من غير تعديل ولا تجميل

[شكولاته]

السلام عليكم ورحمة الله وبركاته

ممكن طلب
هو بسيط وصعب
ممكن تقرا كلامي باحساسك تتعامل بالعاطفه اكتر من العقل؟؟؟؟
طلبي هو موضوعي
في ناس كتير عايشه حياتها بعقلانية جدا كل حاجة بحساب وقانون ومواعيد حاجة معينة تحصل امتي وليه وعلشان اية ردي علي كلام حد يكون ازاي واللي قدامي يفهمه ازاي ورد الفعل هيكون اية واقول الحق ولا هيزعل فلازم اكدب واجامل كله تبع العقل((( وانا هنا عندي اعتراض)))

في ناس تانيه عايشه حياتها بقلبها ماشيه باحساسها وبعواطفها ودل بتلاقيهم حساسيين جدا وصادقين قوي بيخافوا يزعلوا حد ورد فعلهم تلقائي وكلامهم بيقول علي اللي جواهم علي طول من غير تعديل وتجميل ((( وهنا كتير من الناس بتعترض )))

وناس تالته عامله توازن بين الاتنين (((((وهنا انا بسأل ازاي تقدر تعمل توازن)))))
وانت من أي نوع من التلاته ورأيك اية في كلامي
بس انا لسه عند طلبي حتي لو كنت عقلاني او بتعمل توازن عاوزه ردك يكون من الطبقة التانية من قلبك واللي جواك علي طول من غير تعديل ولا تجميل
وتفضلوا بقبول فائق الاحترام

[=BASSEM=]

موضوع جميل ياشيكوو لي عوده له باذن الله

[شكولاته]

المشاركة الأصلية بواسطة b_ammar

موضوع جميل ياشيكوو لي عوده له باذن الله

باذن الله منتظرين
ومتنساش طلبي

[maysam]

اهلا يا شيماء

انا من النوع التالت ، من النوع اللي بيعمل توازن
اما مسألة كيف؟؟ صدقيني ما بعرف كيف ، يمكن هي طبيعة في الانسان ، من يومي انا هيك
في ناس مندفعة ممكن تتصرف تلقائي ، وناس بتحسب خطوتها ودا شيء بيكون مش بالارادة ، بتكون طبيعتك هيك وصعب تتحديها

بس في ناس مع التمرين وكتر المشاكل اللي بتوقع فيها والتجارب اللي تعلمت منها ،، بتبقى اكثر حذرا وتحاول تعمل توازنفانتي كيف ممكن توازني ،، انا بقول لك بالتمرين ، تخلي الموضوع ببالك لما تعملي اي شيء ، او تمشي اي خطوة
يتهيألي مع الوقت حتلاقيكي لا شعوريا بتستعملي الاتنين مع بعض

عموما يا شيماء ، في مواقف بالحياة بتتطلب انك تفكري فيها بعقلك بس
مواقف انك تفكري فيها بقلبك بس
ومواقف بتتطلب الاتنين
انا بقول هيك عشان بس لفت نظري انك علقتي على كل نوه وقلتي ، الاول معترضة عليه والتاني الناس بتعترض عليه

[شكولاته]

أهلا بيكي ياميسم
منوره ويسعدني دايما وجودك وكلامك
انك تكوني من النوع التالت تقدري توازني امورك ومتجبيش حاجة علي حساب التانيه ده جميل جدا في كتير ذيك بتكون طبيعه لديهم وزي ما بتقولي الايام بتعلم
اما عن تعليقاتي فاانا فعلا بعترض علي النوع الاول لان اوقات كتير الناس اللي كل حاجة بتتعامل فيها بعقلها حتي حبها بيكون عندها نوع من القسوه والجفاه وده انا شفته فعلا في ناس
والناس اللي بتعترض ع النوع التاني لانهم بيعتبروه ضعيف او معندوش عقل بس انا بحب النوع التاني اكتر والتالت كمان علشان خاطره وعلشان هو المفروض

[محمد خطاب]

