بس الله الرحمن الرحيم
والصلاة والسلام على خاتم المرسلين سيدنا محمد اما بعد
الغاليه نرمين
موضوعك رائع وطرح التسأولات اكثر من الرائع اجبرنى انى عاوز اتكلم واقول كل الى جوايا بس بصراحة مش عارف ابداء منين
ابداء يا ستى من بدايه كلامك
اصعب موقف مريت بيه بصراحة فى حياتى (وفاة والدى الله يرحمه ) كان موقف بصراحة صعب جدا عليا كان عندى تقريبا 15سنه ويومها كنت موجود لوحدى فى البيت كان الموقف صعب يمكن من الزهول والصدمة مكنتش عارف اضحك ولا ابكى ولا اقول ايه بس بصراحة الموقف دة رغم صعوبته لما لاقيت الناس كلها ملمومة من حواليه حسيت انى مش لوحدى وشويه ووالدتى جت وخدتنى فى حضنا حسيت انى نسيت اى حاجة
غير انى ابكى وبس
نيجى بقى للقرارات يمكن اصعب قرار اتخذته هو كان اما انى اختار انى اسافر برة ولا اعمل مشروع فى البلد هنا وبصراحة حسيت انى فى البلد هنا احسن وقررت فعلا واخذت قرارى انى افضل فى البلد هنا وفتحت المشروع وربنا يتمهالى على خير
نيجيى بقى للايام الحلوة الى فى حياتى
يمكن فى كتير ايام حلوة
بصراحة الايام الى بقضيها فى اسكندريه مش عارف بحس انها اجمل اللايام الى بعيشها لانى بصراحة بعشق البلد دى
وناسها الطيبين وبحرها الرائع
ومنها يوم كنت هناك يمكن لفيت اسكندريه شبر شبر وفى اليوم دة الموبيل ضاع
والفلوس ضاعت وانا فى الميه
ورجعت مستلف فلوس من هناك بس برضو بحب البلد دى
نيجى بقى للكذب والصدق مع النفس دول بقى بالذات ليهم حوار تانى خالص وممكن يتكتب فيهم صفحات كتير
يعنى فى مرة كنت كذاب قوى حسست نفسى انى مليونير والمصيبه انى صدقت
وفى مرة تانيه كنت صادق مع نفسى قوى لدرجة انى حسيت انى قريب من ربنا قوى
بس برضو مش هكى الموقفين دول بالذات لانى بعتبرهم فى نطاق السريه والملكيه الخاصة سؤا لاصحاب الموقف بتاع الكذب او ليا
مش وقتهم بصراحة
نيجيى بقى لموضوع الناس الى قريبين
النا سرى او كل الى جوايا يا اما معايا يا اما لواحد من اقرب اصدقائى ليا وهو حاليا فى السعوديه بس هيرجع قريب ان شاء الله وسرى العادى بقى مع والدتى
نيجيى للغدر والخيانه
اتعرضت ليهم مرة واحدة فى حياتى ويمكن كانت فى اول مرة حبيت فيها بصراحة وكانت من صاحب قريب منى قوى بس بصراحة هو ندم واعترف بغلطته وهو الى قالى عليها كمان
بس ساعتها اعتبرت ان البنت الى كنت بحببها دى ماضى سىء لازم ادفنه ويمكن مفكرنيش بيه غير موضوع دة وطلبك لاننا نكون صريحين بعض الشىء في ردودنا
ويمكن لو دورتى فى موضوعى فى عذب الكلمات هتلاقى خاطرة باسم خيانه قلب كنت كاتبها لما حصلى الموقف دة
وبس
نيجيى بقى للايام المرة دى
كان يوم وفاة بنت خالتى الصغيرة فى حادثة قطر البنت دى كنت بصضراحة بحبها حب فوق الوصف يمكن كنت بعتبرها اختى التانيه طلبها بالنسبالى كان مجاب لما مات يمكن محستش انى حبيت حد قد ما حبيتها
((فى النهايه وبكل صراحة موضوع قوى جدا ماشاء الله نرمين اريت تتحفينا كل فترة بموضوع من دول يكون رائع كدة
اتمنى ان اكون وفقت فى اجابتى على اسئلتك الاكثر من رائعه
تقبلى فائق احترامى وتقديرى واعجابى بموضوعك الرائع ))
النمط الخطي
