بحث لوحة التحكم مصر
خروج التسجيل مواضيع اليوم

العودة   عالم ابن مصر > ----بوابة ابن مصر---- > البيت بيتك
تحديث الصفحة ؟؟ علامات استفهام ؟؟ الحلقه الاولي ؟؟
التسجيّل الأسئلة الشائعة قائمة الأعضاء التقويم البحث مواضيع اليوم جعل جميع المنتديات مقروءة

المشاركة في الموضوع
صفحة 2 من 9 < 1 2 3456789 >
   
 
 
LinkBack خيارات الموضوع التقييم: تقييم الموضوع: 3 أصوات , 5.00 في المتوسط. طريقة العرض
قديم 16-10-2005, 12:02 AM   #16 (رابط ثابت)
Banned
 
الصورة الرمزية لـ =BASSEM=
 
تاريخ التسجيّل: Aug 2002
الإقامة: :
المشاركات: 7,916
=BASSEM= is on a distinguished road
يااه حلو الكافيه دا , ديكوره حلو قوي خصوصا الركن البعيد اللي هناك نبقي نروح نتكلم فيه شويه
في لغز اعترافات عاشق بس معانا حبه اسئله صغنتوته تجاوب عليها و انت بتشرب قهوتك و لا بلاش قهوتك ياعم هاتولوه كابتشينو

س: سؤال بسيط احمد كمال التوقيع بتاعك لنكات لمواضيع بس مفيش كلمه انت سايبها خاصه بيك علي التوقيع
يعني زمان كان( مسلم مصري عربي مجرد انسان ) شايف ان انت شويه مفاهيمك اتغيرت عن زمان و ياتري
احمد كمال نوعا ما غامض ؟

س: اكمل الفراغ

......... + ........ + ............ = احمد كمال

س: من هم اعز اصدقائك علي الانترنت و اعز اصدقائك في ابن مصر و من هم من يبوح لهم احمد كمال بسره و بهمه ؟

س:ابن مصر عاصر اجيال كثيره و مرت به اجيال كثيره شايف ان السنه الذهبيه لابن مصر كانت سنه كام
و هل تري ان هناك نوعا ما فجوه فكريه بين اجيال المنتدي ؟ ( هو محمد خطاب تكلم عن هذه الجزئيه يعني لو تحب توضح حاجه كمان ) ؟

س:و السؤال دا مرتبط باللي قبله هل انت راضي عن المستوي الثقافي في المنتدي و اين المنتدي الثقافي ؟
و اين منتدي فلسطين ؟ هل دا نوع من انواع التقصير يعني حتي لو مفيش دور فعلي نقدمه لفلسطين فاقل
حاجه هي كلمات من اجل تذكر الاراضي المحتله ؟

س: سرقه الاعضاء ؟ موضوع لابد و ان نتحدث فيه باستفاضه فهناك منتديات قامت علي نجاح ابن مصر و اصبحت صوره باهته
ممله من ابن مصر تفتقد الي الروح الحيه و الكلام دا كان بيحدث علي فترات و اخيرا ظهر منتدي ( ........)
و لا بلاش نقول رد فعلك كان ايه علي الموضوع دا و ايه رايك في المنتديات دي و ايه رايك في الرسائل الخاصه اللي
بيستغلها بعض اعضاء منتدانا الكريم للاعلان عن هذه المنتديات ؟

س: ( سؤال تابع لسؤال لغز الحوار ) بما ان مفيش منتدي قائم علي اعضاء معينه ليه لم تفكر في تغيير فريق التطوير الخاص بالمنتدي
,و كمان زي ماشفت من ردود ابو الدهب هو مش فاضي خاااالص ؟
و اكيد كله عشان صالح المنتدي ؟

س: انت شايف ان ميسم اخدت دور ماياا في المنتدي ( مع العلم ان زي ماقال ابو الدهب محدش بياخد دور حد ) بس نقول هل ميسم
نجحت في سد الفراغ الرهيب الذي تركته ماياا في المنتدي بعد غيابها ؟


