O فزوره جامده مش هاتعرفوا تحلوها O

السندباد المصري · 07-09-2005, 03:04 AM

السلام عليكم ورحمة الله وبركاته

دى فزوره كده على الماشى

حاولو تحلوها

معاكم اسبوع مهله وبعدين اقولكم الحل

-------------------------------------------

مره واحد ماشى فى طريق ولقى الطريق بينقسم الى طريقين

طريق يمين وطريق شمال وهناك لوحه بتقول ان واحد من الطريقين دول اخره النجاه والتانى اخره الهلاك لكنها لم تحدد ايهما اخره النجاه او العكس

وكان على ناصية الشارعين دول بيت ساكن فيه اتنين اخوات
انت تعرف ان واحد فيهم بيكدب على طول عمره ما يقول الصدق أبدا .. والتانى صادق على طول عمره ما يقول الكدب أبداً لكن فى نفس الوقت ماتعرفش ايهم الصادق وأيهم الكاذب

والأتنين يعرفوا طريق النجاه فين وطريق الهلاك فين

طبعا انت هاتقول اخبط على الباب واسأل اللى هايفتح انت الصادق ولا الكاذب لو طلع الصادق اسأله فين طريق النجاه وامشى فيه ولو طلع الكاذب اسأله فين طريق النجاه وامشى عكس الأجابه

بس المشكله انك لو انت خبطت على الباب هايفتح واحد فقط منهم وانت مش عارف هو مين فيهم .. الصادق ولا الكاذب ؟

وهايقولك معاك سؤال واحد بس تسأله واجاوبك عليه وبعد كده يقفل الباب فى وشك

ايه السؤال الواحد اللى ممكن تسأله علشان تعرف طريق النجاه من طريق الهلاك ؟؟؟

------------------------------------

شوفوا ............

لو حبيتوا تاخدوا الفزوره دى وتحطوها فى منتديات تانى وتخلوا الناس كلها تفكر معاكم
برضه هايفضل احتمال ان حد يعرف الأجابه احتمال ضعيف جدا

فكروا .. وحزروا .. وفزروا ...

بس ماتدعوش عليا لو احترتوا

عموما لو الفزوره نفسها غامضه شويه ممكن تستفسروا عن أى جزئيه مش فاهمينها
بس على الله ييجى بفايده

ران · 07-09-2005, 05:08 AM

أنا عارفة الحل لأنه ذكر قبل ذلك امامى
أن شاء اله يتوصلوا لحل

بكــار · 07-09-2005, 11:49 AM

اقوووووووووووووووووووول
انا عارف
ههههههههههههههههههههههههه

دموع الندى · 07-09-2005, 10:07 PM

انا بقى مش عارفه الحل وعايزه اعرفها

أريج · 08-09-2005, 01:15 AM

انا برضوا عرفت الحل هناك

السندباد المصري · 08-09-2005, 02:11 AM

الزعاتره أو الزعتراويه كلهم يركنوا على جنب

هاديكم كارت أحمر واطردكم بره الملعب

سيبونى على الناس اللى هنا
خلونى أعقدهم فى عيشتهم شويه

إقتباس:

مينفعش تخبط مرتين ؟

وسؤال واحد لاخ واحد ؟ ولا عادي سؤال لكل اخ ؟

الأخ حوده

لا طبعا ... هاتخبط مره واحده بس
وسؤال واحد لأخ واحد (اللى هو هايرد عليك )

أى خدمه تانى ؟؟؟؟
احنا تحت الأمر يافندم

7oOoDa · 08-09-2005, 02:13 AM

هسال الاخ اللي فتح الباب " لو سالت اخوك هل طريق النجاة هوا اليمين فهيجاوب اه ولا لا؟"

لو كان طريق النجاة هوا اليمين فعلا..والاخ صادق...فهيقول لا (لان اخوه كداب)..ولو كان طريق النجاة هوا الشمال هيقول اه

اما لو كان كاذب وطريق النجاة هوا اليمين فعلا ففهيقول...لا..ولو كان طريق الهلاك هوا الشمال هيقول اه..

بعد مقارنة الحالتين(الاخ اللي فتح كداب او صادق).هنلاقي ان لو الاجابة كانت لا..فمعناها ان طريق النجاة هوا اليمين..ولو كانت اه هطريق الهلاك هوا الشمال..

