قهوة المخربشين Iii

[يوسف المصرى]

انا موجود جماعة .... كنت بقضى شوية مصالح للقهوة ، وصبحى سابيه موجود بدالى فى القهوة

المهم .... ميسم ... تستاهلى اجدع لمون على الكلمتين اللى يعمروا الدماغ اللى قلتيهم ... ما فض فوهك .

ملك صبحى رجع لممارسة مهام وظيفته كما كان وممكن تطلب اللى عايزه ..

أبو كمال ..... الحمد لله اتصلحنا مع الضرائب وبقينا تبع القانون الجديد ( طبعاً شفتوا الاعلان الجديد بتاع القانون فى كل حته حتى على القنوات الفضائية !!!! )


من كام يوم لقيت موضوع مثير للإهتمام فى احد المنتديات وحبيت انقله ليكم ... الموضوع ببساطة صاحب الموضوع بيسأل سؤال بسيط ... ايه المدن اللى بتحبها وايه المدن اللى بتكرها .... لحد هنا ومش فى مشاكل ... المثير فى الموضوع .... التباين فى أراء الأعضاء ... فتجد مدن مثل المحلة وطنطا وأخميم إلى جوار فرانكفورت ولندن ونيويورك !!!
ما علينا

قلت اجرب مع رواد القهوة .... ماهى المدن التى تحبها واهى المدن الى تكرهها ؟؟؟

اما عنى فى 3 مدن بحبهم و 3 بكرهم

ال3 اللى بحبهم هم
القاهرة .. معشوقتى الأزلية ,.. من زمان ... اكتر مدينة بحبها و باستريح فيها ... أكتر مدينة بحس فيها بنفسى.. القاهرة ... كمان أكتر مدينة بيتهيألى انها حبيتنى ... و اتعلقت بيا ....ليل القاهرة ميتنسيش .... وشتاها ليه طعم تانى ماهما تلف وتسافر لازم ترجع لها تانى .

اسكندرية ... السيمفونية ... مدينة مختلفة ... لو حبتك .. هتحسسك بإنك ملك ... ولو كرهتك هتكسر قلبك .... مدينة الجمال و الروح و السحر و الريحة الجميلة ... اسكندرية ... المدينة الصبية ... مدينة الثقافة و الأصالة و الحكايات اللى تضحك و تبكى ... من مصلحة كل اللى يزورها انه يكسبها ... للأسف الناس بيبهدلوها فى اشهر الصيف

مطروح ...اسم على مسمى .... بحرها الهادى ... يخدك وتغرق فيه بسلاسة ... احسن وقت فى السنة ... النص الاول من يونية والنص الاول من سبتمبر

ال3 مدن اللى بكرهم .. مدن القناة ( بورسعيد - الاسماعلية - السويس ) " مع احترامى الكامل لأهالى مدن القناة " هواء هم ريحته سمك ميت على طول .... وناسهم عندهم لامبالة غريبة تنقط ... يبقى الواحد فيهم بيعدى على رجليه قدام العربية وبمنتهى البطئ اللى خلقة ربنا ولما تزمر له يبص لك ويقولك "ايه فىايه " يا مثبت العقل والدين يا رب .... امخاخ فاضية .... مش بيحملوا هم لحاجة .

[ران]

أنا الصراحة ماليش فى المدن قوى
يعنى ما زرتش كتير علشان كده ما أقدرش احكم
لو ممكن أقول بلاد

مكة
والمدينة
والقدس
فعلا ددول أحب البقاع الى قلبى
أمريكا
وروسيا
اسرائيل

[loli]

مرحبا بعودتك يا يوسف... نورت ابن مصر من تاني

احب تلات مدن الى قلبي... ممكن اخليهم 4؟؟
مكه
ابوظبي
بيروت
القاهره

اول مره زرت فيها مكه... اتمنيت اني اعيش فيها طول عمري ... جو روحاني جميل جدا..

ابوظبي عشت فيها اكتر من نص عمري... ذكرياتي كتير معاها... مسقط راس اولادي وهي بجد الاول والاخير.

القاهره بحبها وبنفس الوقت بحس اني لما بطول فيها بتخنق من الزحمة والدوشه والتراب... اول مابعد... الاقيني عايزه ارجع لها مشتاقه....