س: هل تعتبر الخل الوفي فعلا المستحيل الثالث ام انك لاتعتبره مستحيل ؟

س: كيف تنتقي اصدقائك ؟

يااااااااه ريحه الشيشه في الكافيه دا تخنق تعاالي نطلع نشم شويه هوا علي النيل كدا المنظر يرد الروح
و تجاوب علي شويه اسئله في لغز الحياه و احنا بناكل دره و لا تاكل ترمس ؟

بس بعد ماتجاوب كدا
=BASSEM= is offline   الرد مع إقتباس
قديم 16-10-2005, 12:44 AM   #17 (رابط ثابت)
مدير عالم ابن مصر
 
الصورة الرمزية لـ أحمدكمال
 
تاريخ التسجيّل: Sep 2002
الإقامة: مصر
المشاركات: 4,560
أحمدكمال can only hope to improve
س: سؤال بسيط احمد كمال التوقيع بتاعك لنكات لمواضيع بس مفيش كلمه انت سايبها خاصه بيك علي التوقيع
يعني زمان كان( مسلم مصري عربي مجرد انسان ) شايف ان انت شويه مفاهيمك اتغيرت عن زمان و ياتري
احمد كمال نوعا ما غامض ؟

قبل اللنكات دي كان في كلمه تقريبا
" عندما تبتسم لك الاقدار تعجز اليسمه والدمعه عن التعبير"..
وانا شلته كمجرد دعايه لمواضيع جديده في فتره كان المنتدى بحاجه فيها لنشاط...

بخصوص تغير المفاهيم فاكيد اتغيرت لاني دلوقتي بقى قدامي تجربه مجتمعين في الحياه
بصوره لازم كانت تخليني افكر تاني في كل حاجه...
لكن طبعا مسلم مصري عربي مجرد انسان ...كلها ثوابت لا تتغير

احمدكمال غامض سؤال صعب اجاوب عليه انا ...
اعمل استقتاء انت في الموضوع ونشوف


س: اكمل الفراغ

......... + ........ + ............ = احمد كمال
الامل +الطموح+ الطيبه

س: من هم اعز اصدقائك علي الانترنت و اعز اصدقائك في ابن مصر و من هم من يبوح لهم احمد كمال بسره و بهمه ؟

مايا ولونلي وهيبو وحودا واميره الشقاء وميسم ابن مصر ...
اقرب الناس ليا من ابن مصر
بالنسبه الي مين ممكن ابوحله بسري وهمي
فهو اسم من الاسامي الي فوق دي
انسان تشرفت بمعرفته واخوته وثقته
بس احتفظ باسمه لنفسي .

س:ابن مصر عاصر اجيال كثيره و مرت به اجيال كثيره شايف ان السنه الذهبيه لابن مصر كانت سنه كام
و هل تري ان هناك نوعا ما فجوه فكريه بين اجيال المنتدي ؟ ( هو محمد خطاب تكلم عن هذه الجزئيه يعني لو تحب توضح حاجه كمان ) ؟

اعتقد اوائل 2003 ..كان العصر الذهبي لابن مصر ...
بخصوص الفجوه الفكريه...
فالمنتدى هو عباره عن شريحه من المجتمع بكل فئاته وطبقاته ...
وبالطبع لازم يكون في اختلاف فكري ...
المفروض انه يكون مثمر ...
ولا بصل لحد الفجوه ..
اما الان فانا اعتقد ان اعضاء ابن مصر قادرين على الانسجام والانصهار
والاختلاف تحت مبدأ " الاختلاف في الرأي لا بفسد للود قضيه"..
والدليل "المجتمع تحت الميكروسكوب"....
انصح الجميع بالاطلاع عليه ..

س:و السؤال دا مرتبط باللي قبله هل انت راضي عن المستوي الثقافي في المنتدي و اين المنتدي الثقافي ؟
و اين منتدي فلسطين ؟ هل دا نوع من انواع التقصير يعني حتي لو مفيش دور فعلي نقدمه لفلسطين فاقل
حاجه هي كلمات من اجل تذكر الاراضي المحتله ؟

المستوى الثقافي للمنتدى ...في تطور الان جميل جدا
مقارنه بفترات فاتت..
لكن انا عايز اقول حاجه ان ابن مصر منتدى غير متخصص انه ينمى نواحي ثقافيه معينه
يعني احنا مش متخصصين في الادب والمجتمع والسياسه
احنا زي مفهو القهوه " القديم" ...
مكان بيجتمع في الناس لقضاء وقت الفراغ ...في شئ مفيد
وهو الحوار...
بغض النظر هنتحاور في ايه ....

