لماذا لا نعيش حياه بسيطة

[الفراشه]

كثيراً ما أفكر في هذا السؤال ..

لماذا لا نعيش حياة بسيطه ؟؟

لماذا أصبحت الفتاة الفقيره لاتصاحب الفتاة الغنيه ؟؟

هل ذلك بسبب مالها الكثير ..

أقولها وبكل صراحه بسبب تكبرها ..

لماذا أصبحنا لا نأخد الأ أوجود الماركات ومن أرقى المحلات

مع أنه يوجد مثلها في الأسواق التجارية البسيطه ..

وندفع باقي ما سندفعه في المحلات الراقيه صدقه..

لماذا أصبح الشاب لا يريد الا أخر سيارة نزلت في الأسواق

مع انها مجرد سياره وضيفتها النقل ..

لماذا أصبحت ربة المنزل تغير أثاث منزلها كلما مرت عليه

سنتان أو ثلاث ..

أجيبكم بكل صراحه هذا كله لأجل المظاهر لا غير ..

نعيش بسطاء أجمل بكثير من الترف والتعلو على الأخرين ..

[دموع الندى]

اكيد كل دا بسبب المظاهر بس بصراحه كده قوليلى مين الوقتى مش بيلخد بالمظاهر يعنى انتى ممكن تقولى انا مش باخد بالمواقف لاكن المجتمع اللى انتى عايشه فيه هو اللى بيجبرك على كده وبعدين بالنسبه للملابس فالماركات طابعا مش زى اللبس العادى الغالى تمنوا فيه يعنى بيعيش اكتر اما بالنسبه للسيارات فا والله انتى ممكن تشترى سياره عاديه يعنى شكلها كويس وفى نفس الوقت فيها مميزات كويسه ودا يبقى كافى اما بقى البنت الفقيؤه مش بتصاحب البنت الغنيه فدا ممكن لان الاغنياء اكثرهم يعنى متكبرين فى طبعا منهم كويس وفى بردوا ناس بتقول طيب مهى ممكن تحقد عليا لانى غنيه لاكنى شايفه ان فى ناس اغنيه بيصاحبوا ناس فقرا وبيبقى حبايب موت وبيحبوا بعض

[دموع الندى]

وعلى فكره الموضوع اسموا حلو اوى لماذا لانعيش حياه بسيطه وجميل جدا الحياه البسيطه جميله جدا وخاصه لو مفهاش تعقدات كتير بس بس زى متقولى كده ان احنا فاضيين فمش فاضيين لا ان احنا بندور على اخر حاجه علشان نجيبها سواء موبيل او سياره او حتى اخر موديل بالملابس بس لو فى حاجه تشغلنا اكيد مش هنكون كده

[محمدحسين]

أجيبكم بكل صراحه هذا كله لأجل المظاهر لا غير ..

نعيش بسطاء أجمل بكثير من الترف والتعلو على الأخرين

لك حق يافراشه اصبحت الدنيا كلها مظاهر واصبحت صفحات الجرائد تمتلئ باخبار الكثير الذى يسرق لانه غير راضى عن وضعه او زوجته دفعته لذلك او شاب يصر على وجود سياره له وقد يكون فى غير استطاعه اهله توفيرها حتى الموبايل اصبح يحمله الاطفال كنوع من المظاهر الاجتماعيه وكل ده لتعلقنا بالدنيا والبعد عن طريق الله
شكرا يافراشه على موضوع
ولكن لماذا تختفين بالمده الكبيره اين انت

[محمدحسين]

الموضوع ده جميل واتمنى من الاخرين المشاركه فيه

[Lonely Doc]

فراشتنا المختفيه
فينك؟؟
لماذا لانعيش حياه بسيطه؟؟عنوان رائع
ولكن......
ما هو تعريف البساطه فى الحياه
وهل حياه بسيطه = حياه يسيره ؟؟
تعريفى للبساطه فى الحياه ان تخلو من التعقيدات كلما استطعنا
وان تكون مساحه الهموم والاحزان فيها صغيره كلما استطعنا
اما الحياه الرغده اليسيره فهى الحياه بدون مشاكل او شيل هم كما يقولون
لكن قائل هذا مخطى,,النقود تفعل اشياء كثيره لكن هل تستطيع شراء راحه البال بها؟؟
هل تستطيع ان تمنع مثلا كارثه او محنه ستحدث فى الغد بها؟؟

الطمع غريزه فى الانسان
من لديه المال الوفير ولا يتمتع به من متع الدنيا الحلال يظلم نفسه
لقد ولى زمن عمر بن عبد العزيز امام الزاهدين

واما بنعمه ربك فحدث.......تمتع بما اعطاه الله لك
ولكن لا تتكبر او تترفع عن الاخرين
وتذكر قارون
واعلم انها زائله

نرجع للبساطه
البساطه ليست فى تواضع الاشياء التى ساستعملها فى حياتى اليوميه كالسياره والثياب والمنزل وغيرها
وانما البساطه فى انى لا ازهو بهذه الاشياء على الاخرين
والبساطه فى انى اشارك الاخرين فى مأكلهم ومشربهم اذا كانت هناك مناسبه مثلا ولا اترفع عن ذلك

انما من يرتدى افخر الثياب ويركب احدث السيارات ويزهو ويترفع تاكدوا انه فاقد للثقه فى نفسه
وان هذه هى كل مؤهلاته واوراق اعتماده فى بلاط المجتمع
بصراحه اوراق مضروبه ومؤهلات فالصو

عايزين نشوفك فى ابن مصر دايما يافراشتنا العزيزه

تحياتى

[loli]

فكرتيني بنفسي لما رحت العمره... حسيت ان دي الحياة الي نفسي اعيشها على طول... حتى لو فتحت كشك صغير جنب الحرم... اعتاش منه بشكل يومي ... كان يكفيني الحياة دي .... هي دي الحياة البسيطه الي كان نفسي اعيشها....

اما المظاهر دي والي بنشوفه في حياتنا عموما... دي حاجات بتبهرنا صحيح وبتاخد كتير من انتباهنا... بس ساعه ما الانسان يكون مبسوط ونفسه هنيه... كل الامور دي مش بتلفت نظره ولا انتباهه...

للاسف بحس ان الانسان الي بيهمه المظهر اكتر من الجوهر هو انسان تافه و سطحي ومعندوش اي هدف في حياته يسعى اليه الا مجرد لفت الانتباه....

فراشه منوره دايما