ماسنجريات .....(3).....

[أحمدكمال]

السلام عليكم ...


برنامج " ماسنجريات" يظهر لكم في اطلالته الثالثه....
برنامج ماسنجريات كان احد برامج الزمن الجميل....
فكره البرنامج تعتمد في الاساس...
على استضافه احد اعضاء المنتدى..على الماسنجر
ومبادلته الحوار...
ومن هنا يزيد التقارب بين الاعضاء....

&&برنامج ماسنجريات حقوق فكرته محفوظه لعالم ابن مصر&&


انتظروا الحلقه الاولى ........

مع احد ملوك المنتدى ..........

[أحمدكمال]

الحلقه الأولى

&&ماسنجريات&& says:
السلام عليكم
&&ماسنجريات&& says:
اهلا بكم اعضاء ابن مصر
&&ماسنجريات&& says:
في الجزء الثالث من من برنامج ماسنجريات
&&ماسنجريات&& says:
وفي اعتقادي ان اغلبكم لم يحضر الجزء الاول والثاني
&&ماسنجريات&& says:
فكره البرنامج باختصار
&&ماسنجريات&& says:
هي استضافه احد الاعضاء النشطيين
&&ماسنجريات&& says:
التعرف عليه من خلال حوار ماسنجري..
&&ماسنجريات&& says:
وبالطبع كان لا بد ان يبدأ البرنامج
&&ماسنجريات&& says:
بعضو جديد...
&&ماسنجريات&& says:
هو عضو استطاع ان يفرض اسمه وتواجده في المنتدى الفتره الاخيره
&&ماسنجريات&& says:
من الاخر
&&ماسنجريات&& says:
معانا ملك الرومانسيه
&&ماسنجريات&& says:
ازيك يا ملك؟
ملك الرومانسيه says:
الله يا يسلمك اولا احب اشكرك على المقدمه الجميله الى قلتها عنى وكمان احب اوضحلك حاجه اذا كنت انا نشيط فدا لانى فعلا بحب ابن مصر وبحب اعضاء ابن مصر
&&ماسنجريات&& says:
عرفت ابن مصر ازاي؟
ملك الرومانسيه says:
عرفته عن طريق صديقى العزيز النسر الذهبى
&&ماسنجريات&& says:
وايه الي لقيته مميز في ابن مصر...رغم مرور ابن مصر بازمه مع بدايه تواجدك
ملك الرومانسيه says:
مع بداية تواجدى فى بن مصر الشيء الى كان مميزهو قلة الاعضاء دا كان مقربنا من بعض جدا ومخلينا فاهمين بعض اكتر وتقريبا كنا اسره واحده
&&ماسنجريات&& says:
ومين من الاعضاء الي شدوك في الفتره دي؟
ملك الرومانسيه says:
الفتره دى اول عضو شدنى هى اختى الكبيره والعزيزه ميسم دا فى البدايه وبعد كده شدنى اخويا الكبير برده محمد خطاب وكمان اخويا محمد حسين واحمد سليمان والسندباد المصرى
&&ماسنجريات&& says:
ايه الي يفتقدوا ابن مصر...
ملك الرومانسيه says:
الشيء الوحيد فى نظرى الى بيفتقده بن مصر هو عودة ابنائه له مره تانيه عودة الناس الى بنوا بن مصر والى بيهم بدأ .
&&ماسنجريات&& says:
دلوقتي هسألك شويه اسئله باختيارات
&&ماسنجريات&& says:
السؤال الاول
&&ماسنجريات&& says:
سبب هجره ابناء ابن مصر للمنتدى الرئيسي هو
&&ماسنجريات&& says:
1-ظهور منافس اقوى
&&ماسنجريات&& says:
2-ضعف الاداء الاداري
&&ماسنجريات&& says:
3- اسباب اخرى
&&ماسنجريات&& says:
وليه؟
ملك الرومانسيه says:
السؤال صعب بس انا اعتقد انها الاجابه رقم اتنين لان فيه بعض الاعضاء القدام ولا داعى لذكر اسمائهم اشتكوا من الاداره فى الفتره الى فاتت
&&ماسنجريات&& says:
الحل الامثل لعوده ابن مصر لوضعه الطبيعي..
&&ماسنجريات&& says:
1-تغيير الاداره..واللجوء الي فريق من المراقبين الجدد
&&ماسنجريات&& says:
2-اعاده الثقه في المراقبين القدامي والاداره
&&ماسنجريات&& says:
3-حل اخر ..
&&ماسنجريات&& says:
وليه
ملك الرومانسيه says:
الاجابه رقم اتنين اعتقد انه لابد من اعضاء الثقه مره اخرى فى الاداره واعادة النظر بشأن المراقبين القدامى بالاضافه الى ذلك لابد من وجود دعايه قويه تقوم بالنشر بأن بن مصر رجع تانى وبفكر جديد وبأسلوب احسن
&&ماسنجريات&& says:
هل ترى في الاداره الحاليه ...القدره على القيام بذلك؟
&&ماسنجريات&& says:
انا عارف السؤال صعب لان المشرف العام هو الي بيكلمك
&&ماسنجريات&& says:
لكن ارجو ان تتناسي ذلك تماما
&&ماسنجريات&& says:
احنا في منتدى ديموقراطي
&&ماسنجريات&& says:

