هل تفضل حواء " سي السيد " ؟‍

[BRAVE HEART]

لقد لاحظت في الكثير من الفتيات و النساء أنهم يحبون هذه الشخصية و أنهم يسخرون من الرجل الذي يكون " مش حمش أو غيور أو عصبي " فيقولون : ( بصراحة إحنا مينفعش معانا إلا الشدة و الحزم ) ... و الغريب أنهم حين يعاملون بهذه الطريقة لا يتحملونها ... تري هل تحب حواء سي السيد ( مع العلم أنه كان ناجحا جدا في بيته وقتها ) ، أم تراه شخصية كاريكاتيرية لا يجب أن تتواجد في ظل الديمقراطية و المساواه بين الرجل و المرأة في كل شئ ، مع العلم أن في وقتنا الحالي و في غياب ( سي السيد ) كثرت حالات الطلاق و عدم الإستقرار في البيوت المصرية و العربية و لا ننسي طبعا ( الخلع ) الذي أعطي لحواء الضوء الأخضر لهدم عش الزوجية ، فلم يعد هناك الصبر و التحمل و الحرص علي إستمرار الحياة الزوجية بين الطرفين ...

أرجو من حواء منتدانا الإجابة و لكن ( بصراحة ) هل تفضلين سي السيد أم ............ ؟‍!!!

أما بالنسبة للأعضاء الرجال في منتدانا .. فنوجهه لهم سؤالا أخر و هو :
هل تفضل الأنثي التي تشعرك برجولتك و تجعلك بحق " سي السيد " أم لك رأي أخر ؟؟؟

[maysam]

المشاركة الأصلية بواسطة BRAVE HEART

لقد لاحظت في الكثير من الفتيات و النساء أنهم يحبون هذه الشخصية و أنهم يسخرون من الرجل الذي يكون " مش حمش أو غيور أو عصبي " فيقولون : ( بصراحة إحنا مينفعش معانا إلا الشدة و الحزم ) ... و الغريب أنهم حين يعاملون بهذه الطريقة لا يتحملونها ... تري هل تحب حواء سي السيد ( مع العلم أنه كان ناجحا جدا في بيته وقتها ) ، أم تراه شخصية كاريكاتيرية لا يجب أن تتواجد في ظل الديمقراطية و المساواه بين الرجل و المرأة في كل شئ ، مع العلم أن في وقتنا الحالي و في غياب ( سي السيد ) كثرت حالات الطلاق و عدم الإستقرار في البيوت المصرية و العربية و لا ننسي طبعا ( الخلع ) الذي أعطي لحواء الضوء الأخضر لهدم عش الزوجية ، فلم يعد هناك الصبر و التحمل و الحرص علي إستمرار الحياة الزوجية بين الطرفين ...
أرجو من حواء منتدانا الإجابة و لكن ( بصراحة ) هل تفضلين سي السيد أم ............ ؟‍!!!

يا سلام.. موضوع

صورة سي السيد هي صورة الرجل العنيف اللي بيقمع وكلمته ما تنزل الأرض

في فرق يا كريم بين ان الرجل يكون عنده شخصية قوية ، وقادر على اتخاذ القرار ، وادارة البيت ،، وبين انه يكون عنده نزعة عنف وتسلط ، واعتقد ان الست اللي بتحب العنف بتكون عندها حالة نفسية ، زي الحالات اللي بنسمع عنها كالسادية مثلا والاستمتاع بالألم!

الست بتحب الرجل الي شخصيته قوية ، لكن مش حتحب الرجل اللي عنده عنف من غير تفكير لمجرد انه يثبت ان كلمته هي اللي حتمشي حتى لو كان على خطأ!
القوة مش قوة فرد عضلات ، لا في امور بتكون بالاقناع ، والتفاهم ، الرجل اللي بيحسسها بالأمان وانها لو احتاجت اي شيء حيقدر يوفره لها ، لأن الست مهما كانت شخصيتها قوية ، عندها ضعف وتحتاج الحماية ، وهذا الاحتياج هو اللي بيخليها تحب الرجل اللي شخصيته قوية.

الزواج اصلا كما جاء في شريعتنا هو سكن ومودة ورحمة ، كلمات بتحمل معاني كتير لو بتدقق فيها



انت عارف في اشكال كثيرة للعنف الزوجي ومنتشرة جدا في العالم العربي ، لكن لا يتم الافصاح عنها ، يعني ممكن تقرأ عن العنف مثلا في اوروبا ، لأنهم بيتكلموا عنه عاي وبيحاولوا يلاقوا له حلول ، بس في بلادنا موجود كثيرا لكن ما حدش بيعترف عنه على شان كلام الناس


بس في نقطة انا حارجع لها بعدين و
ما اعتقد ان ارتفاع نسبة الطلاق هي بسبب غياب صورة سي السيد
وحارجع مرة تانية على شان اوضح رأيي في هذه النقطة

[BRAVE HEART]

طبعا رأيك سليم 100% ... و لكنني لا أقصد بالطبع أن أشير إلي سي السيد بالعنف و لكنني أقصد الشخصية القوية ، و كما أنني أؤيدك في أن المرأة قوتها تكمن في ضعفها و رقتها.
شكرا لمشاركتك و ننتظر المزيد من الزهرات الأخريات.

