إقتباس:
|
المشاركة الأصلية بواسطة B_AMMAR
هل هناك تقارب فكري بين الاعضاء ؟
ما رايك بالمستوي الثقافي للمنتدي ؟
ما الشيء المفقود في ابن مصر من وجهه نظرك ؟
هل هناك تقصير في دور الاداره في ابن مصر ؟
هل تري احزاب في ابن مصر ؟
مجرد اسئله 
|
انا كمان هجاوب مش انا عضو ههههههههه
اولا التقارب الفكري بين الاعضاء غريـــــــــــــــــــب جدا ياما فوق ياما تحت
و فيه التقاء في نقطه الوسط
ما رايك بالمستوي الثقافي للمنتدي ؟
بصراحه فيه حاجات كتير جدا جدا جدا جدا ناقصه يعني مثلا مفيش منتدي ثقافي خالص 100 % بمعني ان المناخ الثقافي موجود بس تايه مابين الاجتماع و السياسيه و عذب الكلمات
عشان كدا انا اطالب بمنتدي ثقافي في المنتدي بجد الروح الثقافيه موجوده بس مش عارفين نقدمها سلسه و سهله
ياريت الاداره تقرا الموضوع بس و تشوف ايه الصح ؟
ما الشيء المفقود في ابن مصر من وجهه نظرك ؟
روح المنتدي الخالصه او فكر المنتدي نفسه مش لاقيه انا اكيد المواضيع اللي بتعجبني بعرضها في المنتدي انما مش كل المواضيع يعني مينفعش يبقي كل كتاباتي في المنتدي منقوله ماليش فكر خاص ماليش كتابات حتي لو كانت في الاول كتابات ضعيفه بس اكيد هترتقي يعني كل اللي عايز اقوله فين فكر المنتدي الخاص بيه
و ممكن نعمل جايزه احسن موضوع في كل قسم موضوع مش بس في الشعر و الادب نعمل احسن مواضيع سياسي او اجتماعي بس يكون مكتوب لابن مصر بس و انا بصراحه شايف ان الاعضاء الموجودين قلمهم كويس و فعال سواء الجديد او القديم بس مش لاقي فكر خاص للمنتدي
هل هناك تقصير في دور الاداره في ابن مصر ؟
هو مبدائيا ربنا يكون في عونهم بس اكيد فيه تقصير من دور الاداره او مشرفي الاقسام و لانا مش عارف انتوا مقسمينها ازاي دلوقتي بس التقصير موجود لان برضو الاداره اعضاء بل هم اعضاء مميزين و لازم يكون فيه فكر و تطوير و ابتكار
بصراحه انا لما مثلا ادخل 10 منتديات و بعدها ادخل ابن مصر بحس ان العشره اتجمعوا في ابن مصر و دا كويس لان المواضيع المتميزه بنلاقيها هنا بس فين الروح الصافيه الخالصه للمنتدي فين روح المنتدي و فين قلم المنتدي مش عارف
هل تري احزاب في ابن مصر ؟
هههههههههههههه السؤال دا انا مش فاكر كنت حاطه ليه بس انا حسيت بكدا و الله اعلم الاعضاء اللي بيكتبوا كتير بس ان كلهم يتجمعوا في موضوع واحد مش عارف
و ارجو الااكون تعديت حدودي او الحماسه تكون خدتني بس كل دا بجد عشان ابن مصر
و بانتظار مشاركات الاعضاء
يانبي الله عذرا 
النمط الخطي
