السلام عليكم
في الحقيقه من فترة وانا كنت عاوز اكتب الموضوع دا بس الظروف كانت بتحول اني اكتبه
الموضوع باختصار
هل يمكن وجود رجل تاني يستطيع ان يقوم بنفس أعمال الرجل الأول بدون حدوث أي خلل أو تقصير وهل فعلا الثقافة دي في مجتمعنا العربي ليست موجودة
نوضح أكتر
لو تلاحظوا الانتخابات الي كانت عندنا في مصر لو شفنا التفاوت بين المرشحين والرئيس محمد حسني مبارك هنجد الظاهرة دي موجودة
هل فعلا مصر مفهاش كفاءات انها تكون بمثابة الرجل الثاني في الانتخابات الرئاسية ؟
ولا احنا متعودناش انه يكون دائما فيه رجل ثاني وثالث يقوموا بنفس أعمال الرجل الأول
لو الرئيس مرشحش نفسه تخيلوا انه هنكون مضطرين نختار واحد من المرشحين الي اتقدموا للرئاسة !!!
معقولة مصر كدوله لها ثقلها السياسي والتاريخي مش قادرة تخرج لنا من يستطيع قيادة هذه الأمة ؟
لو جينا لسوق العمل في أي شركة نلاقي ان المدير او المسئول الأول بالشركة هو المسطير والمتحكم في كل شيئ وصعب جدا يكون موجود شخص تاني يستطيع ان يقوم بنفس الأمور في حاله غيابة
انا شخصيا كنت بعاني من بعض الحاجات دي لان الرجل الأول ( الأكبر سنا دائما ) بيحاول يكون هو المسيطر الأول والأخير ويمسك كل خيوط العملية بيده
السؤال الاخير
هل احنا في الوطن العربي عندنا ثقافة العمل الجماعي بحيث ان الفرد ينسي انه فرد ويعمل علي انه جزء من منظومة متكاملة ينسب اليها النجاح ولا يوجد من يحب أن يكون هو الظاهر أو المسطير
هل لو الأب عود ابنه انه يكون الرجل الثاني في غيابة هيخرج جيل بيؤمن بحتمية وجود الرجل الثاني ؟
والابن دا لما يكبر ويكون في مؤسسة هيعد من يكون بمثابة الرجل الثاني له ؟
ولو مسك رئاسة الجمهورية هيسمح بظهور رجل ثاني يستطيع ان يتحمل الأمور في غيابة ؟
مين المسئول عن غياب العملية دي ؟
البيت ولا أسلوب التعليم ولا ثقافة مجتمع عشنا واتربينا عليها
منتظر آرائكم
النمط الخطي
