كيف تستعيد موبايلك .. بعد سرقته!!

[meroooo]

طريقه جميله جدا جدا و أكيده لاستعاده الموبايل المسروق و قد حدثت مع احد اصدقائى من قبل و اسعدنى انهم بدأوا يستعملونها فى مصر!

الموضوع ببساطه شديده يتركز فى السريل نمبر للموبايل و ده بيكون موجود على الكرتونه بتاعته او مكتوب فى الجهاز نفسه تحت البطاريه او ممكن حتى فى الفاتوره بتاعه التليفون لو الكرتونه مش موجوده و الجهاز خلاص راح
الرقم ده لازم يكون معاك تكتبه فى مكان و تحفظه و فى حاله سرقة التليفون تبلغ الشرطه و هيا هتجيبه على طول
طبعا السؤال هو هتجيبه ازاى؟؟؟
من خلال السريل نمبر بيقدروا يحددوا رقم التليفون الى الموبايل شغال بيه من خلال شركه فودا فون او موبينيل و بالتالى بيكون وصلوا للسارق او حتى لو كان شارى التليفون المهم موبايلك موجود...
حصلت قبل كده مع واحد صاحبى و من خلال صديق له فى شركه الاتصالات جاب الرقم بتاع الى معاه التليفون و بلغ الشرطه و اتصلوا بيه و قالوله مبروك كسبت جايزه
و طبعا راح عشان ياخد الجايزه لقى الشرطه بس مكنش هوه السارق كان شاريه من محل و راحوا للمحل و طبعا صاحب المحل عنده صورة لبطاقه البايع و كان فعلا هوه السارق
و على فكره متهيقلى لو المحل الى اشترى التليفون معندوش صورة لبطاقه الى باعله هتتدبس فيه هوه!

عموما طريقه جميله و النهارده فى الاهرام واحده قالت انها استعادت تليفونها من خلال الطريقه دى فياريت يا جماعه كلنا نأكد على السريل نمبر و نبلغ حتى لو كان الموبايل رخيص لان فيه ناس متخصصه فى سرقه الموبايلات و اذا اخد منك النهارده واحد رخيص بكره ياخد من غيرك واحد غالى!
meroooooooooo

(y) (y) (y)

[maysam]

شكرا ميرووو
ان شاء الله تكون الطريقة فعالة
وان شاء الله بسجل السيريال نمبراحتياط

كش الشكر لك

[بنوته مصرية]

شكرا اخي علي الطريقة

وانا السريال متسجل علي العلبة بتاعت التليفون

شكرا علي المشاركة

(y) (y)

[ahmedlaklook]

شكرا لهذه الافاده
انا صحفى ناشئ فى جريده مصر الجديده ورئيس التحرير طلب منى ان اقوم بعمل تحقيق عن سرقه الموبايلات فى فى مصر اذاكانت لديك افاده ارجوا ان تراسلينى وشكرا احمد جمال

[emymansy]

بصراحة انا كنت عرفه الطريقة في تركيا بيتبعوها ما اتوقعت انها تتحقق فى مصر انشالله مزيد من التقدم وجزاك الله خيرا

[ronnaa]

mercciiii 2wwy 3la mawdo3k elgamed dah bas ana b2a ma shoftosh 3'er b3d ma da3 mny mobilyyyy,,,,ehehehehe,,,,w z3lana moooot wمش معايا علبه ولا ورقه ولا فاتورة ولا السيريال نمبر يعنى عوضى على الله بقاااااااووووووووووبجد زعلانة مووووووووووت ومش عارفه اعمل ايه زززياجماعه كلكم حرصوا اوى على السيريال ده بجد مهم والموضوع ده بجددددددد وهينفعكم لا قدر الله لو الموبايل ضاااع عشان ماتبقوش زييى كدهززززاهى اهى اهى اهى.....ز

[باسم احمد]

موضوع جميل وفعلا حصلت مع واحد صاحبى ورجع تلفونه بالطريقه دى
بس فرضا لو اللى سرق التلفوتن سفره بره مصر نعمل ايه ؟
يبقى عوضنا على الله لانه هيستخدم شبكه تانيه خالص