قهوة المخربشين Iii

[bosy cat]

المشاركة الأصلية بواسطة مستكة

لو سمحتي اديني مثال

الامثله كتير


منهم الموبيل زى ما ميسم قالت

ومنهم السياره

وحجات تانيه كتير وبسيطه برده


كمثال غساله الاطباق , الميكروريف , الانتركم , الاسانسير , صاعق الناموس و..و..و..و..و...


وكتير .....................



يا مسكته فى حجات كتير قوى يمكن تكون بسيطه بس اسمها تكنولوجيا


ولا ايه


وشوفى برده زى ما باسم قال



انتي اخدتي الجانب الكويس من التكنولوجي ليه ماتاخديش الجانب السيء منها او العمله اللي مش بتبان لناس كتير

يعني الاقمار الصناعيه و كشفها لامور بلادنا
اجهزة التصنت
كاميرات المراقبه
و ماخفي كان اعظم
طب كل حاجه و لها عيب و اكيد كل حاجه في التطو لها ميزه و عيب برضو بس الفكره احنا لو سبنا حياتنا للكماليات هتودينا لحد فين
اكيد الغساله و التلاجه و الكالم دا كله بقي اساسي رغم ان كان ليه بدائل زمان
بس دور الكماليات ايه بقي ........... دا السؤال

[مستكة]

بصراحه انا لما اتكلمت كنت بقصد الحاجات اللي اصبحت ضروريه في حايتنا
مقصتش الكماليات
لكن لو اتكلمنا عن الكماليات فهي فعلا زادت عن حدها والناس بالغت كتير في استخدامها
وان كان قلتها افضل

وان كان علي سؤال دور الكماليات ايه ؟
فبشوف ان كتير من اسباب وجودها هو الوجاهه الاجتماعيه والمظهره وبس
ولو عايزين نعرف مدي اهمية دورها خلونا نستغني عنها
لو اثر كتير غيابها تبقي مهمه
لكن لو العكس يبقي قلتها افضل
ومعلش لاندفاعي

[=BASSEM=]

اظن ان موضوع التكنولوجيا خد وقته نفكر بقي في افتكاسه تانيه حدش عنده قضيه حابب يتناقش فيها في القهوه كدا و عم صبحي موجود


و بالمناسبه انا عندي موضوع يعني بمناسبة صبحي و القهوه افتكرت يوسف المصري و رغم اني بتمتع بذاكره ضعيفه نسبيا و مش فاكر التعامل من سنتين كان ازاي مع ابن مصر

بس فيه شخصيات فاكرها كويس قوي و منها يوسف المصري و غيرهم كتير


عشان كدا انا حابب في وسط الموضوع و القهوه اقوله بجد يايوسف يامصري احنا محتاجينك و محتاجين قلمك و ياريت ترجع تكتب تاني

[=BASSEM=]

اهلا بيكم في قهوة المخربشين مره تانيه هنعملها تجديدات ان شاء الله بس انتوا استنوا علينا بس

و لحد التجديدات دي ماتتعمل فيه موضوع كان شاغل بالي من فتره و ملقتلوش اجابه


حكاية الصحوبيه او كل ماتسال ولد او بنت يقولك انا مصاحب او انا مصاحبه

يعني هل دي من العادات اليي اكتسبناها من الغرب و ازاي الام او الاب يوافقوا ان بنهم او بنتهم يكون علي علاقه مع بنت و العلاقه دي ربنا يعلم بقي ايه اللي بيحصل فيها

هتقولولي بيحبوا بعض

طب دا يديلهم الحق انهم يخرجوا مع بعض و كل يوم بعض بعض في كل الاماكن طب و لو سابوا بعض مش دا هيأثر علي سمعة البنت


يعني هي العادات اللي احنا اكتسبناها من الغرب دي فيها كل وحش مفيهاش حاجه حلوه ابدا

ياريت اسمع رايكم في الموضوع دا عشان بجد عاملي هسهاس

[مستكة]

