حل مشاكل الحب

[زوزو8]

أولا احب اشكر كل اللي وثق فينا وحب يبدي رايه
وانا سعيدة جدا اني لقيت دعم يساعدنا في حل مشاكل اصدقانا

ومرحبا بيكم انتو واي حد يحب يشارك تاني

[زوزو8]

اختي روما
هاي ازيك
مشكلتك سهلة ومحلولة وانا اويد راي صديقنا احساس بريء
يعني فعلا احنا مش بنقول سبيه لا احنا بنقول فكري كويس الاول قبل ما تخدي اي خطوة
وصدقيني الحب بيبان من ابسط موقف وساعتها هتكون السعادة
وربنا يسعدك

ومستنين اخبارك

[روما الشعنونة]

متشكرة بجد يازوزو علي اهتمامك انتي وصديقنا احساس بري وبجد انا هعمل زي ما انتو بتقول لاني قلبي غالي اوي لازم احافظ عليه

[زوزو8]

مرسيي روما واحنا تحت الطلب
في اي وقت عايزة تكلمي/ تفضفضي اتفضلي
سنكس

[روما الشعنونة]

بجد انا فعلا كنت مضايقة اوي بس لما فكرت لاقيت ان هودة الحل الوحيد انا روحت واتكلمت معاه بصراحة وقولتلة انه مش عارف ياخد قرار في حياتة وانه مش صريح مع نفسة وانه مش بيحبني وقولتلة خلينا اخوات بس وهو قالي انا لاقيت فيكي كل المواصفات اللي انا عايزها بس مش عارف لية ماعرفتش احبك

[noureymo]

الفكرة جميلة جدا بصراحة فكرة المشاركة الجماعية في حل المشاكل بتدي فرصة كبيرة لسماع اراء مختلفة والنقاش فيها .
كل سنة وانتم طيبين

[زوزو8]

طبعا اختي روما واضح انك اخذتي الخطوة الصحيحة
وربنا يكرمك للخير
ومرسيي لدخولك

[زوزو8]

مرسيي استاذ
علي مرورك
ويشرفنا مشاركتك لينا
nouremou

[زوزو8]

ايه يا جماعة خلاص كده المشاكل اتحلت معتش حد عنده مشكلة

[SARAMOSLiMS]

السلام عليكى



جزاكى الله كل خير على فكرتك لكن حقيقى والله انا قبل ما ادخل التوبيك دا مكنتش بعانى من مشكلة لكن لما دخلت حسيت بالمشكلة الاكبر وعندى شوية تساؤلات كدا ياريت الاغلب يرد عليها من وجه نظرره



ليه كلمة صديقى وصاحبى ومتربطة وبفضفض معاه وبيحكى لى وبحكى له بقت كلمة عادية بين الناس وبقت تتاخد بمحمل اننا اخواات وان عادى لما صاحبى يكلمنى ويقولى بحبك وعادى انه يكلمنى على انه بيبحب فلانة وانه فلانة مبتحبوش وليه نسينا ان الرسول عليه الصلاة والسلام كان اشد حياء من العذراء فى خدرها



وتساؤلاتى هى؟؟
هل الكلام والافعال دى بتكون بعلم الاهل ولا بتكون سرقة من ورا الاهل وهل الكلام دا كله بقى خلاص طبع فى شباب مصر ولا دا بيمثل فئة معينة من الشباب فى الجامعات والمراهقين؟؟

وطبعا مش هسأل ايه راأى الدين فى موضوع ((صحبى وقلت له بحبه وقالى بيحبنى وانى مرتبطة والكل عارف اننا مرتبطي))ن لانى اعرف ان الاشهار بيكون فى الزوااج وليس الحب بين الجنسين

فاالحمد لله لسه رأى دينى عارفاه فيما يخص العلاقة بين الجنسين وحدود التعامل




وعندى سؤال تانى لكل شاب


اختك مرتبطة ولا بتحب واحد وهو بيحبها او تقلان عليها ولا اختك بنت طيبة ولسة عينها مغمضة ولسه النقاء فيها؟؟؟؟ وياترى نظرة الاحترام بتبقى للبنت المرتبطة وبتعرف فلان ومصاحبة علان وبتفضفض مع دا وبتحكى مع دا ولا بتبقى للبنت المتفهمة لموقف التعامل وعارفة حدود التعامل وان فى فرق بين كلمة زميل وبين كلمة صاحب وان كلمة الحب دى متتقلش لراجل اجنبى ولازم يكون اول واحد يسمعها هو الزوج باذن الله؟


بس كدا

[nor]

اولا السلام عليكم ورحمة الله وبركاته
بشكرك على الفكرة الجميلة دي واتمنى انك تقبليني صديقه ليكم في المنتدى انا بجد محتاجه حل لمشكلتي هي بتتلخص في قسوة امي الصعبه جدا عليا هي شيفه ان القسوه وتجميد القلب هو الاسلوب الصح في التعامل وبتتعامل كده معايا وانا مبقتش قدره اتحمل ده لاني غيرها تماما وشيفه ان ضعف شخصيه وانا بقولها لا بس مفيش قمل والكارثه لما تحس ان اخواتي بيحسه اني حنينه عليهم وبسبوها وييجه يحكولي انا طبعا بتكون نار عصبيه ونرفزه وكله بيطلع عليا انا طب احلها ازاي انا تعبانه من القسوه دي اعمل ايه

