وحشتيني ياامي

[شكولاته]

امي ياامي
بتوحشيني وانتي قريبه مني
قولي لي أعمل ايه في بعدك عني
مليش غيرك ياغاليه يشيل همي
ولا حد يستاهل غيرك افديه بدمي
ملكتي روحي وعقلي وقلبي ياامي
مشتاقه لحضنك تعالي بوسيني وضمي
تعالي ياامي حسسيني بالامان
انتي ياحبيبتي اغلي انسان
لمسه ايدكي .. ابتسامتك .. نظرة عنيكي
ملينيين وفاء .. حب .. امان وحنان
ربي جعل تحت قدمك الجنان
محتاجة ياامي للامان
تهت من غيرك مع بني الانسان
وحوش بشر جددو فيا الاحزان
قلوب خاينه ملهاش امان
بيخدعوا باسم الهوا اللي كان
قلقانه عليكي والدقيقة في بعدك سنين وايام
ومش مطمني غير ان لي رب رحمن رحيم
بدعيه يحفظك من كل رجيم يتقبل منك وتكوني من التوابين الصادقيين
وترجعي لنا بالسلامة يااحلا وأغلي ام علي مر السنين

[سفير الحب]

ربنا يقرب البعيد ويرجع الغاليين ....


جميلة يا شكولاتة ...

استودعك الله

[محمدحسين]

لا ياشيكولاته انت كده توضعى فى خانه الابداع الكلام كله احاسيس
جميل قوى
وده يضاف الى انك محاوره جيده وخفيفه الدم
تحملى مؤهلات المذيعه الناجحه فكرى فى الامر

[شكولاته]

يارب
دعاك اجمل ياسفير
حفظك الله الذي اودعتني اياه

[شكولاته]

ربنا يكرمك يامحمد
الموضوع مفهوش ابداع ولا حاجة لكن انا بكتب احساسي وعلي فكره مبعرفش اكتب غير لما يكون في حاجة مسيطرة عليا
وغياب امي هو اللي طلع الكلام ده
مذيعه مره واحده !
مينفعش علي مرتين

[محمدحسين]

المشاركة الأصلية بواسطة شكولاته

ربنا يكرمك يامحمد
الموضوع مفهوش ابداع ولا حاجة لكن انا بكتب احساسي وعلي فكره مبعرفش اكتب غير لما يكون في حاجة مسيطرة عليا
وغياب امي هو اللي طلع الكلام ده
مذيعه مره واحده !
مينفعش علي مرتين

خلاص يبقى مذ
يعه ينفع كده ههههههههههههههههههههههه
لا والله الانسان بيبقى داخله اشياء ولكن لايشعر بها ولكن الثقه هى التى تجعلك تفعلى الكثير

[شكولاته]

ربنا يحفظك يامحمد
بس مقلتليش هبقي مذيعه فين ؟؟
الثقة موجوده الحمد لله

[محمدحسين]

لماذا لاتفكرى فعلافى التقديم لقناه محترمه فأنت لديك الوازع الدينى وقلبك يحب من حب الله الكثير وخفه ظلك فعلا ممكن تجعلك محاوره جيده
شوفى فى مذيعات محترمات جدا مثل منى الشاذلى فى دريم والمذيعه الثانيه لبنانيه ناسى اسمها التى زوجها توفى اظن اسمها ينتهى باسم خورى
ممكن برامج اطفال وانت لديك القدره على جذب الاخرين بخفه دمك ومداعبه الاطفال

[شكولاته]

انت بتتكلم جد
انا كنت فاكراك بتهزر
اولا انا مش هشتغل الا لو لضرورة وان جت الضرورة صعب ابقي فرجه وادخل في الشبهات والحسنات تتبدل سيئات الوعز الديني من مره يكون للمرأه فقط ميكنش علي شاشه رجال بيتفرجوا عليها وينظرو لها والله اعلم بتلك النظرات
لو ينفع ابقي مذيعه من غير ما حد يشفني ولا يسمع صوتي اوكي ممكن اوافق

ربنا يكرمك يامحمد

[=BASSEM=]

قصيده حلوه ياشيكو

ربنا يرجع الغائب

[محمدحسين]

المشاركة الأصلية بواسطة شكولاته

انت بتتكلم جد
انا كنت فاكراك بتهزر
اولا انا مش هشتغل الا لو لضرورة وان جت الضرورة صعب ابقي فرجه وادخل في الشبهات والحسنات تتبدل سيئات الوعز الديني من مره يكون للمرأه فقط ميكنش علي شاشه رجال بيتفرجوا عليها وينظرو لها والله اعلم بتلك النظرات
لو ينفع ابقي مذيعه من غير ما حد يشفني ولا يسمع صوتي اوكي ممكن اوافق

ربنا يكرمك يامحمد

على فكره تذكرت اسم المذيعه اللبنانيه هو جزيل خورى
وعلى فكره كريمان حمزه كانت مذيعه محجبه وكانت لها شعبيه كبيره وكانت غايه فى الايمان والتواضع والثقافه الدينيه يعنى ممكن تقدمى برنامج دينى مع الاطفال يتناول الامور البسيطه وتعليمهم العلاج بطريقه اسلاميه مبسطه وتكونى فزت بالثواب وزادت ثقافتك الاسلاميه وعلى فكره ليس لدينا برامج مع الاطفال من هذا النوع
رغم ماستقدمه من أستفاده عاليه بدل من برامج الالعاب التى تقدم للطفل بعضهااقل مايقال عليها انها ساذجه ولاتنمى قدرات الطفل
أنا ارى المراه المسلمه لابد أن تكون لها دور فى المجتمع طالما لاتخالف تعاليم دينها

[sehr_3inik]

اللــــــــــــه ياشيماء

جميله اوي اوي

ربنا يرجعلك ماما بالف سلامه يارب ويطمنك عليها ياحبيبتي

ويحفظهالك في غيابها

كلمها كله احساس جميل اوي

ربنا يحفظك ويحميكي ويرجعلنا ماما بالف سلامه

من اختك في الله شوشو

[شكولاته]

المشاركة الأصلية بواسطة محمدحسين

أنا ارى المراه المسلمه لابد أن تكون لها دور فى المجتمع طالما لاتخالف تعاليم دينها

أكيد طبعا المرأه المسلمه لازم يكون ليها دور دورها مهم جدا هي اللي بتبني المجتمع وانا ممكن اعمل ده بس مش علي شاشه تلفزيون حتي لو طلعت بالنقاب مش الحجاب لان ببساطه انا مش بيعجبوني المذيعات المحجبات مهما قدموا دي وجهه نظر بس ممكن افيد في حضانه اومسج داو مدرسه معهد اقدم للطفل والمرأه فقط من شهره ودخول في شبهات
الله المستعان

ربنا يكرمك محمد
اية رأيك والله ده ينفع موضوع للنقاش نسأل ونعرف رأي الناس في حكاية المذيعات المحجبات وازاي بيفيدو وياتري صح ولا غلط يمكن حد يعدل مفهومي


امي وحشتني قوي ادعوا لها انا هقولها تدعي لكم كلكوا
-____________________________

مرحب شوشو منوره
يارب ترجع لي بالسلامة يارب

[حدوتة]

كلمات وحشة وافتقاد
تحياتى لكى حبيبتى على قمة الاحساس
وان شاء الله عودة لأمك سالمة

[شكولاته]

المشاركة الأصلية بواسطة b_ammar

قصيده حلوه ياشيكو

ربنا يرجع الغائب

شكرا ياباسم
يارب امين