انت ايه ؟

[naughty eyes]

بسم الامل

ومادام الامل من الحياه فبسم الحياه

ومادامت الحياه من عند الله فبسم الله الرحمن الرحيم


وانت صغير يا ترى كنت بتحلم تبقى ايه ؟

لكل منا حلم يتمنى ان يحققه لذا فلابد وان نسعى وراء ه لتحقيقه مش كده ولا ايه

طيب اتمنيت تبقى

ظابط مخابرات جامد جدا زي "أدهم صبري"؟

ولاّ دكتور مفيش منه اتنين زي د. مجدي يعقوب؟

لعيب كورة حريف وهداف والناس بتحبه زي "حسام حسن"؟

ولاّ ممثل "حليوة" البنات هتجنن عليه زي أحمد عز؟

مغني صوته عبقري زي "عبد الحليم "؟

ولاّ صحفي مشهور اسمه منور في مجلة كبييييرة "؟!

ولا مهندس ولا وكيل نيابه ولا لالاولا ............؟؟!!

ما جاش في بالك مرة إنك تكون رئيس جمهورية؟!

اكيد قولت وانا مالى ومال القلق ده وبعدين رئيس ايه انا فين والموضوع ده فين

طيب مفكرتش انك مش قليل وان ربنا ادالك قدره على ادك

طيب هل عرفت حدود قدرتك دى ايه ؟

يعنى حاولت تستغلها حاولت انك تجرى وراء هدفك

ماشى غيرك حاول وفيه اللى صابت وفيه اللى خابت طيب اتعقدت من اللى خابت معاهم ومحققوش حاجه
طيب ماممكن انت تحقق هو انت تعرف اذا كان ربنا اداله قدره اد ايه مش يمكن اقل منك ومش يمكن اكثر منك لكن معرفش يفكر صح او معرفش يستغلها صح

عموما احنا بنتاقش فى حاجتين :

القضيه الاولى :

انت ايه ؟؟؟؟

القضيه التانيه :

عاوز تبقى ايه ؟؟

القضيه الاولى ::::::

س: انت ايه ؟

ج:هترد وتقولى بنى ادم خلقه ربنا زى اى بنى ادم تانى

س:هقولك :

طيب ايه لزمتك يعنى ما انا عارفه انك بنى ادم زى اى بنى ادم ؟ اسمك كذا وسنك كذا

طالب .عامل .عالم .دكتور.حرامى . موظف. تلميذ. ......, اهى اى حاجه والسلام

ج::قولتلى انا طالب :

س:يا طالب بتذاكر ؟

رديت:

ج:اكيد

س:طيب اديت للمذاكره حقها ؟

رديت :

ج:عادى يعنى قبل الامتحان بشهر ولا اسبوع بشد فى المذاكره

س:على كده بتنجح وبتجيب مقبول ولا بتنجح وبتشيلك ماده ولا اتنين ؟ ولا اوعى تقولى بقدر وبجيب جيد ولا جيد جدا بالنظام ده ؟

رديت عليا :

ج:بظروفها انا و حظى

طيب لما مش عارف يبقى اكيد انت ولا حاجه

س:عارف ليه ؟

ج:ليه ؟

عشان انت مفيش هدف بتحاول توصله

وسألتك :
س:طيب دخلت الكليه دى ليه .؟

او دخلت يا بتاع ثانويه عامه ادبى ليه و دخلت علمى ليه

بتاع الكليه :

ج:مجموعى جابنى ليها يعنى هيا جات معايا كده

بتاع المدرسه الثانوى ده غير بقى بتاع الاعدادى مصيبه اكبر لسه حكايته حكايه مش عارف اذا كان هيدخل ثانوى عام ولا هيدخل ايه ولا عاوز ايه بالظبط ......

ج:انا دخلت ثانوى عام ودخلت علمى عشان ادخل كليه طب

س: ودخلتها ؟

ج: لا

س: ليه ؟

ج: مجموعى مجابش


ارد اقول ايه

اقول ان فعلا دى السلبيه بعينهاااااااااااااا

واحد دخل كليه ومش عارف هيتخرج يشتغل ايه لان من البدايه داخل الكليه بدون هدف ........


