الحب ليس روايه في ختامها يتزوج الابطال

[=BASSEM=]

بسم رافع السموات بلا عمد


ازيكم عاملين ايه

هو انا كنت بفكر في الموضوع دا و ياريت تفيدوني يعني بس علي فكره انا بفكر بس يعني دي مش وجهه نظري ....

ايوه كدا خلينا حلويين

الموضوع هو بساطه موجود في كلمات عمنا نزار قباني

قصص الهوي قد جننتك
فكلها غيبوبه و خرافه و خيال
الحب ليس روايه ياحلوتي
في ختامها يتزوج الابطال

يعني هو عنتر و عبله و لا قيس و ليلي و لا شمشون و دليله و لا روميو و جوليت اتجوزوا

بس قصص حبهم متعارف عليها لحد دلوقتي

قصص الحب النبيله .......... بس عمركوا شفتم اتنين متجوزين حد جايب سيرتهم

يعني ام كلثوم قالت انت عمري

بس مقالتش انت جوزي

هل فعلا الحب لازم يكون اخره الجواز

و ليه الجواز دايما بيبقي نكد مش زي الحبيبه ( دا علي حسب معرفتي بالمتجوزين )

و مش ممكن يكون فيه حب اسمي من الجواز ؟

ياجماعه دا مجرد دردشه


لاتفهمونا غلط

[شكولاته]

بسم الله الرحمن الرحيم
الحافظ من كل رجيم خالق الذكر والانثي وكان بهم عطوف رحيم
رحمهم بأن أحل لهم الزواج وشرعه وقال تعالي (يا أيُّها النّاس إنَّا خلقناكم من ذكر وأُنثى وجعلناكم شعوباً وقبائل لتعارفوا إنَّ أكرمكم عند الله أتقاكم إنَّ الله عليمٌ خبيرٌ ) (الحجرات / 13) ةغيرها من الايات الكريمه واقول النبي صلوات ربي عليه. والزواج في الاسلام بيبني اسره ومجتمع والبناء ده محتاج اسس من اهمها هي الحب بين الطرفين وان مكنش في بينهم حب بيكون زي البيت المبني علي وش الارض من غير اساس اي زلزال او عاصفه بسيطه تهدمه وتطيره وتقلب كيانه
الكلام اللي انا كتباه بقصد بي ان مينفعش زواج من غير حب دي بدايه
ومينفعش حب من غير زواج ((( ودي النهايه )))
ازاي اتنين يحبوا بعض ومتكنش نيتهم او اساس حبهم هو الزواج والحلال ((( كده هندخل في الشبهات والحرام)))
عنتر وعبله وقيس وليلي كانوا ايام الجاهليه قبل الاسلام
ليه منبصش لزواج النبي الكريم ممكن كمان يكون قبل الاسلام عندما احبته السيده خديجة رضي الله عنه وتوج حبهم بالزواج وحبه للسيده عائشة رضي الله عنها ده الحب اللي يكون مثل لينا مش .......

هو ده رأيي مش عارفه وصل ولا لاء ملخصه
حب من غير نيه للزواج واتخاذ خطوات ايجابيه لذلك ملهوش اي لزمه في حياة اي انسان عاوز يرضي ربه
_____________________________

و ليه الجواز دايما بيبقي نكد مش زي الحبيبه ( دا علي حسب معرفتي بالمتجوزين )

الجواز النكد اكيد مش مبني صح كانوا اتنين عايشيين وهم وراسمين حياه بنبي في بنبي مش مخططين صح لحياتهم ومحطوش توقعات لاي مشاكل تواجهم علشان كده مع المسئوليه والحياه الجديدة مش بيقدرو يعيشوا في سعاده
وتقي الله اهم


مفيش حب اسمي من الجواز
الجواز تاج الحب وسلطانه

_________________

لكن حب من غير جواز يكون نوع تاني
حب لله ثم لرسوله الكريم

يعني حب غير مضمون كلامك

_______________

موضوع هايل ياباسم
الله المستعان

[maysam]

