لحظة رضا...إمتى حسيت بيها؟؟؟

[dr_sho]

أحبتى في الله


سلام من الله عليكم ورحمة منه وبركة ورردة


تحياتي المعطرة بحبكم وذكركم وقربكم وبعد :wub:



عارفين لحظة الرضا يا جماعة؟
مين عاش فيها ومين ماعشهاش ؟

لحظة بيتسلل للنفس فيها شعور بالارتياح والرضا عنها وعن حياتها وعن كل اللي حواليها

لحظة بيبقي عند الفرد مننا إحساس إنه عايزها تمتد لغاية ما تشمل عمره كل ... وهيكون سعيد جداً لو عقارب الساعة وقفت علشان يهنأ بحلاوتها في قلبه ولو عدت بيبقي هناءه في إسترجاع ذكرياته في اللحظة دي



اللحظة دي بتختلف من شخص لآخر



ممكن واحد يعيش فيها نتيجة نجاحه في عمل بيحبه وتفوقه علي أقرانه فيه



وممكن واحد تاني يحسها في نيله لمطلب أو أمنية سهر ليالي علشان ينوله



ممكن واحد تالت يلاقي اللحظة دي فى عيادته لمريض أو جلوسه مع حبيب له يناجيه ويملأ العينين من صورته



وممكن تكون لحظة خلوته مع نفسه



وممكن وممكن



بالنسبة لي اللحظة دي بتبقي مسيطرة علي تماما لما أبقي قاعدة مع حد بأحبه حب صادق

وبسأل نفسي

قد ايه مشاعر الحب ممكن تولد في الانسان فينا قدرة هايلة وممكن تحيي له اللي مات في قلبه



بأحس إن الحب هو أكبر قوي محركة علي وجه الأرض



خاصة لما يكون حب صادق مخلص مافيش من وراه أى غرض أو مصلحة ولا بتغذيه علاقة دم أو رحم أو نسب



دي لحظتي اللي أتمني أعيش فيها عمري كله



لحظتك إنت إيه؟



اللحظة اللي بتملي عليك عمرك كله وبتسأل ربنا إنها ماتفوتش وإن فاتت تتتعاد



لو لحظتك كانت حب...إيه تأثير الحب علي حياتك ...وإنت إيه من غير حبايب حواليك بتحبهم فعلا فعلا لله وفي الله؟

ايه رسالة الحب اللي بتوجهها ونفسك العالم كل يسمعها ؟



ولو لحظتك كانت نجاح أيه الانجاز الكبير اللي حسيت انك لاقيت نفسك فيه؟



لو لحظتك كانت وحدة ؟

ليه فضلت نفسك عن غيرك؟ وليه صمتك كان أحب ليك من كلامك؟



أنا آسفة لو أزعجتكم بس بجد

يهمنى أراء ناس عاشت لحظة بجد



أشكركم

وأحبكم في الله

ورسالتي في نهاية كلامى

ياريت أى حد زعلته في يوم من الأيام يسامحنى :flowers:

[سفير الحب]

لو لحظتك كانت وحدة ؟

ليه فضلت نفسك عن غيرك؟ وليه صمتك كان أحب ليك من كلامك؟
"لاعجابى الشديد بلحظة الصمت "
...ففى كل لحظة صمت اشعر وكان عقلى ينمو بفكره ويرقى الى مستوى اعلى من الفطنة والنضج فى التفكير...
"فان كان الكلام من فضة فالسكوت من ذهب"

[dr_sho]

شكرا سفير الحب


أما من لحظات مماثلة

[أحمدكمال]

لحظة رضا .....
عندما اجد من يشاركني تلك اللحظة......
عندما يقترب مني لتكون لحظته هي لحظتي .........

[انسان]

لحظه رضا
لحظه ان يسامحنى شخص اسأ ت اليه فى يوم من الايام ولو كانت اسأت بدون قصد منى
ولحظه حب
عندما اكون بجوار من احبه ولا اريد للوقت ان يمضى ولا للساعات ان تمر
اريد وقتها ان يتوقف الزمان بى
ان اظل بقربه ويظل بقربى

دكتوره شو موضوعاتك بجد ما لهاش اى حل

[النسر الذهبى]

لو لحظتك كانت حب...إيه تأثير الحب علي حياتك ...وإنت إيه من غير حبايب حواليك بتحبهم فعلا فعلا لله وفي الله؟

بصراحة يا دكتورة الموضوع رائع واكثر من رائع
اقولك يا ستى الحب بالنسبالى زى ما انتى قولتى هو اكبر قوى محركة للانسان وبالذات الحب فى الله
لما تلاقى شخص تحبيه او يحبك فى الله من غير اى غرض ومن غير ما ينتظر انك حتى تبادليه هذا الشعور ساعتها بحس بحاله لا توصف من الرضى والراحة النفسيه
وبس
تقبلى فائق احترامى وتقديرى

[naughty eyes]

لحظه الرضا بالنسبالى هيا لما احس انى راضيه عن نفسى يعنى ضميرى مرتاح ومش شايله هم حاجه

كمان لما بحس ان ربى راضى عنى وان امى كمان راضيه عنى

كمان لما بنجح فى دراستى ببقى راضيه عن نفسى

ولما بحس بحب الناس ليا بحس انى مش مقصره فى حق حد

دكتوره شو

انا بحبك جدا لله فى لله

ومواضيعك دى بحترمها وبقدرها جدا

فى انتظار الجديد