منتدى فلسطين ...من اول الناس الي عمله هو منتدى ابن مصر ...
ايام ما كانت قضيه الامه هي فلسطين بس...
لكن القضيه بقت اعم واشمل
بقت فلسطين وافغانستان والعراق وبكره سوريا وايران
وحتى الدول المستقله زي ما بيقولوا
احتلت اقتصاديا ...وبفت تجاهر بعلاقتها مع اسرائيل ....
لو عايز اعمل منتدى لفلسطين فانا محتاج اعمل 22 منتدى كمان ...
لان مش بس فلسطين هي المحتله

س: سرقه الاعضاء ؟ موضوع لابد و ان نتحدث فيه باستفاضه فهناك منتديات قامت علي نجاح ابن مصر و اصبحت صوره باهته
ممله من ابن مصر تفتقد الي الروح الحيه و الكلام دا كان بيحدث علي فترات و اخيرا ظهر منتدي ( ........)
و لا بلاش نقول رد فعلك كان ايه علي الموضوع دا و ايه رايك في المنتديات دي و ايه رايك في الرسائل الخاصه اللي
بيستغلها بعض اعضاء منتدانا الكريم للاعلان عن هذه المنتديات ؟

هناك طبعا فرق بين النجاح وسرقه النجاح ...
ابن مصر تشرف دائما بانه منتدى متجدد ويقدم اجيال متعدده من المحاورين
الي دائما بيكونوا مطمع لاي من سراقي النجاح...
النجاح بيدوم ...والزمن شاهد على كده ..
وسراق النجاح بنتعب بعد كده علشان بس نفتكر كان اسمهم ايه ...

انا تعودت دائما على ده ...
تعودت على الي بيحاول يبني نجاحه على تسلق اكتافنا ..
وببقى متأكد انه مش هيستمر كتير...

اما بالنسبه للمنتدى الي انت بتقول عليه
فهو منتدى ذو فكر يدعو لاحترامه ...
ولكن انا شخصيا لا احترم النجاح المبني على الغيير...

بخصوص الرسائل الخاصه ...
فده بالتأكيد عمل غير اخلاقي...
وكما تدين تدان ...

وللعلم انا عندي اسماء الناس دي
وجتلي شكاوى على الناس....

لكن دلوقتي مش وقت العتاب ...
واكيد لما يجي وفته هيبفى في كلام تاني خالص

س: ( سؤال تابع لسؤال لغز الحوار ) بما ان مفيش منتدي قائم علي اعضاء معينه ليه لم تفكر في تغيير فريق التطوير الخاص بالمنتدي
,و كمان زي ماشفت من ردود ابو الدهب هو مش فاضي خاااالص ؟
و اكيد كله عشان صالح المنتدي ؟

بص احنا مجموعه من الهواه طلعنا في وقت واحد
وكلنا كان عايز يدي ويتعلم ويجرب...
وبعدين كبرنا ومشاغلنا كبرت معانا ...
صعب جدا انك تجمع ناس بنفس الطريقه
الا في اطار عمل احترافي ومادي ...
واحنا لا يتوفر عندنا هذا المناخ ...
لاننا هواه ...!!!

اما بخصوص ان ابو الدهب مش فاضي فاكيد لازم نلتمس ليه العذر
وانا استنيت ومازلت مستنى الوفت الي ممكن يفضى فيه علشان ابن مصر

س: انت شايف ان ميسم اخدت دور ماياا في المنتدي ( مع العلم ان زي ماقال ابو الدهب محدش بياخد دور حد ) بس نقول هل ميسم
نجحت في سد الفراغ الرهيب الذي تركته ماياا في المنتدي بعد غيابها ؟

ميسم حاجه ومايااا حاجه تانيه ...
صعب اني ادمج او اقارن اداءهم سوا ...
لكن اقدر اقول ان ميسم استطاعت ان تكون اسم صعب حد غيرها ياخده
"ميسم ابن مصر"...
هرم من اهرام ابن مصر ....


