سؤال بس من غير ضرب

[شكولاته]

السلام عليكم ورحمة الله

ممكن يعني بس لو سمحتم اسأل سؤال

ليه بتحبوا الكره , كره القدم يعني

ليه بتحبوا تتفرجوا علي المطشاات

بصراحة انا بحب اتفرج علي اللي بيتفرجوا علي المطش

اخواتي لما بيجو يتفرجوا عل مطش بحس انهم هما اللي بيلعبوا وياسلام لو جه جون الدنيا بتتقلب
ولو الفريق بتاعهم اتغلب يجيلهم الضغط ومينزلوش الشارع ويتخانقوا ليه يعني ؟؟
انا بس عاوزة استفسر اوعي حد يزعل

[ِAbItOuS]

بصراحه انا زيك واكتر...........
لما بشوفهم بتفرجوا على الماتش......
عقلى بفور.....على الاهتمام...ده....والعصبيه على الكوره.....
والله انا لو كنت كره ...اكيييد كنت هاقعد اضحك على اللى بيحصل.....
لكن بعد ما ابكى من شدة الالم.....من كثرة الركلات........
لفته هامه....جزاكى الله خيرا (( اختى شيكولاته ))...........
أخوكى...........

[maysam]

ههههههه سؤال حلو شيماء

انا زماان بصراحة كنت اتابع كأس العالم
وكنت بتنرفز وضغطي يرفع وينزل

بس بعد فترة مليت لأني انا بطبعي بزهق علىالسريع
فلما تطلع مباراة ن باخدها من قصيرها وبروح على غرفة تانية
على شان لا اشوف ولا اسمع واحافظ على ضغطي ضمن المعدلات الطبيعية

بس نعمل ايه اعتقد المسألة ما لهاش حل

[loli]

سؤال في محله (h)


زمان كنت بتابع بس نهائيات كأس العالم....لان اللعب بيبقى فيها على مستوى عالي.... ومكنتش بتحيز غير للعبة الحلوة بس.. الي بيلعب احلى بتابعه....بس بقالي فتره معنديش خلق ولا طقطان ولا صحة كمان للمتابعة لاني فعلا بزهق......والعمر مش بعزقه ... وانا بحب احافظ على صحتي


بس بأمانه الي عايز يعرف سبب ولع الكرويين بالكوره يشوف النهائيات دي.... (h) (h) (h)

[شكولاته]

ِAbItOuS
كويس انك مش كورة كنت هتزهق منهم وتسيب الملعب وتمشي
جزانا واياك ان شاء الله
حكاية التعصب دي غريبه قوي

كويس ياميسم انتي ولولي انكم رجمتوا نفسكوا وصحتكم عقبال اخواتي يارب

بس عاوزين حد من المتعصبين اللي بيتشدو قوي امام الشاشة ويتنرفزو لو فريقهم خسر ويفرححوا ويبقي عيد لو فاز يجي يقولنا اية الفايده وليه؟؟؟؟؟؟؟؟؟؟؟؟؟؟؟؟؟؟؟؟

[Half-Magic]

سـؤال جميل جدا جدا يا شيكو ....

أولا انا بشجع الكورة و فريقى المفضل هو الأهلى طبعا و صراحة انا متعصب شوية علشان الأهلى...

الرد على سؤالك ..

ليه بتحبوا الكره , كره القدم يعني

ليه بتحبوا تتفرجوا علي المطشاات ؟؟

الأجابة بتكون ... بنحب الكره علشان هى حاجة بتخرج الأنسان من جموده و من حياته المللة الرتيبه ... الناس طعبانه من مشاغل الدنيا و متطلبات الحياه علشان كده الواحد بيحاول يخرج نفسه شوية من هذا الموود الى موود تانى .. يعنى ...

الواحد لما يشوف مطش كوره بينسى نفسه و بيعبر عن مشاعره بصراحة .. غير كده الكره دى حاجة اصبحت بداخل دمائنا .. ليه ؟؟ السؤال ده معرفش الأجابة عليه الصراحة ..

[شكولاته]

اهلا ماجيك

شكرا ليك لكني لسه بسأل ليه ؟؟؟؟؟؟؟؟؟؟؟؟؟

واشمعني الكورة اللي بتنسي معاه نفسك وبتغير مودك ممكن يكون في حاجات تانية

[ِAbItOuS]

الحمد لله أنا مش كوره.........أنا مش كوره........
هو صحيح متش الزمالك....والاهلى....يوم السبت.....
بالمناسبه نكته :
--------------
" مره واحد زملكاوى....بيوقف تاكسى وبيقوله : 6 اكتوبر ياسطا.....
فقاله: لأ.......6-1....... "

أخوكم...........(( الاهلى هيتبهدل....وايه يعنى...حاجه متضايقش..... ))

[الاسكندرانى الحزين]

سؤال لذيذ وانا هاجاوب بس من غير ما تضربوا


ممكن من كتر حرقه الدم اللى احنا فيها تلاقى الواحد بيدور على حاجه تحرق دمه بشكل اقل وهتقولى ازاى وليه هقولك معرفش يعنى مثلا فرقتين فى مصر الزمالك والاتحاد على فكره الانتماء مالوش علاقه بقوه الفريق او حلاوه لعبه فانا متاكد انه الاتحاد من اسوا الفرق على وجه الارض ومعرفش انا بحرق دمى ليه عليه ولماكنت عايش فى مصر كنت اروح الملعب ليه واضيع وقتى ليه مش عارف ده لو اتكلمنا عن مصر

ولو اتكلمت عن الكره العالميه اناافتكر انه لما ايطاليا خسرت من كوريا فى كاس العالم انا يومها ما رضيت اتغدى من الزعل وكان يوم كئيب حد يقولى انا اتحرق دمى ليه ولا تابعت ليه من الاساس ولا انا مالى ومال ايطاليا اصلا اهو ممكن تقولى تنفيس عن الواحد مش اكتر

لكن ما انكرش فرحتى لما تلاقى فريقك كسبان هتحسى بنشوه النصر حتى ولو انا ما ادخلت فى النصر او الانجاز ده فى حاجه


تقبلى تحياتى

[naughty eyes]

آهلا شيكولاته ( شيماء )
بصى بقى انا واللهى بشوف انها بتوصل لاكتر من كدا دا ممكن يحصل خناقات و اكتر من كدا كمان بسب الكره
دا ادمان ولا ايه مش عارفه واللهى
بس فعلا على رأى ميسم ملهاش حل

[Half-Magic]

ملهاش حل يا شيكو ... بجد ملهاش حل ..

[بنوته مصرية]

بصي انا بصراحة بتفرج علي الكره بس لهدف واحد هو اني ليا علي كل جون 10 جنية

هقول حكاية اية ال 10 جنية

وانا صغيرة كنت بقرف بابا مش اخلية يعرف يتفرج وبابا متعصب جدا يعني لما يجي مبارة ابقي مضيقة جدا وعاوزة اغير التليفزيون واجيب اطفال يعني كارتون فبابا كان بيديني فلوس علشان اسكت واخلية يتفرج برحته

ولما كبيرت اشوف بابا بيشجع اية ولو كسب بتكون خسارة علي بابا


علشان كدا بتفرج علي الكورة بس