دخل مجال مش بيحبه ولا له فيه طيب دخلته ليه ؟؟؟

مجموعى جابنى لكده

دخلت علمى عشان ادخل طب ومجوعى مجابش عادى يعنى تجاره وحقوق واداب موجودين يسدوا الخانات واهو اسمى فى كليه وخلاص

اسمك فى كليه !!!!!!!!!!!

حرام يتقال انك فى كليه

كليه يعنى المفروض وصلت لاخر مرحله تقدر تثبت فيها وجودك وتقدر تحدد انت عاوز ايه مش كليه والسلام وداخل الكليه دى عشان بحب مجالاتها وعشان اتخرج ابقى كذا او كذا


طيـــــــــــــــــــــب يا سيدى عاوز تبقى ا يــــــــــــــــــه؟ !!!!!

لما اخلص جيش يسهلها ربنا


او هسافر باره عند حد من قرايبى او هلملى قرشين اسافر بيهم

هههههههههههههه

وباره ايه وجوه ايه يا باشا ؟

باره خير بلدك ولا امانها ولا اهلك ولا اصحابك ولا مجهودك اللى يستاهل انك تضحى بيه بس مش فى بلدك لا باره ...........ّ!!!!!!


ده اللى بشوفه واللى بسمعه ممكن حد يرد عليا ويقولى ايه الحــــــــــــــل ؟؟

الشباب يا ريت اسمع ردودكم

انــــــــا بجد حزينه على كل شاب ظالم نفسه وظالم بلده كمان بالشكل ده


منتظره الردود

[أحمد سليمان]

السلام عليكم ورحمه الله

الأخت العزيزه الغاليه نرمين
انا قرأت موضوعك الصبح

و للأسف وعدتك أرد عليه
هههههههههههههههههههههههه

.المهم هحاول أختصر
وأشهدكم و أشهد الله و هو خير الشاهدين هذا أنا كما لم أتكلم من قبل ولم أحكى فتابعونى بعد الفاصل

[night knight]

مش عارف اقول ايه الموضوع شامل و مش محتاج اضافة
التقييم : ************

[أحمد سليمان]

عوده بعد الفاصل

أنا أحمد محمد سليمان
كتير هنا يعرفونى لانى عضو هنا من 2002 أممم 21 سنه
طالب بالسنه النهائيه كليه الهندسه قسم الألكترونيات و تطوير الحاسبات
دخلت الكليه بأختيارى الحمد لله لانى ما كنش ممكن أدخل غير هندسه كنت هرسب سنتين و اترفد
انا جبت مجموع حلو فى الثانويه الحمد لله بس ده ما كنش يأهلنى ادخل القسم ده بالذات و كان موجود فى جامعه القاهره بس و علشان ادخلها كان لازم احقق نسبه عاليه يعنى من الأخر من أوائل الجمهوريه علشان يسقط بند التوزيع الجغرافى
فطبعا فشل الموضوع
ما كنتش كاتب علوم بعد الهندسه خالص
فجالى تربيه رحت و امرى لله اشوف الكليه دى شكلها ايه
اول ما شفتها بدل ما اعمل أثبات قيد اتصل بالوالد يا بابا انا ماشى فى ورق التحويل
الجو نفسه خنقنى
مع الأعتذار لاى من يدرس فيها بس ده مش طبعى يعنى انا عارف نفسى مش هسلك فيها
حولت هندسه بالمصاريف والله اختت واحده من أصعبهم وكل الدكاتره من المعيدين من عين شمس و القاهره علشان أعيش و اعانى جو الهندسه العاديه لان دراستها فى حد ذاتها متعه

المهم دخلت الهندسه
كنت حاسس ان اعور وسط العمى ملك يعنى اللى كانوا معايا كنت ببص لهم من فوق اكبرهم مجموع بعد اقل منى يمكن ب 5% فى 4 درجات يعنى 20 درجه لكن لما دخلت لقيت غير خالص
فى ناس ظروفها من ظروفى كتير و كنا اكبر دفعه و فى تنافس بيننا قوى جدا و احنا عملنا شهره للأكاديميه بين الدكاتره و الحمد لله تميزت بينهم وانا من أوائل دفعتى و هانت باقى شهور قليله اوى وأتخرج

