قهوة المخربشين Iii

[يوسف المصرى]

الأخت الفاضله ران
أعام تماماً أنى او نظرت إلى جارى سأعلم تماماً الرفاهيات التى أملكها
لكن فى الوقت نفسه لو نظرت لأصحاب " الوسيه " اللى احنا عايشيين فيها هتعرفى مدى القهر والقحت اللى عايشيين فيه

ودمتم ،،،

[بكــار]

اولا فين صبحى مش شايفه يعن
والجماعه ال قبل مش شربوا حاجه
هيا ايه العباره او يكون غايب انا مش عايز كسل كده من اولها
اه اصل اقاطعكم بسبب صبحى
اولا ياسيد الموضوع خطير فعلا بس مش بالنسبه لينا احنا المصريين بس بل العرب ككل كل يوم بنسمع الامير الفلانى عمل حفله متكلفه كام مليون دولارد لا البيه فلان هيعمل لنتبه فرح ف فندق خمس نجوم لا الباشا العلان هيتزوج وياخد زوجته الهند هههههه واه وربنا فعلا
بنسمع الحاجات د يبق فعلا المشكله مش فينا بس يا مصريين بل العرب ككل
ف الخارج لا يوجد مكان لتلك المهاترات ف حك ل صديف كان بالخارج انه رأ ى
اربع اشخاص نزلوا من عربيه واشتروا تفاحه وقسموها بمطوة اربع اقسام وكل واحد خد ربع شفت التدبير لحد فين
حتى البنات فيهم الطبع ده عندنا تلاق البنت تصرف فلوسها ف حاجات فاضيه ومكياج وروج
اه روج
والروج ده لوحده مشكله نبق نتكلم فيه بعدين اسباب المشكله ايه بق والله ما عندى خلفيه
اما بالنسبه ليا بق ما عنديش حاجه اسمها رفاهيه
ليه لان انسان فيا عيب واحد ان عايز اتعلم
مش دا العيب اصبر بس
العيب ان عايز اتعلم بسرعه ود مشكلت بلاق صعوبات كتير هنا فا الحاله د هيا ال بعتبرها رفاهيت بس مش اكتر
انا اسف خرجت عن الفصح بشكل كبير
نو كمنت

[يوسف المصرى]

المشاركة الأصلية بواسطة Lonely Doc

موضوع هايل ومؤلم يايوسف فى نفس الوقت
يتساءل صاحبك لماذا نحن ابدا فى حاله من القهر
واختتمت انت الموضوع بسؤال عن رفاهيه كل منا اليوميه
ولنبدأ بتساؤل صاحبك
كل منا له نظرته الخاصه للامور وما قد اراه قهرا قد لا تراه انت كذلك لكنى انا وانت والاخرين نجمع انه عندما تفقد مواطنتك داخل وطنك فهذا قمه القهر,,عندما تنظر حولك وتجد اناس مصريين فوق القانون فهذا هو القهر بعينه وعندما تدرك ان خير مصر يصب فى جيوب قله ورثتنا "بالحيا",, وعندما ترى ان من يحكمنا يصر على حكمنا حتى مماته,,وعندما نكتفى بمصمصه الشفاه والتحسر على حالنا,, وعندما يكون كل من يتسلم مسئوليه فى هذا البلد يكون شغله الشاغل هو تأمين مستقبله ومستقبل اولاده من اموال الشعب المصرى,, وعندما تغمض حكومتنا عينها عن اهدار كرامه وحياه اولادنا المغتربين فى الخارج........الا يكفى سبب واحد من هذه الاسباب ان يجعل اكثر المتفائلين يموت قهرا؟؟؟ فما بالك بها مجتمعه كلها
وارد على تساؤل صاحبك بان عليه ان يحمد الله اننا ما زلنا على قيد الحياه بعد كل ذلك
لان التفكير فى اننا مقهورين نوع من الرفاهيه لم نصل اليه بعد