السلام عليكم ورحمة الله وبركاته

موضوع جميل يا اخت شيماء بارك الله فيكى

اعتقد انى مش بفكر قبل ما اتكلم وبحب اطلع اللى جوايا علشان كده ناس كتير قوى بعدت عنى مش عارف ليه يعنى لما اقول لحد انا زعلان منك بسبب انك عملت كذا وكذا تلاقيه يسكت ومايردش عليا او يرد رد مقتضب وفى النهاية المسفات بينى وبينه بتبعد بالفعل بس والله مش بندم ابدا على اى انسان بيبعد عنى وده شئ بيخلنى دائما اعشر بالغربة
كانن فسى افيدك وقولك ازاى تقدرى تعملى توازن بس والله مش حقدر لائنى لما فكرت اعمل التوازن ده لاقيت نفسى بداءت اخد ادوية لتنظيم ضربات القلب والحمد لله رب العالمين (( طبعا ديه تجربة شخصية حاولت فيها اكون متوازن استعمل عقلى وقلبى سويا ))

اكيد فيه ناس كتير متميزة قوى بتوازن بين الحالتين واعتقد ان دول من انجح الناس بالفعل فى الحياة وانا اشهد لهم بالكفاءة

[حدوتة]

من غير تعديل ولاتجميل ياشيكو
انا بعترف انى من النوع التانى
كتير حاولت اكون من النوع الاول واتمنيت اكون من النوع التالت لكنى فشلت
ورغم ان النوع ده مريح لبعض الناس لكن متعب لنفسه وكتير بيتعب الناس
عيوب النوع ده
الحساسية المفرطة
التسرع دون التفكير فى العواقب
الصراحة التى قد تظهر صور الآخريين أمام انفسهم بصدق وهذا كتير بيحزنهم
ورغم هذا فانهم يتميزون بمراعاه شعور الاخريين فى مواقف اخرى
وهذا يظهرنى بالضعف ولكنى لااهتم بهذه النقطة
لانى اعلم مقصدى
دوما اقتنع بمايقولون عامل ربك فى كل شيىء ولا تتنظر العواقب

أشكرك حبيبتى على موضوعك الى بدون تجميل جميل

[نكش]

اهلا شيمو بصى يا ستى يمكن تكون اجابتى غريبه شويه ولكن انا يمكن اكون التلات انواع مع بعض
بمعنى انى يمكن اكون عاطفيه جدا مع شخص معين وبتعامل معاه بمشاعرى من الدرجه الاولى وبستغنى عن عقلى تماما فى التعامل معاه
واحيانا بكون عاقله جدا وبتعامل بعقلى جدا مع شخص تانى وبخلى نفسى من اى نوع من العاطفة وانا بتعامل معاه
واحيانا اخرى بتعامل مع الشخص اللى قدامى احيانا بالعقل لما يكون الموقف يتطلب العقل واحيانا بالمشاعر لما يكون الموقف يتطلب ذلك
وهكذا انا مش عارفه ده صح ولا لا ولكنى مرتاحة فى التعامل بهذة الطريقه
وعلى فكرة الموضوع جميل وفكرته جديدة

[=BASSEM=]

المشاركة الأصلية بواسطة شكولاته

ممكن تقرا كلامي باحساسك تتعامل بالعاطفه اكتر من العقل؟؟؟؟
في ناس كتير عايشه حياتها بعقلانية جدا كل حاجة بحساب وقانون ومواعيد حاجة معينة تحصل امتي وليه وعلشان اية ردي علي كلام حد يكون ازاي واللي قدامي يفهمه ازاي ورد الفعل هيكون اية واقول الحق ولا هيزعل فلازم اكدب واجامل كله تبع العقل((( وانا هنا عندي اعتراض)))

و انا كمان هنا عندي اعتراض ان مش شرط اللي يتعامل بعقلانيه يكون ساعات بيجامل لان متنسيش برضو ياشيكو ان ممكن اللي بيتعامل كدا يكون كان النوع الثاني الاول و بعدين اكتشف ان اكثر الانواع اللي بتتجرح هو النوع التاني و بعد كدا الواحد بيعمل توازن و ممكن يفشل فيه فاقل الانواع اضرارا و خسائرا هو النوع الاول اللي لازم الواحد ياخد الحياه دي زي لعبه الشطرنج كل حاجه بحساب و التصرف هيوصل لايه لان دا قمه الاحساس بالمسئوليه و دا ميمنعش ان الواحد عنده مشاعر بل بالعكس اللي بيختار النوع دا بيخاف علي مشاعره و مشاعر الناس اكتر من اي حاجه يعني مثلا لو انا مضايق و حد استفزني ارد عليه رد قاسي ممكن اخسره فيها و النوع الثالث في الحاله دي مش بيعرف يعمي كنترول علي نفسه لان الاستفزاز بيضيع التحكم بالنفس عند ناس كتير فانا شايف ان الافضل هو النوع الاول استخدام العقلانيه

