أدى ياصاحبــــــــــــــــــــــــى حــال الماهيـــه

[محمدحسين]

الحقيقه فى أول كتاباتى كتبت هذه الكلمات على سبيل النقد الظريف ولست أدرى كيف تقيم ولكن بصراحه هو ماأعجبنى فيها النقد وأرجو ان تسرى عنكم بعض الشئ وأسمع ارائكم فيها

أدى ياصاحبــــــــــــــــــــــــى حــال الماهيـــه
بعد يوم خمســــــــــــــــــــــــــــه مش مكفيه
وياويلك ياصاحبـــــــــــــــــــــى لو عندك ذريه
مش هتقـــــــــــــــــــــدر تكفيهم فول طعميه
ويطلع علينا المسئـــــــــــــول بطلعته البهيه
ويقولنا السلــــــــــع متوفره بالاسعار العاديه
وهى فى الحقيقـــــــــــــه مضروبه فى مايه
وأنتم عايشين عيشـــــــــــــــــــــــــــه هنيه
واللحمه رخيصه ومتــــــــــوفره فى الجمعيه
تقدروا تشتروها وتأكلوها مسلوقه ومشويه
واحنا فى الحقيقه جيوبنا اللى مشـــــــويه
وربنــــــــا يستر علينا من الايام اللى جايه
وأن عارضت قالوا عليك جماعات أســـلاميه
وهتبقى أرهابى على الطــــريقه الامريكيه
ويبقــــــــــــــــــــى لك أسم وشهره عالميه
وتطلــــــع صورك على الجزيره وفى العربيه
وتجـــــرى تستخبى فى المناطق الجبليه
وتدور عليـــــــــك كاميرات الاقمار الصناعيه
وهيضــــــربوك بالطائرات والاسلحه الذكيه
أدى ياصاحبــــى اللى أسمه عصر الحريه
مش ياصاحبى تفكر وترجع لعقلك شويه
وكنت ترضــــــــى من الاول بحال الماهيه

[maysam]

هههههههههههههههههه

رائع يا محمد .. نقد وسخرية غير شكل وانت قدرتك عالية ما شاء الله في الكتابة التهكمية
وفعلا الله يعين الناس في ظل المسئوليات الكبيرة والمصاريف وقسوة الحياة

[محمدحسين]

المشاركة الأصلية بواسطة maysam

هههههههههههههههههه

رائع يا محمد .. نقد وسخرية غير شكل وانت قدرتك عالية ما شاء الله في الكتابة التهكمية
وفعلا الله يعين الناس في ظل المسئوليات الكبيرة والمصاريف وقسوة الحياة

ههههههههههه
شكرا ياميسم على تشجيعك بس انت اكتشفتى فعلا اهم مظاهر شخصيتى وهى النقد الفكاهى تعرفى اناأكثر واحد أحبه فى هذا الشئ هو نجيب الريحانى بس مشكلته الوحيده انه كان على طول مكشر ههههههههههههههه

[سيف الاسلام]

ياه ده فعلا حال معظمنا ربنا يسترها علينا جميعا
الايام اللى جايه هتكون صعبه ومحتاجه دعوات
جامده واستغفار
استغفروا ربكم انه كان غفارا يرسل السماء عليكم مدرارا.
ربنا يزيدك يا استاذ محمد وتمتعنا كمان وكمان.

[محمدحسين]

المشاركة الأصلية بواسطة سيف الاسلام

ياه ده فعلا حال معظمنا ربنا يسترها علينا جميعا
الايام اللى جايه هتكون صعبه ومحتاجه دعوات
جامده واستغفار
استغفروا ربكم انه كان غفارا يرسل السماء عليكم مدرارا.
ربنا يزيدك يا استاذ محمد وتمتعنا كمان وكمان.

شكرا لك ياسيف الاسلام بس بصراحه دائما اسمع منك حلو الكلام شكرا لك دوما ياسيف
فعلا زى ماقلت الوضع من سئ الى اسوء

[محمدحسين]

ياترى أيه حال الماهيه بعد التعديلات الجديده