المهم
بدأت الدراسه و تعرفت على ناس كتير كزمايل بس اصحاب كان عندى اممممم ولدين بس مسلمين دول ملازمنى حتى الأن و غيرهم كان فى ولد مسيحى و 3 بنات واحده بس مسلمه و اتنين من أياهم مسيحين يعنى هههههههه بس و ما أقلكومش بقى
انا متربى فى اسره أخلاقياتها ملتزمه و بعدين كل اخواتى بنات أخاف عليه و اتقى الله فيهم و الحمد لله اكرمنى الله بأخوه فى قمه الألتزام وبدأت الحياه تمشى
بعد اول سنه الحمد لله تخلصت من بنتين منهم لانى أيقنت ان البنات و الصحوبيه مع ولاد سبب المشاكل و بيكتير الكلام و خصوصا انه كانت واحده بس مسلمه و كانت مصاحبانى
انا كنت اعرف اهلها ابوها امها و كنت بعتبرها اختى بس الموضوع وسع عندها شويه وانا والله ما عامبتها معامله خاصه ابدا بس لما لقيت الأمور تطورت انهيت علاقتى بها تماما بعد سنه واحده بس و متخاصمين من 3 سنين و شويه دلوقتى و الحمد لله باقى اصحابها الشله يعنى حصولها ههههههههههو هى لحد النهارده بتلعب دور رئيسى فى اى مشكله بتحصل معى فى الكليه يعنى اول ما تحصلب معاها حاجه ..ااااااااااه احمد هو السبب ده بيكرهنى و تروح بقى يا اما تشتكى لدكتور او تتصرف مش بتغلب يعنى ان كيدهن عظيم و بالنسبه لنا انا منحط علشان رفضت اى شئ اكثر من صداقه انا غبى و متخلف حاجات كده يعنى
بصراحه انا كنت عملت كده مش من منطلق الهدايا بس من منطلق العقل و الخوف من اللله سبحانه و تعالى لسه ما كنتش تدينت اوى زى دلوقتى يعنى

و مضى قطار العمر
السنين تفوت و خلصت 5 سنين هندسه ولما ألتزمت تغيرت أحلامى بس مش كتير اوى ممكن صارت لها مده زمنيه بس بحاول امشى عليها علشان اسرع فيها بما يرضى الله سبحانه و تعالى
صارت اغلب أحلامى تتعلق بنصره الأسلام
ممكن مش متدين اوى او ما اعرفش كتير
بس أعرف ربى كويس قوى و هو بيهدينى و ان شاء الله يعصمنى من الشيطان الرجيم

تعرفى يا نرمين
انا حلمت ابقى رئيس جمهوريه
بس مش فى اى وقت
فى وقت تكون فيه مصر قوه عظمى فى المنطقه و ما اتمناش يكون الأسلام ضعيف وقتها بس لو كان ضعيف ألعب دور مهم فى أزدياد قوته اكون حاكم بلد لها نفوذ
بس بسرعه رجعت فى كلامى
بردوا خوف من الله
من حديث سمعت " ما ولى احدكم أمر عشره من المسلمين ثم لم يجد لهم و يتعب الآ و لم يكن معهم فى الجنه " و المصريين 70 مليون دلوقتى يعنى اقف أتسأل امام الله عن 70 مليون ياااااااااه كفايه عليا ذنوبى اتمنى والله اموت اقل شئ لا لى ولا عليا انا مش حمل عذاب او كلمه عتاب من ربى يوم العرض اكيد ماليش حجه