واجابه عن سؤالك عن رفاهيتى اليوميه:
اخرج من بيتى كل صباح انتظر واترقب من سياتى الى لمحاوله اخذ نقود منى بطريقه او اخرى
واتخوف من ان اعترض طريق احد "المقهورين" فينالنى نصيب من سبابه ولعناته
واحاول السير على الرصيف فلا اجده فقد اصبح جراجا للسيارات وكافه انواع الاشغال
فاقتدى بالمقهورين واسير فى وسط الشارع بجوار السيارات....ولعلنا البلد الوحيد فى العالم الذى يسير فيه الناس فى الشارع جنبا الى جنب بجوار السيارات,,انتهز هذه الفرصه لاناشد حكومتنا الالكترونيه " النظيفه" تركيب لوحات للبشر الذين يسيرون فى وسط الشارع اسوه بالسيارات
اصل الى عملى بعد المرور بكم هائل من البشر موجودين فى الطريق طوال ال24 ساعه(كنت فى اول الامر احسبهم خارجين من ماتش كوره وفهمت اخر الامر ان ماتش الكوره هذا مستمر 24 ساعه,,, بعد وصولى يطالعنى وجه من يقدم لى الشاى والقهوه فأرى القهر قد تجسد انسانا
وبعد انتهاء العمل تبدأ رحله العوده التى لا تختلف كثيرا عن رحله الذهاب الا فى المواعيد

ساكمل باقى رفاهيتى اليوميه فى مشاركه اخرى احسن انا اتقهرت بجد

مبروك يايوسف الجزء الثالث من قهوه المخربشين و..................................تحياتى وتقديرى

هون على نفسك يا صديقى (( ليمون يا صبحى علشان الدوك يروق أعصابه ))

لن اختتلف معاك فى الجزء الاول من المداخلة فهو حالنا للأسف الشديد ولا أملك أن اعلق عليه .

أما الجزء الثانى يا دوك مش فى رفاهية شخصية واحدة عندك ..... دور يا دوك فمن المؤكد ان هناك ما يستحق العيش من أجله .

[أحمد سليمان]

السلام عليكم ورحمه اللهو بركاته

الليمون بتاعى يا صبحى لو سمحت

معلش اصلى مش بشرب لا شاى و كافى ولا اى منبهات ( واحد بيحافظ على نفسه )

ايه يا جماعه الحكايه
اشعنى دلوقتى زعلانين و بنتكلم .....يوسف موضوعك كويس و قوى
بس فى حاجه
و ياريت تحضرنا يا دوك
الكلام لفعلى عن القهر و السلطه و...و...و الى ما ذلك
ما بدأش غير فى الآونه الآخيره....وقت هوجه تغير الماده فى لدستوريه و حق المواطن فى الأنتخاب الحر
مش شايفين معايا ان التغير كان لمجرد شغل المواطن المصرى البسيط بموضوع يفكر به ...لوكن لننظر معا للمرشحين للرئاسه و ستجدون رئيس مصر القادم صوره واضحه و منوره لوحدها كده "" دايما بتظهر فى الجرايد اول شوره على اليمين""

مصر خيرتها بتتسرق من اكتر من 7000 سنه و أدينا عايشين ....من التاريخ كلنا نعرف قد أيه الفراعنه كان ظلمه و جبابره و انا شفت بعينى فى وادى الملوك و الأقصر حضاره عظيمه جدا" العظمه لله وحده طبعا " بس فعلا أخرج من أبهار لابهار ...وصلوا لقمه قمم تكنولوجا الهندسه و العلم
فى قصور مبنيه داخل الجبال و غير ذلك الكثير

و كان المصرى البسيط بردوا على أيامهم بيشتغل و يتضرب بردوا بالسوط و بالكاد يأخذ قوت يومه

احمدوا ربنا انتو دلوقتى بتشتغلوا ( مجبرين ) بس على الأقل ما بتتضربوش ( ولو حتى ما كنش علنى ادام الناس )

العيب فينا
وليس فى قاده
هناك فى بلاد التقدم اللى واخدين النزاهه و حتى الأتيكيت من العرب و من تعاليم ديننا
لو فرد واحد بس أتظلم ...[منتهى الجرأه يذهب للمحكمه و يقاضى اللى ظلمه حتى لو كان رئيس دولته و لو له حق الشعب كله بيقف معاه و بيأخده

كنت فى رحله فى الأقصر قابلت شخص فرنساوى من أصول مصريه و دار بيننا حوار كان مضمونه مما نتحدث فيه انه هناك فرد شك مجرد شك فى وزير الماليه و طالبه فى قضيه رسميه بسؤال من أين لك هذا ؟
ووصل الموضوع ان الوزير أستقال من منصبه


