إقتباس:
|
المشاركة الأصلية بواسطة na3nasha2003
هههههههههههههههههههههه
المواقف كلها كويسه لكن خطر على بالي احكيلكم موقف صعب شويه انا كنت في مدينه الطالبات في سنه تانيه كليه و كانت معايا في نفس المكان بنت في اعدادي هندسه كان نفسها تدخل طب و كان ابوها مش موافق انها تعيد الثلنويه العامه و كمان كان خاطبها لابن عمها و كان ابن عمها معاه دبلوم و كانت هي مبتحبوش و في يوم اتصل بيها والدها و قالها الاسبوع ده كتب كتابك على ابن عمك و لما سالتها هتعملي ايه قالتلي انا افضل الموت على اني اتزوجه بس مكنش حد يقدر يراجع ابوها في كلامه وكانت حالتها صعبه قوي و لما رجعت سالتها عملتي ايه قالت ان في يوم كتب الكتاب خصلت مشكله و الكتاب منكتبش و حمدت ربنا
|
اهلا نعنشة
موقفها لا تحسد عليه
صعب جدا ان يحدد الآخرون مصيرك سواء على صعيد الدراسة او الزوااااج
صحي رأي الأهل مهم في الحياة بس كمان رغبات الابن والابنة وميولهم لازم تؤخذ بعين الاعتبار
كيف بدنا نطلب من شبابنتا يكون لهم شخصية ووزن وشأن في الحياة اذا كان ابسط حقوقهم مش قادرين يقرروها
نفسي المجتمع يتغير ...للأحسن طبعا
شكرا يا نعنشة على الموقف اللي ذكرتيه واللي هو صورة بتتكرر كتير في مجتمعاتنا
__________________
البعــض يمـــر بـــك ...والبعــض يمـــر منـــك...!!
**
عندمـا تحتـاج الى الأكسـجين..سـوف تسـقط الاقنـعة تلقائيــاً
**
الحياة جدلٌ بين الذوق والتذوق..!!
.gif)
...... احكى موقف ايه 
ايام كان الجنيه قيمته بحوالى 4 بيضات مش زى دلوقتى يعنى كنت خلصت المعهد بعد اربع سنين شقا وتعب ومذاكرة وبهدلة فى المواصلات ( مع ان المعهد اصلا اصلا اصلا 2 سنة بس )) المهم قلت بقى يلا ياواد اشتغل بقى وحوش علشان تجيب عربية كان وقتها العربية ال 128 فابريقة وفيها كاسيت واكوليزر ومجنطة ب 8000 جنيه ايام زمان بقى 
لغاية لما واحد صاحبى الله يكرمه جابلى شغلانة مساعد نقاش عادى اشتغلتها يعنى قبل كده بس مش فى السن ده المهم قالى ان اخوه مقاول وماسك مجلس الدولة من بابه مجلس الدولة ده مكان حساس قوى فى مصر يقع على مبنين المبنى الخلفى 14 دور غير الفكة المهم طبعا قبلت الشغل ورحت اول يوم الراجل الصنايعى طلع قدى فى السن وراح مدينى الشنطة بتاعته اللى فيها هدومه علشان اشيلها له فمسكتها فى ايدى شوية وبعدين قلت له يا عادل (( مش يا اسصطى يعنى ))) طبعا اتعفرت عليا وقالى 
انا اسمى اسطى عادل قلت حاضر يا اسطى عادل انا ليه ماسك الشنطة ديه قالى مش انت المساعد بتاعى قلت له ايوة قالى خلاص يبقى تمسك الشنطة بتاعتى قلت له ديه فيها هدوم شخصية مش العدة يبقى انت اللى تمسكها ... بس استحلفلى بقى من وقتها 
بمعنى الكلمة لدرجة انه مرة من المرات اول لما طلعت السلم قالى لاء مش هيا ديه الحاجة اللى انا طلبتها مع ان اصلا مافيش حاجة فى المخزن تحت غير الشكاير ديه راح قالى طيب انزل هات شكرتين كمان ودلوقتى حالا علشان الشغل متعطل فبصيت له قوى والدمعة حتفر من عينى وزماليه واصحابه اللى متربين معاه راحوا مزعقين له
فقالى انزل بينى وبينكم قلت اخد هدومى وامشى بس قلت يلا مش مهم انزل وخلاص نزلت جبت الشكارتين وطلعت وبعد كام يوم جابو واحد اسطى تانى وهو ده المقصود بقى من كل الحكاية اول لما جه وشافنى وكنا الصبح لسه ما غيرناش هدومنا قالى يا ابنى انت شكلك ابن ناس جاى ليه تشتغل الشغلانة ديه قلت له الموجود يا حاج قالى ربنا يقويك فلاقيت عادل نده له وانفرد بيه
بس دقيقة ولاقيت الراجل قلب عليا وقالى انت المساعد بتاعى وهو مكشر قوى 
قلت له حاضر يا حج قالى انا اسمى الاسطى فلان مش فاكر اسمه المهم يا جماعة وسط النهار فلان ده عطش وقالى انا عطشان قلت له حاضر اجيب لحضرتك مية فقالى خد الكوباية ديه ( حاجة زى فنجان القهوة كده )) املااها لى فقلت له ديه صغيرة قوى هات الازازة اللى معاك املاها قالى مالكش دعوة امالى لى الكوباية طبعا نزلت الكافتريا وجبت له مية ساقعة الكافتريا فى الدور الرابع واخدين بالكم معايا نزلت جبت مية ساقعة كمان شرب واتبسط قوى قالى يا سلام يا محمد لو تجيبلى كوباية تانى فعادل بص لى وهو بيضحك بخبث قوى عارفين عملت ايه وقتها رحت نازل على برميل فى الدور الاتناشر البرميل ده يا حضرات واعز الله فضلكم ... العمال كلهم بيغسلوا فيه كل حاجة هو مليان مية فعلا بس مية اصلا ماحدش يطيق رحتها مابالكم انه يشربها ... رحت نازل ومليت منه كوبيتين وطلعت طبعا عادل كان شبط فى كوباية امال هو بص لى بخبث لى ومسك الاسطى فلان الكوباية وشرب المصيبة اللى حصلت انه قالى يا سلام عليك وعجبته
برضه المية (( علشان تعرفوا بس انها مسئلة عند )) اما عادل فشرب شوية وبص لى وهو وشه احمر
رحت حاطط وشى فى الارض عملت نفسى مش واخد بالى ههههههههههههههههههههههههههههههههههه