بس كمان عرفته انه حرام عليا ابقى اقدر اساعد و ما أساعدش يعنى بردوا هتسأل عن شبابى و علمى و مالى و هكذا فقررت و نويه و النيه لله أعمل ما عليا و الباقى على الله
أحلامى ما توقفتش
بل بتزيد و بزيد حسره على اللى فيه شبابنا
لما اكون رايح اصلى بين المحاضرات و اقول لحد من أصاحبى تعالى معايا المسجحد
لا يا عم روح انت
اصلى انا مش بصلى
ولا اقول لك انا هبقى اصلى لوحدى بعدين
بصراحه بتضايق قوى انا كنت فى وقت ما ألتزمت محتاج اللى يساعدنى معلومات مش صفر فى الدين الحمد لله بس حاسس انى اللى عملت همش كفايه اول حاجه كنت مش بصلى و دى مصيييبه كبيره و ده اللى عرفته طيب و بعدين
تعرفوا
والله العظيم
انا كنت بسمع اغانى كتيررررر وة كانت عندى كميه اغانى اتحدى حد عنده مثلها يكفيك 80 جيجا مش بلاقى مساحه احط حاجه تانى و اشتريت هارد ديسك تانى علشان ما أمسحش الأغانى
نويه و النيه لله أمسح كل ده و امتى
كنت فى العربيهو بسوق انا لو مت دلوقتى هتحاسب كده
انا كنت عايز ارجع بصراحه
بس ما كانت الفكره ملت دماغى فكملت و رحت المحاضره ولما رجعت

هاااا يا احمد يا سليماناما دلوقتى او لا
الجمله بتردد فى دماغى
حاسس ان حد ماشى ورايا بقول لى أسرع أسرع أفعلها
وواحد تانى بيلاحقنى يخرب عقلك
محدش عنده قد اللى عنده و جمعتها فى سنيييين هتمسح كله كده فى لحظه اعقل
فضلت كده شويه
أدركت وقتها انه الشيطان
الدم غلى فى عروقى
ها
هتمسح ولا أهيالصرفه مش بتيجى كتير
ظللت الكل و مستحه بلا رجعى
ما كنتش ارعف حكم الأغانى و سماعها ايه والله ما كنت اعرف بس اللى عرفته وقتها انى كده بتقرب من الله سبحانه و تعالى ومسحته و أرتحت والله نفسيا و دعيت بصدق ربى أعصمنى منها من الأن و من وفتها شهوووووور ولم أسعى لأغنيه واحده حتى صار وجودها كعدمه و علمت نفسى لو سمعت حاجه و عجبتنى يبقى لحظى بس ما ارددش علشان ما احفظهاش و الحمد لله ماشى الحال على كده

تغيرت كثيراااا بعد الهدايه
بصراحه انا كنت قاسى ألى حد ما
قاسى على نفسى مش على حد ما كنتش ببكى خالص
بس وصل بى الحال البكاء من خشيه الله كأنى لم ابكى فى حياتى و سالت القطرات كانت فى اول ليله لى بعدما فعلت صليت الساعه 2 بالليل كده قبل الفجر يعنى
بكيت كتيرررررررر لا قد ايه من الوقت و نمت
و ظليت على حالى فتره تايه مش عارف اللى بعمله ده صح
طيب ربنا يتقبل منى ولا يه فدعيت يارب أهدينى وثبتنى على دينك و الحق و كان نفسى اعرف انا كده وصلت ولا لا

نمت فى ليلتها و راودتنى رؤيا غريبه
رأيتنى فى الشارع بس شارع ما اعرفوش و الناس من حلوى كلهم ماشيين يأكل سنودتشات لحم مش لحم عادى ده لحم خنزير و الخنازير فى الشوارلاع كتير زى الكلاب و كل واحد ماشى و معاه الخنزير بتاعه مرافق له فى كل مكان
بس ده خنزير عجيب
ده بيطير باين على ما أذكر
في منهم اللى شايله علىكتفه و فيه اللى بين أيديه و حاجات كده وانا قرفان منهم مش عارف اروح فين و خنازير ايه ما أقلكوش من اللى شكلها حلو زى بتاعت الرسوم المتحركه كده و فجأه لقيت خنزير صغيره على وجهه براءه غريبه بحك راسه فى رجلى زى ما بتعمل القطط كده و كل ما أمشيه بعيد يجى يجلاى عليا و يفضل يلف حولى و بعدين بقى امشى من هناو أزقه برجلى يجرى بعييدو بعدين ألقاه جاى يجرى تانى نحوى و فضلت على كده اهرب منه بجرى منه فى الشارعو بيجرى ورايا فى كل مكان بيرحقنى
عايز يرافقنى ما لقيتش غير انى اشوطه بعيد عنى ضربته جامد بالرجل و طار فى الهوا و بعدين جالى تانى
بس ملامحه المره دى مش ملامح البراءه أبدا
ده مش لوحده ده جاى و خنازير الناس كمان بتبص عليا بنفس النظره نظره شياطنيه ما اعرفش أيه للى حصل و كل شئ أختفى فجأه
صحيت من النوم على اذان الفجر بيأذن
فعرفت وقتها
لولا أكمل طريقى او يعاود الخنزير ما حاوله معى مره أخرى
طبعا عرفتوا الخنزير كان أيه ؟؟؟؟
كان الشيطان فى الحلم
ده تفسيرى انا على قدى يعنى
هههههههههههههه


