مش نقلب على الامتحانات شوية ؟

[GoldeN X]

الاسبوع دة بدأت الامتحانات فى الجامعات المصرية
وكنا عاوزين نكلم شوشة عن الموضوع
اغرب الحوادث و السقطات الدائمة للامتحانات و اطرف المواقف

هل الاقتراح مقبول ؟

[GoldeN X]

طبعا الوقت ديق
والناس مش فاضية بتذاكر وانا من ضمنهم طبعا

بس خدوا الموقف دة حاجة ع السريع كدة

امتحانات كلية التجارة
جامعة جنوب الوادى
فرع سوهاج
الفرقة الرابعة
امتحان نظم معلومات محاسبية

اعلن الدكتور فى المكريفون عن تعديل قيمة بيان معين فى احد المسائل بعد ساعة تقريبا
طبعا كان فى عدد من الطلبة حل المسالة وخلص
اضطر طبعا يلغى الحل القديم ويحلها على المعطيات الجديدة

بعد نص ساعة الدكتور رجع فى كلامة
ورجع الرقم اللى اتغير الى اصلة

وانتا عارفين طبعا الطلبة كان حالها اية !!!!!!!!!!!!!!

[maysam]

اهلا بك

اسمح لي نقلت موضوعك للعام على شان الكل يشارك في الموضوع خصوصا انه الامتحانات بدأت واكيد الكل عنده كلاام يقوله

بالتوفيق لجميع الممتحنين
مع التحية

[النسر الذهبى]

لا الموقف حلو بصراحة

مش عندى مواقف اقولها بصراحة بس اكيد فى ناس غيرى عندها مواقف تحكيها

[الفراشه]

اصعب حاجة لما تلطلع من الاختبرات منكد افففففففف و انت دارس كويس و اتلاقي الاسئلة مخترعينها

[نمر الصحراء]

ههههههههههههه

ما فيش حاجه اسمها مخترعينها

كله من المناهج ههههههههه

وانا متأكد من زلك

[GoldeN X]

خدوا دة كمان


الجامعة العمالية باسيوط
الفرقة الثالثة - شعبة تنظيم
امتحان لغة انجليزى
كان فى ولد زايد شوية فى الانجليزى وكان الامتحان سهل علية
والى جوارة كانت بنت لايصة خالص وطلبت المساعدة
وكان المراقب عليهم سيدة
الكلام كان قدامها طبعا
الولد بص للمراقبة واستاذنها ينقل الاجابة ( ذوق فعلا )
والمراقبة قالتلة : " خد راحتك "

زى ما قال اللمبى .... قلب الام سعادتك

[نمر الصحراء]

هههههههههه
حظوظ يا جولدن اكس امه دعياله مش دعيه عليه

[نمر الصحراء]

طيب خد الموقف ده بقه

في الامتحان بتاع تانيه ثانوي ازهر واحد صحبي في اللجنه جنبي ماكنش بحضر

بالمعني الاصح مضيع السنه دي بقي ما تاخد تحللي في الورقه بتاعتي

ارد عليه اققله ايه ده مش لما احل الاول .
هههههههههههه ؟؟؟؟

[GoldeN X]

وهوا مين بيحل يا نمر

طلبة طب ليهم وضع خاص فى مصر
لكن اعتقد ان موضع الموقف دة داخل طب غلط

الدكتور صحى اول يوم الامتحانات ولبس ونزل الجامعة 8.30 عشان امتحان الساعة 9
يلاقى العامل يقلة الامتحان الساعة 11

[أحمد سليمان]

خدو ده كمان
كليه الهندسه
فرع هندسه اللألكترونيات ( تبعى يعنى)

صديقى فى اللجنه أدام
قعد يحل الأمتحان فى ساعتين
و خلص الثلاث أسئله تمام التمام و راجع عليه 100 مره مهو الوقت طوويل بالنسبه ل 3 أسئله
و بالصدفه الشباك مفتوح جه هوا طير ورقه الأسئله وقعت على ظهرها و هو بيشيلها أكتشف أن فى سؤالين كمان فى الظهر و باقى 5 دقائق من الوقت
و طبعا شال الماده