إقتباس:
المشاركة الأصلية بواسطة زوزو8
بصي توتة حبيبتي
المشكلة كده مش كاملة
شوية اسئلة يا ريت تجاوبي عليها
1-ما مدي علاقتك بعائلتك ؟
2-هل هو مصري ويعمل في الخارج ؟
3-هل انتي وثقة من مدي صحة كلامه ؟
4-هل هو عنده استعداد انه يقابل اهلك ؟
5- كم عمرك وعمره ؟
6- كيف عبر لك عن مشاعره ؟
7- كان في علاقة قبله ام لا ؟ ولما تعرفتي عليه كان امتي بالظبط ؟
8- هل حدثك عن ماضيه بكل وضوح ؟
يا ريت تردي علي اسئلتي والجواب هيساعدنا كتير في ايجاد حل ان شاء الله
|
السلام عليكم ورحمه الله وبركاتة
اولا : شكرا على الاهتمام والرد
بالنسبة للاسئلة المطلوب منى الرد عليها
- هو جنسيتة مصرى لكن بيعمل فى الخارج دولة الكويت و اتنقل من اسبوع الاردن
-بالنسبة للثقة انا مش قادرة احدد ثقتى فيه لانى خايفة جدا من علاقة النت دية على اللى بسمعة و بقراه كل يوم بس طريقة كلامة كويسة وانا معنديش تجارب عاطفية خالص قبل كدة مش قادرة احكم من خلالها عليه و بالنسبة لموضوع انه يكلم اهلى لسه الموضوع دة مش اتفتح بينا لكن كلامة كله بيوضح دة لان الحوار احيانا بينا بياخد الشكل دة يعنى لما اجى البيت عندكم و لما نجهز شقتنا و نفرشها كدة يعنى حوار عادى
-اتعرفت عليه من حوالى 5 شهور انا عارفة انها فترة ضغيرة جدا لكن انا فعلا اتعلقت بيه و هو كمان بيقول كدة
هو عمرة 32 سنة و انا 27 سنة
بالنسبة لماضية هو اتكلم عنه لكن مش بالتفصيل لكن قبل ما يتنقل الاردن قالى لما يستقر فى الاردن هنبقى نتكلم بالتفصيل عنى و عنه و نعرف كل حاجة عن بعض علشان نتقرب من بعض اكتر و كل والحد يفهم كل حاجة عن التانى على فكرة هو اللى قال كدة من نفسة انا مش طلبت دة
فى حجة شغلانى اكتر
( انا من اسرة بسيطة جدا والدى متوفى لكن هو فى كلامة بيوضح انه ميسور الحال و اختة عايشة فى امريكا مع جوزها انا عمرى ما اتكلمت معاة فى موضوع داخليات البيت اعمل ايه فى الموضوع دة على فكرة هو مش متعمد انه يوضحلى انه ميسور الحال هو الكلام جه كدة لوحدة بس فى مرة هو قالى افرضى محصلش نصيب بينا ايه هيكون شعورك انا معرفتش ساعتها ارد لكن قالى افرضى اهلى او اهلك رفضوا هيكون الوضع ازاى
انا مش عارفة هو قصدة ايه بالكلام دة وساعتها قالى انه بيحبنى و ان شاء الله مش هيكون فى حاجة توقف امامنا
انا حكيت كل حاجة عن مشكلتى بالتفصيل لو فى اى سؤال تانى انا تحت امرك
السلام عليكم ورحمه الله وبركاتة
اي ولد او بنت عنده مشكلة يحب يحلها ممكن نساعده يتفضل ؟
النمط الخطي