بس و من وقتها تغير الحاااااااال الحمد لله
والله عمرى ما كنت بخوض مع حد فى حاجه اكبر حاجه اعملها كنت افترج يعنى اشوف اصحابى ممكن يروحوا يعاكسوا بنات و حاجات كده و الواديتهزء و يفرح و اقول له دى شتمتك يقولى يا عم عادى هى بتلذق فأسكت يعنى ليه يهين نفسه و انا من طبعى ما اقبلش الأهانه ففى كل الأحوال ما كنتش هقدر اعمل كده و كمان انا فى تعاملاتى واللى شفته فى الكليه بيخلينى انا اللى اتكسف من البنات والله يعنى انا فى هندسه خاصه بمصاريف وناس معاها فلوس و شايفين نفسهم قوى
لقيت قله قليله الملتزمه و حاولت انضم معاهم فى اى حاجه تفيدنى فى الأخره و بدأنا مشروع حلو قوى وأشتغلت فيه بجد دعوه للأسلام عن طريق موقع نت و كنت بجيب اللى يدعو و يعرف الأسلام و المسلمين صح و الرسول و الدينو رأى القرأن فى عيسى و حاجات كده بالأنجليزيه
الموقعفى حد ذاته كان موجه للغرب من لينا احنا لانهم للأسف بيتأثروا اسرع مننا احنا العرب
المهم ولاد الحلال اللى تحمسوا كتير كونا أسره دينيه وصلت فوق العشرينو الحمد لله بقى منهم 3 و بعد كده الموضوع باظ ....!!!!!
دلوقتى اهتميت درساتى اكتر من الأول وبفكر اكمل ماجستر بره كندا او حاجه كده استفيد من علمهم و ارجع ليا مكانه علميه ان شاء الله افيد بيها بس الموضوع ده معلق مع الوالد و الوالده يعنى ولد وحيد و حاجات كده يعنى من مخاوف الأمهات

كفايه كده

نرمين
تقدرى تنسخى ده و تحطيه فى موضوع الفضفضه

كان لازم اكتب كتير اوى كده
علشان لو قلت هكمل المره الجايه
والله ما كنت هكتب تانى
فقلت أخلص مره واحده

طبعا فى احلام تانيه
بس أحتسبها عند الله سبحانه و تعالى افضل لى

السلام عليكم ورحمه الله

[أحمد سليمان]

نسيت اكتب حلمى اللى عامل الموضوع علشانه
هههههههههههه

دكتوراه فى الهندسه ان شاء الله و أوصل لمكانه علميه كبيره و اكون معروف و عندى مالى ووقتها ان شاء الله تعالى هعمل حاجه يتحاكى بها العالم

[أحمد سليمان]

توتى ايز

اياكى اسمعك تقولى لى اكتب تانى فااااااااهمه :@

[maysam]

موضوع جميل يا نرمين

لا اعتقد ان في انسان مش بيحلم
كلنا عندنا احلام ،، في منها ((ممكن)) تحقيقه
وفي منها ((مستحيل يتحقق))

وانا بقول ان في فرق كبير بين اان الواحد يحلم حلم ممكن وحلم مستحيل
حتى الاحلام لازم اوقات كتير تكون بحدود الواقع والا الواحد بيصاب بالاحباط

يمكن المشكلة في ايامنا مش بس اننا نحلم
المشكلة انه يكون في ((هدف))
كتير شباب انا مثلا من خلال تعاملي معاهم بكتشف انه ما عندهم اي هدف
عايشين على التساهيل