[زوزو8]

المشاركة الأصلية بواسطة nor

اولا السلام عليكم ورحمة الله وبركاته
بشكرك على الفكرة الجميلة دي واتمنى انك تقبليني صديقه ليكم في المنتدى انا بجد محتاجه حل لمشكلتي هي بتتلخص في قسوة امي الصعبه جدا عليا هي شيفه ان القسوه وتجميد القلب هو الاسلوب الصح في التعامل وبتتعامل كده معايا وانا مبقتش قدره اتحمل ده لاني غيرها تماما وشيفه ان ضعف شخصيه وانا بقولها لا بس مفيش قمل والكارثه لما تحس ان اخواتي بيحسه اني حنينه عليهم وبسبوها وييجه يحكولي انا طبعا بتكون نار عصبيه ونرفزه وكله بيطلع عليا انا طب احلها ازاي انا تعبانه من القسوه دي اعمل ايه

اولا احب اشكرك انك وثقتي فينا ودخلتي الموضوع
واحب اقولك يا نور لازم تصبري ومعلش دي مهما كان امك مع اني عارفة كويس انك صابرة ومستحملة ..
بس ممكن يكون اللي عندها ده من تعب الظروف اللي احنا عيشين فيها وضغط الناس علي اعصابها وخوفها عليكوا من المصايب اللي بنشوفها ..
ودائما حاولي تحسسيها انك تحت امرها وانك مهما كبرتي هتفضلي بنتها وتحت طوعها ( بيني وبينك يعني قوليها بكلمتين وحبة حنية ورشة طاعة ). طبعا انا عارفة انك مطيعة وده طبيعي من خلال معملتك لاخواتك ..
وصدقيني اهم حاجة انك تفضلي مع اخواتك وتفضلوا جنب بعض وتحسسوا ماماتكوا انكو حاجة واحدة مهما حصل .. واحب اضيف ان ماماتك لو لقدر الله تعبت شوية او جارلها حاجة انتو اللي هتبقوا جنبها ..
ومش عاوزة اوضحلك انك لازم تخلي اخواتك يطعوها يعني تفهميهم ان دي امهم مهما حصل وهي اولي بطاعتهم مهما حصل .
وافتكري ان الجنة تحت اقدام الامهات وان طاعة الوالدين هي اسهل طريق للجنة .
وانتي ممكن تتجنبي الصدام معها بطريقة خفيفة يعني مش لازم تقفي قدمها وهي بتزعق او بتتخانق كده يعنيواوعي مهما حصل تردي عليها .

ومستنية ردك
ومرسيي مرة تانية علي مرورك

[زوزو8]

اهلا سارة ازيك ومرسيي جدا انك اهتمتي ودخلتي موضوعي وسبتي رد

احب ارد علي اسئلتك من وجهة نظري
أولا لازم تفصلي بين الموضوع الاول كويس قوي في فرق قوي جدا بين ان صديق وصديقة ويقفوا مع بعض وقت الشدة . وده شي عادي لان مفيش حد بيحتاج لحد من غير لازمة ( بمعني ان مثلا مفيش بنت تمشي في الشارع او الجامعة تكلم اي ولد معدي دون سبب او ولد الا ان كانوا تعبنين نفسيا ) .
لما تتحول العلاقة بين الولد والبنت من منطلق الصداقة الي الحب هنا لازم يكون في وضع اخر يعني البنت لو وثقة في نفسها وشخصيتها تقدر تعرف كل واحد مكانه بالظبط في دمخها وحياتها مش مجرد واحد زميل وبعدين يقولها بحبك ويعيش في الدور وكذلك الولد لازم يعمل كده ويوقف كل البنات عند حدهم المظبوط .

سوالك بتاع الاهل
احنا مش مسئولين عن تصرفات اي حد كل واحد حر وهو اللي هيتحاسب بعد كده .
وحسب التربية والاخلاق اللي الفرد بيلقيها في البيت سواء كان ولد او بنت هنا بيكون الوضع ( يعني لو البنت صريحة مع اهلها ومش بتعمل حاجة غلط هتقول لاهلها واهلها هيعرفوها الصح والغلط وكذلك الولد .. اما لو كانوا مفيش اي نوع من التربية هنا بيكون وقع الفرد في الغلط سهل جدا بدون اي مقومات او ضغط ومش هيمها او هتستحي // وكما يقال ان لم تستحي ففعل ما شئت // ودول بقا اخونا البعدة اللي بيسعدوا في سقوط البلاد وانهيارها ) .

واخيرا الحلال بين والحرام بين .. واللي عاوز يغلط مش بياخد اذن ..

ومرسيي مرة تانية علي دخولك

[ahmedshaari]

في برنامج شغال دلوقتي علي الاذاعة دى

للدخول انظر الصورة

[زوزو8]

مرسيي لكل اللي دخل ويا رب دائما تكونوا من دون مشاكل