هلا يا باسم

موضوع

شوف يا سيدي برأيي ، اي اتنين بيحبوا بعض ، الطبيعي انهم عايزين يرتبطوا ببعض
ليه ،، لأن الانسان ما يقدرش يفصل الحب عن الغريزة ، والغرائز نظمها الشرع من خلال الزواج
وما في شي اسمه (الحب الافلاطوني) لأنه برأيي مجرد نظرية لا اكثر ولا اقل

عنتر وعبله وكل اللي ذكرتهم ، كان اكيد نفسهم يتجوزوا ، وكانوا يسعوا لتحقيق هذا الشيء لولا ان الظروف منعتهم

يعني هم ما حبوا بعض وكانوا مش بيفكروا بالزواج ، لا حاولوا لكن فشلوا بالمحاولة
ما نقدرش اذا نقول انهم كانوا يحبوا لأجل الحب فقط

اما موضوع ليه الزواج نكد هههههههه حارجع لك تاني عشان اوضح رأيي

[sehr_3inik]

موضوع جميل جدا ياباسم

جزاك الله كل خير

وبالنسبه لاسألتك


هل فعلا الحب لازم يكون اخره الجواز ؟


اكيد لازم يكون اخره الجواز ده في حاله ان الاثنين بيكونو مش قادرين يستغنو عن بعض

ولكن العلاقات اللي بتفشل بسبب ظروف خاصه مثلا الاهل او عدم توافقهم في التفكير والمستوى

بس الحب الحقيقي من الظرفين لازم اخره جواز وبيقابلهم تحديات وصعوبات كتير اوي

بس لازم يواجهوها علشان يفضلو مع بعض طول الحياه



و ليه الجواز دايما بيبقي نكد مش زي الحبيبه ( دا علي حسب معرفتي بالمتجوزين )

بالنسبه لسؤالك ده فبيكون الجواز في الحاله دي من اساسه غلط

وان بيكون مش فيه توافق او تفاهم بين الطرفين او مش بيكونو يعرفو بعض كويس قبل الجواز

علشان كده كتير اوي مش بيرتاحو في جوازهم بس في حالات جواز كتيره جداااااااااااااا

ناجحه وحابه الحب وحابه الجواز لغايه دلوقتي ولعمر جوازهم بيتجاوز ال30 سنه

وده لانهم اختارو بعض صح وانهم فاهمين بعض



و مش ممكن يكون فيه حب اسمي من الجواز ؟

مش عارفه بصراحه اجاوب عليه علشان مش فاهماه


بجد ياباسم موضوع جميل اوي

شكرا ليك وجزاك الله كل خير

ويارب اكون افادتك

من اختك في الله شوشو

[=BASSEM=]

شكرا يا شيكو علي ردك رغم ان ليا بعض ملاحظات عليه بس شكرا ليكي

[=BASSEM=]

وما في شي اسمه (الحب الافلاطوني) لأنه برأيي مجرد نظرية لا اكثر ولا اقل
*************************************

رايك دايما ميه ميه ياميسم

و مستنين ردك في ليه الزواج نكد هههههههههههههههه

[=BASSEM=]

شكرا شوشو علي ردك

و حكايه ان ممكن يكون فيه حب اسمي من الزواج

يعن مثلا يكون فيه حب اقوي من العلاقه الزوجيه

طبعا ميكونش فيه عصيان للمولي سبحانه و تعالي

[حدوتة]

موضوع حلو ياباسم
طبعا مش كل حب لازم ينتهى بالزواج...دى بتبقى امنيات للطرفين لكن ظروف كتير بتمنع تتويجه
وللأسف ده بيزيد من مشاعر الحب لسبب وهو الحرمان والفراق لأن (كل مرغوب ممنوع وكل ممنوع مرغوب )
رغم ان فى احوال كتير حين يتم الزواج بيفشل وده لأسباب كتير أهمها اختلاف وجهات النظر واختلاف الطباع
وده اللى بيسب النكد بعد الزواج
ومااجمل من حب يتوج ويكون الطرفين متطابقين فى الصفات والشخصيات
وده ميمنعش ان التنازل مطلوب من كلتا الطرفين ..يعنى انا لو مبحبش نوع من الاكل ماعملوش ..بكن اتعلمه واعمله
لأسعد زوجى..وهو نفس الشيىء يتنازل عن اشياء ممكن تسعدنى وكده مش هيكون للنكد مكان