ملك الرومانسيه says:
لا والله ابدا الادراه الحاليه فعلابدات تعمل حاجات كويسه وتقدر تعمل اكترمن كده بصرف النظر عن مين بيكلمنى صدقنى العزيمه والاصرار ممكن يوصلوا بالانسان لابعد حدود فحاليا وفى الجو الجديد الى فيه بن مصر وعودة بعد الابناء القدامى ممكن قوى نعملحاجات مفيده لينا .... ولابن مصر
&&ماسنجريات&& says:
اول قرار تاخده لو انت المشرف العام؟
ملك الرومانسيه says:
ممممممممممممممم اول قرار اخده لو انا المشرف العام هعيد ترتيب حسباتى بشأن الفريق الى هيساعدنى فى الاداره فى الفتره القادمه
&&ماسنجريات&& says:
اختار تلاته يساعدوك في الاداره كمشرف عام؟
ملك الرومانسيه says:
دون اىاعتبارات خاصهاختارميسم واحمد سليمان ومحمد خطاب
&&ماسنجريات&& says:
طيب نخرج من جو المنتدى المكهرب
&&ماسنجريات&& says:
ايه الي ممكن نعرفه من بطاقه ملك الرومانسيه الشخصيه؟
ملك الرومانسيه says:
حاجا ت بسيطه جدا اسمى ابراهيم سليم وعندى 19 سنه بدرس فى كلية الحقوق واعزب طبعا
&&ماسنجريات&& says:
كليه الحقوق رغبه اولى....؟
ملك الرومانسيه says:
اكيد والدليل ان مجموعى كان 84% يعنى كان ممكن ادخل اداب اوتربيه او حتى تجاره لكن كتبت اول رغبه حقوق
&&ماسنجريات&& says:
طيب وليه الحقوق...ما الذي من الممكن ان يقدمه ابراهيم سليم كمحامي...
ملك الرومانسيه says:
اولا المحاماه مهنه شريفه وجميله بس للى يستخدمها صح ابراهيم سليم كمحامى هيحاول بكل جهده انه يقدم شيء يفيد بيه دينه اولا ثم يخدم بما تعلمه ابناءوطنه
&&ماسنجريات&& says:
لو لم اكن محاميا لودتت ان اكون....
ملك الرومانسيه says:
معلما
&&ماسنجريات&& says:
اكتر شخص اثر في ابراهيم في الحياه وعلى النت
ملك الرومانسيه says:
رؤاكتر شخصية اثرت فى حياتى واتعلمت منها كتير فى حياتى العاديه هى شخصية المدير بتاعى فى الثانويه واكترشخصيات اتأثرت بيها واتعلمت منها فى النت وخاصة فى عالم بن مصر النسر الذهبى واحمد سليمان وميسم ومحمد خطاب
&&ماسنجريات&& says:
هديك اسامي بعض الاشخاص وتبعتلهم رسائل قصيره .....
&&ماسنجريات&& says:
ميسم:
ملك الرومانسيه says:
ياسيدى دى عايزه مجلد عشان ابعتلها رساله فيه لكن ماشى يا عم بقلها ربنا يخليلك اولادك ويخليكى لينا اخت كبيره نتعلم منها دايما
&&ماسنجريات&& says:
لونلي دوك:
ملك الرومانسيه says:
مرحب بعودتك من جديد انت فعلا اضافه كبيره لابن مصر وان شاء الله نتعلممن اكتر واكتر
&&ماسنجريات&& says:
محمد خطاب:
ملك الرومانسيه says:
لا دا بقى حبيبى بقله امسك اعصابك شويه وانت بتكلمنى وبلاش تقعد ترش ميه كتير وانت بتكلمنى ماسنجر
&&ماسنجريات&& says:
احمد سليمان:
ملك الرومانسيه says:
احمد سليمان : مهما قلت مش هوافيه فضله عليا وبقوله انت فعلا نعم الصديق وما تزعلش منى فى بعض افعاله انتى اخويا الكبير ولازم تستحملنى برده
&&ماسنجريات&& says:
احمدكمال:
ملك الرومانسيه says:
مش عارف اقول ايه بس بقله خد بالك من بن مصر لانه منتدى كبير وجميل وحرام عليك لو تفرط فيه
&&ماسنجريات&& says:
مايااا:
ملك الرومانسيه says:
الف مبروك الزفاف واتمنالك حياة زوجيه سعيده
&&ماسنجريات&& says:
اعضاء ابن مصر الموجودين والحاضرين:
ملك الرومانسيه says:
اه دول بقى يا سيدى بقلهم خليكم زيى مش بمل كنت متأكد ان بن مصر هيرجع تانى زى ما كان والحمد له رجع فيعنى لو الظروف حكمت ولاقينا بعض الصعوبات مش نيأس الطريق الاخوه والاصرار والعزيمه يتفرش ادامنى ورد ان شاء الله
&&ماسنجريات&& says:
في النهايه ....ايه رأيك في ماسنجريات وايه الي ممكن نضيفه علشان يكون البرنامج افضل
ملك الرومانسيه says:
البرنامج كويس جدا وهقربنا من بعد اكتر والى ممكن يضيف نجاح للبرنامج ان تحاول بما انك المشرف العم تتقرب من الاعضاء النشطين وتعرف ايميلاتهم عشان تعمل معاهم الحوار اللذيذ ده
&&ماسنجريات&& says:
نذيييييييع؟؟؟؟؟
ملك الرومانسيه says:
هههههههههه احنا فى الكاميرا الخفيه ولا ماسنجريات ماشى ذيع يا عم ذيع
&&ماسنجريات&& says:
شكرا جدا يا ملك الرومانسيه ...
&&ماسنجريات&& says:
واتمنى يكونوا الاعضاء استمتعوا بالحوار
&&ماسنجريات&& says:
والي اللقاء في حلقات اخرى ....

ماسنجريات ....مع أحمدكمال

[yasmina]

تمام
منور يا ملك

[أريج]

رائع فكرة ممتازة

[زهرة]

حلوة اوى فكرة الماسنجريات

[أحمد سليمان]

فكره حلوه

تمام يا ملك

الله ينور يا رجاله

[محمد خطاب]

اتيت لاسجل اعجابى

جميلة الفكرة ديه

تصدق يا اخ احمد بداءت احبك ههههههههههههد

لاء انا بحبك فى الله من غير ما اتكلم معاك او حتى اقابلك فى اى موضوع عن طريق احمد انسان

فكرة جميلة قوى يارب تديم ويديم وجودك

[بكــار]

لا لسه فيه حاجات اجمل انتظروا المفاجأت وان شاء الله
القادم اجمل
ليس لدى تصريح بالقول اكثر من ذلك

[النسر الذهبى]

طبعا الفكرة زى ما قال احمد من الزمن الجميل فى ابن مصر
لكن بتثبت انها فكرة متألقة ورائعة وخصوصا ان اختيار احمد كبداية للنسخة رقم 3 او الحلقة رقم ثلاثة كان متميز
ابراهيم
اثبتلى انى ممكن اتعلم منك كتير
استضافة رائعة وموفقه يا احمد واجابات واراء صريحة وصادقة يا ابراهيم
منتظرين الحلقات القادمة

[بكــار]

المشاركة الأصلية بواسطة النسر الذهبى

طبعا الفكرة زى ما قال احمد من الزمن الجميل فى ابن مصر
لكن بتثبت انها فكرة متألقة ورائعة وخصوصا ان اختيار احمد كبداية للنسخة رقم 3 او الحلقة رقم ثلاثة كان متميز
ابراهيم
اثبتلى انى ممكن اتعلم منك كتير
استضافة رائعة وموفقه يا احمد واجابات واراء صريحة وصادقة يا ابراهيم
منتظرين الحلقات القادمة

ياباشا والله احنا الى بنتعلم منكم ولولا انت يا ميدو ما كنش الحوار دا اتعمل اساسا لانك زى ما قلت انت الى دخلتنى بن مصر منور ياباشا

[أحمدكمال]

اشكر كل الي ردوا...
وان شاء الله احتمال كبير
يكون في حلقه كل اثنين وخميس

[إبن الكويت]

اشطه يا بو كمال فكرة جميلة جداً

[MoHaMeD NaSSaR]

ههههههههههههههههههههههههه

فكره حلوه ذكرتني بايام زمان يا احمد

تسلم بجد على جهودك ةشكرا لملك الرومنسيه

[maysam]

هي فعلا فكرة من اجمل الافكار اللي كانت موجودة من زمان في ابن مصر
وتستحق اعادة احيائها

شكرا يا ابراهيم على كلامك واجاباتك جميلة وكلنا بنتعلم من بعض اكيد

يلا يا احمد نشوف مين الي حيكون الدور عليه

[أحمدكمال]

الحلقه التانيه
قريبا ...

مع شخصيه سيكوبلاتيه ..ذات ايدلوجيه خاصه...(محدش يقولي يعني ايه )