مين هنا يقدر يعنى كده ؟؟؟

و بعد كده نقول القاده

سك على الليمون يا صبحى
نفسى أتسدت :(

[أحمدكمال]

انا كنت ناوي ارد ...وباذن الله هرد...
بس لازم اقول حاجه..
لا فوض فوك يا باشمهندس

[يوسف المصرى]

المشاركة الأصلية بواسطة ملك الرومانسيه

اولا فين صبحى مش شايفه يعن
والجماعه ال قبل مش شربوا حاجه
هيا ايه العباره او يكون غايب انا مش عايز كسل كده من اولها
اه اصل اقاطعكم بسبب صبحى
اولا ياسيد الموضوع خطير فعلا بس مش بالنسبه لينا احنا المصريين بس بل العرب ككل كل يوم بنسمع الامير الفلانى عمل حفله متكلفه كام مليون دولارد لا البيه فلان هيعمل لنتبه فرح ف فندق خمس نجوم لا الباشا العلان هيتزوج وياخد زوجته الهند هههههه واه وربنا فعلا
بنسمع الحاجات د يبق فعلا المشكله مش فينا بس يا مصريين بل العرب ككل
ف الخارج لا يوجد مكان لتلك المهاترات ف حك ل صديف كان بالخارج انه رأ ى
اربع اشخاص نزلوا من عربيه واشتروا تفاحه وقسموها بمطوة اربع اقسام وكل واحد خد ربع شفت التدبير لحد فين
حتى البنات فيهم الطبع ده عندنا تلاق البنت تصرف فلوسها ف حاجات فاضيه ومكياج وروج
اه روج
والروج ده لوحده مشكله نبق نتكلم فيه بعدين اسباب المشكله ايه بق والله ما عندى خلفيه
اما بالنسبه ليا بق ما عنديش حاجه اسمها رفاهيه
ليه لان انسان فيا عيب واحد ان عايز اتعلم
مش دا العيب اصبر بس
العيب ان عايز اتعلم بسرعه ود مشكلت بلاق صعوبات كتير هنا فا الحاله د هيا ال بعتبرها رفاهيت بس مش اكتر
انا اسف خرجت عن الفصح بشكل كبير
نو كمنت

مين اللى قال ان اللى قبلك مش شربوا حاجة ..... اسمعنى بس .... اصل انا موصى صبحى أن الزبون اللى يدخل القهوة لازم ولابد ان صبحى يقف فوق راسه لحد ما يطلب (( شغل غلاسه بعيد عنك )) ولو الزبون " عصلج " يروح صبحى منزل له مشروب بالعافية .... أصلك متعرفش صبحى ده صبى قهوة محترف " سماسرة القهاوى التانية بيعملوا له اغراء بعقد احتراف فى قهوة كبيرة على نصيتين فى وكالة الغورى".



نكلم جد .... يا جماعة ليه دائماً نعرف الرفاهية على انها نوع من تبذير المال فى غير محله وليه بنربطها بإنفاق المال .



الرفاهية فى منظورى الشخصى وبالبلدى كده " هى حاجة بتعلمها بتحسسك أنك بنى أدم مش – اسف فى اللفظ – حيوان عايش بياكل وينام ويتكاثر ويموت " ... وده كان وجه إختلافى مع صديقى ان الفلوس يا جماعة مش هى الرفاهية ولا هى السعادة فى حاجات أهم من كده بكتييير .



شوية تفاؤل يا جماعة .... بلاش العبثية دى .

[يوسف المصرى]

المشاركة الأصلية بواسطة أحمد سليمان

السلام عليكم ورحمه اللهو بركاته

الليمون بتاعى يا صبحى لو سمحت

معلش اصلى مش بشرب لا شاى و كافى ولا اى منبهات ( واحد بيحافظ على نفسه )

