بسم موحد القلوب و غافر الذنوب
1- باسم بيخاف من ايه؟؟ (غير خشيه الله طبعا)
بخاف من نفسي و من طموحاتي و ممكن توديني لأيه و بخاف من الماضي و حكم الناس من خلاله
2-لو ما كانش اسمك باسم كنت تحب يكون ايه؟؟
يوسف عشان بحب قصة سيدنا يوسف قوي
3 - -ما هو رد فعلك عندما تتعرض لضغط عصبى معين؟؟
بشرب سجاير كتير و افكر و لو اتأزمت قوي بروح اركب مركب في النيل و افكر او اركب خيل
4-ايهما افضل ولماذا,, باسم منذ 3 سنوات ام باسم الان؟؟
و لا دا و لا دا ان شاء الله باسم بعد اقل من 3 سنين يكون الافضل منهم
5-ايهما تختار,,الصيت (الشهره) ام الغنى؟؟ ولا بد من اختيار احدهما
اختار الغني لأني مش بحب الشهره او الصيت قد الغني بحب احيانا اكون ورا الكواليس
6-هل احيانا يستاء باسم من تصرفات باسم؟؟ وماذا تفعل حينها؟؟
مفيش حد مش بيستاء من تصرفاته احيانا , بس انا لما بيجيلي الشعور دا باقعد مع نفسي و احاسبها و اشوف ايه الصح و ايه الغلط
و مش باسيب نفسي للندم لاء انا في وقتها لازم الشعور بالاستياء دا يروح بسرعه عشان مادخلش في مود اكتئاب بقي و حاجات
7-الطموح ليس له حدود لكنه فى نفس الوقت قد يكون آفه قاتله,,, ما مدى صحه هذه العباره؟؟
100 % صحيحه الطموح لو كان مجرد احلام ورديه مفيهاش اي مشقه هيبقي جنون و كلام فارغ و افه قاتله
و لازم الواحد عشان يعرف هيبني ايه يعرف اساساته ايه و ايه هي الارضيه اللي واقف عليها و ممكن تستحمل ايه و متستحملش ايه
و بعد كدا الواحد يبدأ يقوي الاساس و يقوي الطموح يعني اكيد مينفعش واحد جاهل يحلم انه يبقي دكتور جامعه و يتصرف من المنطلق دا
و الا يبقي مجنون
8-هل تؤمن بلغه العيون,, وماذا اخبرتك حتى الان؟؟
لغة العيون طبعا يعني خصوصا اني عيني خضرا
و بفهم فيها كويس
هو و الله يادوك اكتر من 60 % من التخاطب بين البشر بيكون مش بالكلام بيكون بلغات تانيه منهم و اهمهم لغة العيون
بس مش اي حد يفهمها يعني لغة العيون مينفعش الواحد يفهمها علي هواه و الا توديه بعيد بقي و مش هيعرف يرجع
انما اللي يفهمها صح هيعرف يكسب بيها حاجات كتير قوي رغم ان اغلب العيون الحلوه كدابه
و قالتلي حاجات متتقالش غير بنفس اللغه يادوك مينفعش تتقال بالكلام العادي
9-"ضحيت هنايا فداه" ايه رايك؟؟ عبيط ولا نبيل؟؟...وليه؟؟
عبيط طبعا .............. ليه ؟ ...... عشان محدش يستاهل ........ تلاقي اللي هو ضحي عشانه نايم دلوقتي اساسا
10-" الغايه تبرر الوسيله" اذكر لنا موقفا فى حياتك كنت فيه ميكافيللى النزعه
ميكيافيللي دا حبيبي و علي فكره الغايه تبرر الوسيله مبدأ لازم الكل يحطه في دماغه
و بالنسبه للموقف هو مش موقف واحد هو مواقف كتييييييييير جدا بس مش هقول عشان لو قلت هافتكر حاجات تضايقني و انت اكيد ميرضكش ان بيكو يضايق يدوك
11-لو ركبت اله الزمن اى زمن تختاره لتعيش فيه او تزوره؟؟
نفسي اروح زمنين
1- العصر العباسي و عهد الجواري و دا فعلا اللي نفسي اشوفه و اشوف المرأه اللي شايفه نفسها كانت عامله ايه ساعتها
2- و كمان هارجع لشهر 12 سنة 2003 هاعمل حاجه صغيره و ارجع
12-"جرب نار الغيره" جربتها؟؟ ولاى مدى وصلت بك ؟؟
نار الغيره مش بتأثر معايا كتير لأني بعرف اتحكم فغيرتي كويس لدرجه معينه و غالبا كان اللي بيستخدمها بيبقي قاصد
فمكنتش بتأثر لاني عارف انه قاصد انما المره الوحيده اللي كانت من غير قصد هي اللي اثرت فيا جدااااااااااااااااااااااااا
و وصلتني اني يومها عملت حاجات كتير جدا غبيه و ممكن الغيره توصلني للدرجه دي خصوصا لو اللي قدامك يهمك بجد
13-هل الصبر من شيمتك ام انك سريع فى رد فعلك؟؟ومتى يكون للصبر حدود؟؟
هو انا نوعا ما صبور يعني ممكن اصبر شويه و في نفس الوقت متعود علي اني اخد قراراتي بسرعه لاني طول عمري متعود عالحكايه دي
يكون للصبر حدود لما يكون الموقف ليه حدود مينفعش بقي فيه صبر و لا اي حاجه لما بتقفل خلاص
14-احببت من لاتستحق لكنك تحبها فعلا ولا تقدر على اطفاء هذه الجذوه,, فماذا تفعل؟؟
هو انا ممكن احب لو لقيت مصباح علاء الدين و انا اكيد مش هلاقيه
انما لو حبيت واحده متستحقش , و كمان مش عارف ادوس علي قلبي يعني سابعتاشر المستحيلات