فتحديد الهدف هو اهمشيء في حياة اي واحد
وبناء عليه هو بيشتغل

بالنسبة لي ،، انا عندي نوعا ما رضى عن اللي وصلته ،، لكن طموحي لا يتوقف طبعا
انا من ضمن احلامي ان يكون لي مشروع خاص اشتغل فيه
وقبل كل شيء اكيد حلمي هو اني اربي اولادي افضل تربية ،،والتربية مش شيء سهل ابدا ،، لو تحقق لي هذا الحلم ،، اكيد شعور كبير بالرضا

وفي اشياء كتير يا نرمين يمكن ارجع واقولهم

مع التحية

[نمر الصحراء]

اهلا نرمين

زي ما ميسم قالت مفيش انسان مبيحلمش

والاحلام بوجه عام بعضها البيتحقق وبعضها لأ


ياله نحلم ونجدد احلامنا وربنا هيحققها لينا بأذن الله

[naughty eyes]

سعيده جدا بالردود

ومتظره بقيه الردود

ولى عوده للرد على كل من اهتم والتعليق على رده

[محمد خطاب]

انا ايه؟؟؟؟؟؟؟؟؟؟؟؟؟؟؟

حاليا بقاية انسان يبحث عن نفسه
انسان يحاول ان يجد نفسه فى الوقت المناسب
انسان وكفاية كده

ايه الحلم بتاعى ؟؟؟
هو كان حلم وانتهى
كان نفسى اكون ظابط شرطة عادى يعنى بدون تريقة بس
ايه يعنى كنت عايز اكون ظابط شرطة انا كده حاسس ان امكانياتى كده بس طبعا خلاص الحلم ده انتهى للاسف الشديد النهاية الدرامتكية لو حضرتك من مصر حتعرفى ليه لو مش من مصر اسئلى حد من مصر وهو يقولك

والى الان ابحث عن حلم احققه وعندما اجده افشل فى تحقيقه

سيكون لى عودة ان شاء الله حتى اتحدث باستفاضة

[زعيم المعارضه]

انا مش هاقدر ارد الاعلى سؤال واحد انا دخلت كلية الحقوق عشان ابقى حرامى بختم الدوله يعنى اسرق ومش اتعاقب مش اكتر هاقول ايه يعنى ابقى احمد عرابى للاسف انا مش شايف نفسى كده ولا بعد مليون سنه

[السندباد المصري]

انا بصراحه بحيي كل الأخوه والأخوات اللى ردوا وبحيي صاحبة الموضوع

لكن رد أحمد سليمان أثر فيا جدا

بس هو فى كل الأحوال أفضل منى لأنى تربيت وعشت فى بيئه ماتساعدش أصلا على المعصيه (فى الصعيد )

ربنا يكرمك ان شاء الله يا احمد سليمان ويوفقك فى تحقيق حلمك ونفع بيك الأسلام والمسلمين

بس لما تبقى دكتور قد الدنيا ياريت تفتكرنا وماتنساش اصحابك القدام

****************
انا بقى حلمت بحاجات كتييييييييير بس لسه محددتش ايه الحلم النهائى لأنى كل ماحدد حلم تحصل ظروف خارجه عن إرادتى تعطل المسيره ويمكن تلغيها خالص

وبصراجه كلامك وجعنى جدا يا أخت نرمين لأنى فعلا دخلت الكليه وانا مش باحبها ومش عارف هاعمل ايه بعد ماخلص

أو بمعنى أصح لما دخلت الكليه دخلتها وانا ناوى أتفوق ابقى دكتور فيها وكنت باحبها لأنه المفروض ان كلها كيمياء وانا باحب الكيمياء مووووووووت

لكن أيه اللى حصل ؟؟؟؟؟؟

نحكى الحكايه من البدايه

اللى حصل انى كنت هاموت وادخل هندسه زى احمد سليمان بالظبط وخصوصا هندسة إليكترونيات أو حاسبات ومعلومات

لكن لما جبت مجموع عالى فى ثانويه عامه ...