أما ان الحب ليس روايه فى نهايتها يتزوج الابطال فده لاننا نستهوى الاشياء المستحيلة ونتشبث بها ونحزن لفراقها
ومن المعروف ان المشاعر التى يتخللها مشاكل تموت على المدى الطويل
فما أدراك بقصة حب لم تنتهى الا لأسباب بعيدة عن الارادة
طبعا تستمر ودوما يوقظها الحنين

شكرا ياباسم على طرحك للموضوع الجميل

[محمد خطاب]

السلام عليكم ورحمة الله وبركاته

على حد علمى ان عنتر وعبلة اتجوزوا ده اللى انا اعرفه
ندخل فى الموضوع
يعنى اسمح لى انا اعرف ناس عايشين وهما بيحبوا بعض ومتجوزين
صدقنى النكد اللى احنا بنشوفه فى جوازات كتير هو بسبب عدم التفاهم واختلاف الطباع او اكتشاف ان احد الطرفين او كلاهما كان بيمثل على الاخر ... والسبب الاكثر واقعية هو ضغوط واعباء الحياة يعنى هو كان فاكر نفسه راجل قوى وحيتحمل الجواز ومسؤليته ومصاريفه وبعدين اكتشف حقائق الحياة ... وهيا الانسانة الهادية الرومانسية اللى قالت له نعيش فى عش العصفورة وناكل لقمة صغنونة ... ما استحملتش حر الصيف فى شقة بدون تكييف ولا نشر الغسيل من الغسالة العادية وطبعا بيبداء النكد ... هيا حتقول فللان وعلان ولاد فلان وفلان وانا رفضتهم واتجوزتك انت ياريتنى كنت وافقت على حد منهم ... وهو يقول لها البنت الفلانية بنت اللواء او السفير الفلانى كانت دئاما بتطردنى وعايزة تتجوزنى وابوها كان حيعينى فى احسن وظيفة واخترتك انتى فى النهاية . مش ده اللى بيحصل فى الغالب الاعم
الزواج لازم يكون مبنى على التفاهم والصراحة وقبلهم ووسطهم وبعدهم التكافؤ على الاقل بنسبة 75% من وجهة نظرى

المفروض ان الحب يبداء بعد الزواج مش قبله يعنى بس علشان احنا عكسنا الحياة فبطارية الحب بتخلص قبل الزواج والزواج تقريبا فى زوجات كتيرة بيكون تحصيل حاصل

ولكن هذ لا يمنع من لحظات سعادة وهناء وسرور بتحصل بين الزوجين بس علشان كل الدنيا بتخاف من الحسد ماحدش بيقول لحد انه سعيد ودليل كلامى ننظر الى معدلات الطلاق الحقيقة حولنا .... كام صديق بيشتكى من زوجته وبالرغم من ذلك لا يطلقها او ينفصل عنها وايضا بالنسبة للزوجات

مناقشة جميلة منك بس متشعبة قوى وصدقنى الحل حيفضل لغز

[=BASSEM=]

المشاركة الأصلية بواسطة أميرة الشقاء

موضوع حلو ياباسم
طبعا مش كل حب لازم ينتهى بالزواج...دى بتبقى امنيات للطرفين لكن ظروف كتير بتمنع تتويجه
وللأسف ده بيزيد من مشاعر الحب لسبب وهو الحرمان والفراق لأن (كل مرغوب ممنوع وكل ممنوع مرغوب )
رغم ان فى احوال كتير حين يتم الزواج بيفشل وده لأسباب كتير أهمها اختلاف وجهات النظر واختلاف الطباع
وده اللى بيسب النكد بعد الزواج
ومااجمل من حب يتوج ويكون الطرفين متطابقين فى الصفات والشخصيات
وده ميمنعش ان التنازل مطلوب من كلتا الطرفين ..يعنى انا لو مبحبش نوع من الاكل ماعملوش ..بكن اتعلمه واعمله
لأسعد زوجى..وهو نفس الشيىء يتنازل عن اشياء ممكن تسعدنى وكده مش هيكون للنكد مكان

