الاستيلاء علي أموال التأمينات لتخفيض حجم الدين الداخلي

[محمدحسين]

الاستيلاء علي أموال التأمينات لتخفيض حجم الدين الداخلي
خبر صغير تناقلته الصحف القومية الأربعاء الماضي عن استقبال رئيس الوزراء الدكتور أحمد نظيف لبعثة البنك الدولي لبحث إصلاح نظم المعاشات في مصر.. يؤكد أن البنك الدولي يضغط علي الحكومات المصرية­ منذ سنوات­ لإعادة النظر في نظم المعاشات الحالية.. والسماح لشركات التأمين الخاصة بالعمل في تحصيل الاشتراكات التأمينية من خلال نظم تأمينية واستثمار هذه الأموال في البورصة.
وهو نفس التفكير الذي يتبناه ويعمل من أجله وزير المالية د. يوسف بطرس غالي.. وحاليا هو يضغط بشدة ليضع يده علي أموال التأمينات وتحديدا تلك المودعة في بنك الاستثمار القومي والتي تمثل أحد وأهم مكونات الدين العام المحلي.. من خلال احتساب أموال التأمينات المودعة ببنك الاستثمار القومي بحساب صفر وبالتالي يضيع علي أصحاب المعاشات مدخراتهم التي تصل إلي أكثر من 200 مليار جنيه تمثل احتياطيات صناديق التأمين الاجتماعي.. وباحتساب هذه المديونية صفرا يتم خصمها من جملة الدين العام فيصبح رقمه معقولا لا يمثل خطرا.

[محمدحسين]

السؤال الذى يطرح نفسه اين ذهبت اموال الشعب اين ذهبت اموال التامينات
لو استثمرت هذه الاموال فى استصلاح الاراضى الزراعيه لكانت ارقام التجارة الخارجيه تتحدث عن صادرات مصر
لو استثمرت فى العقارات لما كان هناك ازمه سكنيه
لو استثمرت فى السياحه لكانت ايرادتنا تفوق اسبانيا
لو استثمرت في التعليم لكان لدينا ثوره علميه
لو استثمرت فى فى الاهتمام بالصحه لكان لدينا مستوى طبى وصحى عالمى وزاد ايرادات مصر واصبح صحه المصريين على مايرام
لو استثمرت فى بناء مصانع لما كان لدينا عجز تجارى مع معظم دول العالم
لو استثمرت الموانئ وانشاء مناطق حره حقيقيه لما كان هناك دبى التى اصبح محط انظار العالم
لكنها استثمرت فى جيوب مسئولين مصر وليموت اصحاب المعاشات جوعا بعد سنوات عمل طويله قضوها فى خدمه بلدهم
والسؤال التالى اين تذهب اموال بيع القطاع العام وهل سيكون مصيرها نفس مصير اموال التامينات ؟؟؟؟؟؟؟؟؟؟؟؟؟
سؤال معروف اجابته مسبقا
لااقول سوى اللهم ارحم شعب مصر
وتذكرت هذا الرجل الذى وضع حدا لحياته بأن القى نفسه منذ ايام تحت قضبان القطار لانه لايستطيع ان يوفر لعائلته طلباتها فى الوقت الذى ينعم الاخرين على شواطئ اوربا والساحل الشمالى بحياتهم دون اى شعور بالذنب

[محمد خطاب]

انا عارف انك بتسئل وانت يمكن اعلم منى بالرد على السؤال

حقولك انا بقى الاموال ديه بتروح فين

زى ما مليارات الجنيهات خرجت ولن تعود

معالى سيادة الوزير جه جديد وعايز طقم عربيات جديدة ليه وللحراسة
انا اسمع ان فى انجلترا البلد الوحسة ديه حطين ميزانية للوزير لشراء سيارته ولو زادت يدفع الفرق من جيبه شوف بكلمك عن وزير فى بريطانيا العظمى

اما عندنا ففيه الاف السيارات الشروكى والجراند شيروكى والسوزوكى فيتارا والدايو نوبيرا والاف الماركات التى تصنف تحت فئة السيارات المتوسطة الفخامة وتحمل ارقام حكومة ......... انا ممكن اعرف بقى مين معاليه موظف الحكومة اللى يستاهل يركب عربية شيروكى استهلاكها للبنزين عالى جدااااااااااااااااااااااااااااااااااااااااااا

ياعم محمد الفلوس كتير بس اللى ليه نفس يسرق بقى

[محمدحسين]

يبدو ان الدين اصبح للفقراء فقط او النهيبه فلايوجد شئ حرام
تذكرنى بفيلم لعبد الفتاح القصرى وكان فقير وكان يخطب فيهم فى الجمعه على مساعده الفقراء وظلم الاغنياء فلما ورثوا من احد اقاربهم الذى كان شحات تغير وجاءوا الناس له ليخطب فيهم كالعاده
قال لهم مالكم ومال الاغنياء هههههههههههه
نسى وعاش فى الدور شر البليه مايضحك ياخطاب

[صوت الجماهير]

السلام عليكم
اخي محمد الله ينور عليك وتسلم ايدك علي الموضوع بس انت نسيت تقول للحكومه حاحه مهمه وهي الي تمتع بخير البلد يسد دين البلد مش الشعب السلبي المسكين واحب اضيف حاجه عمر ما الحكومه قالت للشعب السلبي المسكين احنا عندنا فائض كزا مليار خد كانو هما الي بيخده ولما يحصل عجز او سرقه يخدو من الشعب السلبي الغلبان وتحزير والله كتر الدغط يولد الانفجار

[hend]

حضرتك بتتسائل الفلوس بتستثمر فين ؟؟؟؟؟؟؟؟؟
فى ملاجىء الايتام فى سويسرا

[محمدحسين]

المشاركة الأصلية بواسطة صوت الجماهير

السلام عليكم
اخي محمد الله ينور عليك وتسلم ايدك علي الموضوع بس انت نسيت تقول للحكومه حاحه مهمه وهي الي تمتع بخير البلد يسد دين البلد مش الشعب السلبي المسكين واحب اضيف حاجه عمر ما الحكومه قالت للشعب السلبي المسكين احنا عندنا فائض كزا مليار خد كانو هما الي بيخده ولما يحصل عجز او سرقه يخدو من الشعب السلبي الغلبان وتحزير والله كتر الدغط يولد الانفجار

أحنا بنضحى بالشعب علشان ننقذ الحكومه علشان تكمل مشوارها فى جمع المليارات علشان الاولاد اما باقى الشعب الوحشين فيشربوا من البحر وطبعا بكره هتلاقى طوابير على البحر اطول من طوابير العيش من اللى هيشربوا من البحر

[محمدحسين]

المشاركة الأصلية بواسطة hend

حضرتك بتتسائل الفلوس بتستثمر فين ؟؟؟؟؟؟؟؟؟
فى ملاجىء الايتام فى سويسرا

لك حق ياهند بنبع أراضى مصر للاجانب ونحول الفلوس لسويسرا والشعب بيتفرج
وزعلانين علشان قرار منع الممثلين الغير مصريين من التمثيل فى مصر
خلاص نبيع ارض مصر ونشوف ارض بدلها على سطح القمر ويجعله عامر ياحكومه