|
ZEDNY: Let's Have Fun
كل سنة و انتوا طيبين يا سادة يا كرام..
بعد تعب و جهد و عرق.. نجاح و قلق.. حزن و فرح.. بعد يا ترى و يا هل ترى.. بعد اللهم اني اسألك الإخلاص.. بعد محاضرة ورا محاضرة.. و ندوة بعد ندوة.. دي بحجز.. لأ دي مفتوحة للكل.. ترتيب و إعداد و تقييم.. بعد كووووول ده.. جاء وقت الاحتفال.
جمعية زدني للتنمية البشرية بتختتم أنشطتها.. و زي كل سنة، فريق زدني هايحتفل معاكوا بحفلة رااااائعة لختام النشاط. كله بيحتفل و كله يستحق الاحتفال و التكريم و كله جزاه الله كل خير.. اللي شارك و لو بالقليل..حتى اللي مرر ايميل وجه فيه دعوة لحضور محاضرة من محاضرات زدني.. محتاجينكوا النهاردة تحتفلوا معانا.. معاكوا و بيكوا كانت زدني.. و معاكوا و بيكوا هاتكون الحفلة باذن الله.
ندخل في التفاصيل؟..
نوووودخل في التفاصيل
الحفلة باذن الله هاتكون يوم الخميس 15 سبتمبر في قاعة مؤتمرات الأزهر في شارع الطيران بمدينة نصر، بعد مستشفى التأمين الصحي. الحفلة منقسمة إلى قسمين: الأول من الساعة 5:30 للساعة 7:30 أو تقدروا تقولوا لحد صلاة المغرب و الجزء ده من الحفلة هايكون برة القاعة و فيه هاتتسلم الشهادات و فقرات تانية مفاجئات x مفاجئات
نصلي المغرب باذن الله و ندخل القاعة و نرجع نكمل الجزء التاني من الحفلة اللي هايبدأ من 8 و يستمر لحد الساعة 10:30 مساء و الفقرات دي بأه ما ينفعش نتكلم عنها هنا عشان هي عبارة عن مفاجأة كبيرة اوي هانعرفها في حينها.
طبعا هاتسألوا طيب نحضر ازاي؟؟
لو زدناوي (يعني عضو في زدني و معاك الكارنيه) الحجز مفتوح لك و ليكي من يوم السبت 3 سبتمبر و لحد يوم الجمعة 8 سبتمبر من الساعة 2 ظهرا لحد الساعة 9 مساء، طبعا مش هاقول فين، في جمعية رابعة العدوية بمدينة نصر، مركز الكمبيوتر الدور الثالث. التذكرة ب 15 جنيه بس
اما لو مش زدناوي.. أو زدناوي و عايز تحجز تذكرة لحد معاك فأهلا بيكوا و سهلا من يوم السبت 10 سبتمبر و لحد يوم الأربعاء 14 سبتمبر و بنفس سعر التذكرة و في نفس المكان و نفس مواعيد الحجز... يعني الحجز في الحفلة مفتوح لكوووووووول الناس.. كل اللي عايز يحتفل مع زدني بنجاح زدني
بس باقول ايه.. الحق مكانك من النهاردة قبل التذاكر ما تخلص و ما تنساش.. الحفلة دي كل سنة.. و مش اي حفلة.. دي حفلة فريق زدني.. يعني ماينفعش تفوتك.
فَأَمَّا الزَّبَدُ فَيَذْهَبُ جُفَاء وَأَمَّا مَا يَنفَعُ النَّاسَ فَيَمْكُثُ فِي الأَرْضِ
__________________
نحن قوم أعزنا الله بالإسلام، فإن ابتغينا العزة في غيره أذلنا الله
|
يانبي الله عذرا 
النمط الخطي