بص يادوك انا كتبت اربع اجابات و مسحتهم هو من الاخر مستحييييييييييييييييييييييييل دا يحصل
بس لو حصل هاسيب نفسي للقدر و ابقي لعبه في ايد الظروف لان في اعتقادي اي حد ميعرفش يموت شعور جواه او يستغني عن الحاجه اللي مالكاه يبقي يسيب نفسه لعبه في ايد الزمن احسن
15-ما هى نقاط ضعفك؟؟ وهل تحاول تغييرها ام تعدها من شخصيتك؟؟
نقاط ضعفي هي ......... و .... اكيد مش هاقولها
بس ممكن اقول ان اكتر نقطة ضعف ليا هي الحاجه اللي الناس فاكراها مركز قوتي
بس انا مش بحاول اغيرها ممكن بحاول اقللها بس نقاط ضعفي انا شايفه منطقيه و مش اوفر فالحمد لله بحاول اتاقلم معاها و مع
انها جزء من شخصيتي
16-احيانا نحتاج الاقنعه,,فهل احتجتها يوما؟؟ وكيف كان ذلك؟؟ احكى وفضفض واعترف,, انت على كرسى الاعتراف
هههههههه يادي كرسي الاعتراف دا اللي هيوديني ورا الشمس
الاقنعه دي انا استخدمتها لحد مازهقت منها
لأني اساسا شخصيتي تركيبة معادلات كتير متناقضه فالاقنعه دي كانت ضروريه لي في بعض الاوقات
و اكتر قناع انا شاطر التمثيل ( يعني دا ارقي مصطلح للكلمه الحقيقيه )
يعني نوعا ما القناع دا بيليق عليا
اي خدمه يادوك اجابات صريحه و محدش هيعبرني بعد كدا
17-هل تؤمن بان الحب لا سن له؟؟ وماذا يحدث لو التقى الربيع والخريف؟؟
الحب مالوش سن و مالوش وقت هو شعور انا مفتقده جدا في حياتي و متأكد اني مش هلاقيه بمفهومه الرومانسي و انا باحترم الشعور دا
و باحترمه لو جه في اي وقت او اي سن و هو مالوش سن و حكاية تقابل الربيع و الخريف
هو مينفعش اقسمها كدا خصوصا في عصر زي عصرنا دا عصرنا دا اتلغت فيه مفاهيم كتير منها مفهوم تلاقي الربيع و الخريف
الحب مستقر داخل كل انسان سواء كان عنده سنه او مليون و جميل انه يلاقي الشعور دا مع انسان بيحبه اي كانت الاعمار او الاراء
او الديانات او المعتقدات او الافكار مجرد ان الواحد يلاقي الشعور دا خلاص
دي حاجه مش بأيد الانسان يعني
حظك جابك على جزيره مهجوره,,الجزيره دى على محيط ما لوش اول ولا اخر,, وفيها اكل وشرب,,لقيت قارب صغير بمجداف,,تطلع فى القارب ده على المحيط الواسع ولا تستنى يمكن سفينه او طياره تعدى على الجزيره المهجوره دى؟؟
هو اي نعم انا زهقان من الناس و مش عايز اعيش معاهم في عالمهم بس برضو هاخد القارب و اجدف و انا بعرف اعوم الحمد لله و ربنا يسهل بقي ساعتها
19-انقد لنا باسم عمار نقدا ذاتيا بصراحه؟؟
صعب قوي علي فكره حد ينقد نفسه بس انا هاقول حاجتين اثروا فيا قوي اتقالولي
ظمآن والكأس فى يديه
حائر بين ما يود ان يكونه وما هو عليه
طبعا انت عارف صاحب المقوله دي
و الجمله التانيه اتقالتلي بنفس اللفظ كدا ( اقتل الشيطان اللي جواك قبل مايقتلك )
20-ماذا تعنى لك الكلمات الاتيه :
الحب : كان فيه و خلص
الصداقه : اقوي علاقه في وجهة نظري
الغروب : يوم بيموت باحلامه اماله و همه و حزنه و فرحه بس مش راجع تاني
الندم : مش موجوده في قاموسي
الحياه : خدعه
المستقبل : سبب تقبلنا للحاضر
المرأه : سبب اننا مش عايشين في الجنه دلوقتي
الاسره : ناس كتير مفتقده مفهومها الحقيقي
ا لتضحيه : في العيد الكبير بالخروف غير كدا مفيش
الجمال : انا عاشق له
21-تركت ابن مصر فجأه وعدت له فجأه ايضا,,لماذا تركته ولماذا عدت اليه؟؟
انا سبت ابن مصر لما ادمنت الانترنت و كنت بقضي عليه اكتر من 10 ساعات يوميا و انا محبش حاجه تتحكم فيا
و رجعت لابن مصر لما لقيته محتاجلي لانه كان سبب في تشكيل اراء كتير ليا من ناس كانت موجوده هنا و لما عرفت ان ادمان
الانترنت احسن من حاجات كتير تانيه
22- اكمل الاتى من وجهه نظرك انت :
22- اكمل الاتى من وجهه نظرك انت :
ليس كل ما يلمع ذهبا ....و ليس كل مالا يلمع عديم القيمه
ادينى حظ........ هي مكمله نفسها انا مش هكمل هاته انت بس
جزا الله الشدائد كل خير....... فأن الشدائد منبع الرجال
لو لم اكن مصريا........طالما اني مسلم يبقي خليني تبع اي حته بس لوددت ان اكون فلسطينيا
فى السفر...........بتعرف العدو من الصديق
دا نورك يادوك
عروستي 
النمط الخطي
