السلام عليكم ورحمه الله وبركاته
يا شباب
أنا عايزه منكم أول حاجه أنكم تقرأوا الموضوع كامل
سؤال
أحساسك أيه وانت فى الشتا وسقعان
بتقوم تلبس كذا حاجه تدفيك
طيب تخيل أن فيه غيرك فى الوقت ده بيموت من البرد
وانت لما القميص بتاعك او البلوزه بتاعتك
بتكون قديمه بتتكسف تلبسها وتشترى بداله عشره
تخيل أن فيه غيرك مش بيغيرها
أنت عارف أن سبعين مليون شخص تحت خط الفقر
يعنى أيه خط الفقر
عارفين أدنى درجات الفقرانك يادوب تلاقى تلبس
أو تاكل
دول تحت الخط ده
يعنى لا أكل ولا لبس
ويوم القيامه ياسيدى ربنا هيسألك عليهم
هيقولك كنت عندك ملابس كتير ومش بتدى للناس اللى مش لاقيه تلبس
هيسألك على دولابك المكدس بالهدوم
ومش عارف تلبس أيه ولا أيه
يا جماعه اللى شاف حلقه الأستاذ عمر خالد هيفهمنى
واللى مشفهاش
على الموقع بتاعه يدخل يشوفها
موقعه
www.amrkhaled.net
'طيب المطلوب يا شباب
دلوقتى الموضوع تلات خطوات وأحنا فى الأولى
أننا نجمع الهدوم اللى مش بنلبسها
بس مش قديمه قوى يعنى علشان دى لله
وطلع حتى حاجه جديده أنت بتحبها بس تكون لله
ولو حاجه متقطعه خيطها
متقعدش قدام الدولاب وتقول لأ ده خليه يمكن ينفعنى
متبقاش بخيل ده لله
أهم حاجه أخلاص النيه
وبعد كده أدخل الموقع وأكتب بلدك ومدينتك
هيجيلك أقرب مكان ممكن تودى فيه الملابس اللى جمعتها
ولو عندك مكان ممكن تجمع فيه أدخل واكتب فى موقع الأستاذ عمرو
يا شباب
دلوقتى أستاذ عمرو نفسه مليون عيله يبعتوا يعنى لو كل عيلتين فى كيس يبقى خمسمائه الف كيس
تيجوا يا شباب
نشوف ابن مصر هيطلع كام قطعه ملابس
يالله
تخيل انك كده هتكسى فقير
وانك يوم القيامه وكلنا عراه ربنا يكسيك
تخيل كل ده
وهتلاقى احاديث كتيره فى موقع الأستاذ عمرو بتتكلم عن الأنفاق
هتشجعك أكتر
يالله يا شباب
على دواليبكم المكدسه وطلعوا بس متبخلش
وتكون حاجات نضيفه وحلوه
وكل واحد يدخل يقول طلع كام قطعه
علشان نعرف ابن مصر طلع كام قطعه
ولو عيز شويه حماس أدخل شوف الحلقه فى الموقع بصراحه رائعه بمعنى الكلمه
يالله علشان كلنا يوم القيامه نقول احنا عملنا كده علشانك يارب
بس أوعى تنسى
أوعى تنسى النيه
النيه أنها لله
وانك تكسى بيها فقير
وعلى الدولالالالالالالالالالالالاب جرررررررررررررررررررى
وياريت يا شباب كل واحد يجمع من العيله
والأصدقاء
ويروح أقرب مكان هيحدده لك موقع أستاذ عمرو
هتاخد ثواب والله
بس النيه
وعلى الدولاب يالله بلاش كسل
تعالوا نشوف ابن مصر هيطلع منه كام قطعه؟؟
النمط الخطي