س: هل تعتبر الخل الوفي فعلا المستحيل الثالث ام انك لاتعتبره مستحيل ؟
البحث عن الكمال امر من الممكن ان يقرب باحثه من الجنون...
انا مؤمن بعدم وجود انسان كامل...
وعلشان كده لما بتعامل مع شخص لازم احب عيوبه قبل مميزاته
وبالطريقه دي مش هييقى من المستحيل ان اقترب من " الخل الوفي"...

س: كيف تنتقي اصدقائك ؟
لا انتقى اصدقائي
انما تنتقيهم لي الحياه


شكرا يا باسم
__________________
مدير عالم ابن مصر
"قمة الحرمان...
ان يجبرك الصمت على الكلام...
ويعجز الكلام عن التعبير...
وتصمت...
ويبقى ألمك"
من كلمات حدوتة
أحمدكمال is offline   الرد مع إقتباس
قديم 16-10-2005, 02:21 AM   #18 (رابط ثابت)
أمـــــة الله
 
الصورة الرمزية لـ شكولاته
 
تاريخ التسجيّل: Oct 2002
الإقامة: أم الدنيا
المشاركات: 5,179
شكولاته is on a distinguished road
السلام عليكم ورحمة الله وبركاته

طبعا حوار مش مستغربينه من باسم صاحب دائرة الحوار
واحمد كمال اجاباته ممتازة ربنا يكرمه ومفاجئة البرنامج هيبو وكلامه

باسم مش بيسيب حاجه حد يعرف يسأل فيها
لكن خليني احاول

ياتري أحمد كمال بيقدر يسامح من اساء الظن به ؟؟
احمد عايزين رأيك في بلدك مصر اول ما رجعت لها ؟؟؟؟ وياتري انطباعك هو هو ولا اتغير ؟؟؟
__________________
شكولاته is offline   الرد مع إقتباس
قديم 16-10-2005, 04:56 AM   #19 (رابط ثابت)
عضو مسجل
 
الصورة الرمزية لـ حدوتة
 
تاريخ التسجيّل: Aug 2002
الإقامة: مصر
المشاركات: 3,529
حدوتة is a jewel in the roughحدوتة is a jewel in the roughحدوتة is a jewel in the roughحدوتة is a jewel in the rough

موضوع جميل ياباسم
والأسئلة كانت جريئة واحمد ابو الدهب نورنا لاول مرة وكانت فرصة للتعرف عليه اسعدتنى
وطبعا احمد كمال اتعصر بس كنا عاوزين اكتر

أسأل انا بقى احمد كمال ومش عاوزين اجابات مختصرة
ماما لما تدلعك تناديك بأيه ؟
__________________
إلى أبي
خذني حيثُ للأطفالِ.. قلوبٌ ملوّنةٌ
و للأحصنةِ الخشبيّةِ أجنحة
.رُدَّني
حدوتة is offline   الرد مع إقتباس
قديم 16-10-2005, 04:06 PM   #20 (رابط ثابت)
مدير عالم ابن مصر
 
الصورة الرمزية لـ أحمدكمال
 
تاريخ التسجيّل: Sep 2002
الإقامة: مصر
المشاركات: 4,560
أحمدكمال can only hope to improve
إقتباس:
المشاركة الأصلية بواسطة شكولاته
السلام عليكم ورحمة الله وبركاته

طبعا حوار مش مستغربينه من باسم صاحب دائرة الحوار
واحمد كمال اجاباته ممتازة ربنا يكرمه ومفاجئة البرنامج هيبو وكلامه

باسم مش بيسيب حاجه حد يعرف يسأل فيها
لكن خليني احاول

ياتري أحمد كمال بيقدر يسامح من اساء الظن به ؟؟
احمد عايزين رأيك في بلدك مصر اول ما رجعت لها ؟؟؟؟ وياتري انطباعك هو هو ولا اتغير ؟؟؟
منورانا يا شيكو

ياتري أحمد كمال بيقدر يسامح من اساء الظن به ؟؟
انا كنت قلت في اجابه على سؤال قبل كده اني ناس اساءت الظن بيا ووصلت لمرحله التجني
وهم دلوقتي من اقرب الناس ليا

احمد عايزين رأيك في بلدك مصر اول ما رجعت لها ؟؟؟؟ وياتري انطباعك هو هو ولا اتغير ؟؟؟

اول انطباع مش قادر انساه اني كنت حاسس ان البلد متربه ..
بجد مش بهزر ...
وانا راكب من المطار لبيتنا كنت حاسس بالشعور ده...

نكلم جد يا شيكو انا كنت جي متحامل على مصر وعلى شبابها ..
وطبعا علشان كانت صوره مصر ومستوى شبابها الديني والخلقي
الحاجه الوحيده الي كانت بتمثله في الغربه التلفزيون
وللاسف التلفزيون اسوأ سفير للمصري!!
بالاضافه طبعا الي اني تربيت في مناخ ديني
متحامل شويه على مصر...
لكن لما جيت الصوره تبدلت تماما
وخصوصا لما دخلت الكليه
حسيت بالشباب والدين
دين الفطره...
ودلوقتي انا فخور جدا بمصر ...
بشبابها ...
الي مطروح قدامه كل الفتن ..
ومع ذلك اغلبه بيختار الطريق الصح...
او بيحاول يقرب منه ...
من غير كرباج
__________________
مدير عالم ابن مصر
"قمة الحرمان...
ان يجبرك الصمت على الكلام...
ويعجز الكلام عن التعبير...
وتصمت...
ويبقى ألمك"
من كلمات حدوتة
أحمدكمال is offline   الرد مع إقتباس
قديم 16-10-2005, 04:10 PM   #21 (رابط ثابت)
مدير عالم ابن مصر
 
الصورة الرمزية لـ أحمدكمال
 
تاريخ التسجيّل: Sep 2002
الإقامة: مصر
المشاركات: 4,560
أحمدكمال can only hope to improve
إقتباس:
المشاركة الأصلية بواسطة أميرة الشقاء

موضوع جميل ياباسم
والأسئلة كانت جريئة واحمد ابو الدهب نورنا لاول مرة وكانت فرصة للتعرف عليه اسعدتنى
وطبعا احمد كمال اتعصر بس كنا عاوزين اكتر

أسأل انا بقى احمد كمال ومش عاوزين اجابات مختصرة
ماما لما تدلعك تناديك بأيه ؟

اهلا اميرتنا

امم انا كبرت ولقيت اهلي في مصر وماما بيقولولي يا " مادي"
معرفش ليه ؟
__________________
مدير عالم ابن مصر
"قمة الحرمان...
ان يجبرك الصمت على الكلام...
ويعجز الكلام عن التعبير...
وتصمت...
ويبقى ألمك"
من كلمات حدوتة
أحمدكمال is offline   الرد مع إقتباس
قديم 17-10-2005, 02:24 AM   #22 (رابط ثابت)
أمـــــة الله
 
الصورة الرمزية لـ شكولاته
 
تاريخ التسجيّل: Oct 2002
الإقامة: أم الدنيا
المشاركات: 5,179
شكولاته is on a distinguished road
شكرا يااحمد علي الاجابه
ويارب دايما تكون من المتسامحيين
وربنا يحفظ شباب مصر ويهدي الاعلام اللي مسوء سمعتها
__________________
شكولاته is offline   الرد مع إقتباس
قديم 17-10-2005, 03:16 AM   #23 (رابط ثابت)
Banned
 
الصورة الرمزية لـ =BASSEM=
 
تاريخ التسجيّل: Aug 2002
الإقامة: :
المشاركات: 7,916
=BASSEM= is on a distinguished road
سعيد بمشاركتكم معانا و اكيد سعيد بردود ابو كمال شويه صغيرين و نرجعلكم باجابات ل .......





لغز الحياه
=BASSEM= is offline   الرد مع إقتباس
قديم 17-10-2005, 03:19 AM   #24 (رابط ثابت)
Banned
 
الصورة الرمزية لـ =BASSEM=
 
تاريخ التسجيّل: Aug 2002
الإقامة: :
المشاركات: 7,916
=BASSEM= is on a distinguished road
فاصل قصير و نعود بعد الفاصل



بس احمد مقلتش تاكل دره و لا ترمس و احنا بنتمشي علي النيل عموما


ابقي قلي في الفاصل




سنعود بعد قليل
=BASSEM= is offline   الرد مع إقتباس
قديم 17-10-2005, 03:22 AM   #25 (رابط ثابت)
Banned
 
الصورة الرمزية لـ =BASSEM=
 
تاريخ التسجيّل: Aug 2002
الإقامة: :
المشاركات: 7,916
=BASSEM= is on a distinguished road
عدنا
=BASSEM= is offline   الرد مع إقتباس
قديم 17-10-2005, 03:22 AM   #26 (رابط ثابت)
Banned
 
الصورة الرمزية لـ =BASSEM=
 
تاريخ التسجيّل: Aug 2002
الإقامة: :
المشاركات: 7,916
=BASSEM= is on a distinguished road
لغز الحياه , الحياه دي مغلبه الناس كلها و الله يابو كمال بس بمناسبه النيل يعني

س : احمد كمال لما تقعد علي النيل لوحدك في لحظه غروب ايه اللي بيجي علي ذهنك وقتها ؟

س: و بما ان الحياه تجارب نسالك شويه علي حبه تجارب نشوف انت عملتها قبل كدا و لا لاء
1- جربت السجاير ؟
2- جربت اي نوع من انواع المكيفات قبل كدا ؟

انا بحترم فيك صراحتك قوي علي فكره يااحمد ياريت تجاوب بقي بصراحه علي التجارب دي

س: كل منا بيمر بتجارب في حياته احمد كمال اكبر تجربه شايف انك اتعلمت منها رغم صغر سنك بس
اكيد فيه تجربه اثرت فيك و اتعلمت منها كتير ياتري ايه هي التجربه دي؟

س: ما هي امنيه احمد كمال في الحياه ؟

س: متي يحتاج احمد كمال الي حضن امه و متي يحتاج الي دعواتها ؟

س: من هو قدوتك في الحياه ؟

س: ما رايك في الحياه و بما تشبه الحياه في مخيلتك ؟

س:احمد كمال في موضوع ميسم ( نقطه ضعفك ) كان ردك نقطه ضعفي ( الاخرين ) ياريت توضيح بس ؟

س:بعد رجوعك لمصر خصوصا ان في استضافتي لك منذ سنتين قلت انك مش ندمان علي المعيشه بالسعوديه
حاليا احمد كمال بعد رجوعه لارض الوطن

1- نفسك ترجع السعوديه تاني ؟
2- هل حلم الرجوع لمصر احلي من الرجوع اليها ؟
3- اكتر حاجه نفسك تغيرها في مصر ؟
4- اكتر حاجه انت سعيد بيها في مصر ؟
5- اكتر حاجه كانت في السعوديه نفسك تجيبها مصر ؟

س: في السعوديه اكيد انت مكنتش تعرف بنات لان هناك الاختلاط محدود لما رجعت مصر و لقيت حنفيه الانفتاح و الاختلاط
هل الموضوع دا اثر عليك ؟

س: رايك ايه في خيانه الثقه و رايك ايه في مشرف يدي الباص بتاعه لحد او يطلع اسرار منتدي المشرفين ؟

س:هل توافق بعمل انتخابات لاختيار مشرف عام علي منتدي ابن مصر غيرك خصوصا ان احمد كمال مقصر في واجبه كمشرف عام
هذه الايام ؟

س: موضوع احمد كمال نفسه يعمله بس بجد مش لاقي كلام بقوه الموضوع ( لو كان فيه يبقي عنوان الموضوع ايه ) ؟

س: كلمه تقولها الي الحياه ؟
=BASSEM= is offline   الرد مع إقتباس
قديم 17-10-2005, 03:25 AM   #27 (رابط ثابت)
Banned
 
الصورة الرمزية لـ =BASSEM=
 
تاريخ التسجيّل: Aug 2002
الإقامة: :
المشاركات: 7,916
=BASSEM= is on a distinguished road
بعد ماتجاوب ندخل المكتب و نكمل حوارنا في لغز دائره الحوار علي المائده المستديره اللي عندي


و بفكركم مره تانيه





احنا


ON AIR





يعني اساله براحتكم في علامات استفهام


باسم عمار

و


علامات استفهام ؟؟؟؟؟؟؟؟؟؟؟؟؟؟؟؟
=BASSEM= is offline   الرد مع إقتباس
قديم 17-10-2005, 04:03 AM   #28 (رابط ثابت)
أحــــــلي بـنــــوتــــه
 
الصورة الرمزية لـ بنوته مصرية
 
تاريخ التسجيّل: Mar 2004
الإقامة: مدينتي من خيوط العنكبوت
المشاركات: 3,694
بنوته مصرية is on a distinguished road
معلشي رديت قبل كمال
بس عجبتني الفكرة والبرنامج
وكمان الاسئلة والردود الجميلة من انسان مثقف وواثق من نفسة
ومن مذيع رائع في اسئلته ولبقته

وبنسبة لي احمد كمال انا كنت من الناس اللي متحملين عليه
لحد ما اتكلمت معاه وعرفته وعرفت انه مش مغرور بلعكس بسيط وطيب
وطبعا اتغيرت الفكره عنه نهااائي
والحقيقة انت مخلتناش نفكر في اسئلة له لانك تقريبا سالتها له
ويسلمووووووو
__________________


ღمن شعاع الشمس ناداني وبقي في الذكري كياني مازال يحتوية حناني ومازال النيل عنواني ღ
بنوته مصرية is offline   الرد مع إقتباس
قديم 17-10-2005, 04:13 AM   #29 (رابط ثابت)
قطــ ابن مصر ــه
 
الصورة الرمزية لـ bosy cat
 
تاريخ التسجيّل: Jun 2004
الإقامة: egypt
المشاركات: 2,347
bosy cat
الله الله الله الله ( 4 الله )




ايه الحجات الجامده دى




من باسم ومن احمد




الموضوع فوق الرائع



الاسئله جامده جدا من مذيع لبق



يا باسم بجد والله تنفع مذيع جامد جدا



انت بقى مش سايب حاجه مسألتهاش لاحمد كمال


بس انت مش مدينا فرصه نسأله


يعنى ارحمه شويه عشان احنا نعرف نبهدله شويه
__________________
يا مثبت القلوب ثبت قلبى على دينك




I only complain of my grief and sorrow to Allah




ignore me , but u have my soul & my heart
bosy cat is offline   الرد مع إقتباس
قديم 17-10-2005, 04:15 AM   #30 (رابط ثابت)
قطــ ابن مصر ــه
 
الصورة الرمزية لـ bosy cat
 
تاريخ التسجيّل: Jun 2004
الإقامة: egypt
المشاركات: 2,347
bosy cat
احمد كمال






ردك عجبنى
__________________
يا مثبت القلوب ثبت قلبى على دينك




I only complain of my grief and sorrow to Allah




ignore me , but u have my soul & my heart
bosy cat is offline   الرد مع إقتباس
 
   
المشاركة في الموضوع
صفحة 2 من 9 < 1 2 3456789 >

« دعوة..للمشاركة | فلنودعه معــــــــــــــــــا...... »

خيارات الموضوع
طريقة العرض قيّم هذا الموضوع
النمط الخطي النمط الخطي
قيّم هذا الموضوع:

قوانين المشاركة
لا يمكنك إضافة موضوع جديد
لا يمكنك إضافة مشاركات جديدة
لا يمكنك إضافة مرفقات
لا يمكنك تعديل مشاركاتك
كود [IMG] متاح
كود HTML غير متاح
Trackbacks are متاح
Pingbacks are متاح
Refbacks are متاح


جميع الأوقات بتوقيت مكة المكرمة. الساعة الآن » 06:47 AM.

ترجمة كلمات - دليل مواقع ابن مصر - مواقع صديقة - منتدى ابن مصر
الإتصال بنا - عالم ابن مصر - الأرشيف - بداية الصفحة
1 2 3 4 5 6 7 8 9 10 11 12 13 14 15 16 17 18 19 20