بيروت مسقط راسي ... بحبها لان كل اهلي وحبايبي فيها... وكمان ذكرياتي فيها على قد ماهي صغيره وقليله على قد ماهي محفوره بذاكرتي ... عمرها ماتتمحي...

[بكــار]

لا انا كدول
بحب مصر ام الدنيا
وبحب لبنان
وسويسرا
والى بكرههم
اسرائيل
وامريكا
وانجلترا
دالخليا بحب محافظتى جدا
وبحب محافظة الاسماعليه
وبحب بور سعيد
والمدن الى مش بكرها
يعنى مش بجب اروحها
اسيوط واسوان
حلب
اوعى حد يقول حلب مش تبعنا مش عايزين احراج ولا كسوف

[maysam]

منور يا يوسف

سؤالك صعب شوية

يفترض اني اكون شفت مدن كتير على شان اقدر اقول انا بحب ايه وبركه ايه

لكن انا حاجاوب برضو ممكن بدول او مدن مش حاتقيد بكلامك

اللي بحبها

فلسطين
عمان ( عاصمة الاردن) هههههههههه
الامارات


اللي بكرهها.........................

اكره دولة كاسرائيل و امريكا ، وانجلترا

[=BASSEM=]

يوسف المصري
دايما قهوه المخرشين لها نكهه خاصه و انا بحييك علي القهوه
بس مفيش سحلب عندك ليه يا جووووووو

اكتر 3 مدن بحبهم
اكيد القاهره : لانها لها روح خاصه و لها اماكن قريبه علي قلبي لاني عايش بها
المنيا : عروس الصعيد و الصعايده لان جدودي من هناك و انا بحب ازورها من حين للاخر رغم اني بحس انه مجتمع او دوله تانيه غير مصر
بيروت : مازرتهاش للاسف قبل كده بس انشاء الله في اقرب فرصه هازورها لاني اسمع ان بيروت و لبنان من اجمل بقاع العرب

اكتر 3 مدن اكرهم
المنوفيه : بجد بخلا مش كلام
دمياط : اكثر بخلا من المنوفيه
الشرقيه و خصوصا الزقازيق لاني اتعاملت مع ناس فيهم بصراحه كرهوني في الشرقيه كلها

[شكولاته]

السلام عليكم ورحمة الله وبركاته

والليله دي هيبقي فيها تكسير وكراسي بتطير وتموين القهوة كله هيتصادر وحكاية بجد طبعا المعلم يوسف والواد صبحي عارفيين ليه
انتم مش عارفين صح طيب هقولوا
طبعا انا شريكة في القهوة دي باتلت اربع والمعلم يوسف الربع والقهوة بقالها كام يوم فاتحة والايراد موصلنيش والزباين بتشتكي من الطلبات اللي بتتأخر
وعلشان كده واد ياصبحي نزل للزباين كلها احلا مشاريب علي حسابي والمعلم يوسف هو اللي هيدفع
كده خلصنيين يامعلمي
نسلم بقي
مرحب بيك يايوسف ايوا كده عاوزين ابن مصر بتاع زمان وقهوتنا وحلاوتها وزباينها المية مية مبسوطة قوي اني رجعت لقيت القهوة من تاني
نيجي بقي للمدن

طبعا البداية انا بحب القاهرة قوي قوي وبحس بغربة رهيبة لما بسافر محافظة غيرها جوا مصر لاني عشت فيها حياتي كلها
بحب كمان مكه جدا البلد الحرام وفيها الكعبه واشتياقي ليها كاشتياقي للماء وقت العطش
واسكندرية وأيوه علي اسكندرية وبحرها حبي ليها سببه البحر لاني بحب البحر جدا جدا وكمان جوها في الشتا لاني بحب البرد
كده تلاته بحبهم

تلاته بكرهم هما
اسرائيل وامريكا وكل بلد تسيء للاسلام والمسلميين

ودمتم يامعلمي

[دموع الندى]

المشاركة الأصلية بواسطة أحمد سليمان

السلام عليكم ورحمه اللهو بركاته

الليمون بتاعى يا صبحى لو سمحت

معلش اصلى مش بشرب لا شاى و كافى ولا اى منبهات ( واحد بيحافظ على نفسه )

