شباب ــــ> كارت أحمر

[حدوتة]

بصوا بقى
اعتقد ان كان فيه عجز فى البنات الفترة الى فاتت
وبرضه اعتقد ان الايام دى بقى فيه فائض
ماشاء الله البنات الحلوين منورين المنتدى
يعنى الولاد الى بيكتبوا فى الطبخ واللبس والحاجات الى تهمنا تسلم.. وشاكريين أفضالكم
سيبوا لنا بقى تخصصنا وشوفوا شغلكم
ممكن ولا

[بكــار]

كلوا عضم وارمونا لحم
قصدى كلونا لحم وارمونا عضم يعنى بعد ما ربنا كرمنا وخلينا لكم سمعه فى عالم الازياء والمطبخ جايين لنا بكارت
وكمان كارت احمر
طيب ادونا اصفر وبعد كده الاحمر وايقاف تلت يام وبعد كده نرجع تانى
مش احمر على طول
كم انت غريب عالم حواء

[حدوتة]

بلاش مسكنة
يعنى عالم آدم الى طيب اوى يعنى
ماهو الكرت الاحمر احسن من السواطير والاكياس
لو مش عاوزين طرد خلاص مفيش حل غير القتل ومحدش هيعرف مكانكم
عندنا حل لكل حاجة
حوا بقى وماأدراك ماحوا

[maysam]

ههههههههههههههه
حلوة يا منى
ووريهم العين الحمراء بالمرة كمان

بس حتروح في كيس ابراهيم يعني ، لأنه هو زبون دائم عندنا ، اتوصي فيه شوية ، يمكن ينفعنا في يوم عوزة

[hossam606]

المشاركة الأصلية بواسطة أميرة الشقاء

بصوا بقى
اعتقد ان كان فيه عجز فى البنات الفترة الى فاتت
وبرضه اعتقد ان الايام دى بقى فيه فائض
ماشاء الله البنات الحلوين منورين المنتدى
يعنى الولاد الى بيكتبوا فى الطبخ واللبس والحاجات الى تهمنا تسلم.. وشاكريين أفضالكم
سيبوا لنا بقى تخصصنا وشوفوا شغلكم
ممكن ولا

أيه يا أميرة هو الكلام ده اكيد موجه لواحد أنا عرفه


صح

حتى أول حرف من اسمه

صح

إبراهـــــيم


خلاص يا ملك البنات اتفقوا عليك

نصيحة

غظهم بقى وما تبطلش كتابة

[sehr_3inik]

لا ياحسااااااااااااااام انت فهمت غلط

مني وميسم وعالم حواء يقصدو الرجاااااااااااااله كلهم وابراهيم والكل

بس بصراحه انا مش معاكو يا مني وياميسم

خليهم معانا والاجر عند الله

ههههههههههههههههه

شكرا ليكي حبيبتي

من اختك في الله شوشو

[حدوتة]

المشاركة الأصلية بواسطة maysam

ههههههههههههههه
حلوة يا منى
ووريهم العين الحمراء بالمرة كمان

بس حتروح في كيس ابراهيم يعني ، لأنه هو زبون دائم عندنا ، اتوصي فيه شوية ، يمكن ينفعنا في يوم عوزة

ابراهيم طبعا هتوصى بيه ده اكبر زبون فى المول
وطبعا مش هنقطعه كله هنسيب ايد تكتب وعنين كفايه عليه
سعيده ياميسم للتشجيع وانك انضميتى لحزب الطرد

[حدوتة]

المشاركة الأصلية بواسطة hossam606

أيه يا أميرة هو الكلام ده اكيد موجه لواحد أنا عرفه


صح

حتى أول حرف من اسمه

صح

إبراهـــــيم


خلاص يا ملك البنات اتفقوا عليك

نصيحة

غظهم بقى وما تبطلش كتابة

لا ياحسام مش لابراهيم بس
لكن لكل الشباب الحلوين الى كانوا مضطريين يكتبوا مواضيع عن المراة والطبخ والموضة
وبرضه بنهزر

[حدوتة]

ده رأيك ياشوشو ..طيب
خليهم ياكلوا عيش وامرنا لله
بس يابنتى دول حاشريين نفسهم فى اللبس كمان
خلاص ياشباب
قررنا حزب حوا
التنحى عن قرارنا بالطرد
وتبدليه بالكرت الاصفر (انذار )

[BRAVE HEART]

يعني الحق علي الناس اللي كانت بتساعدكن ،، عموما دة طبعكم علي طول السنين