ايه يا جماعه الحكايه
اشعنى دلوقتى زعلانين و بنتكلم .....يوسف موضوعك كويس و قوى
بس فى حاجه
و ياريت تحضرنا يا دوك
الكلام لفعلى عن القهر و السلطه و...و...و الى ما ذلك
ما بدأش غير فى الآونه الآخيره....وقت هوجه تغير الماده فى لدستوريه و حق المواطن فى الأنتخاب الحر
مش شايفين معايا ان التغير كان لمجرد شغل المواطن المصرى البسيط بموضوع يفكر به ...لوكن لننظر معا للمرشحين للرئاسه و ستجدون رئيس مصر القادم صوره واضحه و منوره لوحدها كده "" دايما بتظهر فى الجرايد اول شوره على اليمين""

مصر خيرتها بتتسرق من اكتر من 7000 سنه و أدينا عايشين ....من التاريخ كلنا نعرف قد أيه الفراعنه كان ظلمه و جبابره و انا شفت بعينى فى وادى الملوك و الأقصر حضاره عظيمه جدا" العظمه لله وحده طبعا " بس فعلا أخرج من أبهار لابهار ...وصلوا لقمه قمم تكنولوجا الهندسه و العلم
فى قصور مبنيه داخل الجبال و غير ذلك الكثير

و كان المصرى البسيط بردوا على أيامهم بيشتغل و يتضرب بردوا بالسوط و بالكاد يأخذ قوت يومه

احمدوا ربنا انتو دلوقتى بتشتغلوا ( مجبرين ) بس على الأقل ما بتتضربوش ( ولو حتى ما كنش علنى ادام الناس )

العيب فينا
وليس فى قاده
هناك فى بلاد التقدم اللى واخدين النزاهه و حتى الأتيكيت من العرب و من تعاليم ديننا
لو فرد واحد بس أتظلم ...[منتهى الجرأه يذهب للمحكمه و يقاضى اللى ظلمه حتى لو كان رئيس دولته و لو له حق الشعب كله بيقف معاه و بيأخده

كنت فى رحله فى الأقصر قابلت شخص فرنساوى من أصول مصريه و دار بيننا حوار كان مضمونه مما نتحدث فيه انه هناك فرد شك مجرد شك فى وزير الماليه و طالبه فى قضيه رسميه بسؤال من أين لك هذا ؟
ووصل الموضوع ان الوزير أستقال من منصبه


مين هنا يقدر يعنى كده ؟؟؟

و بعد كده نقول القاده

سك على الليمون يا صبحى
نفسى أتسدت :(

ما ينفعش كده اللأوردر لما بيطلع مش ينفع يرجع تانى نزل اليمون يا صبحى .



نجى للمهم .... أسمحلى أختلف معاك يا صديقى الكلام عن القهر والسلطة وما إلى ذلك موجود من زمااان فى اللى كان بيحاول انه يعدى الخطوط الحمراء ... زى بعض الصحف المعارض والمستقله ، وكان الجزاء بيبقى يا إغلاق الصحف يا نفى الصحفيين من مؤسساتهم .... أو على أسوء الظروف الإختفاء فى ظروف غامضة .



وفى نس الوقت اتفق معاك ان جزء من اللى بيحصل دلوقتى هو عملية إلهاء (( وده بالمناسبة فن برع فيه المصريين من أيام الفراعنة )) ..... لكن السؤال إلهاء عن ايه ؟؟؟



وعلى فكرة يا أحمد صديقى فى احدى أحديثه معى قبل سفره قال لى " مصر دى فيها خير كتييير بدليل إن احنا بقلنا اكتر من 7000 سنة بتتنهب فراعنة على هكسوس على يونانيين على دول اسلامية مختلفة ومماليك وعثمانيين والاسرة العلوية و 3 جمهوريات ولسه فيها خير لحد دلوقتى " (( لا تعليق ))

[يوسف المصرى]

يا جماعة انا مش عامل موضوع علشان ننكد بيه عل نفسنا .... مش معقول محدش عنده رفاهية بيمارسها غير ران بس .



أن الرفاهية مش مرتبطة بالفلوس .... أرحمونى شوية .... حتى الواد صبحى ضارب بوز ومبلم من الصبح .