ايه يا جماعه الحكايه
اشعنى دلوقتى زعلانين و بنتكلم .....يوسف موضوعك كويس و قوى
بس فى حاجه
و ياريت تحضرنا يا دوك
الكلام لفعلى عن القهر و السلطه و...و...و الى ما ذلك
ما بدأش غير فى الآونه الآخيره....وقت هوجه تغير الماده فى لدستوريه و حق المواطن فى الأنتخاب الحر
مش شايفين معايا ان التغير كان لمجرد شغل المواطن المصرى البسيط بموضوع يفكر به ...لوكن لننظر معا للمرشحين للرئاسه و ستجدون رئيس مصر القادم صوره واضحه و منوره لوحدها كده "" دايما بتظهر فى الجرايد اول شوره على اليمين""

مصر خيرتها بتتسرق من اكتر من 7000 سنه و أدينا عايشين ....من التاريخ كلنا نعرف قد أيه الفراعنه كان ظلمه و جبابره و انا شفت بعينى فى وادى الملوك و الأقصر حضاره عظيمه جدا" العظمه لله وحده طبعا " بس فعلا أخرج من أبهار لابهار ...وصلوا لقمه قمم تكنولوجا الهندسه و العلم
فى قصور مبنيه داخل الجبال و غير ذلك الكثير

و كان المصرى البسيط بردوا على أيامهم بيشتغل و يتضرب بردوا بالسوط و بالكاد يأخذ قوت يومه

احمدوا ربنا انتو دلوقتى بتشتغلوا ( مجبرين ) بس على الأقل ما بتتضربوش ( ولو حتى ما كنش علنى ادام الناس )

العيب فينا
وليس فى قاده
هناك فى بلاد التقدم اللى واخدين النزاهه و حتى الأتيكيت من العرب و من تعاليم ديننا
لو فرد واحد بس أتظلم ...[منتهى الجرأه يذهب للمحكمه و يقاضى اللى ظلمه حتى لو كان رئيس دولته و لو له حق الشعب كله بيقف معاه و بيأخده

كنت فى رحله فى الأقصر قابلت شخص فرنساوى من أصول مصريه و دار بيننا حوار كان مضمونه مما نتحدث فيه انه هناك فرد شك مجرد شك فى وزير الماليه و طالبه فى قضيه رسميه بسؤال من أين لك هذا ؟
ووصل الموضوع ان الوزير أستقال من منصبه


مين هنا يقدر يعنى كده ؟؟؟

و بعد كده نقول القاده

سك على الليمون يا صبحى
نفسى أتسدت :(

بصراحه يا جماعه انا مع الباشمهندس فى كل اللى قاله لا كن على الرغم من كده عايزه اقول تعليق بسيط جدا انا اللى عايز يسبت نفسوا هيسبت نفسوا مهما كان الظلم والقهر فى المجتمع اللى عايز يكون حاجه هيكونها باصراره وعزيمتوا ومحدش يقدر يوقفلوا اللى عايز يكون موظف فى الحكومه هيكون واللى اخر احلامه يكون معاه مليون جنيه هيكون معاه بس على فكره الفلوس عمرها مبتكون هى سبب سعاده الانسان مشكلتنا ان احنا سلبيين زياده عن اللزوم . واكيد فى حياه كل انسان نوع من انواع الرفاهيه ممكن هو ميحسش بيها مثلا انا على نفسى رفاهيتى فى كتاب لذيذ افهموا او انى اعرف حد جديد او اتفرج على منظر الغروب . كلها على ما اعتقد حاجات بسيطه ومش مكلفه يعنى او قمه سعادتى بقى انى اتفرج على فيلم من غير ما اختى تغتت عليا

[شكولاته]

السلام عليكم ورحمة الله


اومال فين المعلم يوسف والزباين
واد ياصبحي اوعي تكون زعلت حد هتترفد علي طول
فين الزباين عامله لكم مفاجئة

[يوسف المصرى]

فى البداية أسف على انقطاع اسبوع عن القهوة ..... ولى اسبابى اللى يا ريت تقبلوها .... هو انى لحقت اخر ايام الصيف ولميت نصيبى من ارباح القهوة ورحت عقبال عندكم جميعاً أصيف .

المهم شايف الزباين رجلها خفت عن القهوة واللى قاعدين مش بيطلبوا .... والواد صبحى زى ما بيقول (( نفسيته مش ولابد )) من قلة الشغل ... ما علينا

ران
لولى
ملك الرومانسية
ميسم

شاكر اهتمامكم بالقهوة والرد ... بس فين الطلبات ولا حتى كوباية مياة سقعة .


