ـ كيف تعرف وتتأكد من أنك تعيش فى القرن الواحد والعشرين؟؟
أو ما الفارق بينه وبين ماسبقه من القرون؟ أو على الأقل .. القرن عشرين؟
ـ أن تحاول إستخدام كلمة السر للدخول على كل شئ .. إن شالله يكون "الميكروويف" حتى.
ـ أن تكتشف إنك لم تلعب "سوليتير" بكوتشينة حقيقية من الورق من سنين.
ـ أن تجد فى أجندتك 15 رقم تليفون مختلفين لأفراد أسرتك المكونين من 3 أفراد مثلاً.
ـ أن تلاحظ أنك ترسل إى مايل لزملائك فى المكتب اللى قصادك، تسألهم فيه إن كانوا عاوزين ينزلوا الكافيتريا مثلاً.
وأنهم يردوا عليك بإيمايل تانى .. ويقولولك: "ماشى .. بس إدينى 5 دقائق وأكون معاك".
ـ أن تعمل دردشة على الماسنجر أكثر من مرة فى اليوم مع شخص ما مجهول لا تعرفه من قارة تانية خالص، لكن لسه ما اتكلمتش مع جارك اللى فى الشقة اللى جنبك علطول من ساعة ما سكن جديد من أكثر من سنة.
ـ أن تشترى كومبيوتر جديد أو محمول جديد .. وبعد أسبوع واحد .. تكتشف أنه خلاص بقى قديم وراحت عليه.
ـ أن تكتشف إن سبب عدم إتصالك بعدد كبير من أقربائك وأصدقائك ومعارفك القدامى منذ فترة طويلة، هو أن ليس عندهم عنوان إيمايل.
ـ أن تلاحظ أنك لا تتذكر أى شئ من أفكارك ومواعيدك ومتطلباتك، إن لم تكتبها على قصاصة من الورق الملون وتعلقها فى مكان ظاهر.
ـ غالبية النكت .. إن لم يكن كلها .. التى تصلك مؤخرك، تصلك عبر الإيمايل، بدلاً من أن تسمعها من أشخاص.
ـ أول ما تدخل البيت، بعد يوم شغل طويل فى المكتب، ترد على التليفون بطريقة آليه وتقول:
ألو .. صباح الخير .. تحت أمرك يا فندم .. مين معايا؟
ـ لما تتصل من البيت .. تغلط أحياناً وتطلب رقم صفر الأول علشان تأخد خط خارجى.
ـ علطول شايل سيرتك الذاتية CV فى ديسك صغير فى جيبك.
ـ تعرف اللى بيحصل حواليك .. حتى لو فى الشارع اللى جنبك .. من نشرة أخبار 9 أو من موقعك المفضل على انترنت.
ـ أسوأ شئ ممكن يتسبب فيه عطل فنى فى جهاز الكومبيوتر بتاعك .. إنك حتفقد النكت بتاعتك المفضلة.
ـ مديرك فى الشغل ما بيفهمش حاجة فى شغلك ولا يعرف يعمله.
ـ بتوع قسم البرسونال "الموظفين" فى شغلك، عمالين يرفدوا الموظفين اللى عندهم عقود ثابتة مستديمة، وهم مبلطين فيها وقاعدين يكسبوا علاوات سنوية للأقدمية.
ـ مرتبات المديرين فى الشركة، أكثر من الناتج المحلى لدول العالم الثالث كلهم على بعض مجتمعين.
ـ وقت ما تخرج من بيتكم تروح الشغل ووقت ما ترجع منه .. دايماً ضلمة، ووقت ليل ... حتى فى الصيف رغم أن نهاره طويل.
ـ عارف كويس جداً وحاسبها مضبوط .. فاضلك وقت أد ايه على ما تطلع معاش.
ـ المرشحين للوظيفة فى الشركة (القطاع الخاص) .. تنتهى مقابلتهم "الانترفيو" بمجرد ما يعرفوا المرتب.
ـ تشوف واحد أو واحدة بمظهر جيد وأنيق فى الشركة .. فتعرف علطول أنه أكيد زائر أو عميل .. مش موظف.
ـ لضيق الوقت .. وجبتك الأساسية تعتمد على بواقى الحلويات المتبقية على مائدة صالة الإجتماعات.
ـ لرئيس القسم، يشتروا أحدث صيحة فى عالم اللاب توب (الكومبيوتر المحمول)، إنما أنت جهازك، تفتحه وتروح تشرب حاجة وترجع على ما يكون اشتغل.
ـ معنى كلمة "مريض" هو أنك غير قادر على المشى بتاتاً أو إنك محجوز فى المستشفى.
ـ كل ما يكون الشغل عندك متأخر .. كل ما يبعتولك شغل جديد.
ـ مفيش ميزانية فى الشركة لدفع مرتبات للموظفين الخمسة الثابتين فى القسم بتاعك، والذين لا يقوم العمل بدونهم .. لكن .. ممكن التعاقد مع أربعة مستشارين بعقد كامل لوضع الاستراتيجية للمدير الاستشارى لإستراتيجية الشركة ليعرف كيف يدير الشركة باستراتيجية.
ـ العبارات المفضلة لمديرك هى:
(لما تفضى ممكن تبقى ..... ) ـ (ممكن تعملى ..... فى أى وقت تلاقيه عندك) ـ (عارف انك مشغول، بس ياريت تبقى ....)
ـ الأجازات .. هى حاجة بتتأجل من سنة لأخرى.
ـ أصدقاءك وأقرباءك بيوصفوا شغلك كده: (بيشتغل فى الكومبيوترات أو حاجة زى كده .....).
ـ سبب إنك بتقدر تتعرف على أولادك .. إن صورهم محطوطة عندك فى خلفية الشاشة.
ـ المكياج الوحيد الموجود عند زميلتك فى المكتب، هو قلم الماركر الأخضر الفسفورى.
ـ أن تقرأ هذه القائمة الآن ... وتهز رأسك بالموافقة على ما فيها وأنت تبتسم.
ـ أن تفكر وأنت تقرأ هذه الفائمة، أن تطبعها وترسلها إلى قائمة أصدقاءك البريدية (اللى بتبعتلهم النكت).
منقول
ازاااااي تعرف انك دخلت الالفية الجديده؟
ღمن شعاع الشمس ناداني وبقي في الذكري كياني مازال يحتوية حناني ومازال النيل عنواني ღ
النمط الخطي
