ومتشوق لمينا ترسـّى مجدافى
وتبعدنى عن الحيرة
تقربنى لبيت دافى
وتمنع دمعة بتفكر ومش قادرة
وترحمنى من الاحمال على كتافى
ولما ارسى على المينا ..
الاقى فيها خير كافى
يكفينى انا ودمعى اللى متعافى
ومتشوق ...
الاقى نبتة موجود ة
جميلة تمرها شافى
يداوى الجرح ..يجعلنى
قادر ومداوى
ومين يعلم , ومين يدرى
انا نفسى مش دارى
ومدارى ..
فى لحظة خوف , وملكانى
نوبة ضعف سحرانى
وبالدمعة كأنها لايدى لا ويانى
وانا رافض...
اكون باكى
اكون اضعف من الدمعة
ولا يمكن اكون راضى
ولو ها امشى مش مكسى
ولو ها امش فى يوم حافى
ولو حتى تكون فرشتى الرملة
وكسوتى نسماية وريحها
يكون خايف
ومش عارف
ان
( انا المجروح جروحى تهد مية قلعة )
( ودمعاتى تدب فى ارض احزانى )
(تحس كأنها للجبال رافعة )
ومتشوق ..
لواحدة تشوفلى الكف وتضربلى الودع
وخطوط كفوفى مليانة بالبدع
وبتوشوشنى ...
بتقولى , حوش دمعتك قبل ما تنزل
واصبر قدامى واستحمل
ولا تبكى
ومتشوق ..
لعصفورة تصاحبنى
تغردلى ..تلاعبنى
تزقزقلى , واغنيلها
تحنلى واحنلها ,
ولا يمكن يفرقنا
بيت يتهد .. او وحش
مخالبه فى ايديه تتمد
انا اقدر اكون مية رد ...
ومتشوق ...
اكلم مرة دمعاتى , واوجه ليها اسألتى
ها تنسينى , ياريتك تنسى يوم سيرتى
وتبعدينى عن حيرتى ..
انا وربى للدمع مش غاوى
ومش ناوى تكونى دمعاتى هى البحر
يغربنى من تانى
و مش ناوى ...
لو تهجرينى وارجع تانى متساوى
وترجعلى ضحكاتى ...
واعود تانى مش تايه
اكون ملكك
يا
دمعاتى اللى مسكانى ..
وعارفانى لو مرة فى يوم تبعد وتنسانى
اكون شاكر ..
وها اخفيكى فى احضانى
يا دمعاتى
النمط الخطي