والدى ووالدتى اقترحوا عليا انى احول علمى فى البدايه رفضت رفض تام وحاسم

لكن ولاد الحلال (الله يسامحهم) من الأقارب والأصدقاء فضلوا يزنوا فى ودانى ويقنعونى انى ادخل علمى علشان ادخل صيدله وبما ان انت بتحب الكيميا (فعلا كنت باحبها) هاتتفوق فيها وهاتحبها زى هندسه بالظبط

ومن ساعة مادخلت الكليه أخدت الصدمه الرهييييييييييييييييــــبه

من أول سنه ماده واحده بس كيميا والباقى حاجات كنت لما اسمع عنها أشمأز (بجد مش هزار)

وحتى الكيمياء كانت بتتدرس بطريقه غبيه ومتخلفه خلتنى اكره الكيميا وسنين الكيميا

تصدقوا بالله انا حتى الان أى مادة ليها علاقه بالكيميا فى الكليه لازم اشيلها حتى لو كانت كل علاقتها بالكيميا اسم بس

يعنى من الأخر

انا ضحية التضليل الأعلامى اللى اتعمل عليا وانا فى ثانوية عامه

لكن فى النهايه

الحمد لله على كل شئ

وعسى ان تكرهوا شيئا وهو خير لكم

لكن ده مايمنعش ان فى الاخر لقيت نفسى فى فرع من فروع مادة الكيمياء الحيويه اللى بناخدها السنادى وهو فرع له علاقه بالعلاج بالجينات وده طبعا فرع جديد فى العلم ومهم جدا بالنسبه للمسلمين اللى عندهم قصور رهيييييب فيه

وفكرت جديا انى اجيب تقدير فى الماده دى علشان لما اخلص اعمل فيها دراسات عليا ولو على حسابى

بس للأسف رئيسة القسم غضبانه على دفعتنا وحلفت يمين انها هاتسقط الدفعه كلها وبعدين ترفع نص الدفعه

وكانت بداية الأنتقام امتحان الدورى اللى ادكاترة القسم نفسهم مكانوش عارفين يحلوه

يعنى برضه الحلم ده راح منى لللأسف

وجارى البحث عن حلم اخر

ادعولى

[سفير الحب]

بسم الامل : "وبكل تفاؤل ها اقولك "" بسم الله الرحمن الرحيم...
ان انا طالب فى الثانوية العامة "تانية " وانا عارف ان دى اهم سنة فى الثانوية العامة .......
واللى بتحدد مصير اى واحد فى الثانوية .. عندى 16سنة ...

*حلمت احلام كتيرة ونا صغير ..اولها زى ما كان كله بيقول ((دكتور))
ثانيها ظابط شرطة ...ودى بعيدة عنى اوى وبعيدة عن ملامحى وعن هواياتى .....
ولما كبرت وفهمت يعنى ايه هدف .....قدرت انى احدد هدفى ....

(((مهندس حاسبات والكترونيات )))






طب اتمنيت ايه بقى .... سؤال انتى سألتيه ...

ظابط مخابرات جامد جدا زي "أدهم صبري"؟
قلتلك انى مش دى هواياتى

ولاّ دكتور مفيش منه اتنين زي د. مجدي يعقوب؟
بردع نفس الرد...

لعيب كورة حريف وهداف والناس بتحبه زي "حسام حسن"؟
انا لعملك لاعيب كورة كبير اوى ...بحب الكورة جدا ....حريف ...
بس حظى بقى ...انى لما قدمت فى نادى ...عملت اختبارات .....
كان اللى بيتقبل لازم تكون وسطته كبيرة ....
ونا غلبان وماليش وسطه وكانت وسطتتى ربنا ...واخويا الكبير اللى كان معايا .....
لعبت حلو اوى كله اعجب بيا ...ولولا ان فى ناس اعجبوا بيا ....
كنت ها اروح بيتى "كما الحمار يحمل الاصفار"
ولعبت لكن برده لقيتها االوسايط فى كل مكان ...وعشان مش اطول عليكوا ....
خلصت حكاية الكورة ..بانى اصلا كرهت الكورة الصرية واتجهت لمشاهدة الكورة الاوروبية ...

ولاّ ممثل "حليوة" البنات هتجنن عليه زي أحمد عز؟

لعلمك معظم "الافلام ...مش ها دفة والفيلم الهادف ....لازم ولابد انه يسقط ..."
لانه ما بيعجبش الحكومة ..