أما ان الحب ليس روايه فى نهايتها يتزوج الابطال فده لاننا نستهوى الاشياء المستحيلة ونتشبث بها ونحزن لفراقها
ومن المعروف ان المشاعر التى يتخللها مشاكل تموت على المدى الطويل
فما أدراك بقصة حب لم تنتهى الا لأسباب بعيدة عن الارادة
طبعا تستمر ودوما يوقظها الحنين

شكرا ياباسم على طرحك للموضوع الجميل

شكرا لييكي اميره الشقاء علي ردك

و فعلا

التنازل مطلوب من كلتا الطرفين

[=BASSEM=]

المشاركة الأصلية بواسطة محمد خطاب

السلام عليكم ورحمة الله وبركاته

على حد علمى ان عنتر وعبلة اتجوزوا ده اللى انا اعرفه
ندخل فى الموضوع
يعنى اسمح لى انا اعرف ناس عايشين وهما بيحبوا بعض ومتجوزين
صدقنى النكد اللى احنا بنشوفه فى جوازات كتير هو بسبب عدم التفاهم واختلاف الطباع او اكتشاف ان احد الطرفين او كلاهما كان بيمثل على الاخر ... والسبب الاكثر واقعية هو ضغوط واعباء الحياة يعنى هو كان فاكر نفسه راجل قوى وحيتحمل الجواز ومسؤليته ومصاريفه وبعدين اكتشف حقائق الحياة ... وهيا الانسانة الهادية الرومانسية اللى قالت له نعيش فى عش العصفورة وناكل لقمة صغنونة ... ما استحملتش حر الصيف فى شقة بدون تكييف ولا نشر الغسيل من الغسالة العادية وطبعا بيبداء النكد ... هيا حتقول فللان وعلان ولاد فلان وفلان وانا رفضتهم واتجوزتك انت ياريتنى كنت وافقت على حد منهم ... وهو يقول لها البنت الفلانية بنت اللواء او السفير الفلانى كانت دئاما بتطردنى وعايزة تتجوزنى وابوها كان حيعينى فى احسن وظيفة واخترتك انتى فى النهاية . مش ده اللى بيحصل فى الغالب الاعم
الزواج لازم يكون مبنى على التفاهم والصراحة وقبلهم ووسطهم وبعدهم التكافؤ على الاقل بنسبة 75% من وجهة نظرى

المفروض ان الحب يبداء بعد الزواج مش قبله يعنى بس علشان احنا عكسنا الحياة فبطارية الحب بتخلص قبل الزواج والزواج تقريبا فى زوجات كتيرة بيكون تحصيل حاصل

ولكن هذ لا يمنع من لحظات سعادة وهناء وسرور بتحصل بين الزوجين بس علشان كل الدنيا بتخاف من الحسد ماحدش بيقول لحد انه سعيد ودليل كلامى ننظر الى معدلات الطلاق الحقيقة حولنا .... كام صديق بيشتكى من زوجته وبالرغم من ذلك لا يطلقها او ينفصل عنها وايضا بالنسبة للزوجات

مناقشة جميلة منك بس متشعبة قوى وصدقنى الحل حيفضل لغز

بجد ردك شرف يا يامحمد

و سعيد جدا برك


شكرا لك

[دموع الندى]

والله انتوا قولتوا كل اللى انا عايزه اقولوا وعلى فكره الموضوع كويس جدا

وانا بس حبييت اعلق على كلام محمد ان فى ازواج فعلا بيكونوا مش طيقين بعض وبيقولوا كده انما بقى مش بيحبوا يطلقوا لعده اسباب ممكن علشان كلام الناس او ممكن علشان الاولاد والاولاد بقى هيتشردوا والبيت هيبقى مفكك وهياثر دا على الاطفال وكده يعنى



انما زى ما فى ازواج مش طايقه بعضها فى بردوا ازواج بيحبوا بعضها ممكن يتشاكلوا عادى دى سنه الحياه انما حاجات وبتعدى مش بتستمر على طول وبيرجع البيت سعيد تانى يعنى الحياه مش على طول حلوه .

[=BASSEM=]

شكرا ليكي دموع الندي