جزاكم الله خيرا جميعا بلا استثناء
بخصوص الحاله اللى بيرجع فيها الشخص متأخر من شغله المرهق
هى كانت حالة واحد صاحبى
كان لما ييجى ينام ، ينام فى وضع غير مريح علشان ما يغرقش فى النوم
وبالتالى يقدر يصحى بأقل مجهود
أما أنا كانت معايا مشكله خطيره جدا
انا نومى تقيل جدا ، بس مش دى المشكله لأنى معايا منبه مزعج جدا جدا وصوته يصحى العماره كلها ، غالبا باصحى بعد ربع ساعه زن وخبط ورزع
انما المشكله ان اخويا الأصغر منى نومه خفيف جدا وكان بيصحى مفزوع أول ماالمنبه يرن ، يطفيه وينام تانى ، وطبعا انا ولا حاسس بحاجه
اخر ما غلبت معاه بقيت أخبى المنبه تحت السرير أو وفى أى مكان مايعرفهوش
ولما يصحى من النوم مفزوع يدور على المنبه علشان يطفيه مايلاقهوش
يضطر المسكين يصحينى علشان اطفيه
وعلى ماكون انا صحيت وفقت وطفيت المنبه يكون هو كمان صحى وفاق
طبعا فيه حالات كان البيت كله بيصحى علشان يصحينى علشان اطفى المنبه
وبكده اكون كسبت ثواب فيهم كلهم
معايا واحد صاحبى كان ينام على الأرض من غير مرتبه ولا أى حاجه
علشان نومه يكون خفيف ويقدر يصحى الفجر
فى انتظار وسائل عمليه أخرى
النمط الخطي