[مايـــاااااا]

اولا برحب بيك بريف فى بيتك من تانى وباقولك وحشتنا كلنا ووحشت حوااء موضوعاتك الجميله

هل تفضل حواء سى السيد؟

انا واحده من البنات بأفضل سى السيد ولكن فى حدوود
بحب الرجل الحمش القوى الشخصيه اللى يعرف يحتوينى كويس ...باعشق غيرة الرجل وباستمتع بها كمان
ومش معنى كده انى باحب الرجل المتسلط اللى ممكن توصل قوته لحد الاهانه او الضرب او التحكم وخلاص
مطلوب فى العلاقه الزوجيه ان يكون الرجل سى السيد فى بعض الاحيان... ده مش بيضعف العلاقه ابدا.. بالعكس بيقويها والست بتحس انها فى امان وان فى قرار نهائى لو تحيرت هى فى اتخاذه هايكون لسى السيد وهايتحمل مسؤليته
ده بيديها شيء من الاطمئنان والامان بتحس انها مسنوده فعلا على حاجه حلوه بتلاقيها وقت ماتعوز ووقت ماتشعر بضعفها
انا باشجع جدا الحوار الزوجى بين الزوجين واذا اختلفوا فى تنفيذ القرار بيكون هنا فقط دور سى السيد
انا عاشقه لسى السيد ده ولكن.......فى بعض المواقف وليس سى السيد وخلاص حتى لو كانت عقليته وتفكيره لا يصل لعقليه وتفكير زوجته
الحوار ضرورى للوصول الى نتيجه والاختلاف بين الاتنين لابد فيه من ظهور شخصيه سى السيد لانه فى الاول والاخر قبطان السفينه والمسؤل عن الوصول بها لبر الامان


نورت النص الحلو قلبنا الشجاع وموضوعك اسعدنا

[BRAVE HEART]

أحترم رأيك بشدة ، ياريت كل البنات زيك يا مايا ، و أشكرك علي ترحيبك بي.... و في إنتظار رأي الأخرين.

[مايـــاااااا]

صعب تلاقى بنات زى مايا بريف
ميرسى جدا على ذوقك فعلا
ليا طلب عندك لو ممكن ؟

ايه رايك بريف ان يشارك الرجل ايضا فى الرد على هذا الموضوع الهام
بمعنى
هل يفضل الرجل المرأه التى تعتبره سى السيد بل تجبره فى بعض الاحيان على ان يكون كذلك؟ ويحترمها بعد ذلك ويثق فيها وفى تفكيرها وفى اتخاذها لاى قرار حياتى ؟
السؤال موجه للجنسين الحلو والوحش
اذا وافقت بريف هايكون فى سؤالين فى موضوعك الاول موجه للمراه والتانى للرجل ونتناقش جميعا مع صاحب الموضوع ومع بعض

نورت النص الحلو قلبنا الشجاع

[BRAVE HEART]

طبعا من الصعب أن نجد أحدا مثلك يا مايـــــا " في رقتك ، و جمالك ، وشخصيتك المتميزة ، و ...... كفاية كدة لحسن تقولي بعاكسك ...... !!! و بالنسبة للإضافة التي ترغبي في إضافتها للموضوع فأنا موافق عليها تماما فمن الطبيعي أن يعلق باقي الأعضاء من الرجال علي ردود حواء ...
شكرا لك و في إنتظار مشاراكاتك دائما عزيزتي مايــــا ....

[أحمدكمال]

الناس مش زي بعضها ايها القلب الشجاع ...
في بنات زي القطط تحب خناقها...
وفي بنات بتحب تلعب دور الخناق --وده الاغلب--

اما بالنسبه للذكور ...وده الي اقدر ارد عليه...
اننا في عصر اصبحت المراه فيه فعلا نصف المجتمع ...
والكوره الحديثه مفيش فيها التزام بالمراكز...
يعني في احيانا لازم زوجتي( بس هي تيجي الاول )...تاخد مكاني...
في تربيه اولادي...
واعتقد ان اولادي مش هيصدقوها لما تكلمهم عن الكرامه وعزه النفس...
بالاضافه الي اننا عايزين نبقى شعب ديموقراطي ازاي؟؟
اذا كان الولد متربي على السلطه الاستبداديه من الاب .(ومن الخناقين احيانا )...
عايزين يبقى حر بره بيته ازاي!!!!

في النهايه انا افضل ان تشاركني زوجتي هموم الحياه..
وافضل ان تكون لغه حوارنا هادئه...
كما افضل ان اجد القلب الحنون الذي من الممكن ان اضعف بين يديه...
فالانسان لا بد وان يأتي له لحظات ضعف ....!!

