عزيزى ابن الكويت
فعلا الغربه صعبه
لكن الشطاره بقى اننا نهونها على نفسنا
انت الان فى وسط شعب عربى عاداته وتقاليده لا تختلف كثيرا عن عادات وتقاليد بلدك
والشعب نفسه شعب مضياف انا مش باقول كده عشان ان مصرى بس هى دى الحقيقه فعلا,,بياخدوا على الناس بسرعه ,,, وخدومين,,وبيحاولوا يعملوا صداقات مع كل الوافدين اليهم واللى حيقعدوا معاهم فتره زى حالتك كده
كل الشعور اللى انت قلته انا مجربه واكتر كمان
ليه ما تحاولش تعمل صداقات مع زملائك,,حتلاقى منهم شباب زى الورد,, وتضحكوا سوا بدل ما تضحك لوحدك,, وتحزنوا سوا لما حاجه تضايقك
الاشتياق للاهل والاصدقاء والاقارب والبلد لا نختلف عليه ابدا ......لكن ياعزيزى انت فى عصر التكنولوجيا وممكن تكلم كل حبايبك ساعه و2 على النت وتشوفوا بعض كمان وكبسه زر واحده تجيب لك كل الكويت على الديش,,,امال اللى اتغربوا من 30 سنه مثلا وكان اقصى حاجه يطمنوا بيها تليفون ولما يجى عليهم الدور كمان,,,, دول ابطال بقى
نفسى لما تكتب المره القادمه تقول لنا كام واحد صاحبته وبطل بخل بقى وهات ديش
كل شىء بيهون ياعزيزى,,وان شاء الله لما ترجع لاهلك وحبايبك وبلدك بالسلامه حيكون معاك ذكريات جميله اوى حتفتكرها وتحب تيجى تانى عشانها
تحياتى
يانبي الله عذرا 
النمط الخطي