مغني صوته عبقري زي "عبد الحليم "؟
نبغة وعلم .....ونا مش عايز ابقى زييه ...
انا يكفينا فخر انىاكون من بلده ..
لكن فى النهاية هو انسان ..



ولا مهندس ولا وكيل نيابه ولا لالاولا ............؟؟!!
..اهى دى الوحيدة اللى عايزها ..مهندس...

ما جاش في بالك مرة إنك تكون رئيس جمهورية؟!
على فكرة رد منطقى جدا ...((( مالناش دعوة بالمصايب دى)))
اصل لو حاولت انى اكون رئيس جمهورية احتمال اخسر حياتى كلها ....اموت يعنى ...
واحتمال اخسر عقلى ...اتجنن يعنى ....
واحتمال اختفى ...



القضيه الاولى :

انت ايه ؟؟؟؟
انا طالب كل هدفه فى الحياة كلية هندسة ...دكتوراة هندسة ......وحياة هادية بعيدة عن المشاكل ...
القضيه التانيه :

طيب ايه لزمتك يعنى ما انا عارفه انك بنى ادم زى اى بنى ادم ؟ اسمك كذا وسنك كذا
لازمتى ان احاول انى افيد نفسى وبالتالى افيد بلدى ....
ولو ما عملتش كده يبقى انا فعلا ماليش لازمة....


ج::قولتلى انا طالب : نعم ..

س:يا طالب بتذاكر ؟

رديت: الحمد لله ...لكن مش ها اكدب واقول انى علطول با اذاكر مقسم وقتى وقت للمذاكرة ووقت للدردشة ...بس مش متقيد بوقت معين ...لحظة الابداع عندى ليها وقت ...ولحظة المذاكرة ليها وقت ...
ولحظة الصحاب ليها وقت ...






س:على كده بتنجح وبتجيب مقبول ولا بتنجح وبتشيلك ماده ولا اتنين ؟ ولا اوعى تقولى بقدر وبجيب جيد ولا جيد جدا بالنظام ده ؟

رديت عليا : انا توكلت على الله ....وربنا يوفقنى ....


...وبعد اذنك اسمحيلى ارد على الاخ زعيم المعارضة اللى قال....
انا مش هاقدر ارد الاعلى سؤال واحد انا دخلت كلية الحقوق عشان ابقى حرامى بختم الدوله يعنى اسرق ومش اتعاقب مش اكتر هاقول ايه يعنى ابقى احمد عرابى للاسف انا مش شايف نفسى كده ولا بعد مليون سنه

انتا ضعيف اوى .....
بس بجد حاول تجرب النجاح ...وحاول تشوف الحلال حلو ولا وحش ...وبعدين ابقى اختم الدولة واختمنا احنا كمان ....على راحة راحتك.....

[naughty eyes]

ماشاء الله الردود كتيره هتعب اوى فى التعليق

منورين

[بكــار]

ان بقى انسان مشتت العقل تايه مش عارف انا دايما بفكرفى هدف محدد بس حاسس انه عمره ماهيتحقق يس بحاول انى اعمل شىء عشان اوصله
يراودنى احساس ان كلما افعله فى الوقت الحالى غلط بسمش عارف ليه؟ وازاى؟ كنت دايما فى الثانويه احلم انى اجيب مجموع يدخلنى كليه الحقوق
والحمد لله جيبت المجموع وعديته بمراحل بس مش عارف لما دخلت حقوق نفسيتى بدأت تتعب كل الى يقابلنى يقلى حقوق ايه
المحاميين كلهم حرميه
اقله با عم ممكن ربنا يكرمنا ونخش نيابه
يقلى عشم ابليس فى الجنه
اقله ممكن اتعين فى الضرائب او فى السلك الديلوماسى يقلى عايز وسطه
طيب وبعدين ؟
بجد انا نفسى فى حاجه
بس مش عارف هتتحقق ولا لاء
انانفسى ابقى شىء كويس مش مهم ابقى كبير
بس المهم ابقىنافع لدينى
وبعدين وطنى
ويارب حلمى يتحقق؟
ادعولى
بقى ربنا يكرمك