باسم عمار
لا تخيل مدى سعادتى وانا ارك مرة اخرة فى بعد تلك الفترة الطووووووويلة ورجوعك لابن مصر عامة وقههوة المخربشين خاصة وفى انظار مشاركاتك دائماً فى القهوة سواء بالردود أو المواضيع .... صبحى ... عندك اجدع واحد سحلب بالمكسرات لعمك باسم عمار .

شيكولاتة

شيكو يا شيكو ...... إنشاللة اعدم صبحى يا شيخة ...انى بعتلك لما القهوة فتحت e-mail علشان تيجى تخدى الحساب ... بس تقلتى علينا يا معلمتى .... ومن ساعتها مش راضى اقعد على البنك وسايبه فاضى علشان ده مكانك .... ثم منين جبتى حكاية التلات اربع دول ... وانا الربع .... طيب فين نصيب الدوك ..... بانهار ابيض ....انتى بيعتينا نصيبنا فى القهوة من غير ما نعرف ....اخر حاجة متفقين عليها ان الشركة تبقى بالتلت لكل واحد .... ولو بصيتى فى الخزنة اللى ورا صورة المعلم خربوش هتلاقى نصيبك فى الحفظ والصون .... بس طبعاً هنخصم المشاريب اللى طلعت على حساب القهوة علشان كده انا براءة من الموضوع ده .... وبعدين اخوكى راجع من المصيف ما يحتكمش على اكتر من 20 جنية .
فين المفاجأة اللى قلتى عليها .... الموضوع اللى جاى عليكى .... يلا استلمى مهام منصبك .

دمع الندى

اسمحى لى اتفق واختلف معاك فى نفس الوقت .....فى اى مكان فى العالم بالمثابرة والجد أى انسان يقدر انه يثبت نفسه مهما كان الظلم والقهر المحيط به ..... لكن عندنا لو عندك اطنان من الثابرة والجد والجهد وتعرضت للقهر والظلم لن تستطيع ان تفعل شيئاً سوى ان تكتأب وتحبط ... ترمى نفسك من فوق كوبرى قصر النيل ...لأنك غير لائق اجتماعياً .... ولازلت اعتقد ان هناك أمل حتى بعد فوز ررئيسنا المحبوب جداً .... بولاية خامسة (( لاحظ كلمة ولاية وليست رئاسة )) (( متنساش يا صبحى تعلق يافطة التأيد قدام القهوة ))
ماعلينا
فى سر هقولك عليه .... شيكولاتة قبل ما نقفل الجزء التانى من القهوة اخدت مفاتيح دولاب التلفزيون .... فممكن نتحايل عليها شوية علشان تفتحة وتقعدى تتفرجى على الافلام من غير ما حد يغتت عليكى

سؤال على الماشى ... اختيارى مش اجبارى ...

اين كنت يوم 7/9/2005 فى الفترة من 8 صباحاً حتى 10 مساء ؟؟ حينما كان يتم خبز تاريخ مصر على نار هادئة ..

ودمتم

[=BASSEM=]

و عندك السحلب السخــــــــــــــــــــــــــــــــــــــــــــــ ــن


المصري وصل باسئلته النار



اين كنت يوم 7/9/2005 فى الفترة من 8 صباحاً حتى 10 مساء ؟؟ حينما كان يتم خبز تاريخ مصر على نار هادئة ..

كنت نايم هههههههههههههههههه

لا بهزر ياعمنا

انا نزلت و قلت يبقي ليا دور فعال و مشاركه سياسيه و هيييييييييييييييييييه و فرحان بقي ببلدي

بس ياريتني مانزلت لقيت يوم الاستهبال العالمي

و ماليش ترشيح عشان مفيش بطاقه انتخابيه
طب يااعمامنا دي بالرقم القومي الترشيح قالوا لا قلت يمكن عشان مولود بره مصر
قالوا برضوا لا

حكايه البطاقه زي حكايه ان اللي مش هينتخب يدفع 100 جنيه زي ان الانتخابات دي نزيهه زي الغول و العنقاء و الخل الوفي


و بس بقي عشان المخبرين علي القهوه مترشقين في كل حته

[بكــار]