[شكولاته]

الاخ الكريم
محمد خطاب
ممكن نقول علي كلامك انك صريح والصراحة دايما برأيي انها من القلب والعقل الاتنين معا بس انت مش شايف كده لان في كتير مش بيتقبل الصراحة وبيبقي محتاج مجامله او نفاق وده اللي بيسبب بعد المسافات

الف سلامه عليك لو التوازن بيعمل كده بلاش منه خلينا زي ما احنا بس منخدش ادوية لتنظيم ضربات القلب
ربنا يحفظك ويحفظنا

[شكولاته]

المشاركة الأصلية بواسطة أميرة الشقاء

من غير تعديل ولاتجميل ياشيكو
انا بعترف انى من النوع التانى
كتير حاولت اكون من النوع الاول واتمنيت اكون من النوع التالت لكنى فشلت
ورغم ان النوع ده مريح لبعض الناس لكن متعب لنفسه وكتير بيتعب الناس
عيوب النوع ده
الحساسية المفرطة
التسرع دون التفكير فى العواقب
الصراحة التى قد تظهر صور الآخريين أمام انفسهم بصدق وهذا كتير بيحزنهم
ورغم هذا فانهم يتميزون بمراعاه شعور الاخريين فى مواقف اخرى
وهذا يظهرنى بالضعف ولكنى لااهتم بهذه النقطة
لانى اعلم مقصدى
دوما اقتنع بمايقولون عامل ربك فى كل شيىء ولا تتنظر العواقب

أشكرك حبيبتى على موضوعك الى بدون تجميل جميل

أمريتنا الجميله
طلعت من النوع اللي الناس بتعترض عليه
بس بيني وبينك متقوليش لحد يعني انا بوافق عليه ومش بعترض اصلي تقريبا منه والناس بتعترض
فعلا النوع ده بيخاف قوي علي مشاعر الاخريين لانه بيكون حساس فبيحس بيهم ويخاف علي زعلهم
جميل قوي
عامل ربك في كل شيء ولا تنتظر العواقب
دائما يسعدني وجودك
ربنا يكرمك

[شكولاته]

نكش
اهلا بيكي وحشاني
شوفي ياجميل انتي من اللي بتقوليه ده فاا انا شايفاكي من النوع التالت لانه شامل النوعين بتتعاملي بالعقل وقت العقل والقلب والاحساس عندما يحتاج الموقف هذا يعني عامله توازن مش واخده بالك منه
ربنا يحفظك يارب

[شكولاته]

باسم
عقلاني جدا لكن ياباسم ساعات بشوف ان الناس اللي بتتعامل بعقلها في كل حاجة وبتحسب بالمسطرة والقلم بينسوا احساسهم بيكون دور ثانوي وخطوات محدوده اقل من عسكري الشطرنج ومش دايما لما بيتنرفزو ممكن يتحكموا في نفسهم

مرحب باسم منور

[sehr_3inik]

شيماااااء

الموضوع جميل اوي اوي

وافضل الناس اللي بيقدرو يعملو توازن اكيد

بس انا مش من النوع ده ابدااااااااااااااااااا

وللاسف عمري ماعرفت افكر في كلام قبل اما اقوله علشان كده باقع كتير

وبجد موضوعك جميل اوي اوي زيك ياست الكل

شكرا ليكي

من اختك في الله شوشو

[شكولاته]

أهلا شوشو منوره
انتي عندك مشكله ياشوشو انك ولا عارفه تعملي توازن ولا عارفه تكون من النوع الاول ولا التاني نوع رابع جديد خالص طيب قوي قوي محتاج كنترول ويستفتي قلبه ويسيبه ويحكم عقله في رضا ربه ويسيبه واللي يغلب يستمر ويمكن توازني
منورة ياجميل
تسلمي