على سبيل المثال وليس الحصر .... من رفهياتى (( انى اركب عربيتى – الفارهة طبعاً – و اوصل لحد كورنيش النيل قدام مركز التجارة العالمى ... واضرب واحد حمص الشام من عند ام لوزة ...دى رفاهية بالنسبة لى ... والموضوع مش كلف أكتر من 5 جنية ويمكن اقل ))

من رفهياتى تانى (( كتاب جديد مع شريط منير الجديد – لاحظوا انه شريط كاسيت عادى لسه عصر السى دى الدىفىدى مدخلش بيتنا فى الخطة العشرينية القادمة إنشاء الله ))



ولعة يا صبحى لحسن الحجر نام

[yasmina]

طيب يبقى بلاش احمد يتكلم عن الرفاهيات دلوقتى

لان عندنا طوارئ فى البيت ...تجديدات على صنيعيه على كل اللى يخطر على بالك

فلو قال رفهياته
هيحبطك

[maysam]

مساء الخير على اهل القهوة
وخصوصا يوسف المصري اللي اسمه ارتبط باسم القهوة من اول ما بدأت
وحشتنا القهوة ومواضيعها
حارجع ان شاء الله اشارك معكم بس اخد شوية نفسي واعمل جولة سريعة

انا حاسة اني متوهة اليومين دول ههههههههه (كيف بحكي مصري منيح ولا لا؟
: )


فين العصاير والذي منه

[maysam]

انا بتفق معاك يا يوسف ان الرفاهية هي مش مجرد فلوس

بس ما نقدرش ننكر ان الفلوس بتسهل لك طريق الرفاهية
بعدين الرفاهية بتختلف من شخص لشخص

يمكن واحد يلاقي قمة السعادة والمتعة في انه مثلا ينزل يتمشى في الشارع ويشم شوية هواء ويتفرج على الناس
يمكن واحد تاني يلاقي متعته في انه يروح يحضر محاضرات مثلا وندوات وما شابه او يقرأ كتاب
يمكن واحد تاني يلاقي متعته في انه يزور اصدقائه ويتكلم معاهم
وناس تانية تلاقي متعتها في الهدوء والوحدة

كل واحد له اهتماماته وانا بعتبر الرفاهية الجد هي انك تعمل الشيء اللي انت بتحب تعمله باراادتك ، ومش انك بتعمله لأنه مفروض عليك تعمله
وفي فرق كبير بين عمل اي شيء بالدنيا برغبة ،، وحتسبب لك سعادة كبيرة لانه شيء انت محتاجه ،، ممكن معنويا او نفسيا او اي سبب ،، وبين انك تكون مجبور على عمل حاجة يمكن تكون بنظر الناس ((رفاهية)) بس انت مش شايف نفسك فيها

ناس كتير ممكن معاها فلوس وتقدر تروح كل يوم مكان شكل وتتفسح كويس وتعم لاللي هي عايزاه ،، بس تلاقيها من داخلها حاسة بالخواء ،، ليه؟ ممكن ان شكل الرفاهية اللي بتمارسه هو مجرد شكل اجتماعي ضروري والزامي في حياتها!


اما موضوع القهر والبؤس ،، كل انسان بيوصل لمرحلة بيشعر فيها انه مش قادر يلاقي ابسط حقوقه في الدنيا ،، اكيد حيكون مقهور..الشعور نفسه بقلة الحيلة هو شعور قات ،، اما ليه انه يوصل للمرحلة دي ففي اكتر من سبب ،، في اسباب ارادية واسباب غير ارادية
ساعات نقدر نقول ان الانسان هو مسئول اول ومهم عن كل شيء بيحصل في حياته ،، اختياراته في الحياة ومدى قدرته على تحقيق هدف وعدة عوامل يعني الواحد صعب انه يلقي اللوم على جهة واحدة بس

عموما انا ريقي نشف ،، يا ريت حد يجيب لنا ليمووووووون

[أحمدكمال]

اممم
مش عارف يا ميسم
عم يوسف راح فين وخد صبحي وياه

[بكــار]

ايوه فين صبحىبقالى يومين ما شربتش غير ميه وانا الى بجيبها لنفسى ايه يا عم يوسف

[maysam]

المشاركة الأصلية بواسطة أحمدكمال

اممم
مش عارف يا ميسم
عم يوسف راح فين وخد صبحي وياه

ايوة يا احمد هو يوسف راح فين؟؟
كدة يا يوسف تسيب القهوة من غير احم ولا دستور وتمشي
ما ينفعش كدة

[أحمدكمال]

شكله بيتهرب من الضرايب