شوف يا باسم
انا لا اتفق ابدا علي حكاية الصداقه بين الولد والبنت انهم يخرجو مع بعض والكلام ده
بس اذا كانت زماله عاديه في اطار الدراسه بس مش مشكله
يعني تبادل ملخصات او محاضرات او فهم اي شيء غير واضح بالمنهج وكده
انما اللي بنشوفه انهارده ده
ما له اي مسمي لا صداقه ولا حب ولا اي حاجه
ممكن نقول عليه تسالي لا اكتر
ومن رايي ان البنوته الاموره المفروض تحافظ علي قلبها وتعتبره جوهره ثمينه ودايما تحول الحفظ عليها لحين ما يجي اللي يستاهل الجوهره دي
لان قلبها ده بعتبره صفحه بيضا في انتظار من يخط علي هذه الصفحه اجمل الاحاسيس والمشاعر الرقيقه في النور
تخيل بقه لو الصفحه كلها شخبطه ايه ممكن اللي يحصل
كمان الولد المفروض ميخليش قلبه زي الاتوبيس واحد نازل وواحد طالع ده غير المحشورين جواه
هيجي عليه وقت يعطل وميعرفش يمشي

ده رايي البسيط وان كان بعد عن صلب الموضوع
ويجعله عامر

[=BASSEM=]

يجعله عامر بحسك ياختي


وجهة نظرك حلوه و عجبتني خصوصا انها وسطيه لا هي يمين قوي و لا هي شمال قوي

يعني و لا البنت تبقي في قوقعه خاصه بها و مش بتكلم حد و في نفس الوقت تكلم الناس بالضروره و بحساب و من اجل هدف


لو البنات كلها عملت كدا هنبقي مية فل و اربعتاشر



النسكافيه ياصبحيىىىىىىىىىىىىىىىىىىىىىىىىىىىىىىىىىىى

[maysam]

كمان الولد المفروض ميخليش قلبه زي الاتوبيس واحد نازل وواحد طالع ده غير المحشورين جواه
هيجي عليه وقت يعطل وميعرفش يمشي

هههههههههههههه عجبني جدا يا مستكة التشبيه اللي قلتيه
حلوة حكاية الاتوبيس وواحد طالع وواحد نازل

الصداقة ، ممكن تتحق بس بتكون نادرة بين الشاب والفتاة
لأن الموضوع بيدخل فيه اساس عقلية كل واحد منهم اصلا ونظرته
يعني بالمختصر هي لا تصلح لأي شخص ومش كل شخص بيحقق شروطها
لذلك فهي نادرة جدا

لكن كل شيء بالدنيا له حدود

طالما ان الصداقة تحترم الاعراف السائدة وفيها احترام وعدم خروج عن المألوف (وكلنا عارفين هو ايه) يبقى الوضع عادي

هو في كلام كتير ممكن اقوله
لكن ممكن ارجع واقوله ن وممكن لا ، حسب يعني المزاج

[=BASSEM=]

المشاركة الأصلية بواسطة maysam

، حسب يعني المزاج

ربنا يخلي مزاجك و مودك كويس ياميسم عشان يهمني رأيك في الموضوع دا قوي و الله

[maysam]

المشاركة الأصلية بواسطة B_AMMAR

ربنا يخلي مزاجك و مودك كويس ياميسم عشان يهمني رأيك في الموضوع دا قوي و الله

ههههههههههههههههه
طيب بس ما في شي نشربه من اللي بيهدي النفوس عشان مزاجي يتعدل وارجع

استناني يا باسم اكيد راجعة قريبا

بس يهمنا رايك كمان

[دنانير]

طيب انا عايزه واحد فراوله عشان الموضوع ده كبير قوى وعايز كلام بمزاج



وهرجع تانى

[=BASSEM=]

طب اتنين اي عصير لميسم و دنانير ياصبحى

و مستنين رايك ياميسك علي احر من الجمر


و ياريت تشاركينا برايك في الموضوع دا يادنانير


انا هقول رايي بس مش وقتي

[دنانير]

هو ايه الى اتنين اى عصير انا مش هرد الا لما تقول لصبحى ده يجبلى فراوله

ايه الرخامه دى

[=BASSEM=]

المشاركة الأصلية بواسطة دنانير

ايه الرخامه دى

الجمله دي انا شفتها فين قبل كدا

[دنانير]

المشاركة الأصلية بواسطة B_AMMAR

الجمله دي انا شفتها فين قبل كدا

مش فاهمه

[maysam]

لا حدد يا باسم اللي عايز تشربنا اياه
انا ما باخد شي مش عارفاه هههههه

المهم انا قلت اجيب لك لنك تتسلى فيه شوية على ماارتب افكاري وارجع

الصداقة بين الجنسين...موضوع للنقاش