[BRAVE HEART]

شكرا لمشاركتك و أسف علي التأخير ، و أدعو الله أن يرزقك بالزوجة الصالحة إن شاء الله و أن تشاركك مسؤلياتك
Brave Heart

[الغروب الاخير]

مرسيى لك على الموضوع الجميل اوووى
انا طبعا بحب الرجل اللى تكون شخصيته قويه
بس مش زى سى السيد لان فى العصر دا مش هينفع خالص
لان زمان كانت الست الراجل كل حياتها لكن حاليا اصبحت ليها اهتمامات اخرى
ودا ميمنعش ان هى تحترم زوجها وهو برضو اكيد لو راجل اوى هتكون شخصيته قويه
اقوى من شخصيتها مش معنى كدا انه يفضل يزعق عمال على بطال
بس بجد انا بحب الراجل الحمش اللى يغير عليها ويحسسنى بانوثتى
مرسيى جداااااااا وتقبل مرورى

[BRAVE HEART]

المشاركة الأصلية بواسطة الغروب الاخير

مرسيى لك على الموضوع الجميل اوووى
انا طبعا بحب الرجل اللى تكون شخصيته قويه
بس مش زى سى السيد لان فى العصر دا مش هينفع خالص
لان زمان كانت الست الراجل كل حياتها لكن حاليا اصبحت ليها اهتمامات اخرى
ودا ميمنعش ان هى تحترم زوجها وهو برضو اكيد لو راجل اوى هتكون شخصيته قويه
اقوى من شخصيتها مش معنى كدا انه يفضل يزعق عمال على بطال
بس بجد انا بحب الراجل الحمش اللى يغير عليها ويحسسنى بانوثتى
مرسيى جداااااااا وتقبل مرورى

فى العصر دا مش هينفع خالص
فى العصر دا مش هينفع خالص


........ ؟؟؟؟؟؟؟


بس بجد انا بحب الراجل الحمش اللى يغير عليها ويحسسنى بانوثتى
بس بجد انا بحب الراجل الحمش اللى يغير عليها ويحسسنى بانوثتى
بس بجد انا بحب الراجل الحمش اللى يغير عليها ويحسسنى بانوثتى




كلام جميل ... يدل علي أن نظريتي سليمة ، فحتي لو كانت المرأة نظرا للعصر الحالي ترفض نظرية سي السيد ظاهريا فقط ، فهي ترحب بها فد داخلها جداااااااااا ...

شكرا لك
الغروب الاخير

[حنين مصر]

موضوع حلـــــــــــــــــــــــو
انا من الناس اللي بيحبوا شخصية سي السيد...لسباب كثيرة جد"لا اريد الاطالة في شرحها..
ولكن من اهم الاسباب ان شخصية سي السيد لو فيها عيوب فيها مليون ميزة...
تحياتي..

[الورد الجوري]

اهلا بيك
من تاريخ الموضوع
و الشخصيات اللي راده عليك
انا شايفه انك احد فرسان الزمن الجميل
منورنا من جديد
و سعيدين ان الحنين للمكان ردك الى صفوفنا من جديد

بالنسبه للموضوع المطروح
موضوع بجد جميل
انا هناقشه من وجهة نظري الشخصيه
في نظري انه لازم نفرق كويس جدا بين الراجل اللي بجد
و بين الشخصيه اللي اتجسدت في سي السيد
بمعنى انه
سي السيد و تصرفاته لاتساوي الرجوله من وجهة نظري
و اجابة عن سؤالك المطروح
هل تفضلين سي السيد ؟؟
بصراحه لا .. سي السيد كان غيور اه و حمش و ......
لكن مكنش لاي حد راي قصاد رايه
انا افضل الرجل اللي يحترم آدميه المرأه
ولكن ميطاوعهاش على طول الخط
يستشير ايوة و يحكم عقله لان عاده ميولها بتكون قلبيه
بس ده ميمنعش انه ياخد برايها في بعض الاحيان زي رسولنا الكريم معمل و اخد براي امنا ام سلمة و لم يجد في نفسه حرج انه اخد برايها و سمعه و شاف انه صواب و نفذه و نسب نجاح الفكره اليها
يعني عايزاه ياخد رايي و يسمعني عقل لعقل بدون تقليل
لاهميه عقلي و لا لوجهات نظري
بس ميكونش بردو خاتمي الموجود في اصبعي
اصلي مش هتجوز عشان انا اكون انا الراجل
و لا عمري هتنازل عن انوثتي
و لا عمري هافرض رايي و اصر عليه و هو لازم ينفذه
و ده كله تحت مظلة حريات المرأه

الخلاصه بقى انه يكون راجل بما تحمله الكلمه من معاني
غيور ايوة بس بيثق فيا .. حازم ايوة بس بيسمع رايي
و على قد شدته على قد لينه و حنانه
متوسط في كل شيء الا حدود الله و ما يخالف الدين

شكرا للموضوع الطيب
و في انتظار مشاركاتك دائما
تحياتي

[BRAVE HEART]

شكرا علي مشاركتك ...

[BRAVE HEART]

بداية أود أن أعبر لك عن إعجابي بأختيارك لهذا الأسم الجميل .. " الورد الجوري " ..

و بالطبع شكرا علي مشاركتك .. التي تشير إلي أنك تفضلين أن تكون " خير الأمور الوسط " ..
و هذا رأي يحترم.

مرة أخري .. شكرا لك.

Brave Heart