اعم يوسف غير الوادصبحى ده عاد كسلان قوى
وكمان بيخمنا بيحط نشارة خشب بدل الشاى دا كلام هههههه

[شكولاته]

السلام عليكم ورحمة الله

اهلا اهلا يامعلم يوسف وكمان بتسافر من غير ما تقول ماشي ماشي
هو الدكتور مقلكش ولا اية هو عملي تنازل ادارة بس طبعا حقة محفوظ وقريب ان شاء الله هاخد الربع اللي فاضل ليك وهبقي اشوفك بردو ربع جنية ولا حاجة وهخلي صبحي وامري لله ينزل لك مشاريب وتدفع نص التمن شفت انا كريمة ازاي

أولا انا زعلانه من الزباين لانهم طنشوني خالص ومحدش جه علشان يعرف المفاجئة كده ممكن احرمهم منها ولو عاوزين يصلحوني يبقي يشاركوني الموضوع الجنوني اللي لونه ابيض في لموني ومش عارفة اية هيكون انتظروني

[شكولاته]

انتظرتوني طب أنا جيت اهوه بسرعة احكي لكم حكاية قوية
الحكاية هي...........................
مكسوفه اقول لحسن انتم كمان تضحكوا عليا طب عاوزين تعرفوا ايه هي الاول تحاسبوا ع المشاريب ده صبحي عاملها مية مية , وعشان اعرف احكي هات ياصبحي كوباية ميه لحسن ريقي نشف من الخيبة القوية , اه بجد الناس بتقول كده عليا اني في خيبة قوية , عارفين ليه اصلي مش سياسية , مش قصدي علاقات ومعاملات يومية لكن حكومة وانتخابات وقرارات وعلاقات دوليه سياسة من اللي هي لو اتكلمت فيها بحريه يلففوك الكره الارضية ايوا بجد اصل احنا في بلد ديمقراطية ,عارفين الحكاية ديا ؟ عشان كده انا في خيبه قوية , طب قولولي اعمل اية وانا تعبت من حرقة الدم اليومية ابرياء تحت الدبابات مرمية وكل مسئول يقول عملت اللي عليا دماء اطفال قاسية وصعبانه عليا , اتكلم في اية واحكي ليه وكلام لا منه رجا ولا اي نفعه جايا , بس ناوية ابطل خيبة قويه علي رأيهم مينفعش نكون في قمة السلبيه ياهووووووووو صعبان عليا اللي احنا في ولو بايدايا اغير كل النظام اللي حوليا


مش عارفه اية اللي انا كتباه ده أكيد السحلب اللي جبهولي صبحي مكنش مظبوط
المهم بجد انا مش بحب السياسة ولا الكلام فيها طول عمري كده ولو اتكلمت فيها بيكون نادر بموضوع او مع حد مباشر بسرعه لكن الايام دي وكل اللي بيحصل وانا متبعاه جرايد وفضائيات شغلني الموضوع وخلاني اتكلم

طبعا انتم دلوقتي بتفكروا في الحساب مين هيدفعوا انا ممكن احسبه علي المعلم يوسف لو جاوبتوني والمعلم كمان يجاوب وانا ممكن ازود نصيبة

يعني اية سياسة بالنسبة لك؟ اخباركم معاها اية؟

وياتري انت من المتعمقيين ولا الهواه ولا المتفرجيين؟؟

سؤال مهم كمان
انا اوقات كتير بحس ان معظم اللي بيبتكلموا في السياسة مفرقوش كتير عن اللي بيقولوا نشجب ونعترض ونحتج!!! يعني كله مجرد كلام تقدر تقولي ممكن تعمل اية طب بتنقد بناءا عن اية طب اية ادله كلامك
لاء مفيش وممكن يثور ويتنرفز وحاجات كده كتير
اية بيفيد الكلام؟؟؟

صبحي انا عايزة طلبات مخصوص علشان الناس ترد بمزاج

تفضلوا بقبول وافر الاحترام

[maysam]

صباح الخير يا اهل القهوة

اهلا يا يوسف الحمد لله على سلامتك

يا شيكو انا ما بحبش السياسة ابدا ، بس بتابع احيانا لكن مش بتعمق فيها عشان بصراحة بحس ان السياسة اللي بنسمعها في الاخبار هي مجرد تمثيليات ، والمخفي منها اعظم وانا اخدت قرار اني ما اتابع الاخبار ابدا