا عنوان ( ليه)؟

ده أنا اللى أخترته له
محمد صديقى الصدوق لو كلمه قلب بلا عنوان مجرد خاطره مش أكتر
ولا أيه يا محمد

[شكولاته]

اهلا يااحمد ماشي ياسيدي عمال تختار انت الاسماء كده طيب

المهم اجابتك كويسة وفعلا لازم نحدد الهدف انما فين باقي الاسئلة

لو انت مكان الشاب هذا كنت فكرت في نفس تفكيره؟؟؟
طب لو اتعينت في منصب مسئول كبير ياتري تقدر تعمل اية؟؟؟

كل الشباب يجاوب

منتظرة

[قلب بلا عنوان]

انا اسف شكولاته علي التاخير في الرد


بس انا هاقول حاجه
اهلي يوم اما ربوني و علموني و كبروني مكانوش مستنين مني اني اطلع اتاجر في المخدرات او ابعد عن القيم و المبادئ اللي ربوني عليها عشانهم لازم احاول اعمل اي حاجه الا اني اكون مش كويس


اما بالنسبه ليا انا لو في مكانهم
هافكر في ربنا اكيد ربنا مش هينساني و بعدين الشغل مش عيب ممكن اشتغل اي حاجه لحد ما ربنا يفرجها
حتي لو براتب قليل بس احسن ما اقعد علي القهوه و افكر في اي حاجه تكسبني بسرعه


اما لو مسكت منصب مسئول كبير فاكيد مش هاعمل حاجه لان الامر مش في ايدي وقتها
هيبقي في ايد المسئول الاعلي مني
لكن انا عارف انتي تقصدي لو في مكان ممكن منه اعمل حاجه و ليا السلطه في كده

وقتها احنا صحراء رملها من اجود الرمال في العالم استثمرها
ابني مصانع تفيد الدخل القومي و تفيد الشباب
يعني في مصانع كتير اوي مفتوحه بره و بتكسب و بنستورد منتجاتها ليه مفتحش مصنع من دول

او اني ازود المشاريع الصغيره للشباب علي حسب رغبتهم مش علي حسب رغبتي انا
و امولهم المشاريع دي بما يضمن حق الدوله يعني ده اللي انا شايفه

و ده من وجهه نظري افتكر ان كده ممكن احل المشاكل دي و منلاقيش شباب تفكر في نفسها بس و يكونو نافعين للبلد

اللي احنا محتاجين انها تبقي احسن من كده عشان اسلوب معيشتنا يبقي احسن و نتطور شويه

[شكولاته]

قلب بلا عنوان
أحيك يااخي علي ردك الذي يعبر عن تفكير انسان تربي علي الخلق
ويعلم ان الله معه اينما سعي للخير والعمل الصالح

اما بخصوص فتح المصانع الجديدة في الصحراء طبعا دي حاجة جميلة قوي لكن اسمح لي اقولك ان الكلام سهل قوي والتنفيذ صعب بس مش مستحيل
انت هتكون مسئول في مكانك بس وده مش كفاية علشان تنشاء المشروعات وتحل البطاله لان المشاريع دي لها موازنة عامة تبع الدوله وكل هيئة لها نسبة معينة لاتزيد وميزان مدفوعات وحاجات كتير

عارف لو أنا بقيت مسئوله اول حاجة هفكر فيها هي
وضع تشريعات وقوانين تنظيمية بين جميع الهيئات والمصالح واذا صلح الاساس علي المبني

اهلا بيك معانا