توصلت "للسؤال" المتفرض طرحه بمجرد التفكير اما تحليل الاجابة سواء كانت صح او لا..فتوصلتلها بعد كتابتها في الرد..لانها اكتر تعقيد من ان الواحد يفكر فيها بنفس اللحظة

واي خدمة

السندباد المصري · 08-09-2005, 02:37 AM

برضه مقلتش هو هايعمل أيه فى الحالتين ؟؟؟

7oOoDa · 08-09-2005, 02:42 AM

لو كان انسان طبيعي وعاقل وعايز مصلحته هيروح طريق النجاة :}
مرة تانية

إقتباس:

هنلاقي ان لو الاجابة كانت لا..فمعناها ان طريق النجاة هوا اليمين..

لو الاجابة كانت بالنفي , يروح الطريق اليمين (طريق النجاة).. اما لو كانت بالايجاب.. يروح الطريق اللي عالشمال (طريق النجاة في الحالة دي..

السندباد المصري · 08-09-2005, 02:52 AM

يؤشفنى اخى الكريم حوده
انى أبلغك
ان الحل خطأ :(

على فكره انت قربت قوى

فكر تانى حاجه بسيطه
وهاتوصل للحل الصحيح

7oOoDa · 08-09-2005, 03:19 AM

راجعت الحل اكتر من مرة , ركز انت بس واشرب عصير ليمون وقارن الاجابتين وهتلاقيها انها صح فعلا..

هصيغها بطريقة منظمة اكتر..

السؤال المطروح "لو سالت اخوك هل طريق النجاة هو اليمين..هيقول اه ولا لا" ؟؟
الاحتمالات:
1)اللي عالباب : صادق ... اللي جوا: كداب
- طريق النجاة الصحيح هو الطريق اليمين:
الاجابة: لا
- طريق النجاة الصحيح هو الطريق الشمال:
الاجابة: اه

2)اللي عالباب : كداب ... اللي جوا: صادق
-طريق النجاة الصحيح : اليمين
الاجابة: لا

- طريق النجاة الصحيح: الشمال
الاجابة: اه

====

هتلاقي ان الاجابة هتكون بالنفي في حالة واحدة فقط !! لما يكون طريق النجاة هو اليمين ..
والعكس صحيح

دي كل الاحتمالات الممكنة *المنطقية* للحالة اللي عندنا..

السندباد المصري · 09-09-2005, 05:13 AM

هو فيه أيه ؟؟؟؟؟؟؟؟؟؟؟؟؟

الفزوره دى عرضتها على ناس كتير جدا
لأول مره حد يحلها ببساطه كده
يا استاذ حوده

فعلا

كلامك صحيح

الأجابه صحيحه

أهنيك على ذكائك

sehr_3inik · 09-09-2005, 05:42 AM

مبروك مبروك مبروك

لولولولوليييييييييييييييييييييييي

مبروك احوده

وبقول للسندباد اني زعلانه منك جدا بس هاعذرك لانك ممكن تكون مش فاكرني

انا ياسندباد شوشو من منجم يارب تكون افتكرتني

واتمنى انك تكون بخير دايما ياااااااااااااااااااااااااااااااارب

من اختك في الله شوشو1

السندباد المصري · 09-09-2005, 05:45 AM

إقتباس:

انا ياسندباد شوشو من منجم يارب تكون افتكرتني

واتمنى انك تكون بخير دايما ياااااااااااااااااااااااااااااااارب

فاكرك كويس جدا يا اخت شوشو

ومن أول مارجعت المنتدى عرفت حضرتك لما لقيتك بتكتبى (من أختك فى الله شوشو)

بس كويس ان حضرتك فاكرانى

sehr_3inik · 11-09-2005, 04:14 AM

سندبااااااااااااد

السلام عليكم ورحمه الله وبركاته

ازيك ياباشا عامل ايه يارب تكون بخير

ايه اللي كويس انك فاكراني دي هو في حد يقدر ينسي اهله في منجم كانت ايام جميله اوي

وايه بقى ياسيدي حكايه حضرتك دي لالالالالالالالالالالالالالالا

انت تقولي بت على طول ههههههههههههههههه

لا والله لو قلت حضرتك دي هازعل اوي حسستني ان عندي 100 سنه هههههههههههه

ربنا يباركلك ويحفظك

اه شوفت الكلمه دي هي اللي مميزه بيها (من اختك في الله شوشو)

بس اتعودت عليها وحاساها وفعلا اختكو في الله وبتفكرني بمنجم

شكرا ليك ياباشا

ومنور

من اختك في الله شوشو

خيارات الموضوع
عرض نسخة للطّباعة ارسل هذه الصفحة لصديق
طريقة العرض	قيّم هذا الموضوع
النمط الخطي التحويل إلى النمط الشجري التحويل إلى النمط المتطوّر	